Hebriuanɛ 2:9 - ONUGBÙ NYƐNYÃ VUVƆ

⁹ Pɔ bu mɔ Yesu, gɛ be zhinɔɛ akpɛ kesi bɔɛdɛ kpayaxwɛdɛ, ɔtsɔ̃ nɛ bekumui nɛ otugbavɛvɛ anɛ kabhakpɛkpɛ alasɛ amɔ butsi, sɛ tɛ Kpaya kɛdɔ tsyitsyeanɔ aga kɛlɛ mɛ amɔ butsi nɛ banɔ petee tɔkpu.

Hebriuanɛ 2:9 Iomraidhean Croise

Mateo 16:28

Itsre nɔ kɛgba, banɔ teli gɛ be lii titi nɛ ɔkɛ̃ be ti be mini butsi flogo pɛ ba ba mɔ Anɔdzyrame yɛ Eyi nɛ aaba nɛ yɛ bukusi mɛ.”

Mateo 6:28

“Klɛ kide so pɛ nɔɔ ganɛ awɔ̃ nɛ kɛdɔ nyunyumu shu? Di kana gɛ kpɔkɔɛ nɛ ayakpam nɛ eeshe. Ba taa wa kɛxwɛ pɛ ɔdɔgɔsɛ bee tro oɖoti.

Marko 9:1

Klɛ etsre balɛ asɛ, “Itsre nɔ sɛ kɛgba lɛ nu sɛ, banɔ teli gɛ beli kititi nɛ ɔkɛ̃ nɛ batɛ ba mɔ butsi flogo pɛ Kpaya Bukusiɔzakɔ nɛ ɔbɔ ba nɛ kemi.”

Luka 9:27

Ɛtsre nɔ gbɛagba, bɛ teli gɛ ba lɔɛtiti nɛ ɔkɛnɛ, ba tɛ betsi flogo gɛ ba bamɔ Kpaya kusi.”

Yohanɛsɛ 1:29

Kiwui bhla nɛ Yohanɛsɛ amɔ Yesu aba yɛ ɔkɔ klɛ aɖɔ sɛ, “Di, Kpaya Obhoshieyi, agɛ yɛ ayɛkɔ kanɔɛmɛ ebuizizi nɛ ashɛ̃nɔ!

Yohanɛsɛ 10:17

Kibui nɔ nɛ so gɛ ma Aka adɛmɛ mɛ bui kɛlɛ nu sɛ ɛshɛnahwɛ mɛ kpã shu—tɛ ɛtsodzi ɛlɛ ayɛkɔ ko.

Yohanɛsɛ 12:32

Pɔ mɛ, kibelɛlɛ gɛ befeke mɛ avɛnɔ kabha denɔ kesukpɛa nɛ mɛ, ɛba gbanɔ banɔ petee ɛmɛna me shu.”

Yohanɛsɛ 3:16

“Alasɛ Kpaya adɛmɛnɔ nɛ kanɔ sɛ ayɛkɔ yɛa yɛ gɛ enu Eyianyɛ terikpo akɔ, sɛ tɛ anɔnyanɔ gɛ ayɛkɛ yɛabha ŋa eti be tsi pɔ aba mɔ ɛkpã mabeke.

Yohanɛsɛ 8:51

Itsre nɔ kɛgba sɛ, onugɛ anɔ teli ayɛ kɛ mɛ bui, atɛ ba mɔ butsi.”

Yohanɛsɛ 8:52

Nɛ kibui nɛ shu Yuɖanɛ ba kpɛ ogugu sɛ, “Ɔtsyɔnɛ bu nyi sɛ ɔfufɔɛ zizi lɔ kpasɛ wɔɛ mɛ! Abraham etsi klɛ kanake so batɔnu na bhɛtɛ, pɔ ɔɖɔ sɛ anɔ gɛ ayɛkɛ wɔ ebui, atɛ be mini butsi di.

Axwɛwɛwa 2:33

Be feke yɛ ada kpɛ Kpaya kɛŋahwɛ mɛ, klɛ ayɛkɛ Ɔfufɔɛ Dzyɔgo nɛ edenɔ Yaka ɔkɔ ansɛ gɛ aɖɔelu klɛ atɛ balɛ kɛ gɛ nɔɔ mɔ pɛ noo nu nɛ elu.

