Hebriuanɛ 12:16 - ONUGBÙ NYƐNYÃ VUVƆ

¹⁶ No di klɛ ɔkɔ sɛ anɔnyanɔ atɛ bhɛtɛ azhuzhɔlɛbui, ɔdɔgɔsɛ ansɛ Esao gɛ eti nyi Kpaya, yɛ gɛ nɛ kɛŋɛŋa tirikpo shu so pɛ adɛ yɛ ɔŋakɔ ansɛ eyianyɛ shishe ana.

Hebriuanɛ 12:16 Iomraidhean Croise

Marko 7:21

Alasɛ denɔ anɔdzyrame idzyi mɛ, klɛ kɛtɔkpum kpã kii de, anyɛ anɛ adzɛ tɛzɛzam kpã, buzi, anɔyiyi, aglɔbui,

Axwɛwɛwa 15:20

Nɛɛlɛmɛ alasɛ tɛ bu ŋlɔmɛ kɔa lɛ, tɛ bu tsre alɛ sɛ be tsuashɛ̃ nɛ kɛŋɛŋa nɛ gɛ ibuidi nɛ tɛ tutru nɛ shu, anɛ azhuzhɔlɛbui shu, denɔ baga nɛ gɛ be dzyini balɛ ili anɛ dzyosu shu.

Axwɛwɛwa 15:29

Alasɛ tɛ nɔ shɛnɔ ahwɛ nɛ kɛŋɛŋa nɛ gɛ ba yɛkɔ akɔ ibuidi nɛ shu, dzyosu, anɛ baga nɛ gɛ be dzyini balɛ ili nɛ kɛdzya, anɛ aglɔbui bhɛbhɛtɛ shu. Nɔ bɔ bhɛtɛ mɔ sɛ tɛ nɔ shɛnahwɛ ebuianɛ shu. Tɛ nɔ za mɔ.

1 Kɔrintioanɛ 10:8

Bu tɛ bhɛtɛ aglɔbui, anasɛ gɛ beteli abhɛtɛ—klɛ nɛ kiwui tirikpo mɛ banɔ akpã afɛtabha anɛ tɛata etsi.

2 Kɔrintioanɛ 12:21

Kifu ku mɛ sɛ kibenɔ nɛ gɛ ɛzɛ ba mɛ Kpaya aba kɔ mɛ shuimɛyɔ nɛ wunɔ amɛ, klɛ ɛba mɔ obulo nɛ banɔ gelee gɛ babhɛtɛ ebuikpã bafla klɛ ba dɛ tsyinɛtɛmɛ nɛ balɛ buzizi nɛ mɛ, badzɛ ebuikpã bhɛbhɛtɛ anɛ ɛkpãzizi zɛza gɛ ba yɛkɔ ishu akpɛ lɛ mɛ.

Efesoanɛ 5:3

Pɔ nɛ wɔnɔmɛ nɔ tɛ kɔ lɛ nu aglɔbui bhɛbhɛtɛ kuratsyɛ nɛ wɔnɔ shu, ɔdɔgɔsɛ ɛkpãzizi dinyɛdi, ɔdɔgɔsɛ kɛdɔ gbɛgbla pɛpɛɛ, alasɛ anɛ le nu kɛdɔ kpã kɔ Kpaya yɛ shubhubhui banɔ.

Efesoanɛ 5:5

Alasɛ nɛ kibui nɛ shu nɔ bɔ yɛkɛŋa sɛ: Ebui manamana, ebui mabhuimabhui, kɛdɔ gbɛgbla pɛpɛɛ anɔ— anɔa nɛdi enu obudi elete—atɛ ba mɔ ɔŋakɔ nɛ Kristo anɛ Kpaya bukusi ɔŋa kɔ.

Koloseanɛ 3:5

Pɔ kɔ butsi, kɛdɛnyɛdɔ gɛ kɛ nu wunɔ kesukpaɛ dɔ: ɔmamɛdɛdɛ, ɛkpãzizi zɛza, kɛdɔ kukuanɔli, ebuizizi bhɛbhɛtɛ anɛ kɛdɔ gbɛgbla pɛpɛɛ gɛ kɛ nu obudi busɔlɛsɔlɛ.

1 Timotio 1:9

Bu ka nyi tsyɛ sɛ ɔshã nɛɛ ba bhɛtɛ ɔlɛ ganɛ kɔ anɔ nɛ gɛ ana, pɔ lɔ lɛ kɔ bagɛ baa da ɔlɛa bha anɛ bagɛ be dzyeagã, bagɛ ba dɛ sɔlɛ klɛ ba bhɛtɛ buzizi, bagɛ balɛ shu dɛ bhui klɛ ba taa bhɛtɛ busɔlɛ bui kanyaka; kɔ bagɛ bee yi balɛ akalɛ ɔdɔgɔsɛ balɛ enialɛ, kɔ bagɛ be yi anɔ,

Hebriuanɛ 13:4

Anɔnyanɔ alasɛ tɛ ayɛkɛ adzɛ gbɛgbanɔ akpɛ lɛ mɛ, klɛ tɛ aglɔ zɛzanɔɛ mɛ bhui, alasɛ Kpaya ebe kluebhui nɛ bagɛ abhɛtɛ aglɔbui anɛ azhuzhɔlɛbui.

Tɛbubukasɛ 21:8

Pɔ efufluni, gɛ ataa yɛkɛaŋa, bagɛ abhɛtɛ atsɔbui, bagɛ eyianɔ, bagɛ abhɛtɛ azhuzhɔlɛbui, bagɛ abhɛtɛ ihuiebui, bagɛ akpɛ kɛtɔkpuesi kɔ kɛdɔbhubhɔ anɛ betroni—balɛ ɛzakɔ nɛ ba za kɛvɔ gɛ tã nɛ kɛlɛ aklãgbu. Kɛɛnɛ kɛlɛ nu butsi bhla.”

Tɛbubukasɛ 22:15

Ɔtsɔ̃ bukudzɔgɛ nɛ li, bagɛ ba bhɛtɛ ihuebui, azhuzhɔlɛ ebui, bagɛ beyianɔ, bagɛ ba bhɛtɛ kɛdɔbhubhɔ anɛ anɔnyanɔ gɛ apɛɛ klɛ abhɛtɛ itrohuhu ebui.