Hebriuanɛ 9:15 - ONUGBÙ NYƐNYÃ VUVƆ

¹⁵ Kɛnɛ so gɛ Kristo ayɛkɔ onugbunyɛnya vuvɔ evuboe, sɛ tɛ bagɛ beklu bayɛkɛ ɔfufɔɛ mɛ kɛdɔ nɛ gɛ ba ɖɔ—ɔtsɔnɛ gɛ etsi anasɛ kɛbhɛ bubuya sɛ tɛ ebualɛ nɛ ebuizizi gɛ babhɛtɛ nɛ onugbunyɛnya tɛtɔpu nɛesi.

Hebriuanɛ 9:15 Iomraidhean Croise

Mateo 19:29

Klɛ anɔnyanɔ gɛ atɛ shɛ alɔ bapa, yɛadzyalɛ, yɛadalɛ, yɛaka, yɛeni, yɛeyialɛ, yɛ kaya akpɛ mɛ so, aba yɛkɛ kɛdɔɛ lɛ nɛ ɛzakɔ kɛfɔɛfɔ klɛ aba mɔ ɛkpã gɛ ɛtɛ ba beke.

Mateo 22:3

Akpɛ yɛ baxwɛdɛ nɛ bagɛ ekulu akɔ adzɛgbɛgbanɔɛ wi nɛe si asɛ ba ga ba, pɔ ba dɛ dɛmɛ aba.

Mateo 25:34

“Ɔkɛlɛ Ekusi nɛ ebe tsre ɛgɛ li kɛŋa nɛ mɛ asɛ, ‘Nɔ ba, wɔnɔ bagɛ mɛ Aka nɛ atɛ yula, nɔ yɛkɔ wɔnɔ ɔŋakɔ, gɛ bukusiɔŋakɔ nɛ gɛ ba bala lu kɔ nɔ denɔ kanɔ nɛ kesikpɛkpɛ.

Mateo 25:36

Ibisi kɛpɔtɛ klɛ nɔ da kɛpɔtɛ ɔkɔ mɛ, ɛɛnya klɛ no di mɛa bha, ɛza buvu klɛ nɔ bɔ sra mɛ odi.’

Marko 10:17

Gɛ Yesu agaa vɛ, anyɛ teli aba tɔnɔ yɛ klɛ ezhiakpla nɛ yɛ otugba. Ebisi asɛ, “Adɔkasɛ Dzyɔgo,” “kidee mɛ ɛba bhɛtɛ pɛ ɛba mɔ ɛkpã gɛ tɛ ba beke?”

Luka 18:18

Kabhaŋɛŋa anɔ teli ebisi Yesu asɛ, “Adɔkasɛ Dzyɔgo, kide mɛ babhɛtɛ gɛ ɛba mɔ kpã mabeke mabeke?”

Luka 22:20

Nɛ kidzoe lɛlɛ nɛabha ke, nɛ ɔwlago kɛdɔŋɛŋa nɛe de, ayɛkɔ kantse, klɛ aɖɔsɛ, “Kantsea nɛɛ kalɛ enu mɛ onugbu nyɛnya vuvɔ nɛ mɛ dzyosu mɛ, gɛ ba balɛ elu kɔ nɔ.

Yohanɛsɛ 10:28

Ɛkɔ alɛ ɛkpã mabeke mabeke, klɛ lɛtɛ ba tsi, anɔnyanɔ atɛ ba bhɛ lɛ nɛ mɛ ahwɛ.

Axwɛwɛwa 20:32

“Ɔtsɔ̃ nɛɛ ɛyɛkɔ nɔ kpɛ Kpaya nɛ yɛ ɛyamyuyɔ bui nɛ ahwɛ, gɛ kɛ ba bhɔ nɔ trɔ, klɛ kɛ ba kɔ nɔ ɔŋakɔ nɛ bagɛ balɛ shu la danɛ nɛ shi.

