Hebriuanɛ 10:39 - ONUGBÙ NYƐNYÃ VUVƆ

³⁹ Pɔ bu dɛ nu bagɛ be tsodzi aba kide klɛ ba lɛla, pɔ bagɛ ba yɛkɛŋa klɛ be bhuialɛ ayɛkɛ.

Hebriuanɛ 10:39 Iomraidhean Croise

Marko 16:16

Anɔnyanɔ gɛ ayɛkɛ aŋa pɛ nɔɔ kpɛ buni ɔkɔ yɛ nɛ ebe dzi anɔ gɛ be bu, pɔ anɔnyanɔ gɛ adɛ yɛkɛ aŋa be be bu yɛ butsipɔ.

Luka 11:26

Ɔkɛlɛ lɔ bɔ vɛ klɛ lɔ dɔ yɛkɔ ɛfufɔɛ kpã tigene bhlatɔ gɛ ɛlɛtɔkpuimɛ gɛganɛ dɛ ɔlɛnahwɛ, klɛ lɛ da za ɔkɛlɛ. Klɛ anɔ alɛlɛ nɛ kpã zɛza gugɔɛ nɛ mɛ lɛ tsɔmɔ dɛ kana gɛ lɛza putɔnɔ.”

Yohanɛsɛ 17:12

Kɛbelɛlɛ gɛ ɛlɛ ba lɛ ɔbha ɛkpɛ buka kpɛ alɛ klɛ idi ba lɛabha mɔmɔ ganɔ kɛ nyi gɛ ɔkɔ mɛ nɛabha. Anɔnyanɔ adɛ lɛla ɔdɛ nu agɛ yɛ ba trɔ sɛ tɛ alɛla nɛ sɛ tɛ be bu Kpayaplukpa mɛ ebui nɛ akasɛ.

Yohanɛsɛ 20:31

Pɔ ba ŋlɔmɛ anɛ sɛ tɛ nɔ zɔ yɛkɛŋa sɛ Yesu yɛenu Kristo, Kpaya yɛ Yi, klɛ nɛ yɛabha yɛyɛkɛŋa nɔbɔ mɔ ɛkpã nɛ yɛ nyi mɛ.

Yohanɛsɛ 5:24

“Itsre nɔ kɛgbɛagba, ànɔ nɛ gɛ enu mɛ ebui klɛ ayɛkɛ agɛ akpɛ mɛ nɛabha ŋa ɛkpã mabeke lɛ yɛ ahwɛ klɛ beti be bhui kɛpɔ akɔ yɛ, adɔfla butsi avɛ ɛkpãmɛ.

Yohanɛsɛ 6:40

Alasɛ Maka yɛ tɛpɛpɛɛ kɛlɛ nu sɛ anɔnyanɔ gɛ edi Eyi klɛ ayɛkɛ yɛ abhaŋa aba mɔ ɛkpã gɛ tɛ ba beke, klɛ ɛba nyɛmɛ yɛ kpɛ kabha nɛ kiwui gugɔɛ nɛabha.”

1 Tɛsolonianɛ 5:9

Alasɛ Kpaya edi bu lɔ sɛ bu ba tɔ nɛ yɛ obuloe si, pɔ tɛ bu yɛkɛ tɛbubu ganɔ bulɔ Apalete Yesu Kristoa bha.

2 Tɛsolonianɛ 2:3

Nɔ tɛ kɔ anɔnyanɔ awɛ nɔ nɛ kidzonyɛdzoa bha, alasɛ kiwi lɛlɛ nɛ tɛ baa ba odi nu sɛ kititilulɔ bɛ lɛ mɛ klɛ be bu anɔ gɛ ama ɔshã kanyaka mɛ nɛ akasɛ, anɔ nɛ gɛ atɛ wɔlɛ eku butsyrɔ mɛ.

