Hebriuanɛ 3:6 - ONUGBÙ NYƐNYÃ VUVƆ

⁶ Pɔ Yesu abhɛtɛ atrɔ ebui nɛabha anasɛ Kpaya yɛ yi nɛ yɛ bupa nɛ mɛ. Bulɔ nu yɛ bupa, onugɛ bu yɛkɔ ishu trɔ yɛabha klɛ budi yɛ dzoenu nɛ tɛyɛyɛkɛŋa.

Hebriuanɛ 3:6 Iomraidhean Croise

Mateo 10:22

Banɔ petee ba tɛ ba dɛmɛ wɔnɔɛ bui akpɛ mɛ so, pɔ aanɔ nɛ gɛ aza mɔmɔ ɔdɔ nanɔ obekekɔ be be bu yɛ.

Mateo 16:18

Klɛ mɛ itsre wɔ sɛ wonu Petro, klɛ nɛ kɛklãgbui nɛa bha mɛ ba bhɔ mɛ busɔlɛɔha nɛ ɛtrɔ, klɛ butsi tsyɛ tɛ ba ŋa ɔlɛa bha.

Mateo 24:13

pɔ anɔɔ nɛ gɛ aza gɛganɛɛ be be bu yɛ.

Romanɛ 11:22

Klɛso luawɔ̃ nɛ Kpaya ɛyamyuyɔ nɛ yɛ amɛgɛganɛ: amɛgɛganɛ anɛ bagɛ ba wɔlɛ, pɔ ɛyamyuyɔ kɔ wɔ, onu gɛ ɔbɔ vɛ kɛlɛa bha nɛ yɛ yamyuyɔ nɛ na. Odinuana, wɔ tsyɛ be be bhui wɔ atɛɛ̃.

Romanɛ 12:12

Nɔ mɔ same nɛ kidzoenu didi mɛ, dɔ fɔɔ̃ nɛ wɔ batɔ nɛm, za tɛyɛyɛkɛŋam nɛ Kpaya kuklum.

Romanɛ 15:13

Kɔ kidzoenu didi Kpaya nɛ eyuku nɔm nɛ same anɛ ishuyuyɔ ansɛ gɛ nɔ yɛkɛ yɛa bha ɔŋa, sɛ tɛ no bo yuku ɔgbɛgba nɛ kidzoenu didi ganɔ Ɔfufɔɛ Dzyɔgo anɛ kemi mɛ.

Romanɛ 5:2

ganɔ yɛa bha lɔ mɔ kidzo ganɔ tɛyɛykɛŋa pɛ bu tsoku eshutukubui didia nɛ mɛ gɛ bu li titi ɔtsɔ̃. Klɛ bu mɔ same nɛ kidzoenudidi nɛ Kpaya ishubhubhui mɛ.

1 Kɔrintioanɛ 3:16

Nɔ ti nyi sɛ wunɔ nahwɛ no nu Kpaya buvu klɛ Kpaya Ɔfufɔɛ lɔ lɛ wunɔɛ mɛ?

1 Kɔrintioanɛ 6:19

Nɔ ti nyi sɛ wunɔ shuidzya nɛ nu busɔlɛvu kɔ Ɔfufɔɛ Dzyɔgo, gɛ lɔ lɛ wunɔ mɛ, gɛ nɔ yɛkɛ de Kpaya kɔ? Nɔ ma wunɔ ishuahwɛ,

2 Kɔrintioanɛ 6:16

Tɛnyɛnya ɖueɖu kɛlɛ lɛ Kpaya busɔlɛvu anɛ̀ obudi shu? Alasɛ bulɔ nu Kpaya lulu busɔlɛvu. Anasɛ gɛ Kpaya aɖɔ, “Ɛba za nɛ alɛ klɛ ɛba ga nɛ balɛ shi, klɛ ɛba dzi balɛ Kpaya, klɛ ba be dzi mɛ banɔ.”

Galatianɛ 6:10

Kɛlɛso, anasɛ gɛ bu mɔ kibe dzyɔgo, nɔ kɔ lɔ bhɛtɛ kɛdzyɔgo kɔ banɔnyanɔ, kɛlɛ mumɔ kɔ ba gɛ be nu beshopo bayɛyɛkɛŋa.

Galatianɛ 6:9

Nɔ tɛ kɔ lɔ tɔ nɛ kɛdɔ dzyɔgo bhɛbhɛtɛ mɛ, alasɛ nɛ kibe dzyɔgoɛ mɛ bu ba tsui dɔ gelee onugɛ bu dɛ zukɔlɔ lɛ bhɛbhɛtɛ.

