Hebriuanɛ 12:3 - ONUGBÙ NYƐNYÃ VUVƆ

³ No vu awɔ̃hũ nɛ agɛ yɛ aza kititilulɔɛ lɛlɛ nɛ nu denɔ bagɛ abhɛtɛ buzizi nɛ ɔkɔ, sɛ tɛ nɔ tɛ ganɛ awɔ̃ tɛ idzyi ebe koeyi wɔnɔɛ te.

Hebriuanɛ 12:3 Iomraidhean Croise

Mateo 11:19

Anɔdzyrame yɛ Eyi nɛ aba nɛ kɛdɔŋɛŋa nɛ kɛdɔwɛ̃wɛ̃, klɛ baa ɖɔ asɛ, ‘Adɔŋagbla anɛ eluwɛ̃ naa, badɔdzyɔ anɛ buziziabhɛtɛ nɛ ɔbhɛa.’ Pɔ kibuinyinyi bu kasɛ nɛ yɛ axwɛwɛwa nɛ mɛ.”

Mateo 12:24

Pɔ gɛ Farisianɛ be nu ana, ba ɖɔ asɛ, “Ganɔ ɛfufɔɛkpã ekusieyi nɛa bha anɔa nɛ aakɛka ɛfufɔɛkpã nɛ ebu.”

Mateo 15:2

“Kide so pɛ wɔ badɔkpasɛ nɛ xũ na ta bhɛtɛ atrɔ beshishe anɛ kepiegu nɛa bha? Be tee plu ahwɛ flogo pɛ baa ŋa kɛdɔ!”

Mateo 21:23

Yesu etsoku busɔlɛvu nɛ kibee, klɛ, gɛ aza kasɛ dɔ, kpayaɔzakɔanɔ anɛ beshishe kɔ banɔ nɛ ba tɔnɔ yɛ aba. Be bisi asɛ, “Kabhaŋɛŋa ɖueɖu mɛ ɔɔbhɛtɛ ebuia nɛ petee?” “Klɛ anee gɛ akɔ wɔ kabhaŋɛŋɛa nɛɛ di?”

Mateo 21:46

Ba pɛɛ kidzo nɔɔ nɛa bha gɛ ba ba ga pɛ be be vui pɛ be be yi yɛ, pɔ be si banɔɛza nɛ fu alasɛ banɔ nɛ ba yɛkɔ yɛ ansɛ atɔnu.

Mateo 22:15

Ɔkɛlɛ Farisianɛ ne koeyi avɛ ada nya nɛ yɛ shu kana gɛ ba ba ga pɛ be be vu yɛ ganɔ yɛnahwɛ ebui ɖuɖɔ mɛ.

Luka 14:1

Kimuenewi tili abha, gɛ Yesu avɛ se tɛ ada ŋa kɛdɔ nɛ Farisianɔ gbɛgbla teli bupa mɛ, klɛ bee vu anhũ nɛ yɛ mɔmɔ.

Luka 15:2

Pɔ Farisianɛ anɛ ɛshã badɔkasɛ bakpɛ onugbuesi kɔ yɛ sɛ, “Anyɛa nɛ ayɛkɛ banɔ kpã bui klɛ aŋaɛ dɔ nɛ alɛ.”

Luka 16:14

Farisianɛ, gɛ ba dɛmɛ kɔba ebui, benu ebuianɛ petee klɛ bakpɛ onugbuesi kɔ Yesu.

Luka 2:34

Nɛlɛede Simeon ayula alɛ klɛ etsre anuvɔ yɛeni, Maria asɛ: “anuvɔ anɛ ba bhɛtɛ yɛ akɔ banɔ gelee oboedɛdɔ nɛ tɛlulɔ nɛ Izraɛl, klɛ kɛ badzi kebui mumɔ gɛ ba baɖɔ alɔ kɛtiti nɛ kɛlɛ shu,

Luka 5:21

Farisianɛ anɛ ɛshã badɔkasɛ be tenɔ ishu etsi, “Ane na nɛ gɛ aɖɔ ebusobui ana? Ane gɛ aba na ebuizizi ayɛkɔ etsye gɛ odi nu Kpaya ko?”

Yohanɛsɛ 10:20

Be gelee aɖɔ sɛ, “Ɔfufɔɛzizi lɔlɛ yɛ ahwɛ klɛ lɔ kpɛ yɛ kegugu. Kideso gɛ nɔ tatɔ nɛ yɛ?”

Yohanɛsɛ 18:22

Gɛ Yesu aɖɔ kibuinɛ, epupo teli gɛ eli balɛ bha ehu yɛ dɔ nɛ amɛ klɛ ebisi yɛ asɛ “Kana wɔ bɔ ɖɔaɖɔ ɔvɛnɔ kpayaɔzakɔanɔ ɖɛɖama nɛ kɔ?”

Yohanɛsɛ 5:16

Alasɛ gɛ Yesu abhɛtɛ ebuianɛ nɛ kimuenewui nɛabha so, ba kpatɔnɔ yɛ.

Yohanɛsɛ 7:12

Nɛ banɔɛza nɛ shi kaɖɔ hunihuni eyi denɔ yɛ shu. Beteli aɖɔ sɛ, “Enu anɔ dzyɔgo.” Babhlatɔ tsyɛ asɛ, “Owo, awɔɛ banɔ.”

