Hebriuanɛ 4:12 - ONUGBÙ NYƐNYÃ VUVƆ

¹² Alasɛ Kpaya bui kɛlɛ nɛ ɛkpã klɛ kɛwaɛxwɛ. Kɛlɛɔŋa dɛ kɛpamɛ inugbu tɛbha kanyaka, kɛ bana kɛtɔwui anɛ ɔfufɔɛ shi tsoku ma lɛ shi, axwatsyakɔ anɛ axwambɔ, kɛ klu kebhui nɛ idzyi anɛ kɛtɔkpum ebuibhɛbhɛtɛ.

Hebriuanɛ 4:12 Iomraidhean Croise

Luka 8:11

“Kɛkpalɛ nɛesi kɛlɛ nu sɛ: Eyi alɛ nu Kpaya bui.

Yohanɛsɛ 12:48

Kebhui kuklu alɛ kɔ anɔ nɛ gɛ adɛ pɛɛ mɛ ebui klɛ adɛ yɛkɛ mɛ ebui, kɛ bui lɛlɛ nɛ gɛ ɛɖɔ kɛ ba bu yɛ pɔ nɛ kiwui gugɔɛ nɛabha.

Yohanɛsɛ 6:51

Mɛ nu ɛkpã gbɛ̃gbɛ̃vu gɛ ede owũsise aba. Onugɛ anɔ teli atã gbɛ̃gbɛvui nɛ, aba za nɛ ɛkpã ɔvɛnɔ mabekemabeke. Gbɛ̃gbɛ̃vui nɛ kɛlɛ nu mɛ ishuidzya, gɛ ɛba yɛkɔ lu kɔ ɛkpã kɔ kanɔ.”

Axwɛwɛwa 2:37

Gɛ banɔ nɛ nu kibui nɛɛ, kibhui balɛ kite mɛ ohui klɛ baa ɖɔ tsre Petro anɛ Banɔkpɛkpɛ gɔgɔɛ nɛ asɛ, “Badzya mɔ, kide lɔ ba bhɛtɛ?”

Axwɛwɛwa 4:31

Gɛ be klu Kpaya beke, ɔkɛlɛ gɛ be xogo nɛ ɔhwa. Klɛ balɛ petee yuku nɛ Ɔfufɔɛ Dzyɔgo klɛ be bu Kpaya kibui nɛ aɖɔ nɛ kifu masimasi.

Axwɛwɛwa 5:33

Kibe lɛ gɛ be nu kibui nɛɛ, ba mɔ oblo tsutsɔmɔ tsɔmɔ klɛ ba pɛa sɛ tɛ be yia lɛ.

Axwɛwɛwa 7:38

Aza tɛxuxogom nɛ ayakpa nɛ mɛ, ɔyɛkɔ plɛnɔ axwɛdɛ nɛ gɛ aɖɔaɖɔ nɛ yɛ nɛ Sinai Butu nɛa bha, nɛ bulɔakalɛ, klɛ ayɛkɛ ekpã ebui amɛna lɔ.

Romanɛ 1:16

Kɛwɛ̃ tɛɛ kum nɛ kibuidzyɔgo, alasɛ kɛlɛ nu Kpaya kemi kɔ anɔnyanɔ gɛ ayɛkɛaŋa nɛ tɛbubu, putɔnɔ kɔ Yuɖanɛ, ka kɔ bagɛ edi nu Yuɖanɛ nɛe.

1 Kɔrintioanɛ 1:24

pɔ kɔ bagɛ Kpaya ekulu, editabha Yuɖanɛ anɛ Grikianɛ, Kristo enu Kpaya kemi anɛ Kpaya kibuinyinyi.

2 Kɔrintioanɛ 2:17

Bulɔ bu tɛ dzi anasɛ banɔ gelee, bu tɛ yɛkɔ Kpaya buiɖɛɖɔ akpɛ anasɛ kedzigɛga sɛ tɛ bu mɔ trɔ. Kɛlɛlɛ nɛede, nɛ Kristoe mɛ bu ɖɔaɖɔ nɛ Kpaya amɛ anɛ kɛdzyɔgo bhɛbhɛtɛ, anasɛ banɔ gɛ ba kpɛ denɔ Kpaya kɔ.

2 Kɔrintioanɛ 4:2

Nɛlɛede bu shɛnahwɛ ebui kpukpu anɛ̀ kɛwɔɛ̃ edzo nɛ shu lu, bu tɛyɛkɔ anɔ wuwɔɛ ebui, ɔdɔgɔsɛ bu tsyina Kpaya bui. Kɛlɛmaza, ganɔ kɛgbɛagba kɛkasɛ wee bulɔnahwɛ bu trɔ ahwɛ kɔ anɔnyanɔ bui bhɛbhɛtɛ nɛ Kpaya amɛ.

Efesoanɛ 5:13

Pɔ kɛdɔnyɛdɔ gɛ kifu tsri lɛabha kɛ ba wɔɛ̃,

Efesoanɛ 5:26

tɛ akɔ ɛlɛshu bhui, eplu ɛlɛshu nɛ buni tɛwuwlu ɔganɔ kibui nɛabha,

Efesoanɛ 6:17

Yɛkɔ tɛyɛyɛkɛkɔ ɔɖɛkutu anɛ Ɔfufɔɛ kɛpamɛ, gɛ kɛlɛ nu Kpaya bui.

