Hebriuanɛ 12:2 - ONUGBÙ NYƐNYÃ VUVƆ

² Nɔ kɔ lɔ yɛkɔ bulɔ awɔ̃hu trɔ Yesu abha, yɛ lu tɛyɛyɛkɛŋa nɛesi klɛ abhɛtɛ lɛ kɛna. Gɛ enyi same nɛ gɛ alɛ otugba kɔ yɛ so, evu idzyi akpɛte amɔ butɔ nɛ butsiosi shu, klɛ ayɛ kɛ ɔlɛ kɛwɔɛ̃, klɛ ada za Kpaya kegbu nɛ kɛŋa nɛ mɛ.

Hebriuanɛ 12:2 Iomraidhean Croise

Mateo 16:21

Denɔ kibe lɛ nɛ mɛ Yesu etenɔ ebuie si bu kɔ yɛ badɔkpasɛ nɛ asɛ alasɛ tɛ avɛ Yerusalɛm tɛ ada tɔ nɛ ebui gelee mɛ nɛ beshishe nɛ ahwɛ mɛ, kpayaɔzakɔanɔ anɛ ɛshãdɔkasɛ, klɛ kɛ ba za sɛ tɛ be yi yɛ klɛ nɛ kiwi tramɛ ebe tsodzi anyɛmɛ aba ɛkpãm.

Mateo 20:28

anasɛ gɛ Anɔdzyrame yɛ Eyi nɛ adɛ ba sɛ tɛ ba dɛ axwɛ akɔ yɛ, pɔ aba sɛ tɛ aba dɛ axwɛ, tɛ ayɛkɔ yɛ ɛkpã nɛ abuya anasɛ kɛbhɛ nɛ banɔɛ tɔkpu.”

Marko 14:36

Yesu asɛ, “Aba, Aka,” “kibuinyɛbui lɛ bubɔɛbɔɛ kɔ wɔ. Tsunɔ butɔ katsea nɛ mɛ nu. Pɔ anɛ kɛgɛ mɛ ɛpɛɛ, pɔ kɛgɛ wɔ ɔdɛmɛ.”

Marko 15:28

[Klɛ kibui ŋuŋlɔmɛ nɛ ba klɛ mɛ sɛ, “Kplayɛasɔ akpɛ banɔ nɛ gɛ ata bhɛtɛ ɔshã bha nɛ shi.”]

Marko 16:19

Gɛ Apalete Yesu aɖɔ ebuia nɛ etsrea lɛ beke nɛɛ, baa yɛkɔ yɛ avɛnɔ owũsise klɛ ede zhiaza Kpaya kɛŋam,

Marko 9:12

Yesu asɛ, “Tɛ bu ka nɛ klɛa bha nɛ, kɛ lɛ sɛ tɛ Eliya aba eputɔnɔ, kɔ kɛdɔnyɛdɔ tɛŋuŋuse. Klɛ kidee so pɛ ba za ŋlɔmɛ elu asɛ Anɔdzyrame yɛ Eyi nɛ alasɛ tɛ aba tɔ gelee tsyɛ tɛ batɛ yɛkɛ yɛ?

Marko 9:24

Ko klɛ Aka nɛ akpɛ ogugu asɛ “Ɛyɛkɛ ɛŋa, plɛnɔ mɛ tɛ ɛŋa mɛ kabha mayɛkɛ mayɛkɛŋa nɛa bha!”

Luka 17:5

Banɔkpɛkpɛ nɛ etsre Apalete nɛ asɛ, “Kɔ bulɔ tɛyɛyɛkɛŋa nɛ kpe trɔ!”

Luka 23:11

Ɔkɛlɛ Heroɖesɛ nɛ̀ yɛ keyutugbani bakpɛ yɛ tsɔ klɛ ba kpɛ yɛ wɔɛ̃. Ba yɛkɔ kedziŋɛŋa awui dzidze akpɛ kɔ yɛ, klɛ betsidzinɛ yɛ avɛnɔ Pilato ɔkɔ.

Luka 24:26

Kɛma sɛ tɛ, Kristo amɔ ebuianɛ petee butɔ, klɛ tɛ etsoku yɛ kabhakpɛkpɛ nɛ mɛ?”

