Hebriuanɛ 6:2 - ONUGBÙ NYƐNYÃ VUVƆ

² kɛdɔkɛkasɛ denɔ bunikpɛkpɛ shu, anɛ ahwɛ tɛtrɔ nɛ anɔabha, betsitsi anɛ tɛnyɛnyɛmɛ, anɛ kebhuikuklu gugɔɛ mabeke mabeke.

Hebriuanɛ 6:2 Iomraidhean Croise

Mateo 28:19

Kɛlɛ so, nɔ vɛ tɛ nɔ dɔ bhɛtɛ amadi nɛ petee tɛ le dzi badɔkpasɛ, tɛ nɔ kpɛ buni kɔ banɔ nɛ Aka anɛ Eyi nɛ nyi mɛ anɛ Ɔfufɔɛ dzyɔgo,

Mateo 3:14

Pɔ Yohanɛsɛ edi asɛ tɛ aplɛ yɛ, aaɖɔ asɛ, “Mɛ kɛlɛ sɛ tɛ ɔkpɛuni ɔkɔ, klɛ mɛ ɔkɔ ɔba?”

Marko 16:16

Anɔnyanɔ gɛ ayɛkɛ aŋa pɛ nɔɔ kpɛ buni ɔkɔ yɛ nɛ ebe dzi anɔ gɛ be bu, pɔ anɔnyanɔ gɛ adɛ yɛkɛ aŋa be be bu yɛ butsipɔ.

Marko 7:4

Onu gɛ bee de kedzim pɛ baa ba, beeke plu ishu ba tɛ ŋa kɛdɔ. Klɛ ba ka nyɛna begu kpi mɛ evunɔ, ansɛ buntse, butsukpu anɛ bunieplui mɛ tɛtsitsi).

Marko 7:8

Nɔ shɛnahwɛ Kpaya ɛshã nɛ shu olu klɛ nɔ dɔ lɛ banɔdzyrame begu nɛ ede.”

Luka 11:38

Pɔ gɛ Farisieyi, amɔ sɛ Yesu ediplu ahwɛ eputɔnɔ flogo gɛ etenɔ kɛdɔ nɛ ŋa, kɛbhɛtɛ yɛ bi.

Luka 12:50

Pɔ bunikpɛkpɛ lɛ sɛ tɛ ɛyɛkɛ, klɛ kɛtrɔ mɛabha ɔdɔtɔnɔ kibelɛlɛ mɛ gɛ ɛyɛkɛ lɛ beke!

Luka 14:14

klɛ ba ba yula wɔ. Kɛlɛlɛmɛɛ sɛ ba tɛ ba tsodzi abuya kɛbhɛ akɔ wɔ, wɔɛ bhɛ bubuya lɛ kɔ wɔ nɛ banɔ dzyɔgo tɛlɛlɔɛ wui nɛabha.”

Luka 3:16

Yohanɛsɛ etsre balɛ petee asɛ, “Ɛkpɛ buni kɔ nɔ nɛ buni. Pɔ kemi anɔ teli aba ba gɛ adɛ mɛ, yɛ ɔtsreklɔ ohui tsyɛ ɛdɛna gɛ ɛba bule. Yɛ aba kpɛ buni kɔ nɔ nɛ̀ Ɔfufɔɛ dzyɔgo nɛ kifu.

Yohanɛsɛ 1:33

Ɛgɛ ta ti yɛ, ɔdɛsɛ anɔ nɛ gɛ akpɛ mɛ sɛ tɛ ɛkpɛuni kɔ banɔ nɛ buni yɛ tsre mɛ, ‘Anɔ nɛ gɛ nɔ mɔ sɛ Ɔfufɔɛ nɛ zhi ba klɛ lɔ wɔ, yɛ nu agɛ aba kpɛni nɛ̀ Ɔfufɔɛ Dzyɔgo.’

Yohanɛsɛ 5:29

klɛ ba be koeyi— bagɛ babhɛtɛ kibui dzyɔgo ba ba lɔ aza nɛ kpã, klɛ bagɛ babhɛtɛ kibui zizi ba ba lɔ sɛ tɛ bebu balɛ pɔ.

Axwɛwɛwa 10:47

“Anɔ teli aba na banɔa nɛa bha dzua hwɛ sɛ ba tɛ kpɛ buni akɔa lɛ dza? Ba tɛ yɛkɛ Ɔfufɔɛ Dzyɔgo nɛ ansɛ gɛ blɔ tsyɛ tɛ yɛkɛ.”

Axwɛwɛwa 13:3

So nɛ balɛ onugbu nyɛnya anɛ kpayakuklu nɛede nɛɛ, ba trɔ ahwɛ nɛ balɛa bha klɛ ba kpɛ balɛ dzo kɔ kɛxwɛ.

