Hebriuanɛ 10:36 - ONUGBÙ NYƐNYÃ VUVƆ

³⁶ Kɛlɛ sɛ tɛ nɔ dɔ fɔɔ̃ tɛ nɔ bhɛtɛ Kpaya tɛpɛpɛɛ klɛ tɛ nɔ yɛkɛ kɛgɛ baɖɔlu kɔ nɔ.

Hebriuanɛ 10:36 Iomraidhean Croise

Mateo 10:22

Banɔ petee ba tɛ ba dɛmɛ wɔnɔɛ bui akpɛ mɛ so, pɔ aanɔ nɛ gɛ aza mɔmɔ ɔdɔ nanɔ obekekɔ be be bu yɛ.

Mateo 12:50

Alasɛ ananyanɔ gɛ abhɛtɛ Maka nɛ owũsise nɛ tɛpɛpɛɛ yɛ enu badzya, mada anɛ meni.”

Mateo 21:31

“Nɛ beyi tɛabha nɛ shi, eɖueɖu ya bhɛtɛ aka nɛ tɛ pɛpɛɛ?” Be bui lɛ nu asɛ, “Eyi tutɔpu.” Yesu etsre alɛ asɛ, “Itsre nɔ kɛgba sɛ, badɔdzyɔ anɛ badzɛ zhuzhɔlɛ nee tsoku kpyakusiɔŋakɔ nɛ mɛ aalɔ nɔ.

Mateo 24:13

pɔ anɔɔ nɛ gɛ aza gɛganɛɛ be be bu yɛ.

Mateo 7:21

“Ganɛ anɔnyanɔ gɛ eekulu mɛ asɛ, ‘Apalete, Apalete,’ yɛ ebe tsoku bukusi ɔŋakɔ nɛ owũsise, pɔ aanɔ nɛ gɛ aabhɛtɛ atrɔ mɛ Aka nɛ gɛ alɛ owũsise nɛ tɛpɛpɛa bha.

Marko 3:35

Anɔnyanɔ gɛ aabhɛtɛ Kpaya tɛpɛpɛɛ nɛɛ yɛ enu mɛadzya anɛ mɛada anɛ meni.”

Luka 21:19

Tɛzɛza mɔmɔ ba kɔ wɔ za nɛ kpã.

Luka 8:15

Eyi gɛ la dɔ kesukpa dzyɔgo nɛabha ale nu ba gɛ nu bui gɛ ba yɛkɛ lɛ atrɔ shu nɛ idzyi dzyɔgo, gɛ be nu ebui, ba yɛkɔ alɛ, klɛ nɛ kanyɛtsitsimɛ, lɛ yu eyuyu.

Yohanɛsɛ 7:17

Onugɛ anɔ teli apɛɛ asɛ tɛ abhɛtɛ Kpaya tɛpɛpɛɛ, aba pɛa sɛ tɛ eti asɛ mɛ̀ kɛdɔkɛkasɛ nɛ de Kpaya kɔ, pɛnɔɔ kɛ nu sɛ mɛ nahwɛ kaɖɔ mɛ ɖɔ.

Axwɛwɛwa 13:22

Gɛ atsɛ Saolo beke, ayɛkɔ Daviti abhɛtɛ balɛ ekusi. Aɖɔ edenɔ yɛ shu asɛ: ‘Ɛba mɔ Daviti Yesse yɛeyi, ansɛ anɔ gɛ alɛ mɛ idzyi shu, aba bhɛtɛ kɛdɔnyɛdɔ gɛ ɛba pɛ sɛ abhɛtɛ.’

Axwɛwɛwa 13:36

“Alasɛ gɛ Daviti atɛ wa Kpaya kɛxwɛ nɛ yɛ nahwɛ kibe nɛɛ, gɛ aba vɛ tram nɛɛ, ba vubɔ yɛ nɛ yakalɛ ɔbha klɛ yɛ anɔosi nɛ ɔtsɔmɔ.