Yohanɛsɛ 1:29

Kiwui bhla nɛ Yohanɛsɛ amɔ Yesu aba yɛ ɔkɔ klɛ aɖɔ sɛ, “Di, Kpaya Obhoshieyi, agɛ yɛ ayɛkɔ kanɔɛmɛ ebuizizi nɛ ashɛ̃nɔ!

Yohanɛsɛ 12:24

Ɛtsre nɔ gbɛagba, ɔdɛsɛ kɛmɔɛyi wɔlɛ dɔ kesukpa klɛ kɛ tsi kɛ nu kiyi tirikpo ko. Pɔ onugɛ kɛ tsi kɛ ba yi klɛ kɛ ba yu gelee.

Yohanɛsɛ 12:32

Pɔ mɛ, kibelɛlɛ gɛ befeke mɛ avɛnɔ kabha denɔ kesukpɛa nɛ mɛ, ɛba gbanɔ banɔ petee ɛmɛna me shu.”

Yohanɛsɛ 13:3

Yesu enyi asɛ, Aka nɛ ayɛkɔ kɛdɔ petee akpɛ yɛ kemi esi, klɛ sɛ ede Kpaya ɔkɔ klɛ etsodzi avɛ Kpaya kɔ,

Yohanɛsɛ 6:40

Alasɛ Maka yɛ tɛpɛpɛɛ kɛlɛ nu sɛ anɔnyanɔ gɛ edi Eyi klɛ ayɛkɛ yɛ abhaŋa aba mɔ ɛkpã gɛ tɛ ba beke, klɛ ɛba nyɛmɛ yɛ kpɛ kabha nɛ kiwui gugɔɛ nɛabha.”

Yohanɛsɛ 8:56

Wunɔ aka Abraham amɔ same sɛ tɛ amɔ mɛ tɛbɛba, amɔ kɛlɛ klɛ amɔ same.”

Axwɛwɛwa 2:36

“Kɛlɛso kɔ Izraɛl petee aza kidzoenu didi mɛ sɛ, Kpaya atɛ bhɛtɛ Yesua nɛ, gɛ nɔ kplasɔ, nɛ Apalete anɛ Kristo.”

Axwɛwɛwa 3:15

No yi anɔ nɛ gɛ akɔ ɛkpã, pɔ Kpaya ebu yɛ edenɔ be tsitsi nɛ kishi. Bulɔ nahwɛ dzi bebuimɔɖɔ kɔɛ lɛ.

Axwɛwɛwa 5:31

Kpaya eti bu yɛ ede dzu yɛ kɛŋam ansɛ Ekusieyi anɛ Ayɛyɛkɛkɔanɔ gɛ aba kɔ kitem tsyitsyina anɛ buzizi tɛyɛyɛkɔ tsye Izraɛlanɛ.

Axwɛwɛwa 5:41

Banɔkpɛkpɛ na shɛ nɛ Bebhuiklu nɛ amɛ nɛ same mumɔ sɛ ba kla lɛ asɛ bana kɔ butsɔ kpɛkpɛ nɛ Kinyi nɛ tɔkpu.

1 Kɔrintioanɛ 1:18

Butsiosi shuibui nɛ nu kɛgãbui kɔ bagɛ baa wɔlɛeku, pɔ kɔ bulɔagɛ be bu ki nu Kpaya Kemi.

1 Kɔrintioanɛ 1:23

pɔ bulɔ buɖɔ Kristo tɛkpɛkplasɔɛ bui: kɛ nu kɛdɔ kpɛkpatanɔ kɔ Yuɖanɛ klɛ kɛ nu kɛgãbui kɔ bagɛ edi nu Yuɖanɛ,

Efesoanɛ 2:16

klɛ nɛ ishuidzya tirikpoe nɛ mɛ abhɛtɛ balɛ tɛabha terikpo kɔ Kpaya ɔganɔ butsi nɛ butsiosi shu, nɛ kɛlɛmɛ eyi balɛ ebla pɛpɛɛ.