Axwɛwɛwa 16:15

Kibe lɛ gɛ yɛɛnɛ yɛ bupa nɛ petee ba yɛkɛ bunikpɛkpɛ beke nɛɛ eklu lɔ avɛnɔ yɛ bupa mɛ. Ɔkɛlɛ aɖɔ asɛ, “Onu gɛ nɔ mɔ mɛ ansɛ anɔ gɛ ayɛkɛ Apalete nɛa bha aŋa nɛɛ,” “klɛ ba tɛ nɔ bɔ za mɛ ɔkɔ.”

Axwɛwɛwa 16:33

Nɛ elishia lɛlɛ nɛ mɛ anyɛ nɛ gɛ akpɛa lɛ buvu pɛ eepoa lɛ nɛ agbanɔ Paolo anɛ Silas klɛ ada bɔ balɛ apɔ na kɔa lɛ; ganɔ klɛ mɛ nɛɛ anyɛ nɛ yɛ bupa nɛ petee ba yɛkɛ bunikpɛkpɛ.

Axwɛwɛwa 17:18

Epikuirianɛ anɛ Stoikanɛ bebuiti teli ba kpa kibui wlɔ̃akɛ nɛ yɛ. Beteli ebisi asɛ, “Kide anuvɔaɖɔ anɔa nɛ apɛa sɛ tɛ aɖɔ?” Banɔ bhlatɔ teli tsyɛa kpɛ onugbu nɛ klɛ mɛ asɛ, “Edzi ansɛ awlɔ̃akɛ amadi bhlatɔ mɛ ibuidi kɛtɔkpu.” Ba ɖɔ kana alasɛ Paolo aza ɖɔ kaɖɔ edenɔ kibui dzyɔgo nɛ Yesu anɛ yɛ tɛlulɔ denɔ butsi mɛ nɛ shu.

Axwɛwɛwa 2:38

Petro ebui lɛ bunu asɛ, “No tsyina kitem tɛ nɔ yɛkɛ bunikpɛkpɛ, wɔnɔ mɛ anɔnyanɔ, nɛ Yesu Kristo kinyim kɔ wɔnɔ buzizi tɛ yɛyɛkɔ tsye. Klɛ nɔ bɔ yɛkɛ Ɔfufɔɛ Dzyɔgo mɛ kɛdɔkukɔ.

Axwɛwɛwa 2:41

Banɔ nɛ gɛ ba yɛkɛ kibui ba kpɛ buni akɔa lɛ, klɛ banɔ ansɛ akpãtata balɛ la za yɛkɔ ata tɛkpikpe nɛm kiwi lɛlɛ.

Axwɛwɛwa 23:6

Ɔkɛlɛ nɛɛ Paolo, gɛ enyi asɛ banɔ nɛ teli benu Sarusianɛ klɛ bagɔgɔɛ nɛ enu Farisianɛ so nɛɛ, akpɛ onugbu klɛ eklu edenɔ Bebhuiklu nɛ mɛ asɛ, “Madzyalɛ mɔ, mɛ nɛ Farisieyi mɛ ɛnu, Farisieyi ya mɔ mɛ. Ili kititi kɔ kebhui kuklu nɛ mɛ alasɛ ɛyɛkɛ ŋa sɛ tɛ lɔlɔ lɛ nɛ butsie de.”

Axwɛwɛwa 24:15

klɛ kabha yɛyɛkɛŋa lɛ mɛ ahwɛ nɛ Kpayam anasɛ banɔa nɛ, sɛ tɛlulɔ ba za kɔ banɔ dzyɔgo anɛ atɔkpum gɛganɛ elete.

Axwɛwɛwa 24:21

gɛ odunu sɛ ogugu torikpo ko gɛ ɛkpɛ nɛ balɛ amɛ: ‘Kibui nɛ de anɔ tsitsi nɛ yɛ tɛnyɛnyɛmɛ shu gɛ klɛe kebhui mɛ kpasɛ nɛ wɔa mɛ obo.’ ”

Axwɛwɛwa 24:25

Gɛ Paolo aɖɔ kaɖɔ denɔ tɛzɛzam dzyɔgo, ishua bhaŋɛŋa anɛ kebhui kuklu nɛ ga ba ba, Felikisi esi kifu klɛ aɖɔ asɛ, “Agɛ ɔɖɔa na bɔ gbɔ! Ɔbɔ shɛ faã. Kɛɛ ba dɔ kɔm tsyɛ, ɛba kpɛ anɔ nɛ wɔesi.”

Axwɛwɛwa 26:8

Kide so pɛ kɛ lɛ sɛ tɛ wɔnɔ mɛayɛ teli edi la sɛ kɛ dɛ nu kibui gɛ ba za kɛlɛm sɛ tɛ Kpaya anyɛmɛ anɔ tsitsi?

