Hebriuanɛ 6:1 - ONUGBÙ NYƐNYÃ VUVƆ

¹ Kɛlɛso nɔ kɔlɔ shɛnahwɛ kesikpɛkpɛ kɛdɔkɛkasɛ denɔ Kristo shu klɛ tɛ buvɛ tɛshishe nɛ abha, nɔ tɔ kɔ sɛ bu zia dzu kitemtsyitsyina denɔ kɛxwɛwɛwa gɛ kɛba gbanɛ lɔ vɛnɔ butsi mɛ klɛ tɛ bu yɛkɛ Kpaya bhaŋa,

Hebriuanɛ 6:1 Iomraidhean Croise

Mateo 21:29

Eyi nɛ asɛ, ‘Ɛtɛɛ vɛ,’ pɔ kɛlɛe de mɛ ebe tsyina yɛ kɛtɔkpum klɛ avɛ.

Mateo 21:32

Alasɛ Yohanɛsɛ aba kasɛ nɔ tɛnɛnamɛzɛza, klɛ nɔ dɛ yɛkɛ yɛa bha ŋa, pɔ badɔdzyɔ anɛ badzɛ zhuzhɔlɛ nɛ xũ ba yɛkɛ aŋa. Klɛ nɛ klɛe de gɛ nɔɔ mɔ kɛɛ nɛɛ tsyɛ, no di tsyina kitem pɛ ɔyɛkɛ yɛa bha ŋa.

Mateo 3:2

klɛ aaɖɔ asɛ, “Tsyinaɛtem, alasɛ owũsise bukusiɔŋakɔ nɛ otsobunɔ.”

Mateo 4:17

Denɔ kibe lɛ nɛ mɛ ɔvɛnɔ klɛ Yesu etenɔ Kpayɛbui nɛ ɖɔ, “Tsyinɛtem, alasɛ owũsise bukusiɔŋakɔ nɛ tɛ tsu ba.”

Mateo 5:48

Nɔ za nɛ tɛnɛna mɛ, ansɛ gɛ wɔnɔ Owũsise Aka nɛ alɛ nɛ tɛnɛna mɛ.

Mateo 7:25

Subha aba dɔ, nɛ budekeni, klɛ kɛlɛɛ ba fu hunɔ buvu; tsyɛ bɔdɛ kpa, alasɛ buvu nɛ bu denɔ bɔlɛ kesikpɛkpɛ nɛ kɛklãgbua bha.

Marko 1:1

Yesu Kristo, Kpayayɛeyi nɛ bui nɛ kesi ɔkpɛkɔ.

Marko 6:12

Ba vɛ ada kasɛ kɛdɔ sɛ tɛ banɔ nɛ be tsyina kite mɛ.

Luka 6:48

Edzi anasɛ anɔ gɛ èdzu buvu, gɛ etsu ozi gɛ lɔ dzu klɛ akpɛ bu lɛe si nɛ aklãgbu abha. Kɛbenɔ gɛ budekeni yi gbɛgba gɛ odi na yalɛ buvu nɛ, pɔ budɛ hwanɔ lɛ, alasɛ bana lu dzu.

Yohanɛsɛ 12:44

Ɔkɛlɛ Yesu akpɛ ogugu aɖɔ sɛ, “Kibenɔ nɛ gɛ anɔ ayɛkɛ mɛabhaŋa, adɛ yɛkɛ mɛ tite abhaŋa, pɔ ayɛkɛ anɔ nɛ gɛ akpɛ mɛ abhaŋa.

Yohanɛsɛ 14:1

Tɛ kɔ wunɔ idzyi amɔ butɔ. Nɔ yɛkɔ wunɔ idzyi ɔtrɔ Kpaya abha, tɛ nɔ yɛkɔ wunɔ idzyi ɔtrɔ mɛ tsyɛ abha.

Yohanɛsɛ 5:24

“Itsre nɔ kɛgbɛagba, ànɔ nɛ gɛ enu mɛ ebui klɛ ayɛkɛ agɛ akpɛ mɛ nɛabha ŋa ɛkpã mabeke lɛ yɛ ahwɛ klɛ beti be bhui kɛpɔ akɔ yɛ, adɔfla butsi avɛ ɛkpãmɛ.

Axwɛwɛwa 11:18

Gɛ be nua na nɛ, kibuinyɛbui daa za balɛ ahwɛ ɔyɛkɔ dɛ sɛ tɛ ba kpɛ Kpaya nɛa bha, nɛ tɛ ɖuɖɔ sɛ, “Klɛ so, Kpaya atrɔ ahwɛ bagɛ be di nu Yuɖanɛ nɛ tsyɛ kitem tsyitsyina nɛa bha nɛ kanɔa nɛ mɛ.”

Axwɛwɛwa 17:30

Nɛ atiti mɛ Kpaya ada awɔ̃hũ akpɛ kibui mati mati lɛlɛ nɛ di, pɔ ɔtsɔ̃ nɛɛ akɔ ɔshã sɛ banɔ nyanɔ nɛ ɔkɔnyɔkɔ be tsyinɛtem.

