Hebriuanɛ 9:14 - ONUGBÙ NYƐNYÃ VUVƆ

¹⁴ Kɛlɛ kɛ zɛ ba za dɛana sɛ, Kristo dzyosu gɛ ganɔ Ɔfufɔɛ gɛ oti beke nɛa bha ayɛkɔ yɛnahwɛ shu gɛ kɛpɔ ma kɛlɛ shu kɔ Kpaya, pɛ kɛ plu bulɔ atɔkpu nɛ mɛ anɛ ebui nɛ gɛ akpɛ anɔ nɛ butsi mɛ, sɛ tɛ bu dɛ kɛxwɛ kɔ ɛkpã Kpaya!

Hebriuanɛ 9:14 Iomraidhean Croise

Mateo 12:28

Pɔ onu gɛ mɛ ɛkɛka ɛfufɔɛkpã ganɔ Kpaya Ɔfufɔɛ nɛa bha, kɛlɛ alɛ Kpaya bukusiɔŋakɔ nɛ ɔba wɔnɔa bha naa lɛlɛ.

Mateo 16:16

Simɔnɛ Petro ebui lɛ nu asɛ, “Wɔ nu Kristo, ɛkpã Kpaya nɛ yɛ Eyi.”

Mateo 20:28

anasɛ gɛ Anɔdzyrame yɛ Eyi nɛ adɛ ba sɛ tɛ ba dɛ axwɛ akɔ yɛ, pɔ aba sɛ tɛ aba dɛ axwɛ, tɛ ayɛkɔ yɛ ɛkpã nɛ abuya anasɛ kɛbhɛ nɛ banɔɛ tɔkpu.”

Mateo 7:11

Onu wɔnɔ, kɛlɛ lɛm sɛ nɔ tsɔmɔ pɔ, no ti kana gɛ nɔ bɔ yɛkɔ kɛdɔ dzyɔgo ɔkɔ wɔnɔ bunuvɔɛ, kɛlɛ ɔyɛkɔ dɛ wɔnɔ Aka nɛ owũsise nɛ ataa yɛkɔ kɛdɔ dzyɔgo akɔ bagɛ bee bisi yɛ!

Luka 1:74

tɛ ayɛkɛ lɔ edenɔ baga ba dɛ pɛɛ bulɔɛ bui nɛ ahwɛ mɛ, klɛ tɛ akɔ lɔ wa yɛ axwɛ nɛ́ kifu masimasi mɛ

Luka 12:24

Nɔ di bahwalã: Bata ɖɛ dɔ, ɔdɔgɔsɛ be tsui dɔ, kɛdɔ balakɔvu ma balɛ ahwɛ pɛ ɔdɔgɔsɛ iwule, pɔ tsyɛ Kpaya anyɔnɔ alɛ. Nɛ kɛlɛ lɛ nɔ ŋaedzi ɔdɛ buzhuɔɛ!

Luka 12:28

Onugɛ kana Kpaya enyumuɛ dɔ akɔ tɛwa nɛ ayakpaɛ mɛ, gɛ kɛlɛ ɔkɛnɛ obonɛ, klɛ kivu ayikɔɛ lɛ akpɛ kifui mɛ, kɛlɛ lɛ ba za gelee dɛ sɛ ebe nyumui dɔ kɔnɔ, O wɔ tɛyɛyɛkɛŋa bhli elete!

Luka 4:18

“Apalete nɛ Ɔfufɔɛ tsri mɛ abha, alasɛ abalɛ bubɔ nɛ mɛ abha tɛ aɖɔ ebui dzyɔgo kɔ betsutsukpɛ̃. Akpɛ mɛ asɛ ɛbaɖɔ ishu ahwɛzɛza bui kɔ bagɛ ba kpɛ buvu nɛ tɛ adanɛ awɔ̃hu kɔ awɔ̃hu pupu elete, tɛ ebu butɔ nɛ banɔ shu,

Yohanɛsɛ 3:34

Alasɛ anɔ nɛ gɛ Kpaya asɛsɛ aɖɔ Kpaya ebui, alasɛ Kpaya akɔ Ɔfufɔɛ gɛ lɔ tɛ beke.

