Hebriuanɛ 12:23 - ONUGBÙ NYƐNYÃ VUVƆ

²³ kɔ beyi tɛtɔpu busɔlɛɔha, gɛ balɛ enyi ba ŋlɔmɛ lu owũsise. Nɔ ba Kpaya kɔ, gɛ enu ebhuiklu kɔ banɔ petee, kɔ banɔ dzyɔgo nɛ ɔfufɔɛ gɛ bana,

Hebriuanɛ 12:23 Iomraidhean Croise

Luka 10:20

Pɔ, nɔ tɛ mɔ same sɛ ɛfufɔɛ nɛ kɔ nɔɛ tɔkpu, pɔ nɔ mɔ same sɛ ba ŋlɔmmɛ wunɔ enyi nɛ owũsise.”

Yohanɛsɛ 5:27

Klɛ akɔ yɛ kabhaŋɛŋa tɛ eklu kebhui alasɛ yɛ nu Anɔdzyrame Eyianyɛ.

Axwɛwɛwa 20:28

No di wɔnɔ shua bha nɛ ibhoshiha nɛ petee gɛ Ɔfufɔɛ Dzyɔgo nɛ ɔbhɛtɛ nɔ sɛ no di ɛlɛa bha. No dzi bagbɛgbanɔ kɔ Kpaya busɔlɛha, gɛ edzi nɛ yɛnahwɛ dzyosu.

1 Kɔrintioanɛ 13:12

Ɔtsɔ̃nɛ bu mɔ pɔ tɛ mumɔ mabhui mabhui anasɛ azhuzhwɛ̃ mɛ dɔ, kɛlɛede bu ba mɔ amɛ nɛ amɛ. Ɔtsɔ̃nɛ ɛnyi kegunu, nɛ kɛlɛede ɛba ti mɔmɔ, anasɛ gɛ ɛtɛ ti tsyɛ.

1 Kɔrintioanɛ 15:49

Klɛ anasɛ gɛ bamɔ lɔ gɛ bu yi kɛsukpaɛmɛ anɔ, so nɔ kɔ lɔ dzi owũsise mɛ banɔ.

1 Kɔrintioanɛ 15:54

Kibenɔ nɛ gɛ kɛ tsɛtsɔmɔ ba nyumu kɛ matsɔmɔ matsɔmɔ klɛ kɛ tsitsi ba dzi kɛ matsimatsi, kɛlɛede kibui ɖɛɖɔ gɛ ba ŋlɔmɛ elu kɛ ba badzi kɛgbɛagba: “Kabhaŋɛŋa munɔ bu tsi,”

2 Kɔrintioanɛ 5:8

Ɛɖɔ sɛ, idzyi lɛ bulɔ ahwɛ, klɛ bu ba pɛɛ sɛ tɛ bu koeyi nɛ ishuidzya nɛ mɛ klɛ tɛ bu daza kepi nɛ̀ Apalete.

Efesoanɛ 1:22

Klɛ Kpaya ayɛkɔ kɛdɔnyɛd ɔ akpɛ yɛesi klɛ ebui yɛ asɛ tɛ edzi kɛtɔkpu kɔ kɛdɔnyɛdɔ kɔ busɔlɛha,

Filipianɛ 4:3

Ee, klɛ ibisi wɔ, mɛ abhla mumɔa, plɛnɔ badzɛ nɛ gɛ ba wa xwɛ nɛ́ mɛ kɔ kibui dzyɔgo tɛ ɖɛɖɔ, nɛ Klɛmɛt anɛ mɛ baxwɛwa gugɔɛ, gɛ balɛ enyi akpasɛ ɛkpãe plukpa nɛ mɛ.

Koloseanɛ 1:12

ahwɛhuhu kɔ Aka, gɛ abhɛtɛ nɔ nɔna tɛ nɔ yɛkɛ kpayabanɔ kededɔ nɛ́ kifu tɛtã bukusiŋakɔ.

Koloseanɛ 1:24

Ɔtsɔ̃nɛ ɛmɔ same nɛ́ butɔ gɛ ɛtɔ kɔ nɔ, klɛ iti nɛ mɛ ishuidzya mɛ gɛ kɛ ka gbaede kɔ Kristo yɛ butɔ mumɔ kɔ yɛ shudzya, gɛ kɛ nu busɔlɛɔha.

