Hebriuanɛ 13:9 - ONUGBÙ NYƐNYÃ VUVƆ

⁹ Nɔ tɛkɔ kɛdɔ kɛkasɛ bhlatɔ dinyɛdi kɛ gbanɛ nɔ koeyi nɛ kidzo dzyɔgo nɛabha. Kɛbɔ sɛ tɛ kɛdɔkukɔ kpɛ lɔ idzyi kemi, anɛ kibenyɛbe dɔ ŋɛŋa gɛ kɛdɛ plɛnɔ bagɛ baŋa lɛ.

Hebriuanɛ 13:9 Iomraidhean Croise

Mateo 24:24

Alasɛ itro be Kristo nɛ itro batɔnu nɛ ba ba wɛ̃ klɛ ba ba bhɛtɛ kɛdɔmumɔ gbɛgbla nɛ ebui gɛ abhɛtɛ bi sɛ tɛ ba yɛkɔ awɛɛ bagɛ be klu nɛ tsyɛ—onu gɛ kɛ ba kɛlɛ mɛ ana.

Mateo 24:4

Yesu ebui lɛ nu asɛ, “No lu awɔ̃ sɛ tɛ anɔnyanɔ atɛ ba wɛɛ nɔ.

Luka 5:38

Oo, bulu vuvɔ nɛ alasɛ tɛ bayɛkɔ akpɛ keluplui vuvɔɛ mɛ.

Axwɛwɛwa 20:30

Nɛ wɔnɔ nahwɛ tɛkpikpem tsyɛ banɔ aba lɔ kititi klɛ le be futsu kɛgba nɛ akpɛ sɛ tɛ be yinɔ badɔkpasɛ nɛ gɛ ba lɛ kɛlɛede nɛ kide.

Axwɛwɛwa 20:32

“Ɔtsɔ̃ nɛɛ ɛyɛkɔ nɔ kpɛ Kpaya nɛ yɛ ɛyamyuyɔ bui nɛ ahwɛ, gɛ kɛ ba bhɔ nɔ trɔ, klɛ kɛ ba kɔ nɔ ɔŋakɔ nɛ bagɛ balɛ shu la danɛ nɛ shi.

Romanɛ 14:17

Alasɛ Kpaya bukusiɔŋakɔ, ganɛ kɛdɔŋɛŋa anɛ kɛdɔwɛ̃wɛ bui, pɔ tɛnɛnamɛzɛza, ishuyuyɔ anɛ same nɛ Ɔfufɔɛ Dzyɔgo nɛ mɛ,

Romanɛ 14:2

Anɔ teli tɛyɛyɛkɛŋa kɔ yɛ dzo sɛ aŋa kɛdɔnyɛdɔ, pɔ anɔ bhlatɔ, gɛ yɛ tɛyɛyɛkɛŋa nɛ dɛ gɛganɛ, aŋa tɛga ko.

Romanɛ 14:6

Anɔɔ nɛ gɛ ayɛkɔ kiwi tili ansɛ kɛlɛ ɔtɔ, abhɛtɛ lɛ akɔ Apalete. Anɔɔ nɛ gɛ aŋa kɛdzya, aŋa kɛlɛ akɔ Apalete, alasɛ ehu Kpaya ahwɛ; klɛ anɔ nɛ gɛ ata ŋa, abhɛtɛ lɛ ana akɔ Apalete klɛ ehu ahwɛ.

1 Kɔrintioanɛ 6:13

“Kɛŋɛŋa lɛ kɔ ɛyá klɛ ɛyá lɛ kɔ kɛŋɛŋa”—pɔ Kpaya ebe zi kɛlɛ tɛbha. Ba dɛ bhɛtɛ ishuidzya sɛ lɛ dzi aglɔbui bhɛbhɛtɛ, pɔ kɔ Apalete, klɛ Apalete kɔ ishuidzya.

1 Kɔrintioanɛ 8:8

Pɔ kɛŋɛŋa tɛ gbanɛ lɔ vɛ nɔ Kpaya kɔ, bu tɛ ba dzi kizizi dɛ onugɛ budɛ ŋa kɛdɔ, klɛ bu tɛ ba pɛ̃ dɛ onugɛ bu ŋaɛ dɔ.

