Hebriuanɛ 11:16 - ONUGBÙ NYƐNYÃ VUVƆ

¹⁶ Kɛlɛ mazalɛmɛ, bedidzo nu kɔ ɔma dzyɔgo—owũsise ɔyɛ. Kɛlɛso kɛwɔɛ̃ ti ku Kpaya sɛ tɛ beklu yɛ asɛ balɛ Kpaya, alasɛ eŋuse ɔma gbɛgbla elu kɔalɛ.

Hebriuanɛ 11:16 Iomraidhean Croise

Mateo 25:34

“Ɔkɛlɛ Ekusi nɛ ebe tsre ɛgɛ li kɛŋa nɛ mɛ asɛ, ‘Nɔ ba, wɔnɔ bagɛ mɛ Aka nɛ atɛ yula, nɔ yɛkɔ wɔnɔ ɔŋakɔ, gɛ bukusiɔŋakɔ nɛ gɛ ba bala lu kɔ nɔ denɔ kanɔ nɛ kesikpɛkpɛ.

Marko 12:26

Ɔtsɔ̃ nɛɛ, nɛ anɔ tsitsi tɛlulɔ shu, nɔ dɛ kla nɛ Mose keplukpa nɛ mɛ, denɔ yɛ ayakpa mɛ zɛza shu, nɛ kana gɛ Kpaya aɖɔ etsre yɛ asɛ, ‘Mɛ nu Abraham Kpaya, Isakɛ Kpaya, anɛ Yakobo Kpaya,’

Marko 8:38

Onu gɛ mɛ anɛ kibui nɛ ba ku anɔ teli kɛwɛ̃, nɛ aglɔbui anɛ buzizi kanɔa nɛ mɛ, klɛ anɔɔ nɛ tsyɛ ebe ku Anɔdzyrame yɛ Eyi nɛ kɛwɛ̃ onu gɛ ebe ku nɛ yɛ Aka nɛ kabhakpɛkpɛ mɛ ɔplɛnɔ kpayaxwɛdɛ nɛ gɛ balɛ shu bhui.”

Luka 12:32

No ti sifu, bagɛha bhli, alasɛ kɛku wɔ Aka awɔ̃ sɛ tɛ akɔ wɔ bukusiɔŋakɔ.

Luka 20:37

Pɔ nɛ tɛwa wuwɔ tɛ tɛtã nɛ mɛ Mose akasɛ sɛ betsitsi tsyɛ ba nyɛmɛ, alasɛ ɛklu Apalete nɛ asɛ, ‘Abraham Kpaya, nɛ Isaka Kpaya, nɛ Yakobo Kpaya.’

Yohanɛsɛ 14:2

Nɛ mɛ Aka bupa nɛ mɛ bevu gelee ba lɛ; onugɛ kɛɛ ma ana ɛta tsre nɔ. Ɛvɛ ɔkɛlɛ tɛ ɛda bala ɔzakɔ kɔ nɔ.

Axwɛwɛwa 7:32

‘Mɛ nu wɔakalɛ Kpaya, Abraham Kpaya, Isaaka anɛ Yakɔp.’ Mose eshuku nɛ kifu klɛ adɛ kpɛ kite sɛ tɛ efle di.

Filipianɛ 3:20

Pɔ bulɔ kepi ka lɛ owũsise. Klɛ bu po gɛganɛ Ayɛyɛkɛkɔ kɔlɔ denɔ ɔkɛlɛ, Apalete Yesu Kristo,

2 Timotio 4:18

Apalete nɛ ebe bu mɛ nɛ kititilulɔ tsutsɔmɔ kanyakaɛ di mɛ klɛ aba gbanɔ mɛ amɛna fuflɔ̃fuflɔ̃ aba kpɛ yɛ owũsise bukusɔŋakɔ nɛ mɛ. Ishubhubhui lɛ kɔ yɛ denɔ ɔtsɔ nɛ ɔyɛkɔ vɛnɔ. Tɛlɛbɛlɛm.

Hebriuanɛ 10:34

Eshutukubui kunɔ nɛ bagɛ bakpɛvu klɛ onugɛ ba yɛkɛ kɛdɔ gɛ kɛlɛ wɔnɔahwɛ nɔ yɛkɛ lɛ nɛ same, alasɛ wɔnɔ nahwɛ nɔ nyi sɛ kɛdɔ gɛ kɛbaza ɔvɛnɔ fãã lɛ wɔnɔahwɛ.

Hebriuanɛ 11:10

Alasɛ edi akpɛ otugba kɔ ɔmagbla nɛ ɔlɛ tɛbhubhɔ kesikpɛkpɛ, gɛ ɔlɛ evudzu anɛ evubhɔ nɛ enu Kpaya.

Hebriuanɛ 11:14

Banɔ nɛ gɛ ba ɖɔ ebuianɛ akasasɛ ba pɛɛ balɛ nahwɛ oma.

Hebriuanɛ 11:40

Kpaya atrɔ kibui dzyɔgodɛ tili elu kɔlɔ sɛ tɛ baza plɛnɔ lɔ tɛ ba babhɛtɛ alɛ tɛ ba na.

Hebriuanɛ 12:22

Pɔ nɔ ba Zayɔnɛ Butu nɛabha, nɛ owũsise Yerusalɛm, ɛkpã Kpaya ɔma gbɛgbla nɛ mɛ. Nɔ bo ku kpayaxwɛdɛ akpã akɛpã gɛ bexogo nɛ́ same,

Hebriuanɛ 13:14

So ɔkɛnɛ ɔma ma bulɔahwɛ gɛ bu ba za vɛnɔ faã, pɔ bu di kidzoe nu kɔ ɔma gɛ lɔ tɛ ba.

Hebriuanɛ 2:11

Anɔ nɛ gɛ abhɛtɛ banɔ pɛ balɛ shu bhui anɛ bagɛ abhɛtɛ pɛ balɛ shu bhui nɛ petee benu bupa turukpom banɔ. So kɛwɛ̃ tɛ ku Yesu sɛ tɛ eklualɛ asɛ yɛadzyalɛ.

Tɛbubukasɛ 21:2

Ɛmɔ Ishubhuibhui Ɔmagbla, gɛ onu Yerusalɛm vuvɔ, gɛ ozhide Kpaya ɔkɔ nɛ owũsise ɔɔba, gɛ ba bala kɔ ɔlɛ ansɛ adzɛ pupudi gɛ ba kpɛ bunuwã gɛ ba bala yɛ akɔ yɛenyine.