Axwɛwɛwa 3:13

Abraham Kpaya, Isaka anɛ Yakɔpu, bulɔa ka lɛ Kpaya, nɛ atɛ danɛ yɛ axwɛdɛ Yesu shu. Nɔ yɛkɔ yɛ ɔkpɛ ahwɛ kɔ sɛ tɛ be yi, klɛ nɔ shɛ̃nahwɛ yɛ shu nɛ Pilato amɛ, nɛ kibe lɛ gɛ yɛ apɛa sɛ tɛ akɔ yɛ kidzo tɛ aga vɛ flogo.

Romanɛ 5:18

Nɛ kɛlɛ mɛ, ansɛ gɛ buzizi turukpo ba dzi kɛpɔbubu kɔ banɔ petee, kana ke tɛnɛna mɛ kibui bhɛbhɛtɛ tirikpo ba dzi ishudɛdanɛ gɛ mɛna ɛkpã kɔ banɔ petee.

Romanɛ 5:8

Pɔ Kpaya ebu yɛnahwɛ tɛɖuɖɔ nɛ gɛ aɖɔ lɔ nɛ akasɛ nɛ kidzoe nɛa bha sɛ: Nɛ kibe lɛ gɛ bu ka nu buziziabhɛtɛ, Kristo etsi nɛ bulɔɛ tɔkpu!

Romanɛ 8:3

Alasɛ kɛdɔnɔ nɛ gɛ ɔshã nɛ ɔdɛ mɔ kemi pɛ lɔ na bhɛtɛ akpɛasɛ buzizi tɛzɛzam zi dɔ nɛ ɔlɛ shu so, Kpaya xũ nɛ abhɛtɛ kɛlɛ ganɔ yɛnahwɛ Yɛeyi nɛ gɛ akpɛ asɛsɛ ansɛ anɔ zizi gɛ ba yɛkɔ akɔ nɛ buzizi kɛtɔkpu. Klɛ so ebu buzizi kɛpɔ nɛ anɔ gɛ abhɛtɛ buzizi mɛ,

Romanɛ 8:32

Agɛ adɛ da ahwɛ akpɛ yɛ nɛahwɛ Yeyi, pɔ ayɛkɔ yɛ akpɛahwɛ nɛ lɔɛ tɔkpu, klɛ tsyɛ ataa yɛkɔ aplɛnɔ yɛ, nɛ eshutukubuididi mɛ akɔ lɔ kɛdɔnyɛdɔɛdi?

2 Kɔrintioanɛ 5:15

Klɛ etsi nɛ bulɔ petee tɔkpu, sɛ ba gɛ alɛ ba ta za kɔ balɛnahwɛshu ko pɔ agɛ etsi nɛ balɛ tɔkpu, klɛ ba za nyɛmɛ yɛ tite tɔkpu.

2 Kɔrintioanɛ 5:21

Kpaya abhɛtɛ anɔ gɛ buzizima yɛ shu tɛ edzi ezizi kɔ lɔ, sɛ tɛ nɛ yɛ mɛ bu badzi banɔnɛna kɔ Kpaya.

Galatianɛ 4:4

Pɔ gɛ kibe nɛ na mɔmɔ, Kpaya asɛsɛ yɛ Eyianyɛ, gɛ adzɛ amɔ, ba mɔ yɛ nɛ ɔshã nɛesi,

1 Timotio 2:6

gɛ ayɛkɔ yɛshu etsye ansɛ kɛbhɛ bubuya nɛ banɔdzyrame nɛ petee tɔkpu—gɛ ki dzi kibuimɔɖɔ nɛ kɛlɛ be dzyɔgo mɛ.

