Luka 3:8 - ONUGBÙ NYƐNYÃ VUVƆ

⁸ Nɔ bhɛtɛ ebui tɛ ba mɔ sɛ nɔ tsyinaɛ temɛ. Klɛ nɔ tɛ kpɛesi ɔɖɔ tsre wunɔ nahwɛ shu sɛ, ‘Abraham ale bulɔ ahwɛ anasɛ bulɔ aka.’ Alasɛ ɛtsre nɔ sɛ denɔ aklãgbua nɛ mɛ Kpaya aba na beyi kɔ Abraham.

Luka 3:8 Iomraidhean Croise

Mateo 21:43

Kɛlɛ so itsre nɔ sɛ ba ba nyɛna Kpaya bukusiɔŋakɔ nɛ ayɛkɛ nɛ wɔnɔ ahwɛ ayɛkɔ ada kɔ banɔ nɛ gɛ be yu ɔkɛlɛ eyuyu.

Mateo 3:8

No yu eyuyu anɛ kitemtsyitsyina nyɛnyɛna vunɔm.

Mateo 3:9

Klɛ nɔ tɛ bhɛtɛ kɛtɔkpum sɛ nɔ bɔ na wɔnɔ shu ɖɔ tsre sɛ, ‘Abraham alɛ bulɔ ahwɛ ansɛ aka.’ Itsre wɔnɔ sɛ denɔ aklãgbua nɛ mɛ Kpaya aba na beyi bu kɔ Abraham.

Luka 13:25

Kibelɛlɛ gɛ buvu elete alɔ klɛ ada kedunu, nɔ bɔ lɔ kititi nɛ ɔtɔ nɔ zɔ bho opupu klɛ nɔ bɔ zɔ kpɛtɔkpuesi sɛ, ‘Apalete, danɛ buvu nɛ ɔkɔ lɔ.’ “Pɔ ebe tsre nɔ sɛ, ‘Ɛtɛ nyi nɔ ɔdɔgɔsɛ ɔkɛlɛ gɛ nɔ de.’

Luka 13:26

“Ɔkɛlɛ nɔ bɔ ɖɔ sɛ, ‘Bu ŋaɛ dɔ klɛ buwɔɛ̃ dɔ nɛ wɔ, klɛ ɔkasɛ dɔ nɛ bulɔ edzo nɛabha.’

Luka 14:9

kɛbɛlɛmɛ ana, anɔ nɛ gɛ eklu wunɔ tiabha, abe tsre wɔ asɛ, ‘Yɛkɔ wɔe gbu nɛ ɔkɔ anɔa nɛ.’ Ɔkɛlɛ, nɛ kɛwɔɛ̃ mɛ, ɔbɔ tɛ za ɔgugɔɛ kɔ nɛ kede.

Luka 19:40

Ebushnu aɖɔ sɛ, “Itsre nɔ sɛ,” “onugɛ bazukɔlɔ igugu, aklaŋgbu nɛ bakpɛ igugu.”

Luka 19:9

Yesu etsre yɛ sɛ, “Obo nɛ tɛyɛyɛkɛ ba kɔ bupa nɛ, alasɛ anɔ anɛ, tsyɛ, enu Abraham ye yi.

Luka 5:21

Farisianɛ anɛ ɛshã badɔkasɛ be tenɔ ishu etsi, “Ane na nɛ gɛ aɖɔ ebusobui ana? Ane gɛ aba na ebuizizi ayɛkɔ etsye gɛ odi nu Kpaya ko?”

Yohanɛsɛ 8:33

Be bushunu akɔ yɛ asɛ, “Bunu Abraham yɛeshui alɛ, klɛ bu di nu banɔdzidzi kɔ anɔnyanɔ. Kɛdeso gɛ ɔbɔ ɖɔ sɛ ba be bhui lɔ ayɛkɛ?”

Yohanɛsɛ 8:39

Ba builɛnu asɛ, “Abraham yɛ nu bulɔ aka.” Yesu etsre alɛ sɛ, “Onugɛ Abraham yɛ yialɛ nɔ nu, kɛlalɛ nɔ tɔ bhɛtɛ ebui gɛ Abraham abhɛtɛ.

Axwɛwɛwa 26:20

Putɔnɔ kɔ baga lɛ Damaskosɛ, ka kɔ baga lɛ Yerusalɛm nɛ Yuɖia petee, anɛ kɔ bagɛ be di nu Yuɖanɛ nɛ tsyɛ, ɛkasɛ kɛdɔ sɛ tɛ be tsyina kitem tɛ be tsyina tɔ Kpaya tɛ be bu balɛ tɛtsyitsyina nɛ akasɛ anɛ ganɔ balɛ ebui bhɛbhɛtɛm.

Romanɛ 4:16

Kɛlɛso, tɛtutrɔ kɛɛ ba denɔ tɛyɛyɛkɛŋam, sɛ tɛ kɛ ba dzi ganɔ eshutukubui didi nɛ ganɔ kidekpɛkpɛ kɔ Abraham yɛeyialɛ nɛ petee— ganɛ sɛ bagɛ ba lɛ nɛ ɔshã nɛ ko, pɔ kɔ bagɛ ba lɛ nɛ Abraham tɛyɛyɛkɛŋa nɛ mɛ tsyɛ. Yɛ enu aka kɔ bulɔ petee.

Romanɛ 9:7

Ɔdɔgɔsɛ alasɛ be de yɛ oku nɛ mɛ so balɛ petee be nu Abraham yɛeyialɛ. Kɛlɛ mazɛ lɛ mɛ, “Ganɔ Isakɛ mɛ la ba mɔ wɔnɔeyialɛ nɛ edenɔ.”

Filipianɛ 1:11

gɛ ki yuku nɛ tɛzɛza dzyɔgo eyuyu gɛ aba ganɔ Yesu Kristo abha— kɔ ishubhubhui anɛ Kpaya kabhakpɛkpɛ.