Romanɛ 5:10

Alasɛ onu gɛ, kibe lɛ gɛ bu nu banɔ gɛ bu dɛ pɛɛ Kpaya, ba kpɛ bulɔ ɛhwɛetsu ganɔ Yɛeyi nɛ titsitsi mɛ, kɛlɛ kɛ taa za sɛ, gɛ ba tɛ kpɛ lɔ ɛhwɛetsu, be tee bu lɔ ganɔ yɛ ɛkpã nɛ mɛ!

Romanɛ 5:6

Ɔmɔ nɛɛ, nɛ kibe dzyɔgo nɛ mɛ, gɛ bu ka za kemi maza anɔ ahwɛ mɛ, Kristo etsi nɛ bagɛ adɛ za kpayatiti mɛ nɛ tɔkpu.

Romanɛ 5:8

Pɔ Kpaya ebu yɛnahwɛ tɛɖuɖɔ nɛ gɛ aɖɔ lɔ nɛ akasɛ nɛ kidzoe nɛa bha sɛ: Nɛ kibe lɛ gɛ bu ka nu buziziabhɛtɛ, Kristo etsi nɛ bulɔɛ tɔkpu!

Romanɛ 6:23

Alasɛ buzizi kɛbhɛ kɛlɛ nu butsi, pɔ Kpaya kɛdɔkukɔ kɛlɛ nu ɛkpã gɛ tɛ ba beke nɛ bulɔ Apalete Yesu Kristom.

Romanɛ 8:28

Klɛ bu nyi sɛ nɛ ebui nɛ petee mɛ Kpaya awa kɛxwɛ akɔ bagɛ ba ɖɔ yɛ nɛ tɛpɛ̃pɛ, gɛ be kulu nɛ yɛ kɛgɛ apɛɛ nɛ nu.

Romanɛ 8:30

Klɛ bagɛ atɛ bala elu, balɛ tsyɛ ekulu; bagɛ ekulu, adanɛ balɛ shu tsyɛ; bagɛ balɛ shu adanɛ, ebhuialɛ shu tsyɛ.

Romanɛ 9:24

bulɔ krua, gɛ eklu nɛ tsyɛ, ganɛ denɔ Yuɖanɛ nɛm tite pɔ denɔ bagɛ di nu Yuɖanɛ nɛ tsyɛ mɛ?

2 Kɔrintioanɛ 3:6

Abhɛtɛ lɔ buna anasɛ onugbunyɛnya vuvɔ baxwɛwa—ganɛ keplukpa pɔ Ɔfufɔɛ, alasɛ keplukpa ke yi anɔ, pɔ Ɔfufɔɛ lɔ kɔ ɛkpã.

Galatianɛ 3:20

Kishitɛbhanɔ, pɔ, ama kɔ kapɛ tierikpo, pɔ Kpaya enu terikpo.

Efesoanɛ 1:7

Nɛ yɛ mɛ bu mɔ tɛbhubhuiyɛkɛ ganɔ yɛ dzyosu nɛ mɛ, ebuikpã tsyitsye, anɛ Kpaya kedziŋɛŋa kɛdɔkukɔ mɛ

2 Tɛsolonianɛ 2:14

Ekulu nɔ akɔ kibui ganɔ bulɔ kibui dzyɔgoe nɛa bha, sɛ tɛ nɔ mɔ kapɛ tieli nɛ bulɔ Apalete Yesu Kristo ishubhubhui nɛ mɛ.

1 Timotio 2:5

Alasɛ Kpaya terikpo yɛa lɛ, enu ebuevu nɛ Kpaya nɛ banɔdzyrame nɛ shi, yɛ enu Kristo Yesu,

2 Timotio 2:10

Kɛlɛ so ɛdzrɔ nɛ kibuinyɛbui nu nɛ agɛ be kulu nɛ tɔkpu, sɛ tɛ balɛ tsyɛ ba mɔ tɛbubu nɛ gɛ kpasɛ Kristo Yesu mɛ, ɔplɛnɔ ɔfufɔɛ mɛ ishubhubhui.