Axwɛwɛwa 1:2

ɔkɔ dɔ nanɔ kiwi lɛ nɛ gɛ ba yɛkɔ yɛ avɛnɔ owũsise, nɛ kibe lɛ nɛ gɛ aɖɔ kɛxwɛ nɛ gɛ ba baa wa nɛ ganɔ Ɔfufɔɛ Dzyɔgo nɛa bha nɛ etsre yɛ banɔkpɛkpɛ gɛ eklu.

Axwɛwɛwa 10:38

Kana gɛ Kpaya asrabɔ akɔ Yesu Nazarɛtɛ eyi nɛ Ɔfufɔɛ Dzyɔgo anɛ kemi, anɛ kɛkana nɛ gɛ aga ka na nɛ ebui dzyɔgo tɛbhɛbhɛtɛ nɛ bagɛ za ɛfufɔɛ kpãesi nɛ banya tɛbibeke, alasɛ Kpaya aza plɛnɔ yɛ.

Axwɛwɛwa 14:15

“Banɔ mɔ, kide so pɛ nɔ bhɛtɛ kana? Bulɔ tsyɛ banɔdzyrame ko lɔ nu, ansɛ wɔnɔa na. Bɔɔ mɛna nɔ kibui dzyɔgo, butsre nɔ sɛ no tsyina kede ɔkpɛ ebuia nɛdi gɛ la ma kibuinyɛbuim nɛ tɛbhɛbhɛ vɛnɔ Kpaya lulu nɛ ɔkɔ, gɛ abhɛtɛ owũsise anɛ kesukpa anɛ aƒu anɛ kɛdɔnyɛdɔ gɛ kpasɛ alɛ mɛ.

Axwɛwɛwa 15:9

Adɛ kpɛ ɔtɔgɛga nɛ bulɔ nɛ balɛ kishi, alasɛ eplu balɛ idzyi nɛm nɛ tɛyɛyɛkɛŋa.

Romanɛ 1:20

Alasɛ gɛ denɔ kanɔ nɛ tɛbhɛbhɛtɛ nɛm ke Kpaya kpukpu tɛpɛ̃pɛ nɛ mɛ— yɛ kemi mabeke mabeke anɛ ɔfufɔɛ mɛ tɛzɛza— ba tɛ mɔɛ lɛ wee, bee nuilɛesi denɔ kɛgɛ ba tɛ bhɛtɛ nɛm, so dzrɔgbɔ tɛa za kɔ anɔdzyrame.

Romanɛ 1:4

klɛ yɛ ganɔ ishubhubhui Ɔfufɔɛ mɛ be bu yɛ akasɛ nɛ kemi sɛ ebe dzi Kpaya Yɛeyi ganɔ yɛ tɛnyɛnyɛmɛ denɔ bekpum: Yɛ enu bulɔ Apalete Yesu Kristo.

Romanɛ 11:12

Pɔ onu gɛ balɛ buzizi nɛ nu kɛkesrɔdɔ kɔ kanɔ, klɛ balɛ kɛdɔlɛlɛla nɛ nu kɛkesrɔdɔ kɔ baga dɛ yɛkɛaŋa, kɛlɛ kɛkesrɔdɔ gbɛgbla dɛa na nɛ balɛ ahwɛ nɛ taa mɛna!

Romanɛ 11:24

Kɛɛ nu sɛ, be bhui nɔ atɛɛ̃ nɛ olivosi shu gɛ lɔ lɛ ayakpa mɛ, klɛ ba yɛkɔ nɔ anya ata olivosi gɛ ɔlɛ buya mɛ shu, kɛlɛ kɛ taa za bubuɛbɔɛ sɛ tɛ ba yɛkɔ ɛshɛ gɛ ta de osi nɛ shu, etsodzini anyɛ ata ɛlɛnahwɛ olivosi nɛ shu!

Romanɛ 6:13

Nɔ tɛ yɛkɔ wɔnɔ ishu nɛ bupɛ nɛ ɔkɔ buzizi, ansɛ kɛtɔkpum gɛganɛ kɛxwɛwadɔ, pɔ nɔ yɛkɔ wɔnɔ ishu ɔkɔ Kpaya, ansɛ banɔ gɛ be bu edenɔ butsi mɛ amɛna ɛkpãm, tɛ nɔ yɛkɔ wɔnɔ ishu nɛ bupɛ ɔkɔ yɛ ansɛ tɛnɛnamɛzɛza kɛxwɛwadɔ.

