Hebriuanɛ 6:18 - ONUGBÙ NYƐNYÃ VUVƆ

¹⁸ Kpaya abhɛtɛ kibui nɛ asɛ tɛ, ganɔ ebui tabha gɛ eti be tsyina mɛ gɛ kɛ tɛ ba za sɛ Kpaya ana otro hu, tɛ bulɔa gɛ tɛ fla da nyɛna kidzoenudidi nɛ mɛ gɛ ba kɔ lɔ nɛ vunɔ bu mɔ kemi gbɛgbla.

Hebriuanɛ 6:18 Iomraidhean Croise

Mateo 24:35

Owũsise anɛ kesukpa aba ba fla, pɔ mɛ kibui nɛ tɛ ba fla di.

Mateo 3:7

Pɔ gɛ amɔ Farisianɛ anɛ Sarusianɛ gɛ baa ba ɔkɛlɛ gɛ aakpɛ buni, etsre alɛ asɛ, “Wɔnɔ atagblashã yam banɔ! Anee ye tsre nɔ sɛ no si ɔlɔ butɔ nɛ gɛɛ ba?

Luka 2:25

Ɔtsɔnɛ anyɛ tɛli aza Yerusalem gɛ be klu asɛ Simeon, gɛ yɛ shu bhui klɛ aza gɛganɛ nɛ busɔlɛ mɛ. Epo agɛ aba yɔ dzyi kɔ Izraɛlanɛ, klɛ Ɔfufɔɛ dzyɔgo nɛ otsri yɛabha.

Romanɛ 15:5

Kɔ Kpaya nɛ gɛ yɛa kɔ awɔ̃dzudzu anɛ kemikpɛkpɛ nɛ akɔ nɔ terikpo bhɛbhɛtɛ ɔfufɔɛ nɛ wɔnɔɛshi ansɛ gɛ nɔ lɛ Kristo Yesue de,

Romanɛ 3:25

Kpaya ayɛkɔ yɛ akɔ anasɛ kɛtɔkpu tsɛtsrakɛ, ganɔ tɛyɛyɛkɛŋa nɛ yɛ dzyosu mɛ. Abhɛtɛ kibui nɛ asɛ tɛ ayɛkɔ ebu yɛ tɛnɛna nɛ akasɛ, alasɛ nɛ yɛ tɛdudɔfɔ̃ɔ mɛ atɛ shɛ̃nahwɛ ebuizizi nɛ gɛ ba bhɛtɛ eputɔnɔ nɛ shu butɔ matɛtamatɛta—

Romanɛ 3:4

Kɛma na! Kɔ Kpaya edzi kɛgba, klɛ tɛ anɔnyanɔ edzi etroni. Anasɛ gɛ ba ŋlɔmɛ elu asɛ, “Sɛ tɛ ba trɔ ahwɛ nɛ wɔabha sɛ ɔna onu gɛ ɔɖɔaɖɔ klɛ tɛ wɔɛ bui nɛ ŋa onu gɛ okuluebhui.”

Romanɛ 5:5

Klɛ kidzoenu didi tɛ wɛɛ lɔ, alsɛ Kpaya atɛ balɛ yɛ tɛɖuɖɔ nɛ akpɛ bulɔ idzyi nɛm ganɔ Ɔfufɔɛ Dzyɔgo nɛa bha, gɛ atɛ yɛkɔ akɔ lɔ.

Filipianɛ 2:1

Onugɛ nɔ mɔ kitekpɛkpɛ tili denɔ wɔnɔ terikpo bhɛbhɛtɛ nɛ Kristo, onugɛ ishumɛdudɔ tili de yɛ tɛɖuɖɔ nɛ mɛ, onugɛ terikpo bhɛbhɛtɛ tili nɛ Ɔfufɔɛ, onugɛ tɛnyɛnyɛna mɔmɔ anɛ eshutukubui didi tili,

Koloseanɛ 1:23

onugɛ nɔ za wɔnɔ tɛyɛyɛkɛŋa abha, nɔ kpɛ kɛdɔesi nɛ́ tɛgɛganɛ, nɔ ti koeyi nɛ kidzoenudidi gɛ nɔ nyana nɛ kibui dzyɔgo nɛ mɛ. Kɛnɛ kɛlɛ nu kibui dzyɔgo gɛ nɔ nu klɛ kidzi kɛgɛ ba ɖɔ kɔ kɛdɔnyɛdɔ gɛ kɛ lɛ owũsise nɛesi, klɛ Mɛ, Paolo, ɛba dzi axwɛdɛ.

Koloseanɛ 1:27

Kɔ ba gɛ Kpaya eklu tɛ akɔ balɛmɛ Bagɛdinu Yuɖanɛ tii kabhaŋɛŋa ehueyi yɛ ebuikpukpu gɛ kɛ nu Kristo nɛ wɔnɔɛ mɛ, kidzoenu didi kabhaŋɛŋa.

