Hebriuanɛ 7:18 - ONUGBÙ NYƐNYÃ VUVƆ

¹⁸ Bebu tɛtɛtrɔ putɔ nɛlu kɛwã alasɛ lɛ gblɔdzɔ klɛ lɛvama kibuinyɛbui mɛ

Hebriuanɛ 7:18 Iomraidhean Croise

Axwɛwɛwa 13:39

Ganɔ yɛa bha nɛ anɔnyanɔ gɛ ayɛkɛ aŋa nɛɛ ba bhɛtɛ yɛ ana ganɔ kidzonyɛdzoa bha gɛ nɔ tɔ na nɛ Mose ɔshã nɛ nu flogo.

Romanɛ 3:31

Kɛlɛ sɛ tɛ, ɔtsɔ̃, bu tsa odi kpɛ ɔshã nɛm ganɔ tɛyɛyɛkɛŋa nɛ so? Kɛma ana! Nɛ kɛlɛ ɔzakɔ, alɛasɛ tɛ bu nyɛna ɔshã nɛm vunɔ.

Romanɛ 8:3

Alasɛ kɛdɔnɔ nɛ gɛ ɔshã nɛ ɔdɛ mɔ kemi pɛ lɔ na bhɛtɛ akpɛasɛ buzizi tɛzɛzam zi dɔ nɛ ɔlɛ shu so, Kpaya xũ nɛ abhɛtɛ kɛlɛ ganɔ yɛnahwɛ Yɛeyi nɛ gɛ akpɛ asɛsɛ ansɛ anɔ zizi gɛ ba yɛkɔ akɔ nɛ buzizi kɛtɔkpu. Klɛ so ebu buzizi kɛpɔ nɛ anɔ gɛ abhɛtɛ buzizi mɛ,

Galatianɛ 3:15

Badzya mɔ, nɔ kɔmɛ yɛkɔ kibui bhɛbhɛtɛ kasɛ denɔ kiwuinyɛwui ɛkpã zɛza mɛ. Anasɛ gɛ anɔnyanɔ atɛ ba yɛkɔ elu yɛ wã pɛnɔ aplɛnɔ Anɔdzyrame onugbunyɛnya gɛ batrɔ lu nɛ shu, so kana lɛ lɛ nɛ kɛnɛ nɛ shu.

Galatianɛ 3:17

Kɛgɛ ɛɖɔ kɛlɛ nu sɛ: Ɔshã, bakpɛɔ lɛ agɔ kɛfɔɛfɔ tɛalɛ̃ nɛ afata (430) oputɔnɔ, adɛ yɛkɔ tɛnyɛnya elu kɛwã kibelɛlɛ gɛ Kpaya anya ɔlɛ klɛ gɛ ashɛnahwɛ ebui tɛtrɔlu nɛ shu.

Galatianɛ 3:21

Ɔshã nɛ, kɛlɛso, lɔlɔɛtiti nɛ Kpaya tɛtrɔlu nɛ shu? Kɛmɛlɛmɛ ana! Alasɛ onugɛ bakɔ ɔshã sɛ tɛ babhɛtɛ ɔlɛabha tɛ ba mɔ ɛkpã, kɛlalɛ kibuidzyɔgo bhɛbhɛtɛ ba ba ganɔ ɔshã nɛabha

Galatianɛ 4:21

Tsre mɛ, wɔnɔ gɛ nɔ pɛɛ sɛ tɛ nɔ za ɔshã nɛesi, nɔ tinyi kɛdɔnɔ nɛ gɛ ɔshã nɔ ɖɔ?

Galatianɛ 4:9

Pɔ ɔtsyɔnɛ gɛ nɔ nyi Kpaya— pɛnɔ Kpaya yenyi nɔ—kɛlɛ kɛdzi sɛ nɔ tsyina kede kpɛ bagɛ ba ma kemi anɛ bagɛ ku eshutukubui ɛkpãzɛza? Nɔ pɛɛ sɛ tɛ nɔ flodzi banɔ dzidzi kɔalɛ?

1 Timotio 4:8

Alasɛ ishuidzyam hihe nɛ lɛ kedziŋɛŋa tieli mɛ, pɔ kpayamzɛza kedziŋɛŋa lɛ kɔ kɛlɛ nɛ ebui nɛ petee mɛ, ki vunɔ kidzoenudidi kɔ ɔtsɔ̃ nɛ ɛkpã anɛ ɛkpã nɛ gɛ ba tɛ ba.

Hebriuanɛ 13:9

Nɔ tɛkɔ kɛdɔ kɛkasɛ bhlatɔ dinyɛdi kɛ gbanɛ nɔ koeyi nɛ kidzo dzyɔgo nɛabha. Kɛbɔ sɛ tɛ kɛdɔkukɔ kpɛ lɔ idzyi kemi, anɛ kibenyɛbe dɔ ŋɛŋa gɛ kɛdɛ plɛnɔ bagɛ baŋa lɛ.

Hebriuanɛ 7:19

(kɛlɛ ɔshã nɔdɔ bɔza kibuinyɛbui mɛ), klɛ ba bakasɛ kidyo dzyɔgo tili, gɛ kɛkɔ lotsobunɔ Kpaya.