Hebriuanɛ 4:14 - ONUGBÙ NYƐNYÃ VUVƆ

¹⁴ Kɛlɛso gɛ kpayazakɔanɔ ɖɛɖama lɛ bulɔ ahwɛ, gɛ atɛ ga owũsise mɛ ekoeyi, Yesu Kpaya yɛ Yi, nɔ kɔ lɔ nyɛna yɛ gɛganɛ nɛ tɛyɛyɛkɛŋa gɛ bu ɖɔlu.

Hebriuanɛ 4:14 Iomraidhean Croise

Mateo 4:3

Ɔfufɔɛkpã nɛ ɔba yɛ ɔbha klɛ lɔ ɖɔ sɛ, “Onu gɛ onu Kpaya Yeyi, klɛ tɛ otsre aklãgbua nɛ tɛ le tsyina dzi kɛŋɛŋa.”

Marko 1:1

Yesu Kristo, Kpayayɛeyi nɛ bui nɛ kesi ɔkpɛkɔ.

Marko 16:19

Gɛ Apalete Yesu aɖɔ ebuia nɛ etsrea lɛ beke nɛɛ, baa yɛkɔ yɛ avɛnɔ owũsise klɛ ede zhiaza Kpaya kɛŋam,

Luka 24:51

Kɛlɛbe gɛ àyula lɛ, ashɛ̃ nɛ balɛ ɔbha klɛ ba yɛkɔ yɛ avɛ nɔ kabha nɛ owũsise.

Axwɛwɛwa 1:11

Banɔ nɛ asɛ, “Galelianɛ mɔ, kide no li kititi nɛ ɔkɛŋ pɛ no zoo di kɛlɛm ana? Yesua nɛ gɛ ba yɛkɔ ashɛ̃nɔ avɛnɔ owũsise nɛ wɔnɔ ɔbha, ebe tsodzi aba ansɛ kana gɛ nɔ mɔ yɛ gɛ ashɛ̃ avɛ owũsise.”

Axwɛwɛwa 3:21

Alasɛ tɛ aza owũsise ɔdɔ nanɔ kibe lɛ gɛ kɛ ba ba kɔ Kpaya sɛ tɛ etsodzini kɛdɔnyɛdɔ ana dzu, ansɛ gɛ aɖɔ elu kuku ganɔ yɛ batɔnu nɛna nɛa bha.

Romanɛ 8:34

Anee nalɛlɛ nɛ gɛ ebuipɔ? Kristo Yesu, gɛ etsi, ɔyɛkɔ ɔdɛa na, gɛ be bu amɛna ɛkpã mɛ, akpasɛ Kpaya kɛŋa ɔhwɛ mɛ klɛ eke vuibue tsyɛ nɛ lɔɛ tɔkpu.

2 Kɔrintioanɛ 12:2

Inyi anɔ teli gɛ alɛ Kristo mɛ gɛ nɛ agɔ lɔfɔntalɛ̃ gɛ aba fla mɛ ede tsoku owũsise ɔtramɛ nɛ mɛ. Tɛ aza ishuidzya mɛ ɔdɔgɔsɛ ekoeyi ishuidzya mɛ o iti nyi--Kpaya yɛ enyi.

2 Kɔrintioanɛ 9:13

Alasɛ axwɛ nɛ gɛ ganɔ alɛ mɛ ɔyɛkɔ kasɛ wɔ shu nɔ, banɔ aba kpɛ Kpaya nɛa bha kɔ wɔ batɔtɛta nɛ gɛ aplɛnɔ wɔ idzyimɛ dɛdanɛ nɛ Kristo kibui nɛ mɛ, anɛ wɔ ɛyamyuyɔ nɛ kɛdɔ kukɔa lɛ anɛ nɛ anɔnyanɔ tsyɛ.

Efesoanɛ 4:10

Yɛ gɛ ezhi ba yɛ enu agɛ ewu avɛ kabha dɛ owũsise petee, sɛ tɛ atsya kanɔ nɛ ɔkɔnyɔkɔ.)

Hebriuanɛ 1:8

Pɔ denɔ yɛ Yi nɛ shu aɖɔ sɛ, “Wɔ bukusiɔŋakɔ, O Kpaya, bu ba za mabeke nɛ mabeke, klɛ kɛdzyɔgo bhɛbhɛtɛ ba dzi osivuvu nɛ wɔ bukusiɔŋakɔ.

Hebriuanɛ 10:12

Pɔ gɛ kpayazakɔanɔ ayɛkɔ kɛdɔ akɔ kibenyɛbe ishutsyitsye tirikpo kɔ buizizi, ada za Kpaya kɛŋahwɛ apɛ nɛ mɛ.

Hebriuanɛ 10:23

Nɔ kɔlɔ nyɛna gɛganɛ kɛdzoenudidi gɛ bubu ɖɔ, alasɛ agɛ atɛɖɔlu enu ayɛyɛkɛŋa.

