Hebriuanɛ 6:4 - ONUGBÙ NYƐNYÃ VUVƆ

⁴ Kɛtɛ ba bɛlɛmɛ kɔ bagɛ ba tɛ danɛ balɛ amɛ nɛ kibe tili, gɛ be ti mini owũsise kɛdɔkukɔ, pɛ ba tɛ mɔ balɛ yɛ ayɛkɛ nɛ Ɔfufɔɛ Dzyɔgo nɛ mɛ,

Hebriuanɛ 6:4 Iomraidhean Croise

Mateo 12:45

Ɔkɛlɛ ɔfufɔɛ nɛ ootsodzi ɔvɛ ɔdɔ gbanɔ tigene bhlatɔ gɛ tsɔmɔ dɛ ɔlɛ nahwɛ nɛ ata shu, klɛ lɛ ba tsoku da za ɔkɛlɛ. Klɛ anɔ yɛ tɛzɛza mɛ ba tsodzi tsɔmɔ dɛa na gɛ aza putɔnɔ. Kana kɛ ba za kɔ kɛtɔkpum gɛganɛ tɛmumɔɛ nɛm banɔ.”

Mateo 5:13

“Wɔnɔ nu kanɔ nɛ mɛ bɔmɔɛ. Pɔ onu gɛ bɔmɔɛ lɛla bulɛ ɔdzyɛ, kɛlɛ bu zɛ ba dzi bɔmɔɛ? Bɔ tia pɛ kɔ kɛdɔnyɛdɔ, ɔyɛkɔ dɛ sɛ tɛ ba yɛkɔ bulɛ atɛɛ elu kɔ banɔ la ga.

Yohanɛsɛ 15:6

Onugɛ anɔ teli ama mɛ shui mɛ, alɛ anasɛ ɔshɛ̃ gɛ be te atɛ̃ klɛ lɔ kpã, ɛshɛ̃ lɛlɛ nɛ di ba tɔkɛ lɛ atɛ̃ akpɛ kifu mɛ klɛ lɛ tã.

Yohanɛsɛ 3:27

Kɔ kibui nɛ so Yohanɛs ebuilɛ nu aɖɔ sɛ, “Anɔ aba yɛkɛ kɛdɔnɔ ko gɛ bakɔ yɛ denɔ owũsise.

Yohanɛsɛ 4:10

Yesu ebuilɛnu kɔ adze nɛ asɛ. “Ɔtɔsɛ onyi Kpaya dɔ kukɔ klɛ agɛ yɛ bisi wɔ buni wuwɔɛ, wɔ ɔtɔ bisi yɛ klɛ ata kɔ wɔ ɛkpa buni.”

Yohanɛsɛ 6:32

Yesu etsre alɛ sɛ, “Itsre nɔ kɛgbɛ, ganɛ Mose yɛa kɔ nɔ gbɛ̃gbɛ̃vu denɔ owũsise, pɔ mɛ Aka yɛ akɔ nɔ gbɛ̃gbɛ̃vu kɛgbɛagba denɔ owũsise.

Axwɛwɛwa 10:45

Banɔ nɛ gɛ be kebhui bɔnyɛnyɛ gɛ ba yɛkɛ Yesua bha ŋa pɛ baza Petroe de aba klɛ nɛ tsyɛ kiyinɔa lɛ sɛ be bu Ɔfufɔɛ Dzyɔgo nɛ abalɛ bagɛ edi nu Yuɖanɛ nɛ tsyɛa bha.

Axwɛwɛwa 11:17

So onu gɛ Kpaya atɛ kɔalɛ kɛdɔnɔ nɛ gɛ akɔ lɔ bulɔa gɛ yɛkɛ Apalete Yesu Kristo nɛa bha ŋa, anedi mɛ dzi gɛ ɛba bhɛtɛ kɛtɔkpum sɛ ɛba na kititi lɔ nɛ Kpaya shu?”

Axwɛwɛwa 15:8

Kpaya, gɛ enyi idzyi mɛ, nɛ ebu akasɛ asɛ ayɛkɛ balɛ aganɔ Ɔfufɔɛ Dzyɔgo nɛ tɛyɛyɛkɔ kɔalɛ mɛ, ansɛ gɛ abhɛtɛ akɔ lɔ.

Axwɛwɛwa 8:20

Petro ebui lɛ bunu asɛ: “Kɔ wɔ anɛ wɔ ehoeyi nɛ aga vɛ, alasɛ odi sɛ ɔbɔ na Kpaya kɛdɔkukɔ nɛ bu dzi nɛ ehoeyi!

Romanɛ 1:11

Ɛpɛɛ kukuku sɛ tɛ ɛmɔ nɔ sɛ tɛ ɛba yɛkɔ ɔfufɔɛ mɛ kɛdɔkukɔ tili kpɛ wɔnɔm sɛ tɛ kɛbhɛtɛ nɔ tɛ nɔ gɛganɛ—

2 Kɔrintioanɛ 4:4

Kanɔanɛ mɛ kpaya nɛ epu aŋuhu kɔ bagɛ badɛ yɛkɛaŋa, so tɛ batɛ mɔ kibui dzyɔgo nɛ futɛtã gɛ kɛnu Kristo kabhaŋɛŋa gɛ alɛ Kpaya tɛzɛzɛmɛ.