1 Timotio 3:5

(Onu gɛ anɔ teli eti nyi kana gɛ aba gbanɔ yɛnahwɛ bupa, kɛlɛ aba na Kpaya busɔlɛɔha nɛa bha di?)

Hebriuanɛ 11:4

Tɛyɛyɛkɛŋa mɛ Abɛl akɔ Kpaya kɛdɔ pupɔɛ dzyɔgo dɛ Kayɛ̃. Tɛyɛyɛkɛŋa mɛ eku awɔ̃ anasɛ kɛdɔ dzyɔgo, gɛ Kpaya aɖɔ kaɖɔ dzyɔgo denɔ yɛ kɛdɔ pupɔɛ nɛ shu. Klɛ ganɔ tɛyɛyɛkɛŋa mɛ aka ɖɔaɖɔ ko, kɛnyalɛ lɛ mɛ sɛ eti tsi pɔ.

Hebriuanɛ 11:40

Kpaya atrɔ kibui dzyɔgodɛ tili elu kɔlɔ sɛ tɛ baza plɛnɔ lɔ tɛ ba babhɛtɛ alɛ tɛ ba na.

Hebriuanɛ 2:12

Aɖɔ sɛ, “Ɛba bu wɔnɔ enyi kasɛ madzyalɛ, nɛ oxogokɔ namɛ ɛba kpɛ wɔnɔɛ tɔkpu nɛabha.”

Hebriuanɛ 9:27

Anasɛ gɛ babhɛtɛ lɛ sɛ anɔdzyrame bu tɛ trukpo ko etsi, nɛ kɛlɛede beklu kebhui nɛ yɛ,

Yakobo 1:18

Ayɛkɔ sɛ aba mɔ lɔ ganɔ kɛgba kibui nɛm, sɛ tɛ bu ba dzi eyuyu tutɔpu teli di nɛ kɛdɔ nɛ petee gɛ abhɛtɛ nɛ shi.

1 Petro 2:23

Gɛ ba sɛsɛ balɛ akulatu nɛ yɛ abha, adɛ tsodzi akula lɛ, onugbu gɛ amɔ butɔ, adɛ kpɛ anɔɛ fu. Nɛlɛɔzakɔ, ayɛ kɔ ishu atrɔ agɛ yɛ kluebhui dzyudzyɔ nɛabha.

Tɛbubukasɛ 13:8

Banɔ nɛ petee ga lɛ kesukpa nɛabha na ba kpɛ kɛtɔkpuesi kɔ agavuga— banɔ nɛ petee enyi nɛ gɛ ba dɛ ŋlɔmɛ akpɛ ɛkpã keplukpa nɛ gɛ enu Obhoshieyi nɛa yɛ gɛ be yi denɔ kanɔ nɛ tɛbhɛbhɛtɛ be nɛ mɛ.

Tɛbubukasɛ 14:4

Balɛ enu banɔ nɛ gɛ be di zi ishu nɛ badzɛ, alɛasɛ balɛ ba nyɛna shu klɛ balɛ shu bhui. Ba za Obhoshieyi nɛede nɛ ɔkɔnyɔkɔ gɛ lɔ vɛ. Be dzi balɛ ebu denɔ banɔ mɛ klɛ ba yɛkɔa lɛ akɔ ansɛ isieyuyu tutɔpu kɔ Kpaya anɛ Obhoshieyi.

Tɛbubukasɛ 20:15

Onu gɛ ba dɛ mɔ anɔ teli kinyi nɛ ɛkpã keplukpa nɛ mɛ, ba ba yɛkɔ yɛ atɛ̃ akpɛ kifuivɔ nɛ mɛ.

Tɛbubukasɛ 6:11

Ɔkɛlɛ ba kɔ akanyaka awidzidze fufu, klɛ be tsrea lɛ asɛ be fle po avɛnɔ otugba kɛbɔɛ, ɔdɔnanɔ kibe lɛ gɛ balɛ ɔhayɛalɛ baxwɛwa anɛ badzya nɛ gɛ ba lɛ sɛ tɛ be yi ansɛ gɛ ba lɛ tsyɛ aza nɛ bhɛtɛ beke.

Tɛbubukasɛ 6:9

Kibe lɛ gɛ adanɛ adɛda trimi nɛɛ, ɛmɔ busɔlɛvu mɛ kituku nɛesi ba gɛ be yi nɛ atɔwi akpɛ Kpaya kibui anɛ tɛmumɔɖɔ nɛ mɛ gɛ ba nyɛna evunɔ.