Hebriuanɛ 6:12 - ONUGBÙ NYƐNYÃ VUVƆ

¹² Bu tɛ pɛɛ sɛ tɛ nɔ zɔ vɔ, pɔ nɔ di ba gɛ ganɔ tɛyɛyɛkɛŋa nɛ tɛdɛdɛ fɔɛ̃ mɛ pɛ ba bayɛkɛ kɛ gɛ baɖɔ tsre alɛ sɛ ba ba kɔ alɛ.

Hebriuanɛ 6:12 Iomraidhean Croise

Mateo 22:32

‘Mɛ nu Abraham Kpaya, Isaka Kpaya, anɛ Yakɔpu Kpaya’? Edi nu betsitsi nɛ Kpaya, Belulu na yɛ enu.”

Mateo 25:26

“Apalete nɛ etsre yɛ asɛ, ‘Wɔ kɛtɔkpum gɛganɛ anɔ onu, axwɛdɛ avuvɔ onu! Kɛlɛ so onyi sɛ ibui dɔ nɛ ɔklɛ gɛ ɛdɛ ɖa kɛdɔ klɛ mɛ yalɛ kɛdɔ nɛ ɔklɛ gɛ ɛdɛ hwɛ dɔ?

Luka 16:22

“Kɛbe na gɛ adɔbisi netsi, klɛ baxwɛdɛ ne feke yɛ avɛnɔ Abraham ɔbha. Ehueyi elete nɛ tsyɛ tsi klɛ bavubɔ yɛ.

Luka 8:15

Eyi gɛ la dɔ kesukpa dzyɔgo nɛabha ale nu ba gɛ nu bui gɛ ba yɛkɛ lɛ atrɔ shu nɛ idzyi dzyɔgo, gɛ be nu ebui, ba yɛkɔ alɛ, klɛ nɛ kanyɛtsitsimɛ, lɛ yu eyuyu.

Romanɛ 12:11

No ti zhiesi nɛ kemikpɛkpɛm, pɔ nɔ nyɛna wɔnɔ ɔfufɔɛ mɛ kɛdzyɔgo nɛ ovunɔ, anɛ kɛxwɛdɛdɛm kɔ Apalete.

Romanɛ 2:7

Banɔ nɛ gɛ ganɔ tɛyɛyɛkɔ trɔshu nɛ kɛdzyɔgo bhɛbhɛtɛ mɛ pɛ ba pɛɛ ishubhubhui, kabha kpɛkpɛ anɛ ɛkpãzɛza, aba kɔ ɛkpã mabeke mabeke.

Romanɛ 4:12

Klɛ yɛ eke nu aka akɔ bagɛ be bhui bunyɛnyɛ, gɛ ganɛ sɛ be bhui bunyɛnyɛ ko pɔ baa ga tsyɛ nɛ tɛyɛyɛkɛŋa katsrukpɔ idzukɔ nɛ nu gɛ za bulɔ aka Abraham ahwɛ flogo pɛ ebe bhui bunyɛnyɛ.

1 Tɛsolonianɛ 1:3

Bu lɛ kɛlɛa bha baka nɔ nɛ bulɔ Kpaya anɛ Aka nɛ amɛ wɔnɔ kɛxwɛwɛwa nɛ gɛ tɛyɛyɛkɛŋa bhɛtɛ, wɔnɔ kɛxwɛwɛwa nɛ gɛ tɛɖuɖɔ mɛna, anɛ wɔnɔ kanyɛtsitsi nɛ gɛ ka ba denɔ kidzoenudidi mɛ anɛ bulɔ Apalete Yesu Kristo mɛ.

2 Tɛsolonianɛ 1:4

Kɛlɛ so, nɛ Kpaya busɔlɛha nɛɛ shi bu feke shu nɛ wɔnɔɛ kɛxwɛ gɛganɛ wɛwa anɛ tɛyɛyɛkɛŋa nɛ gɛ lɛ nɔ ahwɛ nɛ tɛkpɛkpatɔnɔ anɛ tɛfifekedi nɛ mɛ gɛ nɔɔ ga.

