Hebriuanɛ 3:5 - ONUGBÙ NYƐNYÃ VUVƆ

⁵ Mose abhɛtɛ atrɔ Kpaya ebui petee abha nɛ yɛ bupa nɛmɛ, klɛ aɖɔ ebui nɛ gɛ la ba ba nɛ otugba.

Hebriuanɛ 3:5 Iomraidhean Croise

Mateo 24:45

“Kɛlɛ anee yɛ enu axwɛdɛ gɛ tɛyɛyɛkɛŋa lɛ yɛahwɛ klɛ enyi bui, gɛ yɛahwɛ apalete nɛ ayɛkɔ baxwɛdɛ nɛ akpɛ nɛ yɛ bupa nɛ mɛ sɛ tɛ aza kɔa lɛ kɛŋɛŋa nɛ ɔɖɔ dzyɔgo nɛ mɛ?

Mateo 25:21

Yɛ apalete nɛ asɛ, ‘Wɔ naa bhɛtɛ, axwɛdɛ dzyɔgo gɛ ba ba yɛkɛ wɔa bha ŋa! Ɔza tɛyɛyɛkɛ ŋa mɛ nɛ kɛdɔ bhli nɛ gɛ ɛkɔ wɔ, ɛba yɛkɔ wɔ idzu ebui anɛ kɛdɔ gelee nu. Ba tɛ ɔbɔ mɔ same ɔplɛnɔ wɔ apalete!’

Luka 12:42

Apalete ebu shunu asɛ, “Ane ɔtsɔnɛ gɛ enu ebuiti nɛ axwɛdɛdɛ mɛ nɛ gɛ ba bayɛkɛ yɛabhaŋa, gɛ apalete nɛ ayɛkɔ edzu yɛ baxwɛwa nɛ nu tɛ akɔ alɛ kɛdɔŋɛŋa kɔba nɛ́ kibe dzyɔgo?

Luka 24:27

Klɛ kesikpɛkpɛ nɛ Mose anɛ̀ batɔnu petee, ebu alesi kɔ alɛ kɛ gɛ ba ɖɔ nɛ Kpayaeplukpa nɛ mɛ denɔ yɛnahwɛ shu.

Luka 24:44

Etsre alɛ sɛ, “Kibui nɛ mɛ tsre nɔ kɛlɛbe nɛ gɛ ɛza wunɔ bha: Kɛkanyaka gɛ ba ŋlɔmɛ elu denɔ mɛ shu alasɛtɛ kɛbɛlɛmɛ nɛ Mose Ɛshã, Batɔnu anɛ Ɛdzɛeplukpa.”

Yohanɛsɛ 5:39

Nɔ kpasɛ kpayaplukpa mɛ ebui mɔmɔ alasɛ nɔ yɛ kɔ sɛ ɛlɛmɛ nɔ bɔ ga gɛ nɔ bɔ mɔ ɛkpã mabekemabeke. Kpayaplukpa mɛ ebui alɛ aɖɔaɖɔ denɔ mɛ shu,

Axwɛwɛwa 28:23

Banɔ na ba trɔ kiwi tili sɛ tɛ ba ba tsyanɔ Paolo, klɛ la ba ba nɛ tɛkpikpe gblam nɛ ɔkɛlɛ gɛ aza. Denɔ kɛvulɔ ɔdɔnanɔ owluago nɛɛ, ebu ebuim kɔ banɔ, klɛ ebu aɖɔa etsrea lɛ denɔ Kpaya bukusiɔŋakɔ nɛ shu, klɛ etsyina ahwɛ sɛ tɛ be nu Yesu kibui nɛ denɔ Mose Ɔshã nɛ denɔ Batɔnu nɛ ɔkɔ.

Axwɛwɛwa 7:37

Mose alɛlɛ nɛ naa gɛ etsre Izraɛlanɛ na sɛ, ‘Kpaya aba sɛsɛ nɔ ebuiɖɔlu ansɛ mɛ ana edenɔ wɔnɔ nahwɛ banɔm.

Romanɛ 3:21

Pɔ ɔtsɔ̃ nɛɛ tɛnɛna denɔ Kpaya ɔkɔ, nɛ ɔshã nɛede, nɛ lɛ tɛtitim, gɛ Ɔshã anɛ Batɔnu nɛ ebu aɖɔ.

1 Kɔrintioanɛ 4:2

Ɔtsɔ̃nɛ kɛ bisi sɛ bagɛ ba tɛ yɛkɔ tɛkɛka nɛ anɔa bha akɔa lɛ alasɛ tɛ kɛkasɛ tɛyɛyɛkɛŋa.

1 Timotio 1:12

Ihu bulɔ Apalete Kristo Yesu ahwɛ, gɛ akɔ mɛ bugɛganɛ, gɛ edi mɛ asɛ anɔ gɛ tɛyɛyɛkɛŋa lɛ mɛahwɛ, klɛ eebu mɛ akɔ yɛ kɛxwɛ.

Hebriuanɛ 1:1

Nɛ kibe gɛ kɛbafla Kpaya aɖɔaɖɔ kɔ bulɔ bakashishe ganɔ atɔnu abha nɛ kibe gelee anɛ edzo gelee mɛ,

Hebriuanɛ 3:2

Abhɛtɛ atrɔ anɔ nɛgɛ eklu yɛ nɛ ebui nɛabha, anasɛ gɛ Mose abhɛtɛ atrɔ Kpaya ebui nɛabha nɛ yɛ bupa nɛ mɛ.

Hebriuanɛ 3:4

Alasɛ buvu nyɔvu anɔ teli yɛ dzu lɛ, pɔ Kpaya yɛ dzu kɛdɔnyɛdɔ.

Hebriuanɛ 8:5

Kɛ xwɛ gɛ bawa nɛ kagba nɛ mɛ kɛ nu kɛdɔ gɛ kiyi dɔ nɛ kɛtɔwui nɛ gɛ kɛ lɛ owũsise. Kɛlɛ so gɛ Mose asɛ dzu kagba, ba kpɛ yɛ ɔshã sɛ: “Di sɛ ɔbhɛtɛ kɛkanyaka kɛsɔnɔ kɛgɛ bakasɛ wɔ nɛ butu nɛabha.”

Hebriuanɛ 9:24

Alasɛ Kristo adɛ tsoku kagba nɛ mɛ gɛ anɔdzyrame dzu gɛ enu kagba dzyɔgo nɛ buyi, etsoku owũsise nahwɛ avɛ sɛ tɛ ɔtsɔ̃nɛ ada wɔɛ̃ nɛ Kpaya amɛ kɔ lɔ.

Tɛbubukasɛ 15:3

klɛ ba zha Mose kpayaxwɛwa nɛ ɔdzɛ anɛ Obhoshieyi nɛ ɔdzɛ na sɛ: “Wɔ ebui nɛ agbɛgbla klɛ la bhɛtɛ bi, Apalete Kpaya gɛ Agbɛgbladɛ. Wɔ edzo nɛ ana klɛ le nu kɛgba, Kibe nɛ Ekusi.