Hebriuanɛ 6:10 - ONUGBÙ NYƐNYÃ VUVƆ

¹⁰ Kpaya edinu anɔ gɛ ata bhɛtɛ ebui nɛ alɛ ɔzakɔ, atɛ ba dzɛkɛ wɔnɔ kɛxwɛwuwa nɛ yɛ tɛɖɛɖɔ gɛ nɔ kasɛ yɛ anasɛ gɛ nɔ plɛnɔ yɛ banɔ nɛ gɛ nɔ kɔ tsri lɛabha plɛnɔ alɛ.

Hebriuanɛ 6:10 Iomraidhean Croise

Mateo 10:42

Klɛ onu gɛ anɔ teli aakɔ beyibhlianɛ ɔmayɛ teli buni yuyɔ kantse sɛ enu mɛ adɔkpasɛ so, itsre nɔ kɛgba sɛ, yɛ tsyɛ atɛ ba lɛla yɛ kɛbhɛ.”

Mateo 20:7

Be bui lɛ nu asɛ, “ ‘Alasɛ anɔnyanɔ adɛ ba yɛkɔ lɔ.’ “Ɔkɛlɛ etsre alɛ asɛ, ‘Wɔnɔ tsyɛ nɔ vɛ tɛ nɔ dɔ wa kɛxwɛ nɛ mɛ vãyɛ̃ buya nɛ mɛ.’

Mateo 25:17

Kana, aga yɛkɛ Tɛabha nɛ tsyɛ amɔ tɛabha atrɔ agɛ bakɔ yɛ nɛa bha.

Marko 9:41

Itsre nɔ kibuigba sɛ, anɔnyanɔ gɛ akɔ nɔ buniatse nɛ mɛ kinyi mɛ sɛ no nu Kristo ayɛ so, yɛ ahwɛhuhu nɛ atɛba lɛla.

Yohanɛsɛ 13:20

Itsre nɔ gbɛagba sɛ, anɔ nɛ gɛ ayɛkɛ anɔnyanɔ gɛ ɛkpɛ, ayɛkɛ mɛ, klɛ anɔ nɛ gɛ ayɛkɛ mɛ, ayɛkɛ agɛ akpɛ mɛ.”

Axwɛwɛwa 10:31

klɛ aɖɔ sɛ, ‘Kɔneliusɛ, Kpaya eti nu wɔ yɛ tɛkukulu klɛ abaka wɔ kɛdɔkukɔ kɔ betsyuitsyuini.

Axwɛwɛwa 10:4

Kɔneliusɛ edi yɛ nɛ kifu sisim. Klɛ ebisia sɛ, “Kide gɛ ba, Apalete?” Axwɛdɛ nɛ asɛ, “Wɔ kpayakuklu nɛ betsyutsyuini kɛdɔkukɔ kɛ ba dzi kɛdɔkukɔ gɛ batɛ ba dzɛkɛ nɛ Kpaya amɛ.

Axwɛwɛwa 11:29

Badɔkpasɛ, akanyaka nɛ yɛ tɛzɛzam nu, na trɔ sɛ ba ba kɔ balɛ adzyalɛ nɛ ga lɛ Yuɖia nɛ tɛpɛplɛnɔ.

Romanɛ 12:13

Shɛ̃nahwɛ kɛdɔ shu ɔkɔ Kpaya banɔ nɛ gɛ ba pɛ dɔ. Yɛkɔ ɛyamyuyɔ ɔkpɛ tɛbhɛbhɛtɛm.

2 Kɔrintioanɛ 9:1

Kɛma kɔ mɛ sɛ tɛ ɛŋlɔmɛ kɔ nɔ denɔ axwɛ nɛ gɛ nɔ wa kɔ kpayabanɔ.

Galatianɛ 5:13

Wɔnɔ, madzyalɛ, be klu sɛ tɛ nɔ za ishuahwɛ. Pɔ nɔ tɛ yɛkɔ wɔnɔ shu ahwɛzɛza ɔzɔ bhɛtɛ ebuizizi, kɛlɛ ɔzakɔ nɔ dɛ axwɛ kɔ ɔhaglɔɛ nɛ tɛdɛdɛmɛ nɛ anɔ.

