Hebriuanɛ 7:19 - ONUGBÙ NYƐNYÃ VUVƆ

¹⁹ (kɛlɛ ɔshã nɔdɔ bɔza kibuinyɛbui mɛ), klɛ ba bakasɛ kidyo dzyɔgo tili, gɛ kɛkɔ lotsobunɔ Kpaya.

Hebriuanɛ 7:19 Iomraidhean Croise

Yohanɛsɛ 1:17

Alasɛ ba kɔ ɔshã ganɔ Mose abha, ɛyɛmɛyuyɔ anɛ̀ kɛgba nɛ ba ganɔ Yesu Kristoa bha.

Yohanɛsɛ 14:6

Yesu ebuilɛnu sɛ, “Mɛ nu kidzo, kɛgbɛagba anɛ̀ ɛkpã. Anɔnyanɔ atɛ ba ba Aka ne ɔkɔ onugɛ adɛ ga mɛabha.

Axwɛwɛwa 13:39

Ganɔ yɛa bha nɛ anɔnyanɔ gɛ ayɛkɛ aŋa nɛɛ ba bhɛtɛ yɛ ana ganɔ kidzonyɛdzoa bha gɛ nɔ tɔ na nɛ Mose ɔshã nɛ nu flogo.

Romanɛ 5:2

ganɔ yɛa bha lɔ mɔ kidzo ganɔ tɛyɛykɛŋa pɛ bu tsoku eshutukubui didia nɛ mɛ gɛ bu li titi ɔtsɔ̃. Klɛ bu mɔ same nɛ kidzoenudidi nɛ Kpaya ishubhubhui mɛ.

Romanɛ 7:7

Kide lɔ ba ɖɔ ɔtsɔ̃? Buzizi ɔshã nɛ onu? Nɛ kɛgbɛagba mɛ kɛma na! Kɛgbɛagba ɛgɛ ta ti kɛdɔnɔ nɛ gɛ buzizi nu gɛ odi nu sɛ ganɔ ɔshã nɛm. Alasɛ ɛgɛ ta ti kɛdɔnɔ nɛ gɛ kawɔ̃kpɛ ke nu otɔsɛ ɔshã nɛ ɔdɛ ɖɔ sɛ, “Tɛ kpɛ awɔ̃.”

Romanɛ 8:3

Alasɛ kɛdɔnɔ nɛ gɛ ɔshã nɛ ɔdɛ mɔ kemi pɛ lɔ na bhɛtɛ akpɛasɛ buzizi tɛzɛzam zi dɔ nɛ ɔlɛ shu so, Kpaya xũ nɛ abhɛtɛ kɛlɛ ganɔ yɛnahwɛ Yɛeyi nɛ gɛ akpɛ asɛsɛ ansɛ anɔ zizi gɛ ba yɛkɔ akɔ nɛ buzizi kɛtɔkpu. Klɛ so ebu buzizi kɛpɔ nɛ anɔ gɛ abhɛtɛ buzizi mɛ,

Galatianɛ 2:16

nɔ ti sɛ be te bu anɔ butsya nɛ ɔshã abha abhɛbhɛtɛ, pɔ nɛ Yesu Kristo tɛyɛyɛkɛŋa abha. So bulɔ, tsyɛ, bu kpɛ bulɔ tɛyɛyɛkɛŋa nɛ Kristo Yesu mɛ tɛ bu ba ŋa butsya nɛ Kristo mɛ klɛ anɛ ɔshã nɛabha bhɛbhɛtɛ, alasɛ nɛ ɔshã nɛabha bhɛbhɛtɛ anɔnyanɔ atɛ ba ŋa butsya.

Galatianɛ 3:21

Ɔshã nɛ, kɛlɛso, lɔlɔɛtiti nɛ Kpaya tɛtrɔlu nɛ shu? Kɛmɛlɛmɛ ana! Alasɛ onugɛ bakɔ ɔshã sɛ tɛ babhɛtɛ ɔlɛabha tɛ ba mɔ ɛkpã, kɛlalɛ kibuidzyɔgo bhɛbhɛtɛ ba ba ganɔ ɔshã nɛabha

Galatianɛ 3:24

Kɛlɛso ba kpɛ ɔshã sɛ tɛ lɔza bulɔ nu tɛ lɔ gbanɛ lɔ vɛnɔ wɔnɔ Kristo ɔkɔ tɛ be bhutsya anɛ tɛyɛyɛkɛŋa abha.

Efesoanɛ 3:12

Nɛ yɛ mɛ klɛ ɔganɔ tɛyɛyɛkɛŋa nɛ yɛabha bɔ bana Kpaya tsobunɔ nɛ́ ishuahwɛzɛza anɛ kabhaŋɛŋa.

Koloseanɛ 1:27

Kɔ ba gɛ Kpaya eklu tɛ akɔ balɛmɛ Bagɛdinu Yuɖanɛ tii kabhaŋɛŋa ehueyi yɛ ebuikpukpu gɛ kɛ nu Kristo nɛ wɔnɔɛ mɛ, kidzoenu didi kabhaŋɛŋa.