Axwɛwɛwa 2:38

Petro ebui lɛ bunu asɛ, “No tsyina kitem tɛ nɔ yɛkɛ bunikpɛkpɛ, wɔnɔ mɛ anɔnyanɔ, nɛ Yesu Kristo kinyim kɔ wɔnɔ buzizi tɛ yɛyɛkɔ tsye. Klɛ nɔ bɔ yɛkɛ Ɔfufɔɛ Dzyɔgo mɛ kɛdɔkukɔ.

Axwɛwɛwa 20:21

Ɛtɛ bu ɖɔ tsre Yuɖanɛ anɛ Grikianɛ sɛ betsyina amɛ atɔnɔ Kpaya anɛ kitem tsyitsyina nɛ tɛ ba mɔ kabhayɛyɛkɛŋa nɛ bulɔ Apalete Yesu mɛ.

Axwɛwɛwa 26:20

Putɔnɔ kɔ baga lɛ Damaskosɛ, ka kɔ baga lɛ Yerusalɛm nɛ Yuɖia petee, anɛ kɔ bagɛ be di nu Yuɖanɛ nɛ tsyɛ, ɛkasɛ kɛdɔ sɛ tɛ be tsyina kitem tɛ be tsyina tɔ Kpaya tɛ be bu balɛ tɛtsyitsyina nɛ akasɛ anɛ ganɔ balɛ ebui bhɛbhɛtɛm.

Axwɛwɛwa 3:19

No tsyina kitem, tɛ no tsyina amɛ ɔtɔnɔ Kpaya, sɛ tɛ be xule wɔnɔ buzizi, tɛ kimuenebe ba kɔnɔ denɔ Apalete nɛ ɔkɔ,

1 Kɔrintioanɛ 13:10

pɔ kibenɔ nɛ gɛ kɛdzyɔgo ba, kizizi nɛ nu ba fla.

1 Kɔrintioanɛ 2:6

Pɔ, bu ɖɔ, kibuinyinyi ɔklasɔ nɛ beshishe nɛ shi, pɔ ganɛ agɔa nɛ mɛ kibuinyinyi ɔdɔgɔsɛ agɔa nɛ mɛ baga ŋɛabha, gɛ ba ta ba kibuinyɛbui ɔbha.

2 Kɔrintioanɛ 7:1

Mɛ ɛbhɛalɛ, Nɛ kibelɛlɛ gɛ atɔnu alɛ bulɔ ahwɛ, mɛ ɔbhɛya lɛ mumɔa, nɔ kɔ lɔ plu bulɔnahwɛshu denɔ kɛdɔnyɛdɔ gɛ kɛba tutru lɔ shuidzya anɛ ɔfufɔɛ, sɛ tɛ bu za amɛ bhubhui mɛ kɔ Kpaya.

2 Kɔrintioanɛ 7:10

Kpaya obulo mɛna kitemtsyitsyina gɛ kɛkɔ sɛ nɔ mɔ tɛbhubhuiyɛkɛ klɛ kɛ dɛ tɔ anɔ, pɔ kanɔɛmɛ obulo mɛna butsi.

Efesoanɛ 2:1

Wɔnɔ xwũ nɛɛ, nɔti tsi nɛ wɔnɔ buzizi nɛ ebuikpã bhɛbhɛtɛ mɛ,

Efesoanɛ 2:5

abhɛtɛ lɔ bu lɛ nɛ ɛkpã nɛ̀ Kristo nɛ kibe lɛ mɛ gɛ bu tsi nɛ bulɔ buzizi nɛ mɛ tsyɛ—ganɔ ɛyamyuyɔ mɛ le bu nɔ.

Efesoanɛ 4:12

tɛ ewũse Kpaya banɔ kɔ kɛxwɔɛ gɛ ba bawa, so tɛ ba bhɔ trɔ Kristo Ishuidzya ebui nɛabha

Koloseanɛ 1:28

Bu ɖɔ yɛ kibui kana, butsrenɔ klɛ bukasɛ anɔnyanɔ kɛdɔ nɛ kibuinyinyi petee mɛ, sɛ tɛ bu ba kɔ anɔnyanɔ tɛ edzi adzyɔgo nɛ Kristo mɛ.

Koloseanɛ 3:14

Klɛ nɛ anɛ nɛ petee mɛ nɔ kpɛ tɛdɛdɛmɛnɔ anɔ, gɛ kɛ nya alɛ petee xogo nɛ tɛpɛpɛ̃ tirikpo bhɛbhɛtɛ mɛ.

Koloseanɛ 4:12

Epafra, gɛ enu wɔnɔmɛayɛ teli nɛ Yesu Kristo axwɛdɛ, asɛnɛ nɔ asɛsɛ. Awlãnkɛ eklukpaya kibenyɛbe nɛ wɔnɔɛ tɔkpu, sɛ tɛ nɔ za gɛganɛ nɛ́ Kpaya tɛpɛpɛɛ petee mɛ, nɔ she tɛ nɔ bhɛtɛ yɛ ebui tɛ la na.

