Hebriuanɛ 9:11 - ONUGBÙ NYƐNYÃ VUVƆ

¹¹ Gɛ Kristo aba anasɛ kpayazakɔanɔ ɖɛɖama kɔ ebui dzyɔgo nɛ gɛ ala lɛ ɔkɛnɛ, aga kagba gbɛgbladɛ klɛ aŋaedzi, kadɛ nu sɛ anɔ yɛabhɛtɛ alɛ, kɛlɛesi kɛlɛ nu sɛ, anɛ ne di de kanɔanɛ kapɛnyapɛ.

Hebriuanɛ 9:11 Iomraidhean Croise

Mateo 11:3

tɛ be bisi yɛ asɛ, “Wɔ onu agɛ ba sɛ aba ba, pɛnɔɔ bu di anɔ bhlatɔɛ dzoenu?”

Mateo 2:6

“ ‘Pɔ wɔ, Betlehem, nɛ Yuɖia kesukpa nɛa bha, odinu ebhliyi nɛ bagɛ baa ŋɛabha nɛ shi nɛ Yuɖia, alasɛ wɔ mɛ agɛ aba ŋa anɔabha nɛ ebee de yɛ ebe dzi agbɛgbanɔ kɔ mɛ Izraɛlanɛ.’ ”

Marko 14:58

“Bunu gɛ aɖɔ asɛ, ‘Ɛba yɛ busɔlɛvu gɛ nɔ bhɔ nɛ ahwɛ, klɛ nɛ ewi tata mɛ, ɛba bhɔ bubhlatɔ, gɛ budɛ nu anɔdzyrame yɛ bhubhɔ.’ ”

Yohanɛsɛ 1:14

Kibui nɛ badzi ishuidzya klɛ abhɛtɛ yɛ ɔzakɔ nɛ bulɔɛ mɛ. Bumɔ yɛ ishubhubhui, ishubhubhui Terikpoe lɛlɛ klɛ Ɛlɛ ko, gɛ aba denɔ Aka nɛ ɔkɔ, gɛ eyuku nɛ ɛyamyuyɔ anɛ kɛgba.

Yohanɛsɛ 4:25

Adzɛ nɛ aɖɔ sɛ, “Ɛnyi Mezaya alɛlɛ (beklu sɛ Kristo) aaba. Kibelɛlɛ nɛ gɛ aba, ebe bu kibuinyɛbui esi kɔ lɔ.”

Axwɛwɛwa 7:48

Pɔ nɛ, Kpaya gɛ enu Apalete nɛ ata za bevu nɔ nɛ mɛ gɛ banɔ be dzu. Ansɛ gɛ atɔnu na ɖɔ asɛ,

2 Kɔrintioanɛ 4:18

Kɛlɛso budɛ yɛkɔ aŋuhu trɔ kɛdɔ nɛ gɛ kɛ wɔɛ̃, pɔ kɛ gɛ tɛ wɔɛ̃ nɛabha. Alasɛ kɛgɛ wɔɛ̃ kɛlɛ be dɛdze, pɔ kɛgɛ tɛɛ wɔɛ̃ kɛlɛ tɛ beke.

2 Kɔrintioanɛ 5:1

Ɔtsɔ̃nɛ bu nyi sɛ onugɛ kɛsukpɛa bha kagba nɛ mɛ gɛ bu kpasɛ ka yɛɛ, buvu lɛ bulɔ ahwɛ denɔ Kpaya kɔ, ɔfufɔɛ mɛ buvu nɛ owũsise, gɛ ganɛ anɔdzyrame ɛhwɛ ba yɛkɔ abhɔ bulɛ nɔ.