Efesoanɛ 3:12

Nɛ yɛ mɛ klɛ ɔganɔ tɛyɛyɛkɛŋa nɛ yɛabha bɔ bana Kpaya tsobunɔ nɛ́ ishuahwɛzɛza anɛ kabhaŋɛŋa.

Koloseanɛ 1:23

onugɛ nɔ za wɔnɔ tɛyɛyɛkɛŋa abha, nɔ kpɛ kɛdɔesi nɛ́ tɛgɛganɛ, nɔ ti koeyi nɛ kidzoenudidi gɛ nɔ nyana nɛ kibui dzyɔgo nɛ mɛ. Kɛnɛ kɛlɛ nu kibui dzyɔgo gɛ nɔ nu klɛ kidzi kɛgɛ ba ɖɔ kɔ kɛdɔnyɛdɔ gɛ kɛ lɛ owũsise nɛesi, klɛ Mɛ, Paolo, ɛba dzi axwɛdɛ.

1 Tɛsolonianɛ 5:16

Nɔ mɔ same kibenyɛbe;

2 Tɛsolonianɛ 2:16

Kɔ bulɔ Apalete Yesu Kristo nahwɛ anɛ bulɔ Aka Kpaya, gɛ aɖɔ lɔ klɛ ganɔ yɛ eshutukubui didi mɛ pɛ akɔ lɔ ɔfufɔɛ mɛ kemikpɛkpɛ anɛ kidzoenudidi dzyɔgo,

1 Timotio 3:15

onu gɛ ɛzɛ ba wɔɛ de tsyɛ, tɛ no ti kana gɛ alasɛ tɛ banɔ aga nɛ balɛ shu nɛ Kpaya bupa nɛ mɛ, gɛ nu ɛkpã Kpaya anɛ busɔlɛɔha, gɛ enu buvuosi nɛ kesikpɛkpɛ kɔ kɛgba.

Hebriuanɛ 1:2

pɔ nɛ ewui gugɔɛa nɛ mɛ aɖɔaɖɔ aganɔ yɛ Yi nɛabha kɔ lɔ, gɛ yɛ eklu akɔ kɛdɔnyɛdɔ, nɛ yɛabha aga gɛ abhɛtɛ kanɔ.

Hebriuanɛ 10:19

Kɛlɛso, madzyalɛ mɔ, denɔ kibe gɛ kɛ kpɛ lɔemi sɛ bu tsoku Obhubhui Kɔ Ɖɛɖamadɛ nɛ Yesu dzyosu nɛ mɛ,

Hebriuanɛ 10:21

klɛ gɛ kɛlɛ sɛ kpayazakɛanɔ gbla alɛ bulɔ ahwɛ gɛ edi Kpaya bupa nɛabha,

Hebriuanɛ 10:23

Nɔ kɔlɔ nyɛna gɛganɛ kɛdzoenudidi gɛ bubu ɖɔ, alasɛ agɛ atɛɖɔlu enu ayɛyɛkɛŋa.

Hebriuanɛ 10:35

Kɛlɛso nɔtɛ yɛkɔ wɔnɔ kemikpɛkpɛ ɔtɛ̃, nɔ bɔ yɛkɛ kɛlɛ nɛ bhɛ gbɛgbla.

Hebriuanɛ 11:1

Ɔtsɔ̃nɛ tɛyɛyɛkɛŋa kɛlɛ nu sɛ yɛkɛɔŋa sɛ kɛgɛ ɔtɔ mɔ tsyɛ pɛ kidzoenu didi lɛ wɔ ahwɔ sɛ kɛ ba ba.

Hebriuanɛ 3:14

Bu ba sɛ tɛ bubhɛtɛ terikpo nɛ Kristo onugɛ bu nyɛna yɛ gɛganɛ ɔdɔtɔnɔ tɛbibeke anɛ tɛyɛyɛkɛŋa gɛ bunyɛna vunɔ denɔ kesikpɛkpɛ.

Hebriuanɛ 4:11

Kɛlɛso, nɔ kɔ lɔ kpɛemi gɛganɛ tɛ butsoku bumone lɛlɛ mɛ, sɛ tɛ anɔnyanɔ atɛ ba wɔlɛ nɛ bagɛ bata tatɔ nɛede zɛza ebui bhɛbhɛtɛ shu.

