Hebriuanɛ 13:18 - ONUGBÙ NYƐNYÃ VUVƆ

¹⁸ Nɔ klukpaya nɛ bulɔɛ tɔkpu. Bu yɛkɛŋa sɛ bulɔɛ tɔkpui mɛ bhui klɛ bu pɛɛ sɛ tɛ bu za nɛ ɛkpã dzyɔgo nɛ kidzonyɛdzoe mɛ.

Hebriuanɛ 13:18 Iomraidhean Croise

Axwɛwɛwa 23:1

Paolo edi bebhuiklu nɛ amɛ klɛ aɖɔ sɛ, “Madzyalɛ mɔ, ɛtɛ wa mɛ kɛxwɛ nɛ gɛ Kpaya atrɔ kɔ mɛ nɛ mɛ idzyi petee ɔbɔ tɔnɔ obo wi.”

Axwɛwɛwa 24:16

Klɛso nɛ kibenyɛbe nɛɛ ɛlɛ nɛ kitem dɛdanɛ nɛ Kpaya anɛ Anɔdzyrame amɛ.

Romanɛ 12:17

Nɔ tɛ buya buzizi kɛbhɛ kɔ anɔ nɛ gɛ abhɛtɛ buzizi amɛna wɔnɔ kɔ. No lu awɔ̃ sɛ tɛ nɔ bhɛtɛ kɛgɛ bɔ nɛ anɔnyanɔ amɛ.

Romanɛ 13:13

Kɔ lɔ za nɛ ɛkpã gɛ ɛlɛshu danɛ, ansɛ kemuze mɛ lɔ lɛ, anɛ nɛ kɛdɔŋa gbɛgbla anɛ bulu bubuku mɛ, anɛ azhuzhɔlɛbui anɛ ishuabha bubugɔ mɛ, anɛ nɛ ebui wũwlãnkɛ anɛ kawɔ̃kpɛ mɛ.

Romanɛ 15:30

Madzyalɛ mɔ, itsre nɔ sɛ, ganɔ bulɔ Apalete Yesu Kristo nɛ Ɔfufɔɛ nɛ anɔɖuɖɔ nɛa bha sɛ, nɔ taplɛnɔ mɛ nɛ mɛ tɛwɛwlãkɛ nɛm ganɔ Kpaya kuklum ɔkɔ mɛ.

2 Kɔrintioanɛ 1:12

Ɔtsɔ̃nɛ kɛnɛ kɛlɛ nu bulɔ ishufifeke: Bulɔ tɔkpuimɛ tsre lɔ sɛ bu nyɛna shu nɛ kanɔ nɛ mɛ, klɛ ɔyɛkɔdɛana terikpo bhɛbhɛtɛ nɛ nɔ, nɛ tɛbhubhui anɛ kibui gbɛgbla bhɛbhɛtɛ gɛ kide Kpaya kɔ. Bu bhɛtɛ kibui nɛ ana ganɛ nɛ kanɔmɛ kibuinyinyi shu pɔ nɛ Kpaya kɛdɔkukɔ shu.

Filipianɛ 4:8

Gɔgɔɛ, badzya mɔ, kɛgɛ nu kɛgbɛagba, kɛgɛ gbɛgbla, kɛgɛ kɛlɛ nu kɛdzyɔgo, kɛgɛ kɛlɛ shu bhui, kɛgɛ kɛlɛ nu anɔɛ bui dɛdɛmɛnɔ, kɛgɛ kɛɛ pudi--onugɛ kɛdɔ tili pɛɛ̃ ɔdɔgɔsɛ kɛlɛ gɛ ba ba kpɛ nɛa bha--bhɛtɛ alɛlɛ nɛɛ di kɛtɔkpu mɛ.

Koloseanɛ 4:3

Klɛ nɔ klukpaya nɛ bulɔ tsyɛ, tɔkpu, sɛ tɛ Kpaya adanɛ opupu kɔ bulɔ ebui ɖɛɖɔ, tɛ bɔɖɔ Kristo ebui kpukpu, alasɛ kɛlɛ so gɛ ba kpɛ mɛ buɖɛ.

1 Tɛsolonianɛ 4:12

sɛ tɛ wɔnɔ kiwinyɛwi ɛkpã zɛza nɛ kɔ ɔdzɔgelete nɛ ba mɔ nɔ akpɛ kibui tili mɛ, sɛ tɛ nɔ tɛ dɔ za anɔnyanɔa bha.

1 Tɛsolonianɛ 5:25

Badzya mɔ, no klukpaya ɔkɔ lɔ.

2 Tɛsolonianɛ 3:1

Gɔgɔɛ nɛɛ, Badzya mɔ, no kulukpaya nɛ bulɔɛ tɔkpu sɛ tɛ Apalete nɛ bui nɛ kaka zia tɛ ba kpɛ kutɔkuesi akɔɛ lɛ, ansɛ gɛ kɛ za nɛ nɔ.

1 Timotio 1:5

Ɔshã nɛ tɛtutrɔ yɛ kɛlɛ nu tɛɖuɖɔ, gɛ kii de idzyi gɛ ebhui mɛ anɛ ishumdɛdanɛ dzyɔgo nɛ tɛyɛyɛkɛŋa gɛganɛ.

1 Petro 2:12

Nɔ za ɛkpã dzyɔgoe nɛdi nɛ ibuidielete, sɛ kɛlɛlɛmɛ ba be bu nɔɛ pɔ sɛ nɔ bhɛtɛ kizizi, ba ba ba mɔ ɛnɔ ebui dzyɔgo bhɛbhɛtɛ klɛ ba ba kpɛ Kpaya nɛabha nɛ kiwui nɛ gɛ aba ba bulɔ kɔ.

1 Petro 3:16

wɔnɔ idzyi mɛ ebhui, sɛ tɛ bagɛ ba ɖɔ ebuikpã nɛ wũnɔ ɛkpã kɛdzyɔgo zɛza nɛ Kristo mɛ kɛwɔ̃ɛ ba kualɛ nɛ́ balɛ ebui ɖuɖɔ nɛ shu.

1 Petro 3:21

klɛ buni nɛ bu ba dzi bunikpɛkpɛ gɛ ɔtsɔnɛ bubhui nɔ tsyɛ ɔyɛkɛ—ganɛ kibo bubu nɛ ishuidzya shu pɔ tɛtɛtrɔ ɛkpã dzyɔgo zɛza kɔ Kpaya. Kɛ yɛkɛ kɔ nɔ ganɔ Yesu Kristo yɛ tɛnyɛnyɛmɛ denɔ bekpuimɛ,