Hebriuanɛ 12:14 - ONUGBÙ NYƐNYÃ VUVƆ

¹⁴ Nɔ kpɛemi tɛ nɔ za ishuyuyɔɛmɛ nɛ banɔ petee nɛ tɛ wɔnɔ shubhui, ishu bhuibhui mazɛlɛ mɛ anɔnyanɔ atɛ ba mɔ Apalete.

Hebriuanɛ 12:14 Iomraidhean Croise

Marko 9:50

“Bumɔɛ nɛ kɛdɔ dzyɔgo bu nu, pɔ onu gɛ bu lɛla bulɛ ɔdzyɛ, klɛ ɔzɔ bɔ kɔ sɛ ɔdzyɛ ɔza lɛ? Nɔ kɔ bumɔɛ za nɔ mɛ, tɛ nɔ za ishu yuyɔ mɛ nɛ wɔnɔ hayɛalɛ.”

Luka 1:75

nɛ́ ishubhubhui nɛ̀ tɛzɛza dzyɔgoe mɛ nɛ yɛ amɛ nɛ bulɔ ewui petee mɛ.

Romanɛ 12:18

Kɛɛ baza bubuɔɛbɔɛ, nɛ kɛ lɛ nɛ gɛ kɛ lɛ nɛ wɔkɔ, za ishuyuyɔm nɛ anɔnyanɔ.

Romanɛ 14:19

Kɛlɛso nɔ kɔ lɔ ga kidzo kanyakɛabha sɛ tɛ bu bhɛtɛ kɛgɛ ba gbanɔ lɔ vɛnɔ ishuyuyɔ anɛ kɛtɔkpu tirikpom bhɛbhɛtɛ.

Romanɛ 6:22

Pɔ ɔtsɔ̃ nɛ gɛ be ti bule nɔ edenɔ buzizi mɛ, klɛ no dzi banɔdzidzi kɔ Kpaya, kɛ gɛ nɔ bɔ mɔ denɔ kɛlɛ mɛ nɛ ba kpɛ nɔ nɛ ishubhubhui mɛ, klɛ kɛ gɛ ba de koeyi nɛ kɛlɛ mɛ nɛ nu ɛkpã mabeke mabeke.

1 Kɔrintioanɛ 1:10

Nɛ bulɔ Apalete Yesu Kristo nyi mɛ, madzyalɛ mɔ ɛkpɛ lɛ nɛ wunɔ ɔkɔ sɛ, wunɔ petee nɔ za terikpo nɛ aglɔ sɛ tɛ tɛpupɔɛhle kɛta za wunɔɛ shi klɛ sɛ tɛ nɔ bhɛtɛ terikpo mɔmɔ nɛ́ wunɔ atɔkpu mɛ anɛ alɛmɛ tɛbhɛbhɛtɛ.

1 Kɔrintioanɛ 13:12

Ɔtsɔ̃nɛ bu mɔ pɔ tɛ mumɔ mabhui mabhui anasɛ azhuzhwɛ̃ mɛ dɔ, kɛlɛede bu ba mɔ amɛ nɛ amɛ. Ɔtsɔ̃nɛ ɛnyi kegunu, nɛ kɛlɛede ɛba ti mɔmɔ, anasɛ gɛ ɛtɛ ti tsyɛ.

2 Kɔrintioanɛ 6:17

“Kɛlɛso nɔ koeyi nɛ balɛ mɛ klɛ tɛ nɔ za ɔtɔ, Apalete nɛ yɛ aɖɔ. Nɔ tɛ hunɔ kɛdɔnyɛdɔ gɛ kɛlɛ shu di bhui, klɛ ɛba yɛkɛ nɔ.”

2 Kɔrintioanɛ 7:1

Mɛ ɛbhɛalɛ, Nɛ kibelɛlɛ gɛ atɔnu alɛ bulɔ ahwɛ, mɛ ɔbhɛya lɛ mumɔa, nɔ kɔ lɔ plu bulɔnahwɛshu denɔ kɛdɔnyɛdɔ gɛ kɛba tutru lɔ shuidzya anɛ ɔfufɔɛ, sɛ tɛ bu za amɛ bhubhui mɛ kɔ Kpaya.

Galatianɛ 3:21

Ɔshã nɛ, kɛlɛso, lɔlɔɛtiti nɛ Kpaya tɛtrɔlu nɛ shu? Kɛmɛlɛmɛ ana! Alasɛ onugɛ bakɔ ɔshã sɛ tɛ babhɛtɛ ɔlɛabha tɛ ba mɔ ɛkpã, kɛlalɛ kibuidzyɔgo bhɛbhɛtɛ ba ba ganɔ ɔshã nɛabha

Efesoanɛ 5:5

Alasɛ nɛ kibui nɛ shu nɔ bɔ yɛkɛŋa sɛ: Ebui manamana, ebui mabhuimabhui, kɛdɔ gbɛgbla pɛpɛɛ anɔ— anɔa nɛdi enu obudi elete—atɛ ba mɔ ɔŋakɔ nɛ Kristo anɛ Kpaya bukusi ɔŋa kɔ.