Yohanɛsɛ 8:13

Farisianɛ ba wlãkɛ nɛ yɛ asɛ, “Wɔ lɛ, ɔwɔɛ̃ anasɛ wɔnahwɛ kibuimɔɖɔ, wɔɛ buiɖɛɖɔ dɛ ŋa.”

Yohanɛsɛ 8:52

Nɛ kibui nɛ shu Yuɖanɛ ba kpɛ ogugu sɛ, “Ɔtsyɔnɛ bu nyi sɛ ɔfufɔɛ zizi lɔ kpasɛ wɔɛ mɛ! Abraham etsi klɛ kanake so batɔnu na bhɛtɛ, pɔ ɔɖɔ sɛ anɔ gɛ ayɛkɛ wɔ ebui, atɛ be mini butsi di.

Yohanɛsɛ 8:59

Nɛ ɔkɛlɛ ɔlɛ ba tɔkɛ aklãgbu sɛ tɛ be hu yɛ, pɔ Yesu alɛla, ekoeyi nɛ kpayavu kesukpa nɛabha.

Yohanɛsɛ 9:40

Farisianɛ be teli gɛ ba lɛ yɛ ɔbha gɛ be nu sɛ aɖɔ kibui nɛ, klɛ be bisi, “Kide? Bulɔ tsyɛ bu pu awɔ̃hu?”

1 Kɔrintioanɛ 15:58

Kɛlɛso, mɛ badzya mumɔa, nɔ za nɛ awɔ̃ gɛganɛ. Nɔ tɛkɔ kɛdɛnyɛdɔ ge nɔ. Kibenyɛbe nɔ yɛkɔ wunɔ ishu kɔ bui bhɛbhɛtɛ kɔ Apalete nɛ kɛxwɛ, alasɛ nɔ nyi sɛ wɔnɔ kɛxwɛwɛwa anɛ́ Apalete nɛ mɛ kɛtɛ ba dzi kɛkpɛkpa.

2 Kɔrintioanɛ 4:1

Kɛlɛso ganɔ Kpaya eshutukubui didi belɛlɛ kɛxwɛwɛwa lɛlɛ nɛ lɛ bulɔ ahwɛ, idzyi edi koeyi nɛ bulɔɛ temɛ.

2 Kɔrintioanɛ 4:16

Kɛlɛso bu tɛ bakɔ idzyi ekoeyi nɛ bulɔɛ te. Kɛlɛlɛmɛ sɛ ɔtɔ nɛ bu tsɔmɔ koeyi, pɔ nɛ́ kɛmɛnɛmɛ ba bhɛtɛ lɔ avuvɔ kiwui nyɛ wui.

Galatianɛ 6:9

Nɔ tɛ kɔ lɔ tɔ nɛ kɛdɔ dzyɔgo bhɛbhɛtɛ mɛ, alasɛ nɛ kibe dzyɔgoɛ mɛ bu ba tsui dɔ gelee onugɛ bu dɛ zukɔlɔ lɛ bhɛbhɛtɛ.

2 Tɛsolonianɛ 3:13

Klɛ wɔnɔ xũ, badzya mɔ, nɔ tɛ tɔ nɛ kibui dzyɔgo bhɛbhɛtɛ mɛ.

Hebriuanɛ 12:2

Nɔ kɔ lɔ yɛkɔ bulɔ awɔ̃hu trɔ Yesu abha, yɛ lu tɛyɛyɛkɛŋa nɛesi klɛ abhɛtɛ lɛ kɛna. Gɛ enyi same nɛ gɛ alɛ otugba kɔ yɛ so, evu idzyi akpɛte amɔ butɔ nɛ butsiosi shu, klɛ ayɛ kɛ ɔlɛ kɛwɔɛ̃, klɛ ada za Kpaya kegbu nɛ kɛŋa nɛ mɛ.

Hebriuanɛ 12:5

Nɔ dzɛkɛ bupuɛ bui gɛ Kpaya aɖɔ kɔ nɔ anasɛ yɛ yianyɛ ana: “Mɛ yi, onugɛ Apalete nɛ atɛta wɔatɔ tɛ yɛkɔɛ lɛ sɛ kibui ko, klɛ tɛkɔ wɔ dzyi awɔlɛ onugɛ aka wɔamɛ,

Hebriuanɛ 3:1

Kɛlɛso ishubhubhui badzyalɛ Dzyɔgo, gɛ be klu denɔ owũsise, nɔ yɛkɔ wɔnɔɛ bui ɔtrɔ Yesu abha, anɔkpɛkpɛ anɛ Kpaya ɔzakɔanɔ gbɛgbla gɛ buyɛkɛ yɛabhaŋa.

1 Petro 2:23

Gɛ ba sɛsɛ balɛ akulatu nɛ yɛ abha, adɛ tsodzi akula lɛ, onugbu gɛ amɔ butɔ, adɛ kpɛ anɔɛ fu. Nɛlɛɔzakɔ, ayɛ kɔ ishu atrɔ agɛ yɛ kluebhui dzyudzyɔ nɛabha.

Tɛbubukasɛ 2:3

Oti tsianyɛ klɛ ɔtɛ za ebuigɛganɛ nɛ nu ɔkpɛ mɛ kinyi nɛ so, klɛ oko si kifu.