Hebriuanɛ 2:17 - ONUGBÙ NYƐNYÃ VUVƆ

¹⁷ Alasɛ kɛnɛ nɛ so babhɛtɛ yɛ anasɛ yɛadzya lɛ nɛ kidzonyɛdzo abha, sɛ tɛ ebedzi kpayaɔzakɔanɔ gɛ eshutukubui didi anɛ̀ tɛyɛyɛkɛŋa lɛ yahwɛ nɛ Kpaya kɛxwɛwɛwa mɛ, sɛ tɛ atsrakɛ bezizi nɛ tɔkpu.

Hebriuanɛ 2:17 Iomraidhean Croise

Romanɛ 15:17

Klɛso ɛmɔ ishudɛdanɛ nɛ Kristo Yesu mɛ nɛ mɛ kɛxwɛwɛwa kɔ Kpaya mɛ.

Romanɛ 5:10

Alasɛ onu gɛ, kibe lɛ gɛ bu nu banɔ gɛ bu dɛ pɛɛ Kpaya, ba kpɛ bulɔ ɛhwɛetsu ganɔ Yɛeyi nɛ titsitsi mɛ, kɛlɛ kɛ taa za sɛ, gɛ ba tɛ kpɛ lɔ ɛhwɛetsu, be tee bu lɔ ganɔ yɛ ɛkpã nɛ mɛ!

Efesoanɛ 2:16

klɛ nɛ ishuidzya tirikpoe nɛ mɛ abhɛtɛ balɛ tɛabha terikpo kɔ Kpaya ɔganɔ butsi nɛ butsiosi shu, nɛ kɛlɛmɛ eyi balɛ ebla pɛpɛɛ.

Koloseanɛ 1:21

Nɛ kibe tili gɛ nɔ za odzidze kɔ denɔ Kpaya ɔbha klɛ nɔ dzi banɔ gɛ ba dɛ pɛɛ yɛ bui nɛ wɔnɔ atɔkpu mɛ alasɛ wɔnɔ ebuikpã bhɛbhɛtɛ so.

Hebriuanɛ 10:21

klɛ gɛ kɛlɛ sɛ kpayazakɛanɔ gbla alɛ bulɔ ahwɛ gɛ edi Kpaya bupa nɛabha,

Hebriuanɛ 2:11

Anɔ nɛ gɛ abhɛtɛ banɔ pɛ balɛ shu bhui anɛ bagɛ abhɛtɛ pɛ balɛ shu bhui nɛ petee benu bupa turukpom banɔ. So kɛwɛ̃ tɛ ku Yesu sɛ tɛ eklualɛ asɛ yɛadzyalɛ.

Hebriuanɛ 2:14

Gɛ ishuidzya anɛ dzyosu alɛ bunuvɔɛ nahwɛ, yɛtsyɛ ayɛkɔ tili nɛ balɛ anɔdzyrame tɛdzidzi mɛ sɛ ganɔ yɛ butsi mɛ tɛ ezi agɛ yɛ vunɔ butsi kemi—gɛ enu Abɔnsam—

Hebriuanɛ 2:16

Alasɛ kɛnu kɛgbɛagba sɛ ganɛ kpayaxwɛdɛ aplɛnɔ, pɔ bagɛ de Abraham mɛ.

Hebriuanɛ 3:1

Kɛlɛso ishubhubhui badzyalɛ Dzyɔgo, gɛ be klu denɔ owũsise, nɔ yɛkɔ wɔnɔɛ bui ɔtrɔ Yesu abha, anɔkpɛkpɛ anɛ Kpaya ɔzakɔanɔ gbɛgbla gɛ buyɛkɛ yɛabhaŋa.

Hebriuanɛ 3:2

Abhɛtɛ atrɔ anɔ nɛgɛ eklu yɛ nɛ ebui nɛabha, anasɛ gɛ Mose abhɛtɛ atrɔ Kpaya ebui nɛabha nɛ yɛ bupa nɛ mɛ.

Hebriuanɛ 3:5

Mose abhɛtɛ atrɔ Kpaya ebui petee abha nɛ yɛ bupa nɛmɛ, klɛ aɖɔ ebui nɛ gɛ la ba ba nɛ otugba.

Hebriuanɛ 4:14

Kɛlɛso gɛ kpayazakɔanɔ ɖɛɖama lɛ bulɔ ahwɛ, gɛ atɛ ga owũsise mɛ ekoeyi, Yesu Kpaya yɛ Yi, nɔ kɔ lɔ nyɛna yɛ gɛganɛ nɛ tɛyɛyɛkɛŋa gɛ bu ɖɔlu.

