Hebriuanɛ 13:5 - ONUGBÙ NYƐNYÃ VUVƆ

⁵ Nɔ bu kɔba dɛdɛmɛnɔ ebui nɛ wɔnɔ ɛkpã nɛ mɛ klɛ nɔ kɔ kɛgɛ lɛ wɔnɔahwɛ nɛ ku nɔ awɔ̃, alasɛ Kpaya aɖɔ asɛ, “Ɛtɛ ba shɛnahwɛ wɔnɔ shu di, ɛtɛ ba shɛ̃ lɔ nɔ di.”

Hebriuanɛ 13:5 Iomraidhean Croise

Mateo 6:19

“Nɔ tɛ bala wɔnɔ kɛkesrɔdɔ nɛ kesukpa nɛa bha, gɛ babɔ nɛ budzyewule lɛ gɛ ba zi kɛ lɛ, bezi tsyɛ be be zuruɛ kɛ lɛ.

Mateo 6:25

“So, itsre nɔ, nɔ tɛ ga nɛ awɔ̃ nɛ wɔnɔ ɛkpãm, kɛ gɛ nɔ bɔ ŋa pɛ nɔ bɔ wɛ̃, ɔdɔgɔsɛ kɛpɔtɛ gɛ no bo nyumu nɛ shu. Ɛkpã nɛ dɛ zhã dɛ kɛŋɛŋa, klɛ anɔosi nɛ tsyɛ ɔdɛ zhã dɛ kɛpɔtɛ?

Mateo 6:34

So tɛ ganɛ awɔ̃ nɛ kivu shu, alasɛ kivu nahwɛ ba ganɛ kɛlɛ shu awɔ̃. Kiwinyɛɛwi kɛ lɛ nɛ kɛlɛ nahwɛ tibui.

Marko 7:22

kɛdɔgbla pɛpɛ kɔshu, ɔhayɛ shu zizi, anɔ wɛwɛɛ, bu mabhui mabhui, kawɔ̃kpɛ, anɔshu zizi, buwɔ̃dzu anɛ buzizi.

Luka 3:14

Ɔkɛlɛ keyutugbani beteli bisi yɛ asɛ, “Klɛ kɛde lɔ ba bhɛtɛ?” Etsre alɛ sɛ, “Nɔ tɔ yɛkɛ kɔba nɛ tɛgɛganɛ mɛ nɛ banɔ ahwɛ, no ti hu otro obhui banɔ nu, nɔ kɔ wunɔ kɛbhɛ ku nɔ awɔ̃.”

Luka 8:14

Eyi nɛ gɛ la dɔ ewui nɛ mɛ alɛ nu bagɛ be nu bui, pɔ gɛ ba vɛ balɛ dzo abha kanɔɛmɛ butɔ, ehoeyi anɛ̀ same kpãwũkpãwũ mumɔ na kpaka lɛ, klɛ la dɛ ba she.

Romanɛ 1:29

Be be yuku nɛ kɛtɔkpum gɛganɛ kanyakɛ di, butsutsɔmɔ, kɛdɔ gbɛgbla pɛpɛɛ nɛ butafa. Be yuku nɛ kawɔ̃kpɛ, anɔyiyi, ebla pɛpɛɛ, anɔwuwɔɛ anɛ otrohuhu. Be nu aglɔ shuibui aɖuɖɔ,

1 Kɔrintioanɛ 5:11

Pɔ ɔtsɔnɛ ɛŋlɔmɛ sɛsɛ nɔ sɛ nɔ tɔ ganɔ nɛ anɔnyanɔ gɛ ɛklu yɛ shu sɛ adzya pɔ abhɛtɛ aglɔbui pɛnɔ kɛdɔ gbɛgbla pɛpɛɛ, obudielete, anɔshu zizi, eluwɔ̃ɛ pɛnɔ ezi. Anɔa nɛdi tɔ ŋa ɛdɔ kura tsyɛ nɛ yɛ.

1 Kɔrintioanɛ 6:10

pɛnɔ buzi pɛnɔ kɛdɔ pɛpɛɛ pɛnɔ eluwɔ̃ɛ pɛnɔ kɛdɔkukula ba gɛ ba kulɛdɔ nɛ bezi ba tɛ ba mɔ Kpaya kusiɔŋa kɔ nɛ mɛ otsoku.

2 Kɔrintioanɛ 4:9

ba kpɛlɔahwɛ, pɔ ba dɛ shɛ̃nahwɛ lɔ shu, be hu lɔesi, pɔ be di yi lɔ.

Efesoanɛ 5:3

Pɔ nɛ wɔnɔmɛ nɔ tɛ kɔ lɛ nu aglɔbui bhɛbhɛtɛ kuratsyɛ nɛ wɔnɔ shu, ɔdɔgɔsɛ ɛkpãzizi dinyɛdi, ɔdɔgɔsɛ kɛdɔ gbɛgbla pɛpɛɛ, alasɛ anɛ le nu kɛdɔ kpã kɔ Kpaya yɛ shubhubhui banɔ.

Efesoanɛ 5:5

Alasɛ nɛ kibui nɛ shu nɔ bɔ yɛkɛŋa sɛ: Ebui manamana, ebui mabhuimabhui, kɛdɔ gbɛgbla pɛpɛɛ anɔ— anɔa nɛdi enu obudi elete—atɛ ba mɔ ɔŋakɔ nɛ Kristo anɛ Kpaya bukusi ɔŋa kɔ.

Koloseanɛ 3:5

Pɔ kɔ butsi, kɛdɛnyɛdɔ gɛ kɛ nu wunɔ kesukpaɛ dɔ: ɔmamɛdɛdɛ, ɛkpãzizi zɛza, kɛdɔ kukuanɔli, ebuizizi bhɛbhɛtɛ anɛ kɛdɔ gbɛgbla pɛpɛɛ gɛ kɛ nu obudi busɔlɛsɔlɛ.

1 Timotio 3:3

atɛ yɛkɔ ishu akɔ bulububuku, atɛ za kanya pɔ azɛ fãã, eti dzi eblapɛ, eti dzi anɔ gɛ aɖɔ ehoeyi.

2 Petro 2:14

Balɛ aŋɔhu yuku nɛ aglɔbui, ba dɛ zukɔlɔ ebuikpã bhɛbhɛtɛ, ba wɔɛ bagɛ bebotso akpɛ kɛgba mɛ, benyi kɛdɔ gbɛgbla pɛpɛɛ—ba ɖɔ kibuikpã akpɛ alɛ!

2 Petro 2:3

Nɛ balɛ kɛdɔ gbɛgbla pɛpɛɛ badɔkasɛ ba be zuru nɔ nɛ ebuifɛfatɛ gɛ ba bhɛtɛ. Balɛ kɛpɔŋɛŋa sɔmɛ balɛ shu kukuku, klɛ balɛ butsi tɛ dɔ tra.

Yuɖa 1:11

Butɔ kɔ alɛ! Ba tɛ yɛkɔ Kayɛ̃ dzo; be ti si akɔ ɔŋa mumɔ nɛ Balaam kito ebui nɛ gɛ abhɛtɛ nɛ mɛ; be ti zi alɛ nɛ Kɔra kititilulɔ nɛɛ di mɛ.