Hebriuanɛ 2:10 - ONUGBÙ NYƐNYÃ VUVƆ

¹⁰ Nɛ banɔ gelee mɛmɛna nɛ yɛshu bhubhui mɛ, kɛpɛ̃ kɔ Kpaya sɛ, kɔ agɛ anɛ ganɔ agɛ yɛabha ba bhɛtɛ kɛdɔnyɛdɔ, kɛkɔsɛ Kristo edzi tɛyɛyɛkɛ dzyɔgo ganɔ butɔ mumɔe mɛ.

Hebriuanɛ 2:10 Iomraidhean Croise

Luka 13:32

Ebulɛnu asɛ, “Vɛ tɛ ɔdɔ tsre ayakpaɛmɛ kakudzogɛ alɛ nɛ sɛ, ‘Ɛba kɛka ɛfufɔɛ kpã bu klɛ eba bekɛ banɔ banya obo anɛ kivu, klɛ nɛ kiwui tramɛ nɛabha ɛba wa mɛ xwɛ beke.’

Luka 2:14

“Ishubhubhui kɔ Kpaya nɛ kabha, klɛ nɛ kesukpa ishuyɛyɔ kɔ banɔ nɛ gɛ yɛ tɛpɛplɛnɔ lɛ kɔ.”

Luka 24:26

Kɛma sɛ tɛ, Kristo amɔ ebuianɛ petee butɔ, klɛ tɛ etsoku yɛ kabhakpɛkpɛ nɛ mɛ?”

Luka 24:46

Etsre alɛ sɛ, “Kibui nɛ la ŋlɔmɛ elu: Kristo aba mɔ butɔ klɛ aba nyɛmɛ denɔ betsitsi nɛ shi nɛ́ kiwui tramɛ nɛabha,

Yohanɛsɛ 11:52

klɛ anɛ kɔ ɔma lɛlɛ tite so, pɔ kɔ Kpaya banuvɔ nɛ gɛ balɛ ebha tɛ ba gbanɛ ala exogo tɛ ba bhɛtɛ alɛ terikpo.

Yohanɛsɛ 19:30

Gɛ ayɛkɛ bulu, Yesu aɖɔ sɛ, “Kɛ beke.” Ɔkɛlɛ abubɔɛ tɔkpu klɛ ayɛkɔ yɛ ɔfufɔɛ nɛ akɔ.

Axwɛwɛwa 3:15

No yi anɔ nɛ gɛ akɔ ɛkpã, pɔ Kpaya ebu yɛ edenɔ be tsitsi nɛ kishi. Bulɔ nahwɛ dzi bebuimɔɖɔ kɔɛ lɛ.

Axwɛwɛwa 5:31

Kpaya eti bu yɛ ede dzu yɛ kɛŋam ansɛ Ekusieyi anɛ Ayɛyɛkɛkɔanɔ gɛ aba kɔ kitem tsyitsyina anɛ buzizi tɛyɛyɛkɔ tsye Izraɛlanɛ.

Romanɛ 11:36

Alasɛ denɔ yɛ ɔkɔ klɛ ganɔ yɛa bha klɛ kɛdɔnyɛdɔ kinu yɛyɛ. Yɛyɛ kɛlɛ nu ishubhubhui ɔvɛnɔ mabeke mabekem! Tɛlɛbɛlɛm.

Romanɛ 9:23

Kide lɛ nu, onu gɛ abhɛtɛ ana sɛ tɛ be ti yɛ ishubhubhui mɛ kesrɔdɔ kɔ yɛ eshutukubuididi, nɛ gɛ be putɔ abala lu kɔ ishubhubhui—

1 Kɔrintioanɛ 2:7

Ao, bu ɖɔ Kpaya kibuinyinyi kpukpu, kibuinyinyi gɛ ayɛkɔ ekpu klɛ Kpaya abhɛtɛ kɔ bulɔ kabhaŋɛŋa flogo gɛ abhɛtɛ kanɔ.