Galatianɛ 5:6

Alasɛ nɛ Kristo Yesu mɛ bebhui bunyɛnyɛ kɔ wɔ pɛnɔ bedi bhui bunyɛnyɛ kɔ wɔ kɛdi nu kibuinyɛbui. Kɛlɛ tirikpo gɛ klu bui kɛlɛ nu tɛyɛyɛkɛŋa gɛ kɛ waɛxwɛ ganɔ tɛdɛdɛmɛ abha.

Galatianɛ 6:10

Kɛlɛso, anasɛ gɛ bu mɔ kibe dzyɔgo, nɔ kɔ lɔ bhɛtɛ kɛdzyɔgo kɔ banɔnyanɔ, kɛlɛ mumɔ kɔ ba gɛ be nu beshopo bayɛyɛkɛŋa.

Koloseanɛ 3:17

Klɛ kɛgɛ nɔ bhɛtɛ, kɛlɛlɛmɛ sɛ kibui ɖɛɖɔɛ mɛ ɔdɔgɔsɛ kɛbhɛbhɛtɛ mɛ, bhɛtɛ lɛ petee nɛ Apalete Yesu nyi mɛ, nɔ hu Kpaya Aka nɛ ahwɛ ɔganɔ yɛabha.

1 Tɛsolonianɛ 1:3

Bu lɛ kɛlɛa bha baka nɔ nɛ bulɔ Kpaya anɛ Aka nɛ amɛ wɔnɔ kɛxwɛwɛwa nɛ gɛ tɛyɛyɛkɛŋa bhɛtɛ, wɔnɔ kɛxwɛwɛwa nɛ gɛ tɛɖuɖɔ mɛna, anɛ wɔnɔ kanyɛtsitsi nɛ gɛ ka ba denɔ kidzoenudidi mɛ anɛ bulɔ Apalete Yesu Kristo mɛ.

1 Timotio 6:18

Bu otsre alɛ sɛ ba bhɛtɛ kɛdzyɔgo, tɛ kibui dzyɔgo ehoeyi aza balɛ ahwɛ, tɛ ba pɛ̃ ɛyam tɛ ba dɛmɛ akɔ kɛdɔ.

2 Timotio 4:8

Ɔtsɔ̃ nɛɛ tɛzɛzamnɛna kikutu nɛ lɛ kɛdɔ ɔbalakɔ kɔ mɛ, gɛ Apalete, ebhuiklu nɛna, nɛ aba yɛkɔ akɔ mɛ nɛ kiwi lɛ nɛa bha—klɛ ganɛ kɔ mɛ tite, pɔ kɔ banɔ nɛ petee gɛ bee di kidzoenu kɔ yɛ tɛwɛ̃wɛ̃ nɛ tsyɛ.

Hebriuanɛ 10:32

Nɔ baka ewui nɛ gɛ la ba fla gɛ nɔ yɛkɛ Kpaya yɛ bui nɛ beke, gɛ nɔ za wɔnɔ ɔzakɔ nɛ tɛwɛ̃wlãnkɛ gɛganɛ anɛ ebuiamɛ mumɔ mɛ.

Hebriuanɛ 13:16

Klɛ tɛ dzɛkɛ kɛdɔ dzyɔgo bhɛbhɛtɛ shu lu klɛ tɛ ɔkɔ wɔhaglɔɛ dɔ, alasɛ buguɛ nɛdi bulɛ ku Kpaya awɔ̃.

1 Yohanɛsɛ 1:9

Onugɛ bu bu bulɔ kizizi nɛ ɖɔ, yɛ nu ayɛyɛkɛŋa anɛ̀ anɛna, klɛ aba yɛkɔ bulɔ kizizi etsye klɛ ebe plu lɔ shu denɔ buzizi bhɛbhɛtɛ petee mɛ.