Romanɛ 6:22

Pɔ ɔtsɔ̃ nɛ gɛ be ti bule nɔ edenɔ buzizi mɛ, klɛ no dzi banɔdzidzi kɔ Kpaya, kɛ gɛ nɔ bɔ mɔ denɔ kɛlɛ mɛ nɛ ba kpɛ nɔ nɛ ishubhubhui mɛ, klɛ kɛ gɛ ba de koeyi nɛ kɛlɛ mɛ nɛ nu ɛkpã mabeke mabeke.

1 Kɔrintioanɛ 15:45

Kɛlɛso baŋlɔmɛ elu asɛ: “Anɔ tɛtɔpu Aɖam ebedzi ɛkpã anɔ” agɔgɔɛ Aɖam ɛkpã kukɔ ɔfufɔɛ.

2 Kɔrintioanɛ 5:21

Kpaya abhɛtɛ anɔ gɛ buzizima yɛ shu tɛ edzi ezizi kɔ lɔ, sɛ tɛ nɛ yɛ mɛ bu badzi banɔnɛna kɔ Kpaya.

2 Kɔrintioanɛ 6:16

Tɛnyɛnya ɖueɖu kɛlɛ lɛ Kpaya busɔlɛvu anɛ̀ obudi shu? Alasɛ bulɔ nu Kpaya lulu busɔlɛvu. Anasɛ gɛ Kpaya aɖɔ, “Ɛba za nɛ alɛ klɛ ɛba ga nɛ balɛ shi, klɛ ɛba dzi balɛ Kpaya, klɛ ba be dzi mɛ banɔ.”

Galatianɛ 2:19

Alasɛ ganɔ ɔshã nɛabha ɛtsi kɔ ɔshã sɛ tɛ ɛza nɛ kpã kɔ Kpaya.

Efesoanɛ 2:5

abhɛtɛ lɔ bu lɛ nɛ ɛkpã nɛ̀ Kristo nɛ kibe lɛ mɛ gɛ bu tsi nɛ bulɔ buzizi nɛ mɛ tsyɛ—ganɔ ɛyamyuyɔ mɛ le bu nɔ.

Efesoanɛ 5:2

klɛ nɔ za nɛ kpã nɛ anɔɛbui dɛdɛmɛ mɛ, anasɛ gɛ Kristo adɛmɛ bulɔɛ bui klɛ ayɛkɔ ishu akɔ nɛ bulɔɛ tɔkpu anasɛ kɛdɔ lɛlɔ̃ huhu gɛ ayɛkɔ etsye Kpaya.

1 Tɛsolonianɛ 1:9

alasɛ balɛ nahwɛ nɛ aɖɔ tɛyɛyɛkɛ nɛɛ di gɛ nɔ kɔ lɔ. Ba ɖɔ kana gɛ no tsyina tɔ Kpaya pɛ no tsodzi nɛ kɛdɔbhubhɔ nɛede sɛ tɛ nɔ bɔ wa kɛxwɛ ɔkɔ ɛkpã anɛ kɛgba Kpaya,

1 Timotio 1:17

Ɔtsɔ̃, kɔ ɔfufɔɛ mɛ Ekusi, gɛ eti tsi, gɛ ataa wɛ̃, yɛ ko yɛ enu Kpaya, gɛ kabhakpɛkpɛ nɛ ishubhubhui lɛ kɔ ɔyɛkɔ vɛnɔ mabeke mabeke mɛ. Tɛlɛbɛlɛm.

1 Timotio 3:15

onu gɛ ɛzɛ ba wɔɛ de tsyɛ, tɛ no ti kana gɛ alasɛ tɛ banɔ aga nɛ balɛ shu nɛ Kpaya bupa nɛ mɛ, gɛ nu ɛkpã Kpaya anɛ busɔlɛɔha, gɛ enu buvuosi nɛ kesikpɛkpɛ kɔ kɛgba.

Titusɛ 2:14

gɛ ayɛkɔ yɛ shu akɔ nɛ bulɔɛ tɔkpu sɛ tɛ ebu lɔ edenɔ kɛtɔkpum gɛganɛ petee mɛ tɛ epulu banɔ nɛ gɛ enu yɛnahwɛ ayɛ nɛ akɔ shu, gɛ ba pɛa sɛ tɛ ba bhɛtɛ kɛgɛ nu kɛdzyɔgo.

