Marko 1:27 - ONUGBÙ NYƐNYÃ VUVƆ

²⁷ Yesu tɛbhɛbhɛtɛ nɛ bhɛtɛ banɔ nɛ kibi klɛ bee bisi aglɔ asɛ, “Kide lɔɔ mɔa? Kɛdɔ kɛkasɛ vuvɔ, klɛ nɛ kabhaŋɛŋa tysɛ ana! Klɛ ɛfufɔɛkpã tsyɛ ta yɛ atɔ.”

Marko 1:27 Iomraidhean Croise

Mateo 15:31

Kɛ bhɛtɛ banɔ nɛ bi sɛ, ba mɔ imumu gɛ kpa kaɖɔ ɖɔ, ba bhɛtɛ akpatanɛ la dzyɔ, bagɛ ba taa ga na kpaa ga klɛ awɔ̃hũpu nɛ akpaa mɔ. Klɛ ba kpɛ Izraɛl Kpaya nɛa bha.

Mateo 8:9

Alasɛ mɛnahwɛ inu anɔ gɛ ɛkpasɛ ɔshãe si, gɛ keyutugbani ba lɛ mɛe si. Itsre anɔ sɛ ‘Vɛ,’ ko aavɛ, ‘Ba,’ ko anɔ aaba. Itsre mɛ axwɛdɛ sɛ, ‘Bhɛtɛ kɛdɔɛ’ nɛ ko, klɛ aabhɛtɛ kɛ lɛ.”

Mateo 9:33

Klɛ gɛ akɛka ɔfufɔɛ nɛ ebu beke anyɛ nɛ akpa kaɖɔ ɖɔ. Kibui nɛ bhɛtɛ banɔɛza nɛ bi klɛ ba ɖɔ asɛ, “Kibuinyɛbui ana ka ba kɛlɛ mɛ di nɛ Izraɛl.”

Marko 1:26

Ɔfufɔɛkpã nɛ oshuku anyɛ nɛ gɛganɛɛ klɛ lɔ fla koeyi nɛ yɛ mɛ nɛ tɛbubɔ dzyɛɛ.

Marko 1:28

Be nu Yesu dɔ zia nɛ Galelia kesukpa nɛa bha petee.

Marko 10:24

Ebui nɛ gɛ aɖɔ nɛ abhɛtɛ badɔkpasɛ nɛ kibi. Pɔ Yesu aza ɖɔa sɛ, “Beyi mɔ, Kpaya bukusiɔŋakɔ nɛ mɛ vɛvɛ no nu kibui gɛganɛ

Marko 10:32

Baza kidzoa bha ewua aavɛ Yerusalɛm, nɛ kibe lɛ gɛ Yesu eputɔ kɔ balɛ, yɛ ebui nɛ eyinɔ yɛ badɔkpasɛ, klɛ kifu ku bagɛ ba za yɛe de. Aza gbanɔ kɛfɔntɛabha nɛ eyinɔ kide klɛ etsre balɛ kɛgɛ baa ba yɛa bha.

Marko 16:5

Gɛ be tsoku odzre nɛ mɛ, bamɔ anyɛnuvɔɛ gɛ akpasɛ kɛdɔ fufu mɛ pɛ ezhidzi odzre nɛ kɛŋamɛa pɛ, klɛ kɛ wa kɛxwɛ nɛ balɛa bha.

Marko 16:6

Anyɛnuvɔɛ nɛ asɛ, “Nɔ tɛ ganɛ awɔ̃,” “Nɔɔ pɛɛ Yesu Nazarɛtɛ eyi, gɛ ba kplasɔ. Atɛ lɔ ekoeyi! Ava ma ɔkɛ̃. No di ɔkɛlɛ gɛ be lu yɛ.

Marko 7:37

Kɛ bhɛtɛ banɔ nɛ kibi. Klɛ baa ɖɔ asɛ, “Abhɛtɛ kɛdɔnyɛdɔ klɛ kɛ na.” “Akɔa sɛ bagɛ betee nu tsyɛ be nu, bagɛ ba taa ɖɔ kaɖɔ na ɖɔ kaɖɔ.”

Luka 4:36

Kɛyinɔ banɔ petee klɛ baɖɔ etsre ɔhaglɔ sɛ, “Kɛde kɛlɛ nu kɛdɔkɛkasɛ nɛ? Nɛ kabhaŋɛŋa nɛ̀ kemi mɛ akɔ sɛ ɔfufɔɛzizi nɛ lɔ koɛyi!”

Luka 9:1

Gɛ Yesu eklu Banɔ Lɔfɔnɛtɛabha nɛ exogo, akɔ alɛ kemi anɛ kabhaŋɛŋa sɛ tɛ ba kɛka ɛfufɔɛ kpã petee bu klɛ tɛ be bu banya nɛ balɛ shu mɛ,

Axwɛwɛwa 17:19

Klɛ ba gbanɛ yɛ klɛ ba yɛkɔ yɛ amɛna ɔma banɔshishe nɛ kɛtɔkpu ɔtsyakɔ, ɛklɛ be tsre yɛa sɛ, “Kɔ lɔ ti kɛdɔnɔ nɛ gɛ kibui vuvɔ nɔ nɛ gɛ ɔkasɛ nɛ nu?