1 Timotio 6:9

Banɔ nɛ gɛ ba pɛa sɛ tɛ be dzi ehoeyielete ba wɔlɛ eku tɛfifeke di mɛ anɛ kɛgbam anɛ bugã gelee mɛ anɛ kɛdɔpɛpɛ gɛ zi dɔ pɛ kɛɛ gbanɔ banɔ da kpɛ butsyrɔ anɛ tɛbibeke mɛ.

Hebriuanɛ 10:26

Onugɛ ɔfɔmɛ bu tsri lɛabha bhɛtɛ ebuizizi nɛ kɛbelɛlɛ nɛ gɛ bu tɛ́ yɛkɛ kibui gbɛagba buititi, kɛlalɛ butsyitsye kanyaka ma gɛ bu ba bu buizizi atɛ̃,

Hebriuanɛ 10:38

Pɔ mɛ anɔnɛna aba za nɛ ɛkpã ganɔ tɛyɛyɛkɛŋa abha. Klɛ onugɛ etsodzi ɔvɛ kede, same etibeku mɛ nɛ yɛ.”

Hebriuanɛ 11:1

Ɔtsɔ̃nɛ tɛyɛyɛkɛŋa kɛlɛ nu sɛ yɛkɛɔŋa sɛ kɛgɛ ɔtɔ mɔ tsyɛ pɛ kidzoenu didi lɛ wɔ ahwɔ sɛ kɛ ba ba.

1 Petro 1:5

ganɔ agɛ tɛyɛyɛkɛŋaɛ abha Kpaya kemi kakpɛ buka kpɛ ɔdɔtɔnɔ kibe nɛ gɛ tɛbhubhuiyɛkɛ kɔ ba kɛlɛ nu tɛbubukasɛ nɛ kibe gugɔɛ nɛabha.

2 Petro 3:7

Nɛ kibui lɛlɛ nɛ ke ɔtsɔ̀nɛ owũsise anɛ kesukpa ba gɔ alɛ lu kɔ kifu, be lui lɛ kɔ kebhuikuklu kiwui nɛ̀ kɛlɛ tɛzizi kɔ banɔ nɛ gɛ ba dɛ yɛkɛ kpayabhaŋa.

1 Yohanɛsɛ 5:16

Onugɛ anɔ teli amɔ yɛ adzya abhɛtɛ kibui kpã gɛ kɛ tɛ ba gbanɛ yɛ kpɛ butsi mɛ, eklukpaya klɛ Kpaya aba kɔ yɛ ɛkpã. Ɛɖɔɛbui denɔ ba gɛ balɛ ebuikpã tɛ ba gbanɛ alɛ akpɛ butsi mɛ. Kibuikpã tili lɛ gɛ kɛ gbanɛ anɔ kpɛ butsi mɛ. Ɛtɛ ɖɔ sɛ èklukpaya kɔ alɛlɛ nɛɛ di.

1 Yohanɛsɛ 5:5

Ane yɛ abana kanɔ nɛabha ŋa? Anɔ nɛ ko gɛ ayɛkɛŋa sɛ Yesu enu Kpaya yɛ Eyi.

Tɛbubukasɛ 17:11

Agavuga nɛ gɛ atɛ za edi, klɛ ama ɔtsɔ̃ nɛɛ, enu ekusi asuɛmɛ. Tiegene nɛ ɔmayɛ teli enu klɛ aavɛ kɔ yɛ tɛ zizi.

Tɛbubukasɛ 17:8

Agavuga nɛ gɛ ɔmɔ, atɛ za di, ɔtsɔ̃ ama, klɛ ebe de Ogloboglobokɔ ekoeyi klɛ aba vɛ kɔ le zi. Kesukpa nɛabha banɔ gɛ balɛ enyi la dɛ ŋlɔmɛ akpɛ ɛkpãeplukpa nɛ mɛ denɔ kanɔ nɛ tɛbhɛbhɛtɛ be, kɛ ba bhɛtɛ alɛ bi onu gɛ bamɔ agavuga, alasɛ atɛ za edi, ɔtsɔ̃ ama, klɛ otsi aba ba.