1 Tɛsolonianɛ 2:13

Klɛ bu tsri lɛa bha tsyɛ hu Kpaya ahwɛ alasɛ, onu gɛ nɔ yɛkɛ Kpaya kibui, gɛ no nu denɔ bulɔ kɔ, nɔ yɛkɛ lɛ ganɛ ansɛ banɔdzyrame kibui ɖuɖɔ, pɔ ansɛ gɛ kɛ lɛ, pɛ ki nu Kpaya bui, nɛ gɛ kɛwa kɛxwɛ nɛ wɔnɔa gɛ ɔyɛkɛ ɔŋa nɛ mɛ.

1 Tɛsolonianɛ 5:23

Kɔ Kpaya nahwɛ, ishuyuyɔ Kpaya, adanɛ nɔ shu avɛnɔ etsodzini avɛnɔ. Kɔ wɔnɔ ɔfuɔɛ nɛ petee, kɛtɔwi anɛ ishuidzya nɛ za kɛpɔ maŋa maŋa mɛ nɛ bulɔ Apalete Yesu Kristo tɛbɛba mɛ.

Hebriuanɛ 13:7

Nɔ baka wɔnɔ otugbanɔ gɛ aɖɔ Kpaya ebhui nɛ etsre nɔ. No vu awɔ̃hu nɛ balɛ ɛkpã gɛ baza nɛ shu tɛ nɔ kpasɛ balɛ tɛyɛyɛkɛŋa.

Hebriuanɛ 6:5

gɛ be ti mini kɛdzyɔgo nɛ Kpaya bui nɛ mɛ anɛ agɔ nɛ gɛ aaba nɛ kemi,

Yakobo 1:18

Ayɛkɔ sɛ aba mɔ lɔ ganɔ kɛgba kibui nɛm, sɛ tɛ bu ba dzi eyuyu tutɔpu teli di nɛ kɛdɔ nɛ petee gɛ abhɛtɛ nɛ shi.

1 Petro 1:23

Alasɛ betsodzi nɔ amɔ, anɛ kiyi zizi, pɔ nɛ́ mazimazi, ɔganɔ Kpaya ɛkpã zɛza nɛ ebui bhɛbhɛtɛ.

Tɛbubukasɛ 1:16

Nɛ yɛ kɛŋa ɔhwɛ nɛ mɛ evunɔ awɛ̃wɛ̃ tegene, klɛ ɛhɛ shɛshɛ inugbutɛbha de koeyi nɛ yɛ onugbu nɛ mɛ. Yɛ amɛnɛm aza ansɛ kiwi gɛ kɛɛ tã nɛ kɛlɛ tɛgɛganɛ mɛ petee.

Tɛbubukasɛ 19:15

Denɔ yɛ onugbu nɛ mɛ ɛhɛ shɛshɛ eekoeyi gɛ yɛ aba yɛkɔ ehu amadi nɛe si nɔ. “Aba ŋa balɛa bha nɛ ɔɖa dzyamgbɛ.” Aga Kpaya Gbɛgbladɛ nɛ kanya obulo bulu kizi nɛa bha.

Tɛbubukasɛ 19:21

Bagɔgɔɛ nɛ be yialɛ nɛ ɛhɛ nɛ gɛ ede agɛ etsri sɔ nɛa bha nɛ onugbu nɛ mɛ, klɛ buzhuɔɛ nɛ petee ba tsyui balɛ adzya.

Tɛbubukasɛ 2:16

Kɛlɛ so no tsyina kitem! Odinuana nɛɛ, eti be dze ɛba ba tɔnɔ nɔ klɛ ɛba gɔnɛ nɛ balɛ nɛ mɛ onugbu mɛ ɛhɛ.

Tɛbubukasɛ 2:23

Ɛba husi yɛeyialɛ nɛ yi. Kɛlɛ basɔlɛha nɛ petee be be ti asɛ mɛ nu agɛ yɛ edi idzyi anɛ atɔkpu mɛ, klɛ ɛba buya kɛbhɛ kɔ anɔnyanɔ nɛ yɛ tɛbhɛbhɛtɛ nɛ nu.

Tɛbubukasɛ 20:4

Ɛmɔ bukusigbu gɛ bulɛa bha bagɛ ba kɔ kabhaŋɛŋa sɛ be kulu bubhui nɛ be zhiedzi. Klɛ mɛ mɔ bagɛ balɛ atɔkpu be bhui nɛ atɔwi, akpɛ balɛ ebuimɔɖɔ nɛ Yesu shu anɛ Kpaya kibui nɛ shu so. Ba ka kpɛ kɛtɔkpue si kɔ agavuga ɔdɔgɔsɛ yɛ abhubhɔ klɛ ba ka yɛkɛ yɛ kibi nɛ balɛ butukpo ɔdɔgɔsɛ nɛ balɛ ɛhwɛ. Ba bá ɛkpã mɛ klɛ ba ŋɛabha ɔplɛnɔ Kristo agɔ kɛkpã zɛzɛ.