1 Kɔrintioanɛ 8:6

pɔ kɔ bulɔ Kpaya terikpo, Aka, gɛ yɛ ɔkɔ kɛdɔnyɛdɔ de klɛ yɛ akɔ lɔ lɛ nɛ ɛkpã, klɛ pɔ Apalete terikpo, Yesu Kristo, ganɔ yɛabha kɛdɔ nɛ petee ba klɛ nɛ yɛ abha bu lɛ nɛ kpã.

2 Kɔrintioanɛ 3:18

Klɛ bulɔ bagɛ amɛ dɛdadɔ ma bulɔ petee bu mɔ Apalete nɛ kabhaŋɛŋa bulɔ amɛ letsyina kpɛ yɛ tɛzɛzɛmɛ nɛ kabhaŋɛŋa gelee-vɛabha, gɛ kɛ de Apalete nɛ mɛ, gɛ yɛ nu Ɔfufɔɛ.

2 Kɔrintioanɛ 4:17

Alasɛ bulɔ butɔ bumapu klɛ bu lɛ kplita gɛ kɛ ba mɛna lɔ kabhaŋɛŋa mabeke gɛ kɛlupudɛ alɛ petee.

2 Kɔrintioanɛ 5:18

Anɛ petee de Kpaya kɔ, yɛ abhɛtɛ terikpo nɛ lɔ aganɔ Kristo abha klɛ akɔ lɔ kɛxwɛwɛwa nɛ terikpobhɛbhɛtɛ shu,

2 Kɔrintioanɛ 6:18

“Ɛba dzi Aka kɔ nɔ, klɛ wunɔ bɔdzi me beyianyɛ nɛ̀ mɛ beyiadzɛ, Apalete Kemielete yɛ ɖɔ.”

Galatianɛ 3:26

Ɛnɔ petee Kpaya ye yialɛ nɔ nu ɔganɔ tɛyɛyɛkɛŋa nɛ Kristo Yesu abha,

Efesoanɛ 2:7

sɛ tɛ nɛ agɔ nɛ gɛ la ba nɛ mɛ tɛ ebe bu kɛsɔnɔ nɛ gɛ adɛsɔnɔ anɔnyanɔ akasɛ asɛ tɛmumɔ gɛ kɛ baa aba kasɛ kedziŋɛŋa gɛ kadɛ sɔnɔ yɛ dɔkukɔ, ebukasɛ nɛ yɛ ɛyɛmɛyɛyɔ kɔ lɔ nɛ Kristo Yesu mɛ.

Efesoanɛ 3:10

Yɛ tɛpɛpɛɛ kɛlɛ dzi sɛ ɔtsɔnɛ, ganɔ busɔlɛha nɛabha, be bu Kpaya kibuinyinyi gelee ba kɔalɛ tii kɔ bagɛ baŋakabha anɛ kemielete nɛ́ owũsise kanɔ mɛ,

Koloseanɛ 3:4

Gɛ Kristo, agɛ enu ɛkpã abe koeyi, kɛlɛ wɔnɔ tsyɛ no bo koeyi nɛ̀ yɛ nɛ tɛbhubhui mɛ.

2 Timotio 2:10

Kɛlɛ so ɛdzrɔ nɛ kibuinyɛbui nu nɛ agɛ be kulu nɛ tɔkpu, sɛ tɛ balɛ tsyɛ ba mɔ tɛbubu nɛ gɛ kpasɛ Kristo Yesu mɛ, ɔplɛnɔ ɔfufɔɛ mɛ ishubhubhui.

Hebriuanɛ 12:2

Nɔ kɔ lɔ yɛkɔ bulɔ awɔ̃hu trɔ Yesu abha, yɛ lu tɛyɛyɛkɛŋa nɛesi klɛ abhɛtɛ lɛ kɛna. Gɛ enyi same nɛ gɛ alɛ otugba kɔ yɛ so, evu idzyi akpɛte amɔ butɔ nɛ butsiosi shu, klɛ ayɛ kɛ ɔlɛ kɛwɔɛ̃, klɛ ada za Kpaya kegbu nɛ kɛŋa nɛ mɛ.

