Luka 5:1 - ONUGBÙ NYƐNYÃ VUVƆ

¹ Kiwui tirikpo Yesu alɔ kititi nɛ Genesarɛtɛ Kɛvɔ nɛ tɔ, banɔɛza akanɛ yɛ atsya tɛ be nu Kpayabui,

Luka 5:1 Iomraidhean Croise

Mateo 11:12

Denɔ Yohanɛsɛ Enikpɛ nɛ kibe ɔbɔ nanɔ ɔtsɔ̃ nɛɛ, owũsise bukusiɔŋakɔ nɛ yɛkɔ amɛgɛganɛ vɛ otugba, klɛ banɔ amɛgɛganɛ ba nyɛna bulɛ evunɔ.

Mateo 14:34

Kibe lɛ gɛ ba tsɔkɛ, ba da dzrɔ nɛ Genesarɛtɛ.

Marko 3:9

Banɔɛza nɛ so, etsre yɛ badɔkpasɛ nɛ asɛ ba pɛ keniabha opupu bhli toli akɔ yɛ gɛ ebe ti tsoku ɔlɛ mɛ sɛ tɛ banɔ nɛ beti fuekumu yɛ.

Marko 4:1

Yesu aza ba vɛ yɛ kɛdɔkɛkasɛ nɛa bha nɛ Galelia kɛvɔ nu tɔ. Banɔɛza nɛ gɛ za ɔkɛlɛ nɛ bekpe kudzɔ. Kɛkɔsɛ etsoku keniabha opupu nɛ mɛ, nɛ kibe lɛ gɛ banɔɛza na wɔ keni nɛ tɔ.

Marko 5:24

So Yesu atɔ nɔ anyɛ nɛ avɛ. Banɔɛza nɛ zɛ tɔnɔ yɛ, klɛ ba kana yɛ atsya.

Marko 6:53

Kibe lɛ gɛ ba tsɔkɛ, ba da dzrɔ nɛ Genesarɛt klɛ le dzu opupu nɛ kesi nɛ ɔklɛ.

Luka 12:1

Nɛlɛbe, gɛ banɔɛza anasɛ akpã bexogo, so ba ga aglɔ abha, Yesu akpɛ kaɖɔɖuɖɔ oputɔnɔ kɔ yɛ badɔkpasɛ sɛ: “No di shuabha mɔmɔ nɛ Farisianɛ nɛ gɛ be bunɛyekedɔ, gɛ kinu otroebui bhɛbhɛtɛ shu.

Luka 5:2

amɔ keniabha ipupu tɛbha nɛ kɛgbigbe nɛ tɔ, gɛ ba gɛ bu kenimɛdzya ba shɛ̃ alɔ, klɛ be plu balɛ kenimɛdzikle.

Luka 8:22

Kiwui tili Yesu etsre yɛ badɔkpasɛ nɛ asɛ, “Nɔ kɔ lɔ vɛ kɛvɔ nɛ kapɛ bhla.” So be tsoku keniabha opupu nɛ mɛ klɛ ba tɔnɔɛ dzo.

Luka 8:23

Gɛ ba vɛ kɛvɔ nɛabha, Yesu avɛnɔ tra nɛ opupu nɛ mɛ. Kɛlɛ́ gɛganɛ tili tenɛfu nɛ kɛvɔ nɛabha, so buni tenɔ opupu nɛ mɛ ku klɛ ba mɔ sɛ kizizi ba ba balɛabha.

Luka 8:33

Gɛ ɛfufɔɛzizi nɛ koeyi nɛ anɔ nɛ mɛ, lɛ da tsoku bahɛ nɛ mɛ, klɛ besi detsoku kɛvɔ nɛmɛ gɛ kivu alɛ.

Luka 8:45

Yesu ebisi asɛ “Ane yɛ hunɔ mɛ?” Gɛ balɛ petee adɛ dɛmɛ, Petro aɖɔsɛ, “Apalete, banɔ nanya klɛ betiti ishu nɛ́ wɔ shu.”

Yohanɛsɛ 1:40

Andrɛasɛ, Simɔn Petro ya dzya, gɛ enu banɔ tɛabha nɛ teli gɛ enu kibui nɛ gɛ Yohanɛsɛ aɖɔ klɛ agɛ atɔnɛ Yesu.

Yohanɛsɛ 6:1

Kibe tili nɛ kɛɛ nɛ nɛe de, Yesu atsɔkɛ avɛ faã nɛ Galelia Aƒu nu tɔ, (ɔkɛlɛ ɔlɛ nu, Tiberia Aƒu),

Hebriuanɛ 13:7

Nɔ baka wɔnɔ otugbanɔ gɛ aɖɔ Kpaya ebhui nɛ etsre nɔ. No vu awɔ̃hu nɛ balɛ ɛkpã gɛ baza nɛ shu tɛ nɔ kpasɛ balɛ tɛyɛyɛkɛŋa.