Filipianɛ 3:12

Gnɛ sɛ ɛtɛ mɔ kɛdɔɛnɛ petee, ɔdɔgɔsɛ ba tɛ bhɛtɛ mɛ mɔmɔ, pɔ itsri liabha fɔɔ̃ sɛ tɛ ɛnyɛna lɛ vunɔ kɔ kana gɛ Kristo Yesu anyɛna mɛ evunɔ.

1 Tɛsolonianɛ 3:13

Kɔ yɛ agɛganɛ wɔnɔ idzyi sɛ tɛ kɛpɔ tɛ za nɔ shu tɛ wɔnɔ shu bhui nɛ bulɔ Kpaya anɛ Aka nɛ amɛ kibe lɛ gɛ bulɔ Apalete Yesu aba ba nɛ yɛ banɔ gɛ balɛ shu bhui nɛ petee.

1 Tɛsolonianɛ 4:7

Alasɛ Kpaya adɛ bhɛtɛ lɔ sɛ tɛ bulɔ shu tɛ bhui, pɔ bu za nɛ ɛkpã gɛ ɛlɛ shu bhui.

1 Tɛsolonianɛ 5:15

No di kɛlɛ ɔkɔ sɛ anɔnyanɔ adɛ buya butsutsɔmɔ kɛbhɛ akɔ butsutsɔmɔ, pɔ nɔ yɛkɔ ɔtrɔ shu tɛ nɔ pɛ̃ ɛyam nɛ ɔhaglɔ anɛ anɔnyanɔɛ di.

1 Timotio 6:11

Pɔ wɔ, Kpayanɔ, siɔshɛ lɔ anɛ nɛɛdi petee, klɛ tɛ ɔpɛɛ tɛnɛnamɛzɛza, kpayamzɛza, tɛyɛyɛkɛŋa, anɔɖuɖɔ, tɛzɛza gɛganɛɛ anɛ tɛdɛdɔfɔ̃.

2 Timotio 2:22

Siɔlɔ buyansɔ̃ mɛ zɛza kɛdɔ tɛpɛpɛ, tɛ ɔkpatɔnɔ tɛzɛzam dzyɔgo, tɛyɛyɛkɛŋa, tɛɖuɖɔ anɛ ishuyuyɔ, ɔyɛkɔ plɛnɔ bagɛ be tsobunɔ Apalete denɔ idzyi dzyɔgo mɛ.

Hebriuanɛ 12:10

Bulɔ akalɛ batɛta bulɔa tɔ bɔɛ gɛ bamɔ sɛ abɔ, pɔ Kpaya atɛta lɔatɔ kɔ tɛpɛpɛ̃, sɛ tɛ bu ba yɛkɛ yɛ shu bhubhuianɔ.

Hebriuanɛ 9:28

so Kristo akɔ yɛ be yi yɛ bu yi trukpo sɛ tɛ ebu banɔ gelee ebuizizi nalɛ shu, klɛ azia ba bubhla, ganɛ sɛ tɛ aba bhɛtɛ kibuinyɛbui denɔ ebuizizi shu, pɔ amɛna ishu bhubhuiyɛkɛ kɔ bagɛ be po yɛ.

1 Petro 3:11

Alasɛ tɛ etsodzi nɛ kiziziede klɛ tɛ abhɛtɛ kɛdzyɔgo, alasɛ tɛ apɛɛ ishuyuyɔ klɛ tɛ abhɛtɛ atrɔ kɛlɛ abha.

1 Petro 3:13

Ane gɛ ebe zi nɔ onugɛ nɔ trɔ sɛ tɛ nɔ bhɛtɛ kibui dzyɔgo?

2 Petro 3:11

Nɛ kibelɛlɛ gɛ kɛdɔnyɛdɔ bazi nɛ kɛ dzoe nɛabha, banɔ ɖuweɖu di nɔ bɔ dzi? Kɛlɛsɛ tɛ nɔ za nɛ ɛkpã tɛ ɛlɛ shu ibhui klɛ tɛ nɔ za kpayamɛ

2 Petro 3:18

Pɔ nɔ she nɛ kɛdɔkukɔ nɛ̀ kibuititi mɛ nɛ bulɔ Apalete anɛ̀ Ayɛyɛkɛkɔ Yesu Kristo. Kɔ yɛ kɛlɛ nu tɛbhubhui denɔ ɔtsɔnɛ nɛ̀ mabeke! Tɛlɛbɛlɛm.

3 Yohanɛsɛ 1:11

Ɔbhɛa mumɔa, tɛ kpasɛ kibui kpã bhɛbhɛtɛ pɔ kɛgɛ nu kɛdzyɔgo. Anɔnyanɔ gɛ abhɛtɛ kɛ gɛnu kɛdzyɔgo ede Kpaya kɔ. Anɔnyanɔ gɛ abhɛtɛ kɛgɛ nu kizizi atɛ mɔ Kpaya.