2 Kɔrintioanɛ 4:6

Alasɛ Kpaya gɛ aɖɔ sɛ, “Kɔ kifu nɛ tã denɔ otumu mɛ,” bhɛtɛ yɛ fu tɛ kɛtã nɛ bulɔ idzyi mɛ tɛ kɛkɔ lɔ kifu buititi nɛ́ Kpaya kabhaŋɛŋa nɛ Kristo amɛ.

Galatianɛ 3:2

Ɛpɛɛ sɛ tɛ ɛkpasɛ kibui tirikpo ko denɔ wɔnɔ kɔ: Nɔ yɛkɛ Ɔfufɔɛ ganɔ ɔshã abha bhɛbhɛtɛ, pɛnɔ kibui yɛyɛkɛŋa gɛ nɔ nu?

Galatianɛ 3:5

Bukɔ Kpaya akɔ nɔ Ɔfufɔɛ klɛ abhɛtɛ kibuiyinanɔ nɛ wɔnɔɛ shi alasɛ nɔ bhɛtɛ ɔtrɔ ɛshã nɛabha, ɔdɔgɔsɛ alasɛ nɔ yɛkɛŋa nɛ kibui nɛ gɛ nɔ nu nɛabha?

Efesoanɛ 1:18

Ɛka klukpaya tsyɛ sɛ wɔnɔ idzyi aŋɔhu la danɛ sɛ tɛ nɔ tii kidzoenudidi kɔ kɛ gɛ lɛ so gɛ eklu nɔ, yɛ kededɔŋɛŋa nɛ shu bhubhui nɛ kpayabanɔ nɛ mɛ,

Efesoanɛ 2:8

Alasɛ ganɔ ɛyamyuyɔ mɛ be bhui nɔ ayɛkɛ, nɛ tɛyɛyɛkɛŋa mɛ—klɛ kɛnɛ kɛ di de wɔnɔ nahwɛ ɔkɔ, kɛ nu Kpaya kɛdɔ gɛ akɔ—

Efesoanɛ 3:7

Ɛba dzi axwɛdɛ kɔ kibui dzyɔgoe gɛ bakɔ ganɔ Kpaya ɛyamyuyɔ gɛ akɔ mɛ ɔganɔ yɛ bupu kɛxwɛwɛwae mɛ.

Efesoanɛ 4:7

Pɔ kɔ bulɔ anɔnyanɔ ɛyamyuyɔ gɛ bakɔ anasɛ gɛ Kristo akɔɛ lɛ.

1 Timotio 4:14

Nɔ tɛ shɛ̃nahwɛ wɔnɔ kɛdɔkukɔ nɛ shu, gɛ ba kɔ nɔ ganɔ kibuiɖuɖɔlu nɛ mɛ nɛ kibe lɛ gɛ banɔɛha shishe nɛ atrɔahwɛ nɛ wɔnɔa bha.

2 Timotio 2:25

Bagɛ ba ma yɛe de, adɔfɔɔ̃ tɛ ebu ebui mɛ akɔa lɛ, nɛ kidzoenu didi sɛ Kpaya aba kɔa lɛ kitem tsyitsyina gɛ ba gbanɔa lɛ vɛnɔ kɛgba nɛ tititi mɛ,

2 Timotio 4:14

Alɛksanda ɔɖaxwɛawɛwa nɛ ezi kɛdɔ gelee nɛ mɛ shu. Apalete nɛ aba buya kɛbhɛ akɔɛ nɛ kɛgɛ abhɛtɛ nɛ tɔkpu.

Hebriuanɛ 10:32

Nɔ baka ewui nɛ gɛ la ba fla gɛ nɔ yɛkɛ Kpaya yɛ bui nɛ beke, gɛ nɔ za wɔnɔ ɔzakɔ nɛ tɛwɛ̃wlãnkɛ gɛganɛ anɛ ebuiamɛ mumɔ mɛ.

Hebriuanɛ 2:4

Kpaya tsyɛ ebuilɛ akasɛ nɛ ebuimumɔ, kifuebui anɛ ebuiyinɔanɔ ediedi, anɛ kɛdɔ kukɔ denɔ Ɔfufɔɛ Dzyɔgo nɛ dɔ yɛyakɔ anɔ nɛ yɛ tɛpɛpɛɛ.

1 Yohanɛsɛ 5:16

Onugɛ anɔ teli amɔ yɛ adzya abhɛtɛ kibui kpã gɛ kɛ tɛ ba gbanɛ yɛ kpɛ butsi mɛ, eklukpaya klɛ Kpaya aba kɔ yɛ ɛkpã. Ɛɖɔɛbui denɔ ba gɛ balɛ ebuikpã tɛ ba gbanɛ alɛ akpɛ butsi mɛ. Kibuikpã tili lɛ gɛ kɛ gbanɛ anɔ kpɛ butsi mɛ. Ɛtɛ ɖɔ sɛ èklukpaya kɔ alɛlɛ nɛɛ di.