Axwɛwɛwa 4:2

Kɛ kpɛ balɛ bunuhu tsutsɔmɔ tsɔmɔ alasɛ banɔkpɛkpɛ na za kasɛ banɔ nɛ kɛdɔ klɛ baa ɖɔ nɛ Yesu kinyim tɛnyɛnyɛmɛ denɔ butsi mɛ.

Axwɛwɛwa 6:6

Ba yɛkɔ banɔ bubu na kpɛ ahwɛ kɔ banɔkpɛkpɛ, gɛ be klukpaya klɛ batrɔ ahwɛ nɛ balɛa bha.

Romanɛ 2:16

Kibui nɛ ba ba kɛlɛm nɛ kiwi nɛa bha gɛ Kpaya ebe kuluebhui nɛ banɔ nɛ ebuikpukpu ganɔ Yesu Kristoa bha, anasɛ gɛ mɛ kibuidzyɔgo nɛ buɖɔ.

1 Kɔrintioanɛ 10:2

Ba kpɛ buni kɔ balɛ petee nɛ Mose mɛ nɛ ɔmunɔ nɛesi klɛ nɛ̀ aƒu nɛ mɛ.

1 Kɔrintioanɛ 12:13

Alasɛ bulɔ petee ba kpɛ bini kɔ lɔ ganɔ Ɔfufɔɛ torikpo abha ɔkpɛ ishuidzya terikpo—kɛba kɛlɛmɛ sɛ onu Yuɖiaeyi, ɔdɔgɔsɛ Grikieyi, anɔdzidzi ɔdɔgɔsɛ ɔlɛ ishuahwɛ--klɛ ba kɔ bulɔ petee Ɔfufɔɛ torikpo ɔlɛ nɛ bu wɔɛ.

2 Kɔrintioanɛ 5:10

Alasɛ bulɔ petee bu ba wɔ̃ɛ nɛ Kristo kebhuikuklu kegbu nɛ amɛ, sɛ tɛ anɔ kanyaka aba yɛkɛ kɛgɛ lɛ kɔ yɛ kibelɛlɛ nɛ gɛ aza ishuidzya mɛ, kɛbadzi kɛdzyɔgo pɛnɔ kizizi.

Filipianɛ 3:21

agɛ ganɔ yɛ kemi nɛabha klɛ aba gbanɔ kɛdɔnyɛdɔ aba kpɛ yɛ kabhaŋɛŋa kesi, gɛ kɛba tsyina bulɔ shuidzya gblɔdzɔ sɛ tɛ lɛ ba za ansɛ yɛ ishuidzya gɛ ɛlɛ ishubhubhui mɛ.

Koloseanɛ 2:12

gɛ batɛ vubɔ nɔ nɛ̀ yɛ anɛ́ bunikpɛkpɛ mɛ klɛ ba nyɛmɛ nɔ nɛ yɛ ɔganɔ wɔnɔ tɛyɛyɛkɛŋa anɛ́ Kpaya kemi, agɛ anyɛmɛ yɛ edenɔ bekpui mɛ.

2 Timotio 2:18

gɛ ba tɛ nyɔ ashɛ alɔ kɛgba. Baa ɖɔa sɛ tɛnyɛnyɛmɛ denɔ bekpu mɛ nɛ tɛ ba lɛ mɛ, klɛ bee zi banɔ teli tɛyɛyɛkɛŋa.

Hebriuanɛ 11:35

Badzɛ bayɛkɛ balɛ betsitsi, gɛ baza ba nyɛmɛ alɛ amɛna kanɔ mɛ. Beteli ba kpalɛ butɔ klɛ ba dɛ dɛmɛ sɛ tɛ ba shɛ̃nahwɛ balɛ shu sɛ tɛ ba bamɔ tɛnyɛnyɛmɛ.

Hebriuanɛ 9:10

Kɛlɛ kɛdɔ ŋɛŋa anɛ kɛwũwɔ̃ɛ anɛ buni bubalɛesi edidedi ko lɛ nu—kede ɛshãbha bhɛbhɛtɛ ɛlɛ vɛabha ɔdɔtɔnɔ kibe nɛ gɛ ɛshãvuvɔ ba ba.

2 Petro 3:7

Nɛ kibui lɛlɛ nɛ ke ɔtsɔ̀nɛ owũsise anɛ kesukpa ba gɔ alɛ lu kɔ kifu, be lui lɛ kɔ kebhuikuklu kiwui nɛ̀ kɛlɛ tɛzizi kɔ banɔ nɛ gɛ ba dɛ yɛkɛ kpayabhaŋa.