Hebriuanɛ 1:3

Eyi yɛ nu kɛfutɛtã kɔ Kpaya otugbavɛvɛ klɛ ayɛkɔ Kpaya tɛzɛzɛmɛ, abhɛtɛ kɛdɔnyɛdɔ nɛ yɛ bupu kibui ɖuɖɔɛ mɛ. Gɛ akɔ ebuizizi tipuplu beke, ada za Ɔgbɛgblakɔ kɛŋamɛ nɛ owũsise.

Hebriuanɛ 10:10

Klɛ nɛ kɛtɛtrɔɛ lɛlɛ nɛabha, bakɔ lɔ shu bhui ɔganɔ Yesu Kristo yɛ shu tysitsye trukpo ko abha.

Hebriuanɛ 10:12

Pɔ gɛ kpayazakɔanɔ ayɛkɔ kɛdɔ akɔ kibenyɛbe ishutsyitsye tirikpo kɔ buizizi, ada za Kpaya kɛŋahwɛ apɛ nɛ mɛ.

Hebriuanɛ 10:2

Onugɛ kɛ ba belɛmɛ, ba ta zukɔlɔ balɛ busɔlɛ ɛyɛmɛyuyɔ? Alasɛ basɔlɛsɔlɛ nɛ shu ta bhui nɛ ɔzakɔ torikpo mɛ, klɛ ba tɛa bu shuipɔ kɔ balɛ buizizi.

Hebriuanɛ 10:22

nɔ kɔlɔ tsobunɔ Kpaya nɛ idzyi dzyɔgo anɛ́ tɛyɛyɛkɛŋa petee, nɛ kibe lɛ mɛ gɛ ba wanya kɛdɔnɔ nɛ gɛ ba pulu bulɔ idzyi nɛ bu nɛ kɛpɔŋɛŋa kɛtɔkpum bhɛbhɛtɛ anɛ bulɔ ishuidzya nɛ tɛpupulu nɛ buni gɛ bhui.

Hebriuanɛ 11:21

Tɛyɛyɛkɛŋa so Yakobo gɛ etsi, akpaplɛnɔ yɛ osivuvu klɛ eklu Kpaya gɛ ayula Yosɛfu yɛ yianyɛ nyɛanyɛ.

Hebriuanɛ 13:12

Klɛ so Yesu tsyɛ amɔ butɔ nɛ ɔmagbla nɛ kedunu sɛ tɛ abhɛtɛ banɔ tɛ balɛ shu bbui ganɔ yɛ nahwɛ dzyosu nɛ mɛ.

Hebriuanɛ 3:12

Badzya mɔ, nɔ di mɔ sɛ, ebuizizi, mayɛkɛŋa dzyi atɛza wɔnɔmɛayɛ nyɛmayɛ ahwɛ tɛ etsyinaede nɛ ɛkpã Kpaya shu.

Hebriuanɛ 6:1

Kɛlɛso nɔ kɔlɔ shɛnahwɛ kesikpɛkpɛ kɛdɔkɛkasɛ denɔ Kristo shu klɛ tɛ buvɛ tɛshishe nɛ abha, nɔ tɔ kɔ sɛ bu zia dzu kitemtsyitsyina denɔ kɛxwɛwɛwa gɛ kɛba gbanɛ lɔ vɛnɔ butsi mɛ klɛ tɛ bu yɛkɛ Kpaya bhaŋa,

Hebriuanɛ 7:16

Anɔanɛ gɛ ebe dzi kpayazakɔanɔ ganɛ yɛ tɛmumɔɛmɛ dɔ pɔ nɛ kemi nɛ gɛ ka kɔ ɛkpã gɛ lɛ tɛ ba bekedi.

Hebriuanɛ 7:27

Gɛ eti dzi anasɛ kpayazakɔanɔ ɖɛɖama bhlatɔ, kɛdɛ kɔ sɛ aza pɔɛ dɔ kiwui nyɛwui, putɔnɔ kɔ yɛnahwɛshu buzizi, klɛ nɛlɛede kɔ banɔ ebuikpã. Apɔɛ dɔ akɔ balɛ buzizi turikpo kɔ alɛ petee kibe lɛlɛ nɛ gɛ ayɛkɔ ishu akɔ.

Hebriuanɛ 9:12

Editsoku nɛ bepidzya anɛ banɛtsyɔɛeyi dzyosu, pɔ butsoku trukpo ko etsoku Ɔzakɔ Dzyɔgo Ɖɛɖamadɛ ganɔ yɛ nahwɛ dzyosua bha, kɛlɛmɛ ayɛkɛ tɛ bhubhuiyɛkɛ mabeke kɔ lɔ.