1 Timotio 3:16

Nɛ ebui bibisi nɛ petee de, kpayamzɛza kibuikpukpu nɛ kitri: Awɛ̃ nɛ ishuidzya mɛ, Ɔfufɔɛ nɛ obu yɛ butsya, kpayaxwɛdɛ nɛ ba mɔɛ, ba ɖɔ yɛ bui nɛ amadi nɛ mɛ, ba yɛkɛ yɛa bha ŋa nɛ kanɔ nɛ mɛ, ba feke yɛ ashɛnɔ nɛ ishubhubhui mɛ.

1 Timotio 6:19

Ganɔ kidzoe nɛa bha la ba bala kɛdɔ kɔshu ansɛ kesikpɛkpɛ gɛganɛ kɔ kibe nɛ gɛ ba, sɛ tɛ ɛkpã nɛ gɛ nu ɛkpã gbɛagba nɛ ku balɛ ahwɛ.

2 Timotio 2:19

Pɔ, Kpaya kesikpɛkpɛ nɛna nɛ keli gɛganɛɛ, gɛ ba da kɛlɛ adɛda nɛ gɛ ba ŋlɔmɛ atrɔ yɛabha sɛ: “Apalete nɛ enyi bagɛ be nu yayɛalɛ,” klɛ, “Anɔnyanɔ gɛ ebu Apalete nɛ nyi aɖɔ, alasɛ tɛ etsodzi nɛ kɛtɔkpu mɛ gɛganɛe de.”

Hebriuanɛ 11:6

Klɛ tɛyɛyɛkɛŋa mazɛlɛ mɛ ɔtɛ bɔ na Kpaya awɔ̃ ku, alasɛ anɔnyanɔ gɛ aba ba yɛ ɔkɔ alasɛ tɛ ayɛkɛŋa sɛ alɛ klɛ abuya kɛbhɛ kɔ bagɛ ba pɛɛ yɛ gɛganɛ.

Hebriuanɛ 12:13

“Nɔ bhɛtɛ edzo nɛabha tɛ la mutɔ kɔ ɛtsrɛ,” sɛ tɛ ba nyɛnya gɛ ba taa na ga na tɛ wɔa na, pɔ tɛ balɛ banya nɛ ebeke.

Hebriuanɛ 7:11

Onugɛ ba ba mɔ denɔ tɛnɛna Lewianɛ kpayamɛzɛza nɛ (alasɛ ganɔ kɛɛ nɛ nɛa bha la yɛkɔ ɔshã nɛ akɔ banɔ), kideso gɛ kɛ kabisi sɛ ba pɛɛ kpayazakɔanɔ sɛ afla ba—nɛ Mɛltsyizɛdɛk tɛ zɛza mɛ nu, pɛ kɛdɛ nu sɛ Aaron tɛ zɛza mɛ?

Hebriuanɛ 9:14

Kɛlɛ kɛ zɛ ba za dɛana sɛ, Kristo dzyosu gɛ ganɔ Ɔfufɔɛ gɛ oti beke nɛa bha ayɛkɔ yɛnahwɛ shu gɛ kɛpɔ ma kɛlɛ shu kɔ Kpaya, pɛ kɛ plu bulɔ atɔkpu nɛ mɛ anɛ ebui nɛ gɛ akpɛ anɔ nɛ butsi mɛ, sɛ tɛ bu dɛ kɛxwɛ kɔ ɛkpã Kpaya!

Yakobo 1:4

Kanyɛtsitsi alasɛ tɛ ka wa kalɛ kɛxwɛ nɛ beke sɛ tɛ no she tɛ nɔna, nɔ tɛ za sɛ kɛdɔ tili ma wɔnɔ ahwɛ.

1 Petro 1:21

Ganɔ yɛabha nɔ yɛ kɛ Kpaya abhaŋa, agɛ anyɛmɛ yɛ edenɔ bekpui mɛ klɛ akpɛ yɛ nyi nɛabha klɛ so wũnɔ tɛyɛyɛkɛŋa nɛ yɛ kidzo abha didi lɛ Kpaya mɛ.

1 Petro 5:10

Klɛ ɛyamyuyɔ petee Kpaya, gɛ eklu nɔ avɛnɔ yɛ mabekemabeke ishubhubhui nɛ́ Kristoe mɛ, nɛ kɛlɛede gɛ nɔ mɔ butɔ nɛ kibe bhliyi mɛ, yɛnahwɛ ebe tsodzi wũnɔ dzu kititi klɛ aba kɔ nɔ gɛganɛ, mɔmɔ klɛ nɔ bɔ dzu ishuesi.

1 Yohanɛsɛ 4:12

Anɔnyanɔ aka mɔ Kpaya edi, pɔ onugɛ budɛmɛnɔ ɔhaglɔ, Kpaya alɛ bulɔɛ mɛ klɛ yɛ tɛdɛdɛmɛnɔ nɛ na nɛ́ bulɔɛ mɛ.