Hebriuanɛ 4:1 - ONUGBÙ NYƐNYÃ VUVƆ

¹ Kɛlɛso, kidzodidi gɛ akɔ lɔ sɛ tsoku yɛ bumoene mɛ, nɛ ka lɛ, nɔ kɔ lɔ luawɔ̃ mɔmɔ sɛ bulɔ mayɛ kanyaka atɛ da wɔɛ dzo.

Hebriuanɛ 4:1 Iomraidhean Croise

Mateo 24:48

Pɔ kɛɛ lɛ sɛ axwɛdɛ nɔa lɛlɛ nɛ kɛtɔkpu mɛ gɛganɛ klɛ aɖɔ nɛ ishum asɛ, ‘Ma palete nɛ aba za ɔklɛ kibe dzidze,’

Axwɛwɛwa 3:19

No tsyina kitem, tɛ no tsyina amɛ ɔtɔnɔ Kpaya, sɛ tɛ be xule wɔnɔ buzizi, tɛ kimuenebe ba kɔnɔ denɔ Apalete nɛ ɔkɔ,

Romanɛ 11:20

Yɛkɔɛ lɛ sɛ kɛ bɛɛ lɛm ana. Pɔ be dzyini lɛ atɛɛ̃ akpɛ mayɛkɛ mayɛkɛŋa so, klɛ oli titi nɛ tɛyɛyɛkɛŋɛa bha. Tɛ za ɔwɔ̃dzu mɛ, pɔ za kifusisi mɛ.

Romanɛ 3:23

alasɛ banɔ nɛ petee ba tɛ bhɛtɛ buzizi klɛ Kpaya ishubhubhui nɛ lɛla nɛ balɛ shu,

1 Kɔrintioanɛ 10:12

Kɛlɛso onugɛ ɔyɛkɔ sɛ ɔlɔɛtiti gɛganɛ, za wɔ shuimɛ sɛ tɛ ɔtɛ dɔ oboe!

2 Kɔrintioanɛ 6:1

Anasɛ Kpaya baxwɛwa bu bisi denɔ nɛ wunɔ ahwɛ sɛ nɔ tɛ yɛkɛ Kpaya kɛdɔkukɔ nɛ kuã.

Galatianɛ 5:4

Wɔnɔ bagɛ nɔ wlãkɛ sɛ tɛ nɔ dzi badzyɔgo nɛ ɔshã nɛ mɛ nɔ bhui shu obu nɛ Kristo shu, nɔ wɔlɛ okoeyi nɛ kɛdɔkukɔ shu.

2 Timotio 2:13

onu gɛ tɛyɛyɛkɛŋa ma bulɔ ahwɛ, yɛ aba za tɛyɛyɛkɛŋa mɛ, alasɛ yɛ atɛ ba na yɛ ishu nɛ shu shɛ̃nahwɛ.

Hebriuanɛ 12:15

Nɔ di lɛ sɛ anɔnyanɔ adɛ shɛ̃ lɔ Kpaya ɛyɛmɛyuyɔ klɛ sɛ osiogu kɛtɛkɛtɛ lɔ tɛ dɔ she tɛ lɔ kpɛ butɔ anɛ tɛ lɔ zi be gelee.

Hebriuanɛ 12:25

Nɔ di lɛ ɔkɔ sɛ nɔ tɛshɛnahwɛ agɛ aɖɔaɖɔ nɛ shu. Onugɛ be di si ashɛ̃ nɛ kɛbelɛlɛ gɛ be gbe anɔ nɛ gɛ etsrenɛ alɛ nɛ kesukpa nɛabha, kɛlɛ bu ba zhiesi, onugɛ bulɔ tsyɛ bu shɛ̃ lɔ anɔ nɛ gɛ etsrenɔ lɔ denɔ owũsise?

Hebriuanɛ 13:7

Nɔ baka wɔnɔ otugbanɔ gɛ aɖɔ Kpaya ebhui nɛ etsre nɔ. No vu awɔ̃hu nɛ balɛ ɛkpã gɛ baza nɛ shu tɛ nɔ kpasɛ balɛ tɛyɛyɛkɛŋa.

Hebriuanɛ 3:11

So nɛ mɛ obloe mɛ ɛtanɛdɔ sɛ, ‘Be ti be tsoku mɛ omuenekɔ nɛɛ di.’ ”

Hebriuanɛ 4:11

Kɛlɛso, nɔ kɔ lɔ kpɛemi gɛganɛ tɛ butsoku bumone lɛlɛ mɛ, sɛ tɛ anɔnyanɔ atɛ ba wɔlɛ nɛ bagɛ bata tatɔ nɛede zɛza ebui bhɛbhɛtɛ shu.

Hebriuanɛ 4:9

Ɔkɛlɛ ɔtsɔ̃nɛ, Kimoenewui kalɛ kɔ Kpaya banɔ,