Hebriuanɛ 6:20

ɔkɛlɛ Yesu, gɛ eputɔ kɔlɔ avɛ, etsoku ɔkɛlɛ nɛ bulɔɛ nyimɛ. Edé dzi kpayazakɔanɔ ɖɛɖama ɔvɛnɔ mabeke mabeke nɛ anasɛ Maltsyizɛdɛk.

Hebriuanɛ 7:26

Kpayazakɔanɔ ɖɛɖama nɛdi atsyanɔ bulɔ kɛdɔ pɛpɛɛ—agɛ yɛ shu bhui, kɛpɔ ma yɛ shu, ana, alɛ ɔtɔ nɛ banɔ zizi shi, klɛ bakpɛ yɛ nɛabha adɔ flanɔ owũsise.

Hebriuanɛ 7:28

Ɔshã nɛ bu banɔ anasɛ kpayazakɔanɔ ɖɛɖama gɛ batsra, pɔ kɛdɔ tɛtanɔ gɛ kɛba nɛ ɔshã nɛede, lɔklu Eyi, gɛ babhɛtɛ yɛ ana ɔvɛnɔ mabekem.

1 Petro 1:12

Bebu akasɛ alɛ sɛ anɛ balɛ nahwɛ ba dɛ axwɛ kɔ pɔ wũnɔ, kibelɛlɛ gɛ ba ɖɔ ebuianɛ gɛ ɔtsɔnɛ be tsre nɔ bagɛ balɛ ɖɔ Kibui Dzyɔgo kɔ nɔ nɛ Ɔfufɔɛ Dzyɔgo ba sɛsɛ denɔ owũsise. Baxwɛdɛ kuratsyɛ ba pɛɛ kukuku sɛ tɛ be di ebuia nɛ mɛ.

1 Petro 5:1

Kɔ beshishe gɛ balɛ wũnɔɛ mɛ ibisi denɔ wũnɔ kɔ sɛ, anasɛ wɔnɔ mayɛ eshishe, kibuimɔɖɔ anɛ́ Kristo butɔ nɛ̀ agɛ yɛ tsyɛ aba mɔ tɛbhubhui gɛ ba be bukasɛ:

1 Petro 5:10

Klɛ ɛyamyuyɔ petee Kpaya, gɛ eklu nɔ avɛnɔ yɛ mabekemabeke ishubhubhui nɛ́ Kristoe mɛ, nɛ kɛlɛede gɛ nɔ mɔ butɔ nɛ kibe bhliyi mɛ, yɛnahwɛ ebe tsodzi wũnɔ dzu kititi klɛ aba kɔ nɔ gɛganɛ, mɔmɔ klɛ nɔ bɔ dzu ishuesi.

Tɛbubukasɛ 4:11

“Wɔ kedziŋɛŋa kalɛ wɔ, bulɔ Apalete anɛ Kpaya, tɛ ɔyɛkɛ ishubhubhui anɛ kabhakpɛkpɛ anɛ kemi, alasɛ wɔ bhɛtɛ kɛdɔnyɛdɔ petee, klɛ ganɔ wɔ tɛdɛdɛmɛ mɛ la bhɛtɛ lɛ klɛ ba mɔ balɛ tɛzɛzam.”

Tɛbubukasɛ 7:9

Kɛɛ nɛ nɛede idi klɛ nɛ mɛ amɛ banɔɛha gbla tili za gɛ anɔnyanɔ atɛ ba na banɔ nu kla, denɔ amadiha, kɛmadi, banɔ anɛ benuhu, be li kititi nɛ bukusiegbu nɛ amɛ anɛ Obhoshieyi nɛ otugba. Ba kpɛ bawidzidze fufu klɛ be vunɔ trɛwã nɛ balɛ ahwɛ mɛ.