Efesoanɛ 5:2

klɛ nɔ za nɛ kpã nɛ anɔɛbui dɛdɛmɛ mɛ, anasɛ gɛ Kristo adɛmɛ bulɔɛ bui klɛ ayɛkɔ ishu akɔ nɛ bulɔɛ tɔkpu anasɛ kɛdɔ lɛlɔ̃ huhu gɛ ayɛkɔ etsye Kpaya.

Filipianɛ 1:6

idzyigɛganɛ alɛ mɛ ahwɛ sɛ, agɛ yakpɛ kɛxwɛ dzyɔgoe nɛesi nɛ wɔnɔ mɛ aba vɛ kɛlɛa bha ɔdɔtɔnɔ kɛlɛ obekekɔ nɛ Kristo Yesu kiwi nɛabha.

Filipianɛ 3:20

Pɔ bulɔ kepi ka lɛ owũsise. Klɛ bu po gɛganɛ Ayɛyɛkɛkɔ kɔlɔ denɔ ɔkɛlɛ, Apalete Yesu Kristo,

2 Timotio 4:8

Ɔtsɔ̃ nɛɛ tɛzɛzamnɛna kikutu nɛ lɛ kɛdɔ ɔbalakɔ kɔ mɛ, gɛ Apalete, ebhuiklu nɛna, nɛ aba yɛkɔ akɔ mɛ nɛ kiwi lɛ nɛa bha—klɛ ganɛ kɔ mɛ tite, pɔ kɔ banɔ nɛ petee gɛ bee di kidzoenu kɔ yɛ tɛwɛ̃wɛ̃ nɛ tsyɛ.

Hebriuanɛ 1:13

Kpaya baxwɛdɛ ɖuweɖu Kpaya etsre asɛ, “Za mɛ kɛŋahwɛ nɛ mɛ ɔdɔtɔnɔ kibe gɛ ɛba bhɛtɛ bagɛ bata pɛɛ wɔɛ bui katsrɛkpɔegbu kɔ wɔ butsrɛkpɔ.”

Hebriuanɛ 1:3

Eyi yɛ nu kɛfutɛtã kɔ Kpaya otugbavɛvɛ klɛ ayɛkɔ Kpaya tɛzɛzɛmɛ, abhɛtɛ kɛdɔnyɛdɔ nɛ yɛ bupu kibui ɖuɖɔɛ mɛ. Gɛ akɔ ebuizizi tipuplu beke, ada za Ɔgbɛgblakɔ kɛŋamɛ nɛ owũsise.

Hebriuanɛ 10:14

alasɛ nɛ ishuyɛyɛkɔtsye tirikpo mɛ abhɛtɛ lɛ kɛna kɔ bagɛ ba bhɛtɛ sɛ tɛ ba lɛ shu bhui ɔvɛnɔ mabeke mabeke.

Hebriuanɛ 10:33

Ebe teli mɛ nɛ oxogokɔ bakula nɔ klɛ bayɛkɔ ebui nɛ wɔnɔ shu, ewui bhlatɔabha nɔ za bagɛ balɛ abhɛtɛ ebuianɛdi shi.

Hebriuanɛ 11:36

Beteli ba kpɛalɛ tsɔ klɛ betu beteli, beteli tsyɛ bakpalɛ buɖɛ klɛ bakpɛalɛ buvu.

Hebriuanɛ 12:3

No vu awɔ̃hũ nɛ agɛ yɛ aza kititilulɔɛ lɛlɛ nɛ nu denɔ bagɛ abhɛtɛ buzizi nɛ ɔkɔ, sɛ tɛ nɔ tɛ ganɛ awɔ̃ tɛ idzyi ebe koeyi wɔnɔɛ te.

Hebriuanɛ 13:13

Kɛlɛso nɔ kɔ lɔ vɛ yɛ ɔkɔ nɛ kamade, tɛ bumɔ butsɔ nɛ gɛ amɔ.

Hebriuanɛ 5:9

klɛ ba za bhɛtɛ yɛ mɔmɔ, ebe dzi anɔ gɛ yɛabha ba ga gɛ ba mɔ tɛbhubhuiɔyɛkɛ mabeke mabeke kɔ balɛ petee gɛ ba ta yɛ atɔ

Hebriuanɛ 7:19

(kɛlɛ ɔshã nɔdɔ bɔza kibuinyɛbui mɛ), klɛ ba bakasɛ kidyo dzyɔgo tili, gɛ kɛkɔ lotsobunɔ Kpaya.

