Hebriuanɛ 5:1 - ONUGBÙ NYƐNYÃ VUVƆ

¹ Kpayazakɔanɔ ɖɛɖama kanyaka be bu yɛ denɔ banɔɛ shi klɛ be klu yɛ akɔ sɛ tɛ aza balɛ nu nɛ ebui nɛ gɛ la kpɛ ɔkɔ nɛ Kpaya shu, tɛ ba bhɛtɛ ɛyɛmɛyuyɔ anɛ ɛshu yɛyɛkɔtsye nɛ buzizi tɔkpu.

Hebriuanɛ 5:1 Iomraidhean Croise

Romanɛ 15:17

Klɛso ɛmɔ ishudɛdanɛ nɛ Kristo Yesu mɛ nɛ mɛ kɛxwɛwɛwa kɔ Kpaya mɛ.

1 Kɔrintioanɛ 15:3

Alasɛ kɛgɛ ɛyɛkɛ ɛshɛnahwɛ kɛ lɛ shu kɔ nɔ anasɛ kɛ tɛtɔpu gɛ kɛŋaedzi, sɛ Kristo etsi nɛ bulɔɛ tɔkpu nɛ Kpayaeplukpa nɛ nu,

Hebriuanɛ 10:11

Kiwui nyɛwuiede kpayazakɔanɔ kanyaka alɔ klɛ awa yɛ sɔlɛ axwɛ, awa klɛ azawa akɔ ishutsyitsye lɛlɛ, gɛ ba tɛbe bu buizizi nɛ atɛ̃.

Hebriuanɛ 10:12

Pɔ gɛ kpayazakɔanɔ ayɛkɔ kɛdɔ akɔ kibenyɛbe ishutsyitsye tirikpo kɔ buizizi, ada za Kpaya kɛŋahwɛ apɛ nɛ mɛ.

Hebriuanɛ 11:4

Tɛyɛyɛkɛŋa mɛ Abɛl akɔ Kpaya kɛdɔ pupɔɛ dzyɔgo dɛ Kayɛ̃. Tɛyɛyɛkɛŋa mɛ eku awɔ̃ anasɛ kɛdɔ dzyɔgo, gɛ Kpaya aɖɔ kaɖɔ dzyɔgo denɔ yɛ kɛdɔ pupɔɛ nɛ shu. Klɛ ganɔ tɛyɛyɛkɛŋa mɛ aka ɖɔaɖɔ ko, kɛnyalɛ lɛ mɛ sɛ eti tsi pɔ.

Hebriuanɛ 2:17

Alasɛ kɛnɛ nɛ so babhɛtɛ yɛ anasɛ yɛadzya lɛ nɛ kidzonyɛdzo abha, sɛ tɛ ebedzi kpayaɔzakɔanɔ gɛ eshutukubui didi anɛ̀ tɛyɛyɛkɛŋa lɛ yahwɛ nɛ Kpaya kɛxwɛwɛwa mɛ, sɛ tɛ atsrakɛ bezizi nɛ tɔkpu.

Hebriuanɛ 7:27

Gɛ eti dzi anasɛ kpayazakɔanɔ ɖɛɖama bhlatɔ, kɛdɛ kɔ sɛ aza pɔɛ dɔ kiwui nyɛwui, putɔnɔ kɔ yɛnahwɛshu buzizi, klɛ nɛlɛede kɔ banɔ ebuikpã. Apɔɛ dɔ akɔ balɛ buzizi turikpo kɔ alɛ petee kibe lɛlɛ nɛ gɛ ayɛkɔ ishu akɔ.

Hebriuanɛ 8:3

Kpayazakɔanɔ ɖɛɖama kanyaka be klu yɛ sɛ tɛ akɔ kɛdɔ tɛbha ɛyɛmɛyuyɔ anɛ kɛdɔ pupɔɛ, klɛ so kɛ ba dzia awɔ̃hu dzɛdza bui kɔ kɛnɛ tsyɛ tɛyɛkɛ kɛdɔtili tɛ apɔɛ.

Hebriuanɛ 8:4

Onugɛ ataza kesukpa nɛabha, agɛ te dzi kpayazakɔanɔ, alasɛ banɔ alɛ gɛ ba kɔɛdɔ gɛ pɔɛ gɛ ɔshã nɔ ɖɔ lu.

Hebriuanɛ 9:9

Kɛnɛ kɛlɛnu kibui kpɛkpasɛ nɛ kibe nɛ mɛ, gɛ ɛyɛmɛyuyɔ anɛ bugu gugu nɛ vɛabha tsyɛ kɛtɛ bhɛtɛ sɛ kpayazakɔanɔ nɛ temɛ tɛdɔ kɔ kɛxwɛ wuwa.