1 Yesu Kristo, Kpayayɛeyi nɛ bui nɛ kesi ɔkpɛkɔ.
Ɔkɛlɛ bagɛ ba kpasɛ opupu nɛ mɛ na kpɛ atɔkpuesi kɔ yɛ, aaɖɔ sɛ, “Kɛgbɛagba wɔ onu Kpaya yɛ Eyi.”
Nɛ kibe lɛ gɛ Petro ekedza ɖɔ kaɖɔ, ɔmunɔ fufu toli ɔbɔ kana balɛ ɔtsya, klɛ olim toli oyi denɔ ɔlɛ mɛ sɛ, “Meyi naa, gɛ ɛdɛmɛ yɛ bui; yɛmɛ mɛ mɔ amɛ zhizhiesi. Nɔta yɛa tɔ!”
Klɛ oli toli mɛ ode owũsise sɛ, “Meyi naa, gɛ ɛdɛmɛnɔ; yɛm mɛ mɔ awɔ̃kuku mɔmɔ.”
Ɔfufɔɛkpã nɛ ɔba yɛ ɔbha klɛ lɔ ɖɔ sɛ, “Onu gɛ onu Kpaya Yeyi, klɛ tɛ otsre aklãgbua nɛ tɛ le tsyina dzi kɛŋɛŋa.”
Axwɛdɛ nɛ ebui lɛ nu asɛ, “Ɔfufɔɛ Dzyɔgo nɛ lɔ bɔ ba wɔa bha, klɛ Agbɛgbladɛ nɛ kemi nɛ kebe kumu wɔ. Kɛlɛ so agɛ yɛ shu bhui gɛ la ba mɔ ba be klu yɛ asɛ Kpaya yɛ Eyi.
Kibui nɛ badzi ishuidzya klɛ abhɛtɛ yɛ ɔzakɔ nɛ bulɔɛ mɛ. Bumɔ yɛ ishubhubhui, ishubhubhui Terikpoe lɛlɛ klɛ Ɛlɛ ko, gɛ aba denɔ Aka nɛ ɔkɔ, gɛ eyuku nɛ ɛyamyuyɔ anɛ kɛgba.
Ɛmɔ klɛ ɛmɔɖɔ sɛ yɛe nu Kpaya yɛ Yi.”
Ɔkɛlɛ Nataniɛl ebu aɖɔ sɛ, “Rabbi, wɔ nu Kpaya yɛ Yi, wɔ nu Ekusi nɛ Izraɛl.”
Pɔ ba ŋlɔmɛ anɛ sɛ tɛ nɔ zɔ yɛkɛŋa sɛ Yesu yɛenu Kristo, Kpaya yɛ Yi, klɛ nɛ yɛabha yɛyɛkɛŋa nɔbɔ mɔ ɛkpã nɛ yɛ nyi mɛ.
“Alasɛ Kpaya adɛmɛnɔ nɛ kanɔ sɛ ayɛkɔ yɛa yɛ gɛ enu Eyianyɛ terikpo akɔ, sɛ tɛ anɔnyanɔ gɛ ayɛkɛ yɛabha ŋa eti be tsi pɔ aba mɔ ɛkpã mabeke.
Bu yɛkɛŋa klɛ bunyi sɛ wɔ nu Kpaya dzyɔgo Anɔ.”
denɔ Yohanɛsɛ bunikpɛkpɛ nɛ kesikpɛkpɛ ɔbɔ nanɔ kibe lɛ gɛ ba yɛkɔ Yesu ashɛ̃nɔ nɛ bulɔ ɔbha. Kɛlɛ so alasɛ tɛ banɔa nɛ teli edzi ebuimɔɖɔ plɛnɔ lɔ nɛ yɛ tɛlulɔ denɔ bekpum nɛ shu.”
Flogo tɛ Yesu aba ba nɛɛ, Yohanɛsɛ Enikpɛ aba ɖɔ kaɖɔ nɛ kitem tsyitsyina shu anɛ bunikpɛkpɛ kɔ Izraɛlanɛ nɛ petee.
Alasɛ kɛdɔnɔ nɛ gɛ ɔshã nɛ ɔdɛ mɔ kemi pɛ lɔ na bhɛtɛ akpɛasɛ buzizi tɛzɛzam zi dɔ nɛ ɔlɛ shu so, Kpaya xũ nɛ abhɛtɛ kɛlɛ ganɔ yɛnahwɛ Yɛeyi nɛ gɛ akpɛ asɛsɛ ansɛ anɔ zizi gɛ ba yɛkɔ akɔ nɛ buzizi kɛtɔkpu. Klɛ so ebu buzizi kɛpɔ nɛ anɔ gɛ abhɛtɛ buzizi mɛ,
Agɛ adɛ da ahwɛ akpɛ yɛ nɛahwɛ Yeyi, pɔ ayɛkɔ yɛ akpɛahwɛ nɛ lɔɛ tɔkpu, klɛ tsyɛ ataa yɛkɔ aplɛnɔ yɛ, nɛ eshutukubuididi mɛ akɔ lɔ kɛdɔnyɛdɔɛdi?