Hebriuanɛ 4:15

Alasɛ kpayazakɔanɔ ɖɛɖama ama bulɔ ahwɛ gɛ aba na eshutukubui di nɛ bulɔ kesizhizhi mɛ, pɔ teli alɛ bulɔ ahwɛ gɛ be tɛfeke yɛ di nɛ kidzonyɛdzoe abha, anasɛ gɛ bu lɛ—pɔ adɛ za nɛ buzizi.

Hebriuanɛ 5:1

Kpayazakɔanɔ ɖɛɖama kanyaka be bu yɛ denɔ banɔɛ shi klɛ be klu yɛ akɔ sɛ tɛ aza balɛ nu nɛ ebui nɛ gɛ la kpɛ ɔkɔ nɛ Kpaya shu, tɛ ba bhɛtɛ ɛyɛmɛyuyɔ anɛ ɛshu yɛyɛkɔtsye nɛ buzizi tɔkpu.

Hebriuanɛ 5:10

klɛ Kpaya ebuaɖɔ sɛ edzi kpayazakɔanɔ ɖama nɛ Meltsizɛdɛk tɛ tɛtrɔ nɛ nu.

Hebriuanɛ 5:2

Adɔfɔɔ̃ nɛ bagɛ tinyibui nyɛbui nɛ bagɛ ba lɛla kidzo, nɛ kibe lɛlɛ gɛ yɛnahwɛ adɛ gɛganɛ.

Hebriuanɛ 5:5

So Kristo tsyɛ adɛ yɛkɔ atrɔ shu nɛ kabhɛŋɛŋa mɛ sɛ tɛ edzi kpayazakɔanɔ ɖɛɖama. Pɔ Kpaya etsre asɛ, “Wɔ nu me Yi, obo nɛ idzi wɔaka.”

Hebriuanɛ 6:20

ɔkɛlɛ Yesu, gɛ eputɔ kɔlɔ avɛ, etsoku ɔkɛlɛ nɛ bulɔɛ nyimɛ. Edé dzi kpayazakɔanɔ ɖɛɖama ɔvɛnɔ mabeke mabeke nɛ anasɛ Maltsyizɛdɛk.

Hebriuanɛ 7:26

Kpayazakɔanɔ ɖɛɖama nɛdi atsyanɔ bulɔ kɛdɔ pɛpɛɛ—agɛ yɛ shu bhui, kɛpɔ ma yɛ shu, ana, alɛ ɔtɔ nɛ banɔ zizi shi, klɛ bakpɛ yɛ nɛabha adɔ flanɔ owũsise.

Hebriuanɛ 7:28

Ɔshã nɛ bu banɔ anasɛ kpayazakɔanɔ ɖɛɖama gɛ batsra, pɔ kɛdɔ tɛtanɔ gɛ kɛba nɛ ɔshã nɛede, lɔklu Eyi, gɛ babhɛtɛ yɛ ana ɔvɛnɔ mabekem.

Hebriuanɛ 8:1

Kibui nɛ kɛkpã gɛ buɖɔ nɛ kɛlɛ nu kɛnɛ: kpayazakɔanɔ ɖɛɖama nɛɛ di alɛ bulɔ ahwɛ, gɛ aza kegbu nɛabha nɛ Otugbavɛvɛ Aka nɛ ɔbha nɛ owũsise,

Hebriuanɛ 8:3

Kpayazakɔanɔ ɖɛɖama kanyaka be klu yɛ sɛ tɛ akɔ kɛdɔ tɛbha ɛyɛmɛyuyɔ anɛ kɛdɔ pupɔɛ, klɛ so kɛ ba dzia awɔ̃hu dzɛdza bui kɔ kɛnɛ tsyɛ tɛyɛkɛ kɛdɔtili tɛ apɔɛ.

Hebriuanɛ 9:11

Gɛ Kristo aba anasɛ kpayazakɔanɔ ɖɛɖama kɔ ebui dzyɔgo nɛ gɛ ala lɛ ɔkɛnɛ, aga kagba gbɛgbladɛ klɛ aŋaedzi, kadɛ nu sɛ anɔ yɛabhɛtɛ alɛ, kɛlɛesi kɛlɛ nu sɛ, anɛ ne di de kanɔanɛ kapɛnyapɛ.