Hebriuanɛ 10:29

Kɛlɛ lɛ nu anɔ teli etiti ɔtsɛrɛ nɛ Kpaya yɛ Yi abha, gɛ amɔ onugbunyɛnya dzyosu gɛ lɔ plu yɛ shu anasɛ kɛdɔ gɛ kɛlɛ shu dɛbhui, gɛ akula ɛyɛmɛyuyɔ anɔ Ɔfufɔɛ kideso gɛ bata tɛta yɛ batɔ gɛganɛ?

Hebriuanɛ 12:2

Nɔ kɔ lɔ yɛkɔ bulɔ awɔ̃hu trɔ Yesu abha, yɛ lu tɛyɛyɛkɛŋa nɛesi klɛ abhɛtɛ lɛ kɛna. Gɛ enyi same nɛ gɛ alɛ otugba kɔ yɛ so, evu idzyi akpɛte amɔ butɔ nɛ butsiosi shu, klɛ ayɛ kɛ ɔlɛ kɛwɔɛ̃, klɛ ada za Kpaya kegbu nɛ kɛŋa nɛ mɛ.

Hebriuanɛ 2:1

Alasɛ tɛ buza awɔ̃zɛza abha mɔmɔ, kɔ ebui nɛ gɛ bunu, sɛ tɛ batɛ bege lɔ ashɛnɔ.

Hebriuanɛ 2:17

Alasɛ kɛnɛ nɛ so babhɛtɛ yɛ anasɛ yɛadzya lɛ nɛ kidzonyɛdzo abha, sɛ tɛ ebedzi kpayaɔzakɔanɔ gɛ eshutukubui didi anɛ̀ tɛyɛyɛkɛŋa lɛ yahwɛ nɛ Kpaya kɛxwɛwɛwa mɛ, sɛ tɛ atsrakɛ bezizi nɛ tɔkpu.

Hebriuanɛ 3:1

Kɛlɛso ishubhubhui badzyalɛ Dzyɔgo, gɛ be klu denɔ owũsise, nɔ yɛkɔ wɔnɔɛ bui ɔtrɔ Yesu abha, anɔkpɛkpɛ anɛ Kpaya ɔzakɔanɔ gbɛgbla gɛ buyɛkɛ yɛabhaŋa.

Hebriuanɛ 3:14

Bu ba sɛ tɛ bubhɛtɛ terikpo nɛ Kristo onugɛ bu nyɛna yɛ gɛganɛ ɔdɔtɔnɔ tɛbibeke anɛ tɛyɛyɛkɛŋa gɛ bunyɛna vunɔ denɔ kesikpɛkpɛ.

Hebriuanɛ 6:20

ɔkɛlɛ Yesu, gɛ eputɔ kɔlɔ avɛ, etsoku ɔkɛlɛ nɛ bulɔɛ nyimɛ. Edé dzi kpayazakɔanɔ ɖɛɖama ɔvɛnɔ mabeke mabeke nɛ anasɛ Maltsyizɛdɛk.

Hebriuanɛ 6:6

onugɛ be koeyi adɔ, tɛ ba be tsodzini alɛ amɛna kitemtsyitsyina mɛ, alasɛ balɛ oboɛ dudɔ ba ka kpla Kpaya yɛ Yi nɛ osi shu anɛ yɛ tɛtitii kpɛ kesi kɔ butsɔ kpɛkpɛ nɛ banɔa mɛ.

Hebriuanɛ 7:3

Aka nɛ eni maza lɛ mɛ, ɔkɔ maɖɔmaɖɔ, kiwuiesi kpɛkpɛ pɛnɔ ɛkpã beke kɔ, anasɛ Kpaya Yeyi klɛ edzi kpayazakɔanɔ ɔvɛnɔ mabeke mabeke.

Hebriuanɛ 8:1

Kibui nɛ kɛkpã gɛ buɖɔ nɛ kɛlɛ nu kɛnɛ: kpayazakɔanɔ ɖɛɖama nɛɛ di alɛ bulɔ ahwɛ, gɛ aza kegbu nɛabha nɛ Otugbavɛvɛ Aka nɛ ɔbha nɛ owũsise,

Hebriuanɛ 9:12

Editsoku nɛ bepidzya anɛ banɛtsyɔɛeyi dzyosu, pɔ butsoku trukpo ko etsoku Ɔzakɔ Dzyɔgo Ɖɛɖamadɛ ganɔ yɛ nahwɛ dzyosua bha, kɛlɛmɛ ayɛkɛ tɛ bhubhuiyɛkɛ mabeke kɔ lɔ.

Hebriuanɛ 9:24

Alasɛ Kristo adɛ tsoku kagba nɛ mɛ gɛ anɔdzyrame dzu gɛ enu kagba dzyɔgo nɛ buyi, etsoku owũsise nahwɛ avɛ sɛ tɛ ɔtsɔ̃nɛ ada wɔɛ̃ nɛ Kpaya amɛ kɔ lɔ.

1 Petro 3:22

gɛ avɛ owũsise klɛ ada za Kpaya yɛ ŋamɛ—nɛ baxwɛdɛ, kabhaŋɛŋa anɛ kɛmi anɛ ishuzhizhinɔ kesi kɔ yɛ.