Hebriuanɛ 11:1 - ONUGBÙ NYƐNYÃ VUVƆ

¹ Ɔtsɔ̃nɛ tɛyɛyɛkɛŋa kɛlɛ nu sɛ yɛkɛɔŋa sɛ kɛgɛ ɔtɔ mɔ tsyɛ pɛ kidzoenu didi lɛ wɔ ahwɔ sɛ kɛ ba ba.

Hebriuanɛ 11:1 Iomraidhean Croise

Axwɛwɛwa 20:21

Ɛtɛ bu ɖɔ tsre Yuɖanɛ anɛ Grikianɛ sɛ betsyina amɛ atɔnɔ Kpaya anɛ kitem tsyitsyina nɛ tɛ ba mɔ kabhayɛyɛkɛŋa nɛ bulɔ Apalete Yesu mɛ.

1 Kɔrintioanɛ 13:13

Klɛ ɔtsɔ̃nɛ ebui tata ala gɔ: tɛyɛyɛkɛŋa, kidzoenudidi anɛ tɛdɛdɛmɛnɔ. Pɔ kɛ gɛ tridɛ nɛ alɛ mɛ kɛlɛ nu tɛdɛdɛmɛnɔ.

2 Kɔrintioanɛ 11:17

Nɛ kɛnɛ ishuabha-yɛyɛkɛŋa shufifeke ɛtɛ ɖɔaɖɔ anasɛ Apalete tɛ pɛpɛɛ, pɔ anasɛ agã

2 Kɔrintioanɛ 4:18

Kɛlɛso budɛ yɛkɔ aŋuhu trɔ kɛdɔ nɛ gɛ kɛ wɔɛ̃, pɔ kɛ gɛ tɛ wɔɛ̃ nɛabha. Alasɛ kɛgɛ wɔɛ̃ kɛlɛ be dɛdze, pɔ kɛgɛ tɛɛ wɔɛ̃ kɛlɛ tɛ beke.

2 Kɔrintioanɛ 5:17

Kɛlɛso, onugɛ anɔ teli alɛ Kristo mɛ, enu kɛdɔ bhɛbhɛtɛ vuvɔ, kɛkuku ba fla, kɛ vuvɔ nɛ ba!

2 Kɔrintioanɛ 5:7

Bulɛ nɛ kpã nɛ tɛyɛyɛkɛŋa mɛ, ganɛ kɛdɔmumɔɛ mɛ.

2 Kɔrintioanɛ 9:4

Alasɛ onugɛ blɔ nɛ Makedonianɛ teli aba aplɛnɔ mɛ klɛ amɔ sɛ nɔ dɛ bala, bulɔ—ganɛ kibuinyɛbui bu ba ɖɔ denɔ wunɔ shu—kɛ baku wɔɛ̃ sɛ ɛyɛkɛ wɔnɔ abhaŋa.

Galatianɛ 5:6

Alasɛ nɛ Kristo Yesu mɛ bebhui bunyɛnyɛ kɔ wɔ pɛnɔ bedi bhui bunyɛnyɛ kɔ wɔ kɛdi nu kibuinyɛbui. Kɛlɛ tirikpo gɛ klu bui kɛlɛ nu tɛyɛyɛkɛŋa gɛ kɛ waɛxwɛ ganɔ tɛdɛdɛmɛ abha.

Titusɛ 1:1

Paolo, Kpaya axwɛdɛ anɛ Yesu Kristo anɔkpɛkpɛ kɔ Kpaya tɛyɛyɛkɛŋa gɛ be bu nɛ kɛgba anɛ kibuititi nɛ gɛ kɛɛ gbanɔ anɔ vɛnɔ kpayazɛza mɛ,

Hebriuanɛ 10:22

nɔ kɔlɔ tsobunɔ Kpaya nɛ idzyi dzyɔgo anɛ́ tɛyɛyɛkɛŋa petee, nɛ kibe lɛ mɛ gɛ ba wanya kɛdɔnɔ nɛ gɛ ba pulu bulɔ idzyi nɛ bu nɛ kɛpɔŋɛŋa kɛtɔkpum bhɛbhɛtɛ anɛ bulɔ ishuidzya nɛ tɛpupulu nɛ buni gɛ bhui.