Hebriuanɛ 1:9

Ɔdɛmɛ kɛdɔ dzyɔgo bhɛbhɛtɛ klɛ ɔdɛpɛɛ kɛtɔkpu mɛ gɛganɛ, kɛlɛso Kpaya, wɔnɔ Kpaya, akɔ nɔ nɛ otugba same dɛ anɛ bubɔ sɛsra ɛnɔabha nɛ same mɛ,”

Hebriuanɛ 10:5

Kɛlɛso gɛ Kristo aba kanɔ nɛ mɛ, aɖɔ sɛ: “Ishutsyitsye anɛ kɛdɔkukɔ kɛ tɛ za wɔ li, pɔ ishuidzya nɔ bala kɔ mɛ,

Hebriuanɛ 11:5

Tɛyɛyɛkɛŋa so be feke Ɛnok nɛ kanɔanɛ mɛ, so nɛ yɛ adɛ mɔ butsi, ba dɛ mɔ yɛ, alasɛ Kpaya efeke yɛ ashɛnɔ. Alasɛ flogo tɛ ebe befeke yɛ, baɖɔ kaɖɔ dzyɔgo nɛ yɛ shu anasɛ anɔ gɛ eku Kpaya awɔ̃.

Hebriuanɛ 12:2

Nɔ kɔ lɔ yɛkɔ bulɔ awɔ̃hu trɔ Yesu abha, yɛ lu tɛyɛyɛkɛŋa nɛesi klɛ abhɛtɛ lɛ kɛna. Gɛ enyi same nɛ gɛ alɛ otugba kɔ yɛ so, evu idzyi akpɛte amɔ butɔ nɛ butsiosi shu, klɛ ayɛ kɛ ɔlɛ kɛwɔɛ̃, klɛ ada za Kpaya kegbu nɛ kɛŋa nɛ mɛ.

Hebriuanɛ 2:7

Ɔbhɛtɛ yɛ alɛ kesi kɛbɔɛ dɛ kpaya baxwɛdɛ, ɔyɛkɔ kabhakpɛkpɛ anɛ ɔzakɔkukɔanɔ okumu kikutu ɔkɔ yɛ

Hebriuanɛ 7:25

Kɛlɛso aba za yɛkɛ kɔ bagɛ balɛ petee gɛ ba ba Kpaya kɔ aganɔ yɛabha, alasɛ alɛ kibenyɛbe sɛ tɛ evuboe kɔ alɛ.

Hebriuanɛ 8:3

Kpayazakɔanɔ ɖɛɖama kanyaka be klu yɛ sɛ tɛ akɔ kɛdɔ tɛbha ɛyɛmɛyuyɔ anɛ kɛdɔ pupɔɛ, klɛ so kɛ ba dzia awɔ̃hu dzɛdza bui kɔ kɛnɛ tsyɛ tɛyɛkɛ kɛdɔtili tɛ apɔɛ.

1 Petro 1:21

Ganɔ yɛabha nɔ yɛ kɛ Kpaya abhaŋa, agɛ anyɛmɛ yɛ edenɔ bekpui mɛ klɛ akpɛ yɛ nyi nɛabha klɛ so wũnɔ tɛyɛyɛkɛŋa nɛ yɛ kidzo abha didi lɛ Kpaya mɛ.

1 Yohanɛsɛ 2:2

Yɛ ayɛkɔ ishu etsye kɔ bulɔ ebuizizi, klɛ ganɛ bulɔ tite pɔ kɔ kanɔ nɛ petee buzizi.

Tɛbubukasɛ 19:12

Yɛ anhũ nɛ edzi ansɛ kifu ɔlɛklɛmɛ, klɛ nɛ yɛ ada nɛ mɛ bukusiekutu gelee etsri. Kinyi lɛ yɛahwɛ gɛ ba ŋlɔmɛ at yɛ asɛ anɔnyanɔ eti nyi pɔ yɛnɛahwɛ enyi.

Tɛbubukasɛ 5:9

Klɛ ba zha ɔdzɛ vuvɔ: “Wɔ ɔna sɛ tɛ ɔyɛkɔ kazaplukpa tɛ ɔdanɛ kalɛ badɛda, alasɛ be yi wɔ, klɛ ɔyɛkɔ wɔ dzyosu odzi banɔ kɔ Kpaya denɔ kɛmadi nɛ bunuhu kanyaka mɛ anɛ banɔ nɛ amadi nɛ mɛ.