Hebriuanɛ 2:14 - ONUGBÙ NYƐNYÃ VUVƆ

¹⁴ Gɛ ishuidzya anɛ dzyosu alɛ bunuvɔɛ nahwɛ, yɛtsyɛ ayɛkɔ tili nɛ balɛ anɔdzyrame tɛdzidzi mɛ sɛ ganɔ yɛ butsi mɛ tɛ ezi agɛ yɛ vunɔ butsi kemi—gɛ enu Abɔnsam—

Hebriuanɛ 2:14 Iomraidhean Croise

Mateo 16:17

Yesu ebu lɛ nu asɛ, “Ba yula wɔ, Simɔnɛ Yona yɛeyi, alasɛ ganɛ anɔdzyrame yɛ bu kibui nɛ akasɛ wɔ, pɔ mɛ Aka nɛ owũsise yɛ bui lɛ akasɛ wɔ.

Mateo 25:41

“Ɔkɛlɛ aba ɖɔ tsre bagɛ bedzi yɛ kɛbɛtɛkpɛ nɛ mɛ asɛ, ‘Nɔ shɛ nɛ mɛ ɔbha, wɔnɔa gɛ ba ɖɔɛ bui akpɛ, ayɛkɔ tɛ̃a kpɛ kifu gɛ tɛba ni di mɛ gɛ ba bala elu kɔ ɔfufɔɛkpã nɛ ɛlɛ baxwɛdɛ.

Yohanɛsɛ 1:14

Kibui nɛ badzi ishuidzya klɛ abhɛtɛ yɛ ɔzakɔ nɛ bulɔɛ mɛ. Bumɔ yɛ ishubhubhui, ishubhubhui Terikpoe lɛlɛ klɛ Ɛlɛ ko, gɛ aba denɔ Aka nɛ ɔkɔ, gɛ eyuku nɛ ɛyamyuyɔ anɛ kɛgba.

Yohanɛsɛ 12:24

Ɛtsre nɔ gbɛagba, ɔdɛsɛ kɛmɔɛyi wɔlɛ dɔ kesukpa klɛ kɛ tsi kɛ nu kiyi tirikpo ko. Pɔ onugɛ kɛ tsi kɛ ba yi klɛ kɛ ba yu gelee.

Romanɛ 14:9

Nɛ kibui nɛ shu so, Kristo etsi klɛ etsodzi aba ɛkpãm sɛ tɛ ebe dzi Apalete kɔ be tsitsi nɛ belulu.

Romanɛ 8:3

Alasɛ kɛdɔnɔ nɛ gɛ ɔshã nɛ ɔdɛ mɔ kemi pɛ lɔ na bhɛtɛ akpɛasɛ buzizi tɛzɛzam zi dɔ nɛ ɔlɛ shu so, Kpaya xũ nɛ abhɛtɛ kɛlɛ ganɔ yɛnahwɛ Yɛeyi nɛ gɛ akpɛ asɛsɛ ansɛ anɔ zizi gɛ ba yɛkɔ akɔ nɛ buzizi kɛtɔkpu. Klɛ so ebu buzizi kɛpɔ nɛ anɔ gɛ abhɛtɛ buzizi mɛ,

1 Kɔrintioanɛ 1:28

Ebuidɔ zhizhiesi nɛ́ kanɔ nɛ mɛ anɛ agɛ la ma kibuinyɛbui mɛ—anɛ́ agɛ la ma—tɛ le zi ebui nɛ gɛ alɛ,

1 Kɔrintioanɛ 15:50

Ɛbu tsre nɔ, badzya mɔ, sɛ ishuidzya anɛ dzyosu ba tɛ ba ŋa Kpaya bukusiɔŋakɔ, ɔdɔgɔsɛ kɛgɛ ba zi nɛ ba ŋa kɛgɛ tɛ ba zi.

Galatianɛ 4:4

Pɔ gɛ kibe nɛ na mɔmɔ, Kpaya asɛsɛ yɛ Eyianyɛ, gɛ adzɛ amɔ, ba mɔ yɛ nɛ ɔshã nɛesi,

Koloseanɛ 2:15

Klɛ gɛ atɛyɛkɛ kemi anɛ̀ kabhaŋɛŋa nɛ balɛ ahwɛ, abhɛtɛ alɛ ba vɛ kede sɛ tɛ anɔnyanɔ amɔ yɛ kabhaŋɛŋa nɛ balɛabha nɛ butsiosi shu.

1 Timotio 3:16

Nɛ ebui bibisi nɛ petee de, kpayamzɛza kibuikpukpu nɛ kitri: Awɛ̃ nɛ ishuidzya mɛ, Ɔfufɔɛ nɛ obu yɛ butsya, kpayaxwɛdɛ nɛ ba mɔɛ, ba ɖɔ yɛ bui nɛ amadi nɛ mɛ, ba yɛkɛ yɛa bha ŋa nɛ kanɔ nɛ mɛ, ba feke yɛ ashɛnɔ nɛ ishubhubhui mɛ.