Titusɛ 1:2

tɛyɛyɛkɛŋa anɛ kibuititi nɛ gɛ kɛ kpaplɛnɔ kidzoenudidi kɔ ɛkpã gɛ tɛ ba beke, gɛ Kpaya, gɛ eti hu otro, nɛ aɖɔɛ lɛ elu denɔ kibe nɛ kesikpɛkpɛ mɛ,

Titusɛ 3:7

sɛ tɛ, yɛ ɛyamyuyɔ nɛ tɛ dzyɔ lɔ, bu ba dzi beyi gɛ kidzoenudidi lɛ bulɔ ahwɛ anɛ ɛkpã mabeke mabeke mɛ.

Hebriuanɛ 10:34

Eshutukubui kunɔ nɛ bagɛ bakpɛvu klɛ onugɛ ba yɛkɛ kɛdɔ gɛ kɛlɛ wɔnɔahwɛ nɔ yɛkɛ lɛ nɛ same, alasɛ wɔnɔ nahwɛ nɔ nyi sɛ kɛdɔ gɛ kɛbaza ɔvɛnɔ fãã lɛ wɔnɔahwɛ.

Hebriuanɛ 10:36

Kɛlɛ sɛ tɛ nɔ dɔ fɔɔ̃ tɛ nɔ bhɛtɛ Kpaya tɛpɛpɛɛ klɛ tɛ nɔ yɛkɛ kɛgɛ baɖɔlu kɔ nɔ.

Hebriuanɛ 11:13

Ba nɔanɛ petee ba kalɛ nɛkpa nɛ tɛyɛyɛkɛŋa mɛ gɛ be tsi. Ba dɛ yɛkɛ kɛdɔ nɛ gɛ be di kidzoenu kɔ; bumɔa lɛ ko klɛ ba kɔa lɛ wɔnɔga nɛ odzidzekɔ. Klɛ ba dɛmɛ sɛ be nu befu klɛ be di de kesukpa nɛabha.

Hebriuanɛ 12:24

kɔ Yesu eboevu nɛ onugbunyɛnya vuvɔ anɛ mɛ anɛ kɔ dzyosu hihle gɛ aɖɔ kibui dzyɔgo dɛ Abɛl dzyosu.

Hebriuanɛ 13:20

Kɔ ishuyuyɔ Kpaya, gɛ ɔganɛ dzyosu onugbunyɛnya mabeke agɛ anyɛmɛ bulɔ Apalete Yesu, ibhoshi Agbɛgbanɔ gbɛgbla,

Hebriuanɛ 2:14

Gɛ ishuidzya anɛ dzyosu alɛ bunuvɔɛ nahwɛ, yɛtsyɛ ayɛkɔ tili nɛ balɛ anɔdzyrame tɛdzidzi mɛ sɛ ganɔ yɛ butsi mɛ tɛ ezi agɛ yɛ vunɔ butsi kemi—gɛ enu Abɔnsam—

Hebriuanɛ 3:1

Kɛlɛso ishubhubhui badzyalɛ Dzyɔgo, gɛ be klu denɔ owũsise, nɔ yɛkɔ wɔnɔɛ bui ɔtrɔ Yesu abha, anɔkpɛkpɛ anɛ Kpaya ɔzakɔanɔ gbɛgbla gɛ buyɛkɛ yɛabhaŋa.

Hebriuanɛ 6:13

Gɛ Kpaya abhɛtɛ tɛtɛtrɔlu kɔ Abraham nɛɛ, atanɔ yɛnahwɛshu alasɛ anɔnyanɔ ama gɛ etri adɛ yɛ gɛ aba tanɔ, kɛlɛ so atanɛ yɛnahwɛshu,

Hebriuanɛ 6:15

Klɛso gɛ aze po nɛ tɛdɛdɔfɔɔ̃, Abraham ayɛkɛ bunuwã kpɛkpɛ dɔ.