Hebriuanɛ 4:14

Kɛlɛso gɛ kpayazakɔanɔ ɖɛɖama lɛ bulɔ ahwɛ, gɛ atɛ ga owũsise mɛ ekoeyi, Yesu Kpaya yɛ Yi, nɔ kɔ lɔ nyɛna yɛ gɛganɛ nɛ tɛyɛyɛkɛŋa gɛ bu ɖɔlu.

Hebriuanɛ 4:16

Nɔ kɔlɔ yɛ kɔ kemikpɛkpɛ tsobunɔ ɛyɛmɛyuyɔ bukusi, sɛ tɛ bu yɛkɛ eshutukubui didi nɛ tɛ bupɛɛ ɛyɛmɛyuyɔ tɛ kɛplɛnɔ lɔ nɛ kibe gɛ bupɛɛ nɛ mɛ.

Hebriuanɛ 6:11

Bu pɛɛ sɛ wɔnɔmɛayɛ nyɛmayɛ nɔ kasɛ kɛdzyɔgo bhɛbhɛtɛ ɔdɔtɔnɔ kibe gugɔɛ, nɛ lɛmɛ sɛ tɛ nɔ bhɛtɛ wɔnɔ kidzoenudidi nɛ za kɛlɛ ɔzakɔ.

Hebriuanɛ 6:18

Kpaya abhɛtɛ kibui nɛ asɛ tɛ, ganɔ ebui tabha gɛ eti be tsyina mɛ gɛ kɛ tɛ ba za sɛ Kpaya ana otro hu, tɛ bulɔa gɛ tɛ fla da nyɛna kidzoenudidi nɛ mɛ gɛ ba kɔ lɔ nɛ vunɔ bu mɔ kemi gbɛgbla.

Hebriuanɛ 7:19

(kɛlɛ ɔshã nɔdɔ bɔza kibuinyɛbui mɛ), klɛ ba bakasɛ kidyo dzyɔgo tili, gɛ kɛkɔ lotsobunɔ Kpaya.

1 Petro 1:8

Nɛlɛmɛ sɛ nɔ kɔ mɔɛ yɛ odi, nɔ dɛmɛ yɛ bui, klɛ ɛlɛmɛ tsyɛ nɔ tɔ mɔ yɛ ɔtsɔnɛ, nɔ yɛkɛ yɛabhaŋa klɛ nɔ yuku nɛ maɖɔmaɖɔ nɛ kabhakpɛkpɛ same,

1 Petro 2:5

wũnɔ tsyɛ anasɛ ɛkpã aklaŋgbu, ba yɛ kɔ nɔ edzu akpɛ ɔfufɔɛ buvu sɛ tɛ bu dzi kpayazakɔanɔ kɛxwɛwɛwa, ɔfufɔɛmɛ dɔ gɛ bakɔ kɔ bugu gɛ kɛku Kpaya aŋɔ ɔganɔ Yesu Kristo abha.

1 Petro 4:17

Alasɛ kibe na kɔ kebhuikuklu tɛ kakpɛesi nɛ Kpaya yɛ beshopo nɛabha, klɛ onugɛ kɛkpɛesi nɛ́ bulɔ abha, kide lɛ ba dzi kɔ ba gɛ ba dɛ tatɔ nɛ̀ Kpaya kibui dzyɔgo?

Tɛbubukasɛ 2:18

“Kɔ kpayaxwɛdɛ nɛ Taɛtira sɛ: Ebuia nɛ alɛ enu Kpaya yɛ Eyi nɛ kaɖɔɖuɖɔ, gɛ yɛ anhũ nɛ edzi ansɛ kifu tɛtã klɛ yɛ butsrukpɔ nɛ dzi ansɛ ayawa gɛ atã.

Tɛbubukasɛ 2:25

Nɔ nyɛna kɛgɛ lɛ wɔnɔ ahwɛ nɛ mɛ ovunɔ ɔdɔ nanɔ mɛ tɛbɛba.

Tɛbubukasɛ 2:26

Aanɔ nɛ gɛ aŋa ishua bha klɛ abhɛtɛ mɛ tɛpɛpɛ ɔdɔnanɔ obekekɔ, ɛba kɔ sɛ yɛ aŋa amadi nɛa bha—

Tɛbubukasɛ 3:11

Ɛɛba kplitaa. Nyɛna kɛ gɛ lɛ wɔahwɛ nɛ mɛ ovunɔ, sɛ tɛ anɔnyanɔ atɛ ba yɛkɛ wɔ bukusikutu.