2 Timotio 1:10

pɔ ɔtsɔ̃, be be bu kɛlɛ akasɛ ganɔ Ayɛyɛkɛkɔlɔ, Kristo Yesu tɛwɛ̃wɛ̃ nɛ mɛ, gɛ ebe zi butsi klɛ ayɛkɔ ɛkpã anɛ matsimatsi amɛna ɔtɔ ganɔ kibuidzyɔgo nɛ mɛ.

Hebriuanɛ 10:10

Klɛ nɛ kɛtɛtrɔɛ lɛlɛ nɛabha, bakɔ lɔ shu bhui ɔganɔ Yesu Kristo yɛ shu tysitsye trukpo ko abha.

Hebriuanɛ 10:5

Kɛlɛso gɛ Kristo aba kanɔ nɛ mɛ, aɖɔ sɛ: “Ishutsyitsye anɛ kɛdɔkukɔ kɛ tɛ za wɔ li, pɔ ishuidzya nɔ bala kɔ mɛ,

Hebriuanɛ 2:17

Alasɛ kɛnɛ nɛ so babhɛtɛ yɛ anasɛ yɛadzya lɛ nɛ kidzonyɛdzo abha, sɛ tɛ ebedzi kpayaɔzakɔanɔ gɛ eshutukubui didi anɛ̀ tɛyɛyɛkɛŋa lɛ yahwɛ nɛ Kpaya kɛxwɛwɛwa mɛ, sɛ tɛ atsrakɛ bezizi nɛ tɔkpu.

Hebriuanɛ 2:18

Alasɛ yɛ nahwɛ amɔ butɔ kibelɛlɛ gɛ befekɛ yɛ edi, klɛ ana ba gɛ bɛ fekedi aplɛnɔ.

Hebriuanɛ 4:15

Alasɛ kpayazakɔanɔ ɖɛɖama ama bulɔ ahwɛ gɛ aba na eshutukubui di nɛ bulɔ kesizhizhi mɛ, pɔ teli alɛ bulɔ ahwɛ gɛ be tɛfeke yɛ di nɛ kidzonyɛdzoe abha, anasɛ gɛ bu lɛ—pɔ adɛ za nɛ buzizi.

Hebriuanɛ 9:15

Kɛnɛ so gɛ Kristo ayɛkɔ onugbunyɛnya vuvɔ evuboe, sɛ tɛ bagɛ beklu bayɛkɛ ɔfufɔɛ mɛ kɛdɔ nɛ gɛ ba ɖɔ—ɔtsɔnɛ gɛ etsi anasɛ kɛbhɛ bubuya sɛ tɛ ebualɛ nɛ ebuizizi gɛ babhɛtɛ nɛ onugbunyɛnya tɛtɔpu nɛesi.

1 Petro 1:20

Be klu yɛ flogo gɛ ba bhɛtɛ kanɔ, pɔ be bui yɛ akasɛ nɛ ewia gugɔɛa nɛ mɛ nɛ́ wũnɔɛ tɔkpu.

Tɛbubukasɛ 1:18

Mɛ nu Agɛ alɛ nɛ Ɛkpã, Iti tsi, klɛ no di ɛlɛ nɛ ɛkpã ɔyɛkɔ vɛnɔ! Klɛ ivunɔ butsi anɛ bekpu mɛ kedunuaɖɛ.

Tɛbubukasɛ 12:9

Be hu eblidzyagbla nɛ ebho— kɛlɛbe eblidzya alɛlɛ nɛ gɛ be kulu asɛ ɔfufɔɛkpã ɔdɔgɔsɛ Satana, gɛ agbanɔ kanɔ nɛ petee alɛla. Be huyɛebho asɛsɛ kesukpa, anɛ yɛ baxwɛdɛ.

Tɛbubukasɛ 2:10

Ti si kifu nɛ butɔ nɛ gɛ ɔbɔ mɔ. Itsre wɔ, ɔfufɔɛkpã nɛ ɔbɔ yɛkɔ wɔnɔ beteli ɔkpɛ buvu sɛ tɛ lo feke nɔ odi, klɛ nɔ bɔ tɔ nɛ tɛkpɛkpatɔnɔ mɛ nɛ ewi lɔfɔ mɛ. Nɔ za tɛyɛyɛkɛŋa mɛ, ɔyɛkɔ ɔdɔ nanɔ butsi fãa, klɛ mɛ ba kɔ wɔ ɛkpã kabhaŋɛŋa kikutu.

Tɛbubukasɛ 20:2

Evu eblidzyagbla, gɛ enu atiti eblidzya, gɛ enu ɔfufɔɛkpã, ɔdɔgɔsɛ Satana, klɛ anya yɛ agɔ kɛkpã zɛzɛ.