Hebriuanɛ 7:22

Nɛ kɛdɔ tɛtanɔ nɛ so Yesu ebedzi anɔ gɛ azakede kɔ onugbunyɛnya dzyɔgo anɛ.

Hebriuanɛ 8:13

Gɛ be klu onugbunyɛnya anɛ “ɔvuvɔ,” atɛ bhɛtɛ ɔtɛtɔpu lɔdzi okuku, klɛ lɔ gɛ lɔ ti she dzi okuku kiwũi tɛbadze lɔbɔ lɛla.

Hebriuanɛ 9:12

Editsoku nɛ bepidzya anɛ banɛtsyɔɛeyi dzyosu, pɔ butsoku trukpo ko etsoku Ɔzakɔ Dzyɔgo Ɖɛɖamadɛ ganɔ yɛ nahwɛ dzyosua bha, kɛlɛmɛ ayɛkɛ tɛ bhubhuiyɛkɛ mabeke kɔ lɔ.

Hebriuanɛ 9:16

Nɛ kededɔŋɛŋa keplukpa sɛ te kawa kɛxwɔɛ, kɛlɛsɛ anɔ nɛ gɛ atɛ tsi ba trɔ ahwɛ nɛ yɛ bu tsi nɛabha,

Hebriuanɛ 9:28

so Kristo akɔ yɛ be yi yɛ bu yi trukpo sɛ tɛ ebu banɔ gelee ebuizizi nalɛ shu, klɛ azia ba bubhla, ganɛ sɛ tɛ aba bhɛtɛ kibuinyɛbui denɔ ebuizizi shu, pɔ amɛna ishu bhubhuiyɛkɛ kɔ bagɛ be po yɛ.

Yakobo 1:12

Ba yula anɔ nɛ gɛ akpɛemi nɛ yɛ tɛfifekedi mɛ, alasɛ onu gɛ ana kɛlɛ nu za nɛɛ, aba yɛkɛ ɛkpã kikutu nɛ gɛ Kpaya aɖɔ asɛ aba kɔ bagɛ ba ɖɔ yɛ.

1 Petro 3:18

Alasɛ Kristo etsi kɔ kizizi butsi tirikpo ko, kɔ banɔ dzyɔgo anɛ be zizi tɛ agbanɛ nɔ avɛnɔ Kpaya kɔ. Be yii yɛ nɛ ishuidzya mɛ pɔ ba bhɛtɛ yɛ alɛ nɛ ɛkpã ganɔ ɔfufɔɛ abha,

1 Petro 5:10

Klɛ ɛyamyuyɔ petee Kpaya, gɛ eklu nɔ avɛnɔ yɛ mabekemabeke ishubhubhui nɛ́ Kristoe mɛ, nɛ kɛlɛede gɛ nɔ mɔ butɔ nɛ kibe bhliyi mɛ, yɛnahwɛ ebe tsodzi wũnɔ dzu kititi klɛ aba kɔ nɔ gɛganɛ, mɔmɔ klɛ nɔ bɔ dzu ishuesi.

1 Yohanɛsɛ 2:25

Klɛ kɛnɛ nɛ aɖɔlu kɔ lɔ—ɛkpã mabekemabeke kuratsyɛ.

Tɛbubukasɛ 5:9

Klɛ ba zha ɔdzɛ vuvɔ: “Wɔ ɔna sɛ tɛ ɔyɛkɔ kazaplukpa tɛ ɔdanɛ kalɛ badɛda, alasɛ be yi wɔ, klɛ ɔyɛkɔ wɔ dzyosu odzi banɔ kɔ Kpaya denɔ kɛmadi nɛ bunuhu kanyaka mɛ anɛ banɔ nɛ amadi nɛ mɛ.