Hebriuanɛ 1:14

Kpayaxwɛdɛ ganɛ bukpɛ la kpɛ alɛ sɛ tɛ ba dɛ axwɛ nɛ ɔfufɔɛ kɔ bagɛ ba ba mɔ tɛyɛyɛkɛ kɔ?

Hebriuanɛ 10:36

Kɛlɛ sɛ tɛ nɔ dɔ fɔɔ̃ tɛ nɔ bhɛtɛ Kpaya tɛpɛpɛɛ klɛ tɛ nɔ yɛkɛ kɛgɛ baɖɔlu kɔ nɔ.

Hebriuanɛ 11:33

bagɛ ba ganɔ tɛyɛyɛkɛŋa abha gɛ ba ŋa bekusi gɛ ba taa buyu nɛabha, babhɛtɛ atrɔ ɔshã dzyɔgo abha klɛ ba mɔ kɛdɔ gɛ ba ɖɔ elu kɔa lɛ, balɛ ada badzyata nɛ inugbu,

Hebriuanɛ 12:1

Kɛlɛso, bebuimɔɖɔ gɛ la kana lɔ anasɛ ɔmunɔ gelee, nɔ kɔ lɔ bu ebui tsyɛtsyanɔ kanyãka anɛ ezizi gɛ la nyɛna lɔ nɛ tɛ̃, klɛ nɔ kɔ lɔ yɛkɔ amɛgɛganɛ kpanisi tɛ lɔ bu tisisi gɛ kɛlɛ kɔlɔ.

Hebriuanɛ 13:7

Nɔ baka wɔnɔ otugbanɔ gɛ aɖɔ Kpaya ebhui nɛ etsre nɔ. No vu awɔ̃hu nɛ balɛ ɛkpã gɛ baza nɛ shu tɛ nɔ kpasɛ balɛ tɛyɛyɛkɛŋa.

Hebriuanɛ 5:11

Ebui gelee alɛ bulɔahwɛ gɛ bu baɖɔ nɛ kibui nɛ shu, pɔ kɛgɛganɛ sɛ tɛ bu builɛesi alasɛ nɔ tɔ kpasɛ dɔ.

Hebriuanɛ 6:15

Klɛso gɛ aze po nɛ tɛdɛdɔfɔɔ̃, Abraham ayɛkɛ bunuwã kpɛkpɛ dɔ.

Yakobo 1:3

alasɛ no nyi ɔsɛ wɔnɔ tɛyɛyɛkɛŋa tɛfifekedi nɛ bhɔ nɔ kanyɛtsitsi nɛ trɔ.

2 Petro 1:10

Kɛlɛso, madzyalɛ mɔ, nɔ wlãkɛ dɛana tɛ nɔ bhɛtɛ wɔnɔ tɛkuklu nɛ tɛbubu ba pɛɛ̃. Alasɛ onugɛ nɔ bhɛtɛ ebuianɛ, nɔtɛ bɔ dɔ oboe,

1 Yohanɛsɛ 2:25

Klɛ kɛnɛ nɛ aɖɔlu kɔ lɔ—ɛkpã mabekemabeke kuratsyɛ.

Tɛbubukasɛ 13:10

Onu gɛ anɔ teli alɛ asɛ tɛ etsoku tɛvuvu mɛ, tɛvuvu mɛ koe be tsoku. Onu gɛ anɔ teli alɛ asɛ tɛ be yi yɛ nɛ ɛhɛɛ, ɛhɛɛ la ba yɛkɔ eyi yɛ nɔ. Kɛɛ nɛ nɛ bisi sɛ tɛdudɔfɔ̃ mɛ zɛza anɛ tɛyɛyɛkɛŋa nɛ banɔnɛna nɛa pɛ mɛ.