Hebriuanɛ 10:39

Pɔ bu dɛ nu bagɛ be tsodzi aba kide klɛ ba lɛla, pɔ bagɛ ba yɛkɛŋa klɛ be bhuialɛ ayɛkɛ.

Hebriuanɛ 11:13

Ba nɔanɛ petee ba kalɛ nɛkpa nɛ tɛyɛyɛkɛŋa mɛ gɛ be tsi. Ba dɛ yɛkɛ kɛdɔ nɛ gɛ be di kidzoenu kɔ; bumɔa lɛ ko klɛ ba kɔa lɛ wɔnɔga nɛ odzidzekɔ. Klɛ ba dɛmɛ sɛ be nu befu klɛ be di de kesukpa nɛabha.

Hebriuanɛ 11:27

Tɛyɛyɛkɛŋa so ashɛ̃ nɛ Egipte, ekusi nɛ obulo odi ku yɛ kifu, alasɛ anyɛna agɛ ata mɔ gɛganɛ anasɛ bumɔ yɛamɔ yɛ.

Hebriuanɛ 11:7

Ganɔ tɛyɛyɛkɛŋa abha Nowa, gɛ betsrɛnɔ denɔ ebui nɛ gɛ ba ka mɔ, nɛ kifu sisi bhubhui mɛ afatɛ kɛniabha opupu sɛ tɛ ebu yɛ bupa. Nɛ yɛ tɛyɛyɛkɛŋa nɛ mɛ ebu kanɔ nɛ mɛ pɔ klɛ ebe dzi balɛ kɛdɔ dzyɔgo nɛ kusi gɛ kɛ ba ganɔ tɛyɛyɛkɛŋa bha.

Hebriuanɛ 2:3

kɛlɛ bu ba koeyi nɛ lɛ mɛ onugɛ bugbe tɛbhubhɔyɛkɛ gbɛgblaɛ nɛ? Tɛbhubhɔyɛkɛ nɛ, gɛ Apalete eputɔ aɖɔ, bagɛ benu yɛ bui batrɔ ahwɛ nɛ lɛabha kɔ lɔ

Hebriuanɛ 3:14

Bu ba sɛ tɛ bubhɛtɛ terikpo nɛ Kristo onugɛ bu nyɛna yɛ gɛganɛ ɔdɔtɔnɔ tɛbibeke anɛ tɛyɛyɛkɛŋa gɛ bunyɛna vunɔ denɔ kesikpɛkpɛ.

Hebriuanɛ 3:6

Pɔ Yesu abhɛtɛ atrɔ ebui nɛabha anasɛ Kpaya yɛ yi nɛ yɛ bupa nɛ mɛ. Bulɔ nu yɛ bupa, onugɛ bu yɛkɔ ishu trɔ yɛabha klɛ budi yɛ dzoenu nɛ tɛyɛyɛkɛŋa.

Hebriuanɛ 6:12

Bu tɛ pɛɛ sɛ tɛ nɔ zɔ vɔ, pɔ nɔ di ba gɛ ganɔ tɛyɛyɛkɛŋa nɛ tɛdɛdɛ fɔɛ̃ mɛ pɛ ba bayɛkɛ kɛ gɛ baɖɔ tsre alɛ sɛ ba ba kɔ alɛ.

2 Petro 1:1

Mɛ Simɔn Petro, Yesu Kristo axwɛdɛ anɛ̀ anɔkpɛkpɛ, Ɛŋlɔmɛ keplukpa anɛ akɔ bagɛ ɔganɔ kɛdzyɔgo bhɛbhɛtɛ bulɔ Kpaya anɛ Yesu Kristo gɛ ebhulɔayɛkɛ atɛ mɔ tɛyɛyɛkɛŋa ŋɛŋaedzi anasɛ bulɔ yɛ.