Hebriuanɛ 9:26

Kɛlɛalɛ Kristo agɛ ta mɔ butɔ ebe gelee odenɔ kanɔ kesikpɛkpɛ. Pɔ ɔtsɔnɛ aba bu ba tirikpo kɔ lɔ petee nɛ kanɔ bibeke ewia nɛ mɛ tɛ ayɛkɔ yɛshu egu bugu tɛ ebu ezizi nɛ atɛ̃.

Hebriuanɛ 9:7

Pɔ kpayazakɔanɔ ɖɛɖamadɛ ko yɛ ba vɛ ovuede nɛ mɛ klɛ bu dɛ trukpo nɛ kɛgɔ tirikpom, klɛ kɛ ma sɛ eti vunɔ dzyosu, gɛ ayɛkɔ akɔ kɔ yɛnahwɛshu nɛ banɔ kɔ ebuizizi gɛ ba bhɛtɛ nɛ matimati mɛ.

Hebriuanɛ 9:9

Kɛnɛ kɛlɛnu kibui kpɛkpasɛ nɛ kibe nɛ mɛ, gɛ ɛyɛmɛyuyɔ anɛ bugu gugu nɛ vɛabha tsyɛ kɛtɛ bhɛtɛ sɛ kpayazakɔanɔ nɛ temɛ tɛdɔ kɔ kɛxwɛ wuwa.

1 Petro 1:19

Pɔ nɛ Kristo dzyosu ŋɛŋaɛdzi, obhoshieyi gɛ kɛpɔ ɔdɔgɔsɛ ozizikɔ ma ɔlɛ shu.

1 Petro 2:22

“Kristo adɛ bhɛtɛ kizizi, klɛ otro huhu odi koeyi nɛ yɛ onugbui mɛ.”

1 Petro 2:24

Kristo nahwɛ ayɛkɔ bulɔ ebuizizi nɛ akpɛ ishuidzya mɛ nɛ osi nɛ shu, sɛ tɛ bu ba tsi kɔ kizizi klɛ bu za nɛ ɛkpã kɔ kɛdzyɔgo bhɛbhɛtɛ, yɛ apɔ la kɔ sɛ bunya koeyi nɛ bulɔ shuimɛ.

1 Petro 3:18

Alasɛ Kristo etsi kɔ kizizi butsi tirikpo ko, kɔ banɔ dzyɔgo anɛ be zizi tɛ agbanɛ nɔ avɛnɔ Kpaya kɔ. Be yii yɛ nɛ ishuidzya mɛ pɔ ba bhɛtɛ yɛ alɛ nɛ ɛkpã ganɔ ɔfufɔɛ abha,

1 Petro 4:2

Nɛ kɛlɛso, ata za nɛ ɛkpã gugɔɛ nɛ kesukpaɛ abha ɛkpã kɔ anɔdzyrame buzizi tɛpɛpɛɛ, pɔ nɛ kɛlɛ ɔzakɔ yɛkɔ kɔ Kpaya tɛpɛpɛɛ.

1 Yohanɛsɛ 1:7

Pɔ onugɛ bu ga nɛ obhubhuikɔ, anasɛ gɛ alɛ nɛ obhubhuikɔ, bu yɛkɛ terikpo bhɛbhɛtɛ nɛ ɔhaglɔ, klɛ ye Yianyɛ Yesu dzyosu, eplu buzizi petee bu nɛ bulɔ shu.

1 Yohanɛsɛ 3:5

Pɔ nɔ nyi sɛ aba sɛ tɛ ayɛkɔ bulɔ ebuikpã ashɛnɔ. Klɛ yɛ mɛ kibuikpã ma.

Tɛbubukasɛ 1:5

anɛ denɔ Yesu Kristo ɔkɔ, gɛ yɛ enu ebuimɔɖɔ kɛgbɛagbayɛ, eyitutɔpu nɛ gɛ ba mɔ denɔ bekpu nɛ mɛ, anɛ agɛ yɛ aŋa bekusi nɛa bha anɛ kesukpa nɛa bha. Kɔ agɛ yɛa dɛmɛ lɔɛ bui klɛ ebu lɔ edenɔ bulɔ buzizi mɛ ganɔ yɛ dzyosu mɛ,