Hebriuanɛ 12:13 - ONUGBÙ NYƐNYÃ VUVƆ

¹³ “Nɔ bhɛtɛ edzo nɛabha tɛ la mutɔ kɔ ɛtsrɛ,” sɛ tɛ ba nyɛnya gɛ ba taa na ga na tɛ wɔa na, pɔ tɛ balɛ banya nɛ ebeke.

Hebriuanɛ 12:13 Iomraidhean Croise

Luka 3:5

Ba be tsu tisi eyuku bukana kanyaka, butu nɛ̀ kitrekpu kanyaka ba vɛesi. Edzo xɛxã be dzi adzyudzyɔ, edzo glidzyaglidzya la ba munɔ.

Galatianɛ 2:14

Kibelɛlɛ gɛ ɛmɔ sɛ ba ta bhɛtɛ nɛ́ kɛdzo gbɛagba nɛabha nɛ kibui dzyɔgo, etsre Petro nɛ balɛ petee nɛ otugba sɛ, “Yuɖaeyi wɔ onu, pɔ ɔlɛ anasɛ agɛ odinu Yuɖaeyi klɛ otidzi anasɛ Yuɖaeyi. Kɛlɛ lɛ dzi, ɔtsɔ̃, nɛ sɛ ɔyɛkɔ tɛgɛganɛ ɔtrɔ ba gɛ bedinu Yuɖanɛ sɛ tɛ babhɛtɛ atrɔ Yuɖanɛ begu nɛabha?

Galatianɛ 6:1

Madzyalɛ mɔ, onugɛ bevu anɔ teli gɛ abhɛtɛ kibuizizi, wɔnɔ bagɛ nɔ nu ɔfufɔɛmɛ ayɛ nɔ kasɛ yɛ kidzo dzyɔgo nɛ ishu nyɛnyɛna mɛ. Pɔ nɔ di ɛshuabha sɛ tɛfifekedi kɛ tɛba kɔ wɔ.

Yakobo 5:16

Kɛlɛso nɔ danɛ wɔnɔ buzizi nɛm ɔkɔ aglɔ tɛ no klukpaya nɛ aglɔɛ tɔkpu sɛ tɛ wɔnɔ banya nɛ be beke. Anɔnɛna kpayakuklu nɛ alɛ kemi klɛ awa kɛxwɛ.

1 Petro 2:24

Kristo nahwɛ ayɛkɔ bulɔ ebuizizi nɛ akpɛ ishuidzya mɛ nɛ osi nɛ shu, sɛ tɛ bu ba tsi kɔ kizizi klɛ bu za nɛ ɛkpã kɔ kɛdzyɔgo bhɛbhɛtɛ, yɛ apɔ la kɔ sɛ bunya koeyi nɛ bulɔ shuimɛ.