Koloseanɛ 1:5

tɛyɛyɛkɛŋa anɛ̀ tɛdɛdɛmɛnɔ gɛ ki koeyi denɔ kidzoenudidi gɛ ba bala lu kɔ nɔ nɛ owũsise klɛ kɛ lɛ sɛ wɔnɔ no ti nu kibuigba nɛ dɔ, gɛ nu kibui dzyɔgo

1 Tɛsolonianɛ 1:10

tɛ no po Yɛeyi nɛ gɛ ede owũsise, gɛ anyɛmɛ edenɔ bekpu mɛ—Yesu, nɛ gɛ ebe bu lɔ edenɔ obulo nɛ gɛ ɔba nɛ mɛ.

1 Timotio 1:1

Paolo, Kristo Yesu anɔkpɛkpɛ ganɔ bulɔ Kpaya ɔshã nɛa bha agɛ ebu lɔ nɛ kibuiɖuɖɔ nu anɛ Kristo Yesu gɛ enu bulɔɛ dzoenudidi,

1 Timotio 6:12

Gɔnɛ tɛyɛyɛkɛŋa tɛgugɔnɛ dzyɔgo. Nyɛna ɛkpã gɛ tɛ ba beke nɛm ovunɔ, ɛgɛ ɛlɛ mɛ le kulu wɔa kɔ, nɛ kibe lɛ gɛ ɔbhɛtɛ wɔ ishu mɛ dɛdanɛ dzyɔgo nɛ bebuimɔɖɔ gelee amɛ.

2 Timotio 2:13

onu gɛ tɛyɛyɛkɛŋa ma bulɔ ahwɛ, yɛ aba za tɛyɛyɛkɛŋa mɛ, alasɛ yɛ atɛ ba na yɛ ishu nɛ shu shɛ̃nahwɛ.

Titusɛ 1:2

tɛyɛyɛkɛŋa anɛ kibuititi nɛ gɛ kɛ kpaplɛnɔ kidzoenudidi kɔ ɛkpã gɛ tɛ ba beke, gɛ Kpaya, gɛ eti hu otro, nɛ aɖɔɛ lɛ elu denɔ kibe nɛ kesikpɛkpɛ mɛ,

Hebriuanɛ 11:7

Ganɔ tɛyɛyɛkɛŋa abha Nowa, gɛ betsrɛnɔ denɔ ebui nɛ gɛ ba ka mɔ, nɛ kifu sisi bhubhui mɛ afatɛ kɛniabha opupu sɛ tɛ ebu yɛ bupa. Nɛ yɛ tɛyɛyɛkɛŋa nɛ mɛ ebu kanɔ nɛ mɛ pɔ klɛ ebe dzi balɛ kɛdɔ dzyɔgo nɛ kusi gɛ kɛ ba ganɔ tɛyɛyɛkɛŋa bha.

Hebriuanɛ 3:11

So nɛ mɛ obloe mɛ ɛtanɛdɔ sɛ, ‘Be ti be tsoku mɛ omuenekɔ nɛɛ di.’ ”

Hebriuanɛ 3:6

Pɔ Yesu abhɛtɛ atrɔ ebui nɛabha anasɛ Kpaya yɛ yi nɛ yɛ bupa nɛ mɛ. Bulɔ nu yɛ bupa, onugɛ bu yɛkɔ ishu trɔ yɛabha klɛ budi yɛ dzoenu nɛ tɛyɛyɛkɛŋa.

Hebriuanɛ 6:17

Alasɛ Kpaya apɛɛ asɛ tɛ eti tsyina yɛ bunuwã kpɛkpɛ kɛlɛso atanɛ dɔ ayɛkɔ atrɔ kɛklãgbu nɛ lɛabha.

Hebriuanɛ 7:19

(kɛlɛ ɔshã nɔdɔ bɔza kibuinyɛbui mɛ), klɛ ba bakasɛ kidyo dzyɔgo tili, gɛ kɛkɔ lotsobunɔ Kpaya.

Hebriuanɛ 7:21

pɔ yɛ ebedzi kpayazakɔanɔ gɛ batanɛdɔ akpɛ nɛ kibelɛlɛ gɛ Kpaya ɖɔ tsre yɛ asɛ: “Apalete atanɔ klɛ atɛ batsrakɛ yɛ tɔkpui mɛ bui: ‘Wɔ onu kpayazakɔanɔ faã.’ ”

1 Yohanɛsɛ 1:10

Onugɛ bu ɖɔ sɛ kibuizizi ma lɔ shu, bu ɖɔ nɛ ɔtɔ sɛ enu otro lete, klɛ yɛ ebui nɛ dɛ mɔ ɔzakɔ nɛ bulɔ ɛkpãɛ nɛ mɛ.

1 Yohanɛsɛ 5:10

Anɔnyanɔ gɛ ayɛkɛ Kpaya yɛ Yi nɛabhaŋa ayɛkɛ yɛ kaɖɔɖuɖɔ nɛ yɛ idzyi mɛ. Anɔnyanɔ gɛ adɛ yɛkɛ Kpaya bhaŋa ebu eyinɔ asɛ Kpaya enu otro elete, alasɛ adɛ yɛkɛ Kpaya kɛbui ɖɛɖɔ nɛabhaŋa gɛ aɖɔ denɔ ye Yi shu.