1 Timotio 1:1

Paolo, Kristo Yesu anɔkpɛkpɛ ganɔ bulɔ Kpaya ɔshã nɛa bha agɛ ebu lɔ nɛ kibuiɖuɖɔ nu anɛ Kristo Yesu gɛ enu bulɔɛ dzoenudidi,

Hebriuanɛ 10:1

Ɔshã kɛtɛwui ko lo nu kɔ ebui dzyɔgo gɛ la ba, ganɛ adzyɔgo nahwɛ. Alasɛ kibuinɛ so kɛtɛ ba bɛlɛmɛ sɛ, ishutsyitsye lɛlɛ gɛ babhɛtɛ kɛgɔnyɛgɔe dɛ, kɛtɛ ba kɔ bagɛ betsobunɔ busɔlɛsɔlɛ nɛ bana.

Hebriuanɛ 11:40

Kpaya atrɔ kibui dzyɔgodɛ tili elu kɔlɔ sɛ tɛ baza plɛnɔ lɔ tɛ ba babhɛtɛ alɛ tɛ ba na.

Hebriuanɛ 11:6

Klɛ tɛyɛyɛkɛŋa mazɛlɛ mɛ ɔtɛ bɔ na Kpaya awɔ̃ ku, alasɛ anɔnyanɔ gɛ aba ba yɛ ɔkɔ alasɛ tɛ ayɛkɛŋa sɛ alɛ klɛ abuya kɛbhɛ kɔ bagɛ ba pɛɛ yɛ gɛganɛ.

Hebriuanɛ 3:6

Pɔ Yesu abhɛtɛ atrɔ ebui nɛabha anasɛ Kpaya yɛ yi nɛ yɛ bupa nɛ mɛ. Bulɔ nu yɛ bupa, onugɛ bu yɛkɔ ishu trɔ yɛabha klɛ budi yɛ dzoenu nɛ tɛyɛyɛkɛŋa.

Hebriuanɛ 4:16

Nɔ kɔlɔ yɛ kɔ kemikpɛkpɛ tsobunɔ ɛyɛmɛyuyɔ bukusi, sɛ tɛ bu yɛkɛ eshutukubui didi nɛ tɛ bupɛɛ ɛyɛmɛyuyɔ tɛ kɛplɛnɔ lɔ nɛ kibe gɛ bupɛɛ nɛ mɛ.

Hebriuanɛ 6:18

Kpaya abhɛtɛ kibui nɛ asɛ tɛ, ganɔ ebui tabha gɛ eti be tsyina mɛ gɛ kɛ tɛ ba za sɛ Kpaya ana otro hu, tɛ bulɔa gɛ tɛ fla da nyɛna kidzoenudidi nɛ mɛ gɛ ba kɔ lɔ nɛ vunɔ bu mɔ kemi gbɛgbla.

Hebriuanɛ 7:11

Onugɛ ba ba mɔ denɔ tɛnɛna Lewianɛ kpayamɛzɛza nɛ (alasɛ ganɔ kɛɛ nɛ nɛa bha la yɛkɔ ɔshã nɛ akɔ banɔ), kideso gɛ kɛ kabisi sɛ ba pɛɛ kpayazakɔanɔ sɛ afla ba—nɛ Mɛltsyizɛdɛk tɛ zɛza mɛ nu, pɛ kɛdɛ nu sɛ Aaron tɛ zɛza mɛ?

Hebriuanɛ 7:20

Klɛ batanɛdɔ nɛ alɛ abha! Bagugɔɛ ba dɛ tanɛdɔ akpɛalɛ gɛ ba be dzi kpayazakɔanɔ,

Hebriuanɛ 7:25

Kɛlɛso aba za yɛkɛ kɔ bagɛ balɛ petee gɛ ba ba Kpaya kɔ aganɔ yɛabha, alasɛ alɛ kibenyɛbe sɛ tɛ evuboe kɔ alɛ.

Hebriuanɛ 8:6

Pɔ Yesu yɛ kɛxwɛwɛwa gɛ ayɛkɛ balɛ yɛ anasɛ onugbunyɛnya gɛ enu eboevu kɔ kɛ kuku tirikpo, klɛ be dzu ɔlɛesi nɛ kɛdzyɔgodɛ nɛabha gɛ baɖɔlu nɛ shu.

Hebriuanɛ 9:9

Kɛnɛ kɛlɛnu kibui kpɛkpasɛ nɛ kibe nɛ mɛ, gɛ ɛyɛmɛyuyɔ anɛ bugu gugu nɛ vɛabha tsyɛ kɛtɛ bhɛtɛ sɛ kpayazakɔanɔ nɛ temɛ tɛdɔ kɔ kɛxwɛ wuwa.

Yakobo 4:8

Tsuobunɔ Kpaya klɛ yɛ tsyɛ ebe tsuebunɔ nɔ. No plu wɔnɔ ahwɛ, wɔnɔ bagɛ abhɛtɛ buzizi, tɛ no xule nɔ idzyim, wɔnɔ atɔkpum tabha-elete.