Hebriuanɛ 8:1

Kibui nɛ kɛkpã gɛ buɖɔ nɛ kɛlɛ nu kɛnɛ: kpayazakɔanɔ ɖɛɖama nɛɛ di alɛ bulɔ ahwɛ, gɛ aza kegbu nɛabha nɛ Otugbavɛvɛ Aka nɛ ɔbha nɛ owũsise,

Hebriuanɛ 9:28

so Kristo akɔ yɛ be yi yɛ bu yi trukpo sɛ tɛ ebu banɔ gelee ebuizizi nalɛ shu, klɛ azia ba bubhla, ganɛ sɛ tɛ aba bhɛtɛ kibuinyɛbui denɔ ebuizizi shu, pɔ amɛna ishu bhubhuiyɛkɛ kɔ bagɛ be po yɛ.

Yakobo 2:1

Madzyalɛ mɔ, ansɛ banɔ gɛ bayɛkɛaŋa nɛ bulɔ Apalete Yesu Kristo gɛ yɛ shu bhui nɛ mɛ, no ti di anɔamɛ.

1 Petro 1:11

ba wlãnkɛ sɛ tɛ beti kibe klɛ nɛ la gɛ lalɛ alɛshu kɔ Kristo Ɔfufɔɛ nɛ́ balɛ mɛ akasɛ kibe nɛ gɛ aɖɔ Kristo butɔ anɛ yɛ shu bhubhui gɛ kɛ ba za lɛede.

1 Petro 3:18

Alasɛ Kristo etsi kɔ kizizi butsi tirikpo ko, kɔ banɔ dzyɔgo anɛ be zizi tɛ agbanɛ nɔ avɛnɔ Kpaya kɔ. Be yii yɛ nɛ ishuidzya mɛ pɔ ba bhɛtɛ yɛ alɛ nɛ ɛkpã ganɔ ɔfufɔɛ abha,

1 Petro 3:22

gɛ avɛ owũsise klɛ ada za Kpaya yɛ ŋamɛ—nɛ baxwɛdɛ, kabhaŋɛŋa anɛ kɛmi anɛ ishuzhizhinɔ kesi kɔ yɛ.

Yuɖa 1:21

Nɔ nyɛna wɔnɔ shu ɔkpɛ Kpaya anɔ ɖuɖɔm nɛ kibe lɛ mɛ gɛ no dzi ozo po ApaleteYesu Kristo eshutukubui didi sɛ tɛ amɛna nɔ kɔ ɛkpã gɛ tɛ ba beke di.

Tɛbubukasɛ 1:11

gɛ kaa ɖɔ sɛ, “Ŋlɔmɛ kɛdɔnɔ nɛ gɛ ɔmɔ nɛ ɔtrɔ keplukpa bha tɛ ɔyɛkɔ sɛsɛ basɔlɛha tigene: Efesusɛ, Simina, Pɛgamum, Taɛtira, Saɖisɛ, Filadelfia anɛ Laoɖisea.”

Tɛbubukasɛ 1:17

Gɛ ɛmɔ yɛ, ɛwɔlɔdɔ nɛ yɛ otugba ansɛ butsi mɛ itsi. Kɛlɛ ayɛkɔ yɛ kɛŋa ɔhwɛ nɛ atrɔ mɛa bha klɛ asɛ, “Ti si kifu. Mɛ nu atutɔpu anɛ agɔgɔɛ.

Tɛbubukasɛ 1:8

Apalete Kpaya nɛ asɛ, “Mɛ nu Kesikpɛkpɛ anɛ Tɛbibeke,” “gɛ alɛ, klɛ aza, klɛ yɛ aba ba, Agɛ yɛa dɛ.”

Tɛbubukasɛ 2:8

“Kɔ kpayaxwɛdɛ nɛ Smirna busɔlɛɔha nɛ mɛ ɔsɛ: Aanɛ alɛ nu yɛ ebui gɛ yɛ enu Atutɔpu anɛ Agɔgɔɛ, gɛ etsi pɛ etsodzi aba ɛkpã mɛ.