Hebriuanɛ 6:17 - ONUGBÙ NYƐNYÃ VUVƆ

¹⁷ Alasɛ Kpaya apɛɛ asɛ tɛ eti tsyina yɛ bunuwã kpɛkpɛ kɛlɛso atanɛ dɔ ayɛkɔ atrɔ kɛklãgbu nɛ lɛabha.

Hebriuanɛ 6:17 Iomraidhean Croise

Yohanɛsɛ 10:10

Ezi aba ko sɛ tɛ ebe zuru klɛ tɛ eyi anɔ nɛ tɛ ezidɔ. Ɛba sɛ tɛ banɔ ba mɔ ɛkpã, klɛ tɛ bayɛkɛ lɛ tɛ lɛ na.

Romanɛ 11:29

Alasɛ Kpaya kɛdɔkukɔ anɔ anɛ yɛ anɔkuklu nɛ ama gɛ ɔbɔ tsrakɛ.

Romanɛ 8:17

Ɔtsɔ̃ nɛɛ, onu gɛ buu nu banuvɔ, klɛa lɛ bu nu beyi gɛ aba ŋa Kpaya ɔzakɔ, Kpaya ɔŋakɔeyi anɛ ɔŋakɔeyi plɛnɔ Kristo, onu gɛ kɛɛ lɛ lɛm sɛ bu plɛnɔ nɛ yɛ batɔ́ nɛ mɛ sɛ tɛ bulɔ tsyɛ ba za yɛ ishu bhuibhui nɛ mɛ plɛnɔ yɛ.

Galatianɛ 3:29

Onugɛ onu Kristo ayɛ, kɛlalɛ onu Abraham eshui, nɛ bagɛ ba baŋa yɛ ɔzakɔ nɛ kɛ tɛtrɔlu nɛ shu.

Efesoanɛ 1:11

Nɛ yɛ mɛ be klu lɔ tsyɛ, be klu lɔ nɛ ebui bhɛbhɛtɛ nɛ nu gɛ kɛwaɛxwɛ nɛ kɛkanyaka mɛ nɛ yɛ tɛtɛtrɔ nɛabha,

Hebriuanɛ 11:7

Ganɔ tɛyɛyɛkɛŋa abha Nowa, gɛ betsrɛnɔ denɔ ebui nɛ gɛ ba ka mɔ, nɛ kifu sisi bhubhui mɛ afatɛ kɛniabha opupu sɛ tɛ ebu yɛ bupa. Nɛ yɛ tɛyɛyɛkɛŋa nɛ mɛ ebu kanɔ nɛ mɛ pɔ klɛ ebe dzi balɛ kɛdɔ dzyɔgo nɛ kusi gɛ kɛ ba ganɔ tɛyɛyɛkɛŋa bha.

Hebriuanɛ 11:9

Nɛ tɛyɛyɛkɛŋa ede ebhui yɛ ɔma nɛ kesukpa nɛ gɛ baɖɔlu kɔ yɛ nɛabha anasɛ efu nɛ anɔ bhlatɔ ɔma mɛ, aza bugbaesi, anasɛ gɛ Isaka anɛ Yakobo aza, gɛ bedzi banɔ gɛ ba na gɛ ba ŋa kededɔ lɛlɛ gɛ baɖɔlu kɔ alɛ.

Hebriuanɛ 6:12

Bu tɛ pɛɛ sɛ tɛ nɔ zɔ vɔ, pɔ nɔ di ba gɛ ganɔ tɛyɛyɛkɛŋa nɛ tɛdɛdɛ fɔɛ̃ mɛ pɛ ba bayɛkɛ kɛ gɛ baɖɔ tsre alɛ sɛ ba ba kɔ alɛ.

Hebriuanɛ 6:16

Banɔ ba tanɛ anɔ gɛ etri adɛ balɛnahwɛ, klɛ butanɛ nɛ waɛxwɛ klɛ kibhui kibui wuwlãkɛ nɛ nu.

Hebriuanɛ 6:18

Kpaya abhɛtɛ kibui nɛ asɛ tɛ, ganɔ ebui tabha gɛ eti be tsyina mɛ gɛ kɛ tɛ ba za sɛ Kpaya ana otro hu, tɛ bulɔa gɛ tɛ fla da nyɛna kidzoenudidi nɛ mɛ gɛ ba kɔ lɔ nɛ vunɔ bu mɔ kemi gbɛgbla.

Yakobo 1:17

Kɛdzyɔgo kanyaka anɛ kɛdɔkukɔ dzyɔgo ki de kabha, ba denɔ owũsise efu Aka nɛ ɔkɔ, gɛ yɛ ete tsyina ansɛ buyi gɛ fla.

Yakobo 2:5

Nɔ tatɔ, madzyalɛ gɛ ɛɖɔ mɔ: Kpaya edi kulu bagɛ be nu betsyutsyuini nɛ ebu nɛ banɔ amɛ nɛ kanɔa nɛm sɛ tɛyɛyɛkɛŋa ehoeyi aza balɛ ahwɛ klɛ tɛ ba ba mɔ ɔŋakɔ nɛ bukusi nɛm gɛ aɖɔ asɛ aba kɔ bagɛ ba ɖɔɛ nɛ dza?

1 Petro 1:3

Kabhakpɛkpɛ kɔ Kpaya anɛ Aka bulɔ Apalete Yesu Kristo! Nɛ yɛ eshutukubuididi gbɛgbla mɛ akɔ lɔ tɛmumɔ vuvɔ akpɛ nɛ ɛkpã kɛdzoenudidi mɛ ganɔ Yesu Kristo tɛnyɛnyɛmɛ denɔ bekpui mɛ,

1 Petro 3:7

Badzɛenyine, nɛ kidzoɛ lɛlɛ nɛabha nɔ za nɛ wɔnɔe dzini alɛ nɛ́ aglɔesi nunu nɛ̀ tɛ nɔ nyɛnalɛ nɛ bubu anasɛ bagɛ ba dɛ gɛganɛ anasɛ wɔnɔ klɛ alasɛ wɔnɔ editabha nɔ yɛkɛ ɛkpã ɛyɛmɛyuyɔ, sɛ tɛ kɛdɔnyɛdɔ tɛ ba xedzo kɔ nɔ kpayakuklu.