2 Kɔrintioanɛ 1:21

Ɔtsɔ̃nɛ Kpaya yɛ abhɛtɛ bulɔ editabha klɛ nɔ lɛ gɛganɛ nɛ́ Kristo mɛ. Yɛ abalɛ bubɔ nɛ bulɔ abha,

Galatianɛ 6:1

Madzyalɛ mɔ, onugɛ bevu anɔ teli gɛ abhɛtɛ kibuizizi, wɔnɔ bagɛ nɔ nu ɔfufɔɛmɛ ayɛ nɔ kasɛ yɛ kidzo dzyɔgo nɛ ishu nyɛnyɛna mɛ. Pɔ nɔ di ɛshuabha sɛ tɛfifekedi kɛ tɛba kɔ wɔ.

Efesoanɛ 4:14

Kɛlɛ bu tɛa dzi banɛvɔ, gɛ kɛlɛɛ ba wanya vɛnɔ kede anɛ otugba klɛ kɛdɔkɛkasɛ kɛlɛɛ ba fu lɔ vɛnɔ ɔkɛ̃ anɛ mɛna ɔkɛ̃ ganɔ banɔ anɔwuwɔɛ anɛ bushɛ edzo bhɛbhɛtɛ mɛ.

Efesoanɛ 5:6

Nɔ tɛ kɔ anɔnyanɔ awɔɛ nɔ nɛ ebui gɛ lama kibuinyɛbui mɛ, alasɛ kɛlɛso ebuia nɛdi shu Kpaya oblo ɔba nɛ bagɛ ba ta tatɔ nɛ abha.

Koloseanɛ 2:4

Itsre nɔ kibui nɛ sɛ tɛ anɔnyanɔ atɛ ba wɔɛ nɔ nɛ̀ onugbu-tsyɛmɛtsyɛmɛ bui wuwlãnkɛ.

2 Tɛsolonianɛ 2:17

akpɛ wɔnɔ idzyi nɛ kemi klɛ tɛ akɔ nɔ gɛganɛ nɛ nɔ kibui dzyɔgo bhɛbhɛtɛ kanyaka mɛ anɛ kaɖɔɖuɖɔ.

2 Tɛsolonianɛ 2:2

sɛ kɛ tɛ za sɛ ba hwuanɔ nɔ bubɔɛbɔɛ ɔdɔgɔsɛ no shuku ɔkpɛ ebuiɖuɖɔlu, bunubhubhui ɔdɔgɔsɛ keplukpa gɛ ke be de bulɔ kɔ, gɛ kaa ɖɔ sɛ Apalete nɛ kiwi nɛ tɛ ba.

1 Timotio 6:20

Timotio, po kɛgɛ ba yɛkɔ akpɛ wɔahwɛ nɛ mɔmɔ. Tsodzi nɛ buɖɔmɛaɖɔɛ nɛ gɛ be tinyi Kpaya nɛ balɛ ebui nɛ gɛ alɔɛ titi gɛ bee hu itro ekulua sɛ kibuititi nɛe de,

1 Yohanɛsɛ 4:1

Ɛbhɛalɛ mumɔa, nɔ tɛ yɛkɛ ɛfufɔɛ ɛkanyaka abhaŋa, pɔ feke ɛfufɔɛ nɛ odi tɛ nɔ mɔ sɛ lɛ de Kpaya kɔ, alasɛ itro batɔnu gelee ba tɛ ga ekoeyi etsoku kanɔ nɛ mɛ.

Yuɖa 1:12

Banɔa nɛ be nu kibo nɛ wɔ anɔɛbui dɛdɛmɛ kɛdɔŋakɔ, ba ŋa kɛdɔ nɛ wɔ nɛ kibui bhli kanyaka mamɔ mamɔ—baga agbɛgbanɔ gɛ ba nyunɔ balɛ shu tite. Be nu ɛmunɔ gɛ tɛ dɔ subha, gɛ kɛlɛɛ fu flanɔ; ɛkɔpɔɛfube besi, gɛ eyuyu ama ɛlɛm, klɛ la kpa ɛlɛ nɛ igu—lɛ tsi etsi tabha.

Yuɖa 1:3

Ɛbhɛyalɛ dzyɔgo mɔ, kɛnyalɛ kɛlɛ mɛ sɛ ɛtrɔ gɛganɛɛ sɛ tɛ ɛŋlɔmɛ kɔ nɔ denɔ tɛyɛyɛkɛkɔ nɛ gɛ bu mɔ nɛ shu, ɛmɔ nɛ mɛ ishum sɛ alasɛ tɛ ɛŋlɔmɛ tɛ ɛyɛkɔ tsre nɔ sɛ tɛ nɔ wɛlãnkɛ kɔ tɛyɛyɛkɛŋa nɛ gɛ ba yɛkɔ nɛ kibe tirikpo mɛ petee akpɛ kpayabanɔ nɛ ahwɛ.