Koloseanɛ 2:11

Nɛ yɛ mɛ wɔnɔ tsyɛ be bhui bunyɛnyɛ kɔ nɔ, nɛ sɛ tɛ be bu buzizi bhɛbhɛtɛ nɛ atɛ̃, anɛ bunyɛnyɛ bhubhui nɛ banɔ ahwɛ pɔ nɛ bunyɛnyɛ̃ bhubhui gɛ Kristo abhɛtɛ,

Hebriuanɛ 10:1

Ɔshã kɛtɛwui ko lo nu kɔ ebui dzyɔgo gɛ la ba, ganɛ adzyɔgo nahwɛ. Alasɛ kibuinɛ so kɛtɛ ba bɛlɛmɛ sɛ, ishutsyitsye lɛlɛ gɛ babhɛtɛ kɛgɔnyɛgɔe dɛ, kɛtɛ ba kɔ bagɛ betsobunɔ busɔlɛsɔlɛ nɛ bana.

Hebriuanɛ 12:27

Ebui “buɖɔ trukpo plɛnɔ” kɛwɔɛ̃ kɛ gɛ hwa nɛ tɛbubu—kɛlɛ nu sɛ, kɛ gɛ ba bhɛtɛ— sɛ tɛ kɛgɛ ba tɛ ba hwa nɛ ɔkɛlɛ tɛwuwɔ.

Hebriuanɛ 13:14

So ɔkɛnɛ ɔma ma bulɔahwɛ gɛ bu ba za vɛnɔ faã, pɔ bu di kidzoe nu kɔ ɔma gɛ lɔ tɛ ba.

Hebriuanɛ 2:17

Alasɛ kɛnɛ nɛ so babhɛtɛ yɛ anasɛ yɛadzya lɛ nɛ kidzonyɛdzo abha, sɛ tɛ ebedzi kpayaɔzakɔanɔ gɛ eshutukubui didi anɛ̀ tɛyɛyɛkɛŋa lɛ yahwɛ nɛ Kpaya kɛxwɛwɛwa mɛ, sɛ tɛ atsrakɛ bezizi nɛ tɔkpu.

Hebriuanɛ 3:1

Kɛlɛso ishubhubhui badzyalɛ Dzyɔgo, gɛ be klu denɔ owũsise, nɔ yɛkɔ wɔnɔɛ bui ɔtrɔ Yesu abha, anɔkpɛkpɛ anɛ Kpaya ɔzakɔanɔ gbɛgbla gɛ buyɛkɛ yɛabhaŋa.

Hebriuanɛ 4:15

Alasɛ kpayazakɔanɔ ɖɛɖama ama bulɔ ahwɛ gɛ aba na eshutukubui di nɛ bulɔ kesizhizhi mɛ, pɔ teli alɛ bulɔ ahwɛ gɛ be tɛfeke yɛ di nɛ kidzonyɛdzoe abha, anasɛ gɛ bu lɛ—pɔ adɛ za nɛ buzizi.

Hebriuanɛ 7:1

Mɛltsyizɛdɛk anyanɛ edzi ekusi nɛ Kpayazakɔanɔ nɛ kɔ Kpaya Ɖɛɖamadɛ nɛ Salɛm. Atsyanɔ Abraham gɛ edetẽ bekusi klɛ ayula yɛ,

1 Yohanɛsɛ 5:20

Bu ka nyi sɛ Kpaya ye Yi nɛ aba klɛ akɔ lɔ kibuititi, sɛ tɛ bu ti yɛ gɛ enu agbɛagba. Klɛ bulɛ yɛ mɛ gɛ enu anɔɛgbɛagba—nɛ yɛ Yi Yesu Kristo tsyɛ mɛ. Ye nu kɛgbɛagba Kpaya anɛ̀ ɛkpã mabeke mabeke.

2 Yohanɛsɛ 1:7

Banɔ awuwɔɛ gelee, gɛ ba dɛdɛmɛ atrɔ Yesu Kristo anasɛ gɛ aba nɛ ishuidzya mɛ, ba tɛ koeyi ɛtsoku kanɔ nɛ mɛ. Anɔ alɛ nɛdi enu agɛ awɔɛ anɔ anɛ̀ otrokristo.