Hebriuanɛ 13:13 - ONUGBÙ NYƐNYÃ VUVƆ

¹³ Kɛlɛso nɔ kɔ lɔ vɛ yɛ ɔkɔ nɛ kamade, tɛ bumɔ butsɔ nɛ gɛ amɔ.

Hebriuanɛ 13:13 Iomraidhean Croise

Mateo 16:24

Ɔkɛlɛ Yesu etsre yɛ badɔkpasɛ nɛ asɛ, “Onu gɛ anɔ teli asɛ aba za mɛe de, alasɛ tɛ ashɛ̃nahwɛ yɛshu nɛ shu tɛ ayɛkɔ yɛ butsiosi (atitsoga) tɛ aza mɛe de.

Mateo 27:32

Gɛ ba vɛ yɛ ɔkplasɔ kɔ, ba tsyanɔ anyɛ teli gɛ ede Sirene, gɛ be kulu asɛ Simɔnɛ nɛ kidzo nɛ mɛ, klɛ ba trɔ anyɛ nɛa bha sɛ tɛ ayɛkɛ butsiosi nɛ etuku akɔ yɛ.

Mateo 5:11

“Ba yula wɔnɔ bagɛ banɔa kula, pɛ bakpatɔnɔ klɛ baa ɖɔ ebuikpã edidedi petee nɛ wɔnɔ shu akpɛ mɛ so.

Luka 6:22

Bayula nɔ kɛbelɛlɛ nɛ gɛ banɔ egu nɔ, onugɛ bebunɔ nɛ balɛshi klɛ ba kula nɔ klɛ beklu wunɔe nyi anasɛ bezizi, alasɛ nɛ Anɔdzyrame yɛ Eyi nɛ shu.

Luka 9:23

Ɔkɛlɛ aɖɔ etsre alɛ petee sɛ: “Onugɛ anɔ teli aba baza mɛede, alasɛ tɛ ashɛnahwɛ shu elu, tɛ ayɛkɔ yɛ butsiosi kiwuinyɛwui tɛ aza mɛede.

Axwɛwɛwa 5:41

Banɔkpɛkpɛ na shɛ nɛ Bebhuiklu nɛ amɛ nɛ same mumɔ sɛ ba kla lɛ asɛ bana kɔ butsɔ kpɛkpɛ nɛ Kinyi nɛ tɔkpu.

2 Kɔrintioanɛ 12:10

Kɛlɛ nu sɛ, alasɛ Kristo so ɛdɛmɛ nɛ tɛbubotso, tɛkukula, butɔ mumɔ, tɛ kpɛkpatɔnɔ, nɛ ebui tɛtɛtrɔ anɔabha. Alasɛ kibe nɔ gɛ ebotso, kɛlɛ mɛ gɛganɛ.

Hebriuanɛ 11:26

Adɛmɛ kɛwɔɛ̃ gɛ ba ba kpɛɛ yɛ nɛ Kristo tɔkpu dɛ kisiredɔ gɛ aba mɔ nɛ Egipte, alasɛ edi kɛdɔ gɛ aba mɔ nɛ otugba.

Hebriuanɛ 12:2

Nɔ kɔ lɔ yɛkɔ bulɔ awɔ̃hu trɔ Yesu abha, yɛ lu tɛyɛyɛkɛŋa nɛesi klɛ abhɛtɛ lɛ kɛna. Gɛ enyi same nɛ gɛ alɛ otugba kɔ yɛ so, evu idzyi akpɛte amɔ butɔ nɛ butsiosi shu, klɛ ayɛ kɛ ɔlɛ kɛwɔɛ̃, klɛ ada za Kpaya kegbu nɛ kɛŋa nɛ mɛ.

Hebriuanɛ 12:3

No vu awɔ̃hũ nɛ agɛ yɛ aza kititilulɔɛ lɛlɛ nɛ nu denɔ bagɛ abhɛtɛ buzizi nɛ ɔkɔ, sɛ tɛ nɔ tɛ ganɛ awɔ̃ tɛ idzyi ebe koeyi wɔnɔɛ te.

Hebriuanɛ 12:4

Nɛ wɔnɔ keyu tɛta sɛ tɛ nɔ tɛ tsoku kizizi mɛ, nɔ kɔ wlãnkɛ shu ɔtɔnɔ kibe gɛ ba beyi nɔ.

1 Petro 4:4

Ba yɛkɔɛ lɛ sɛ kɛbhɛtɛ alɛ bi sɛ nɔ dɛ za kɛlɛe de tsoku nalɛ kpɛ ɛkpãzizi gɛganɛ lɛlɛ nɛɛ di, klɛ ba yɛkɔ tɛkukla atrɔ wɔnɔ abha.