Romanɛ 12:12

Nɔ mɔ same nɛ kidzoenu didi mɛ, dɔ fɔɔ̃ nɛ wɔ batɔ nɛm, za tɛyɛyɛkɛŋam nɛ Kpaya kuklum.

Romanɛ 12:2

Nɔ tɔɔ yɛkɔ wɔnɔ shu nɛ ɔkpɛ kanɔ nɛ tɛzɛza mɛ ɔtsɔlɛ, pɔ no dzi banɔ gɛ otsyina ganɔ wɔnɔ atɔkpum vuvɔ bhɛbhɛtɛ. Kɛlɛmɛ nɔ bɔ na Kpaya tɛpɛpɛ nu fekedi pɛ nɔ bɔ trɔahwɛ yɛ tɛpɛpɛ nɛa bha—yɛ tɛpɛ̃pɛ, kɛku awɔ̃ klɛ kɛna.

Romanɛ 2:7

Banɔ nɛ gɛ ganɔ tɛyɛyɛkɔ trɔshu nɛ kɛdzyɔgo bhɛbhɛtɛ mɛ pɛ ba pɛɛ ishubhubhui, kabha kpɛkpɛ anɛ ɛkpãzɛza, aba kɔ ɛkpã mabeke mabeke.

Romanɛ 8:25

Pɔ onu gɛ bu di kidzoenu kɔ kɛgɛ ka za lɔ ahwɛ, bu poe lɛ nɛ tɛdudɔfɔ̃ mɛ.

1 Kɔrintioanɛ 13:7

Akpɛ buka akpɛ lɔ kibenyɛbe, tɛyɛyɛkɛŋa kibenyɛbe, kidzoenudidi kibenyɛbe, anyɛna lɔ evunɔ kibenyɛbe.

Galatianɛ 6:9

Nɔ tɛ kɔ lɔ tɔ nɛ kɛdɔ dzyɔgo bhɛbhɛtɛ mɛ, alasɛ nɛ kibe dzyɔgoɛ mɛ bu ba tsui dɔ gelee onugɛ bu dɛ zukɔlɔ lɛ bhɛbhɛtɛ.

Efesoanɛ 6:6

Nɔ talɛ atɔ ganɛ sɛ tɛ bayɛkɛ wɔnɔabhaŋa nɛ kibelɛlɛ gɛ balɛ awɔ̃hu tsri ɛnɔabha, pɔ anasɛ Kristo banɔ dzidzi, gɛ nɔ bhɛtɛ Kpaya tɛpɛpɛɛ denɔ wɔnɔ idzyi mɛ.

Koloseanɛ 1:11

akɔ lɔ tɛgɛganɛ nɛ̀ yɛ kemi petee anɛ́ yɛ kabhaŋɛŋa sɛ tɛ nɔ bɔ yɛkɛ kɛxwɛwɛwa gbɛgbla, nɛ ishu bububɔ anɛ̀ samemumɔ

Koloseanɛ 3:24

nɛ kɛbelɛlɛ gɛ onyi sɛ ɔbɔ yɛkɛ kededɔ denɔ Apalete nɛ ɔkɔ anasɛ ahwɛhuhu. Apalete Kristo nɔ dɛ axwɛ kɔ.

Koloseanɛ 4:12

Epafra, gɛ enu wɔnɔmɛayɛ teli nɛ Yesu Kristo axwɛdɛ, asɛnɛ nɔ asɛsɛ. Awlãnkɛ eklukpaya kibenyɛbe nɛ wɔnɔɛ tɔkpu, sɛ tɛ nɔ za gɛganɛ nɛ́ Kpaya tɛpɛpɛɛ petee mɛ, nɔ she tɛ nɔ bhɛtɛ yɛ ebui tɛ la na.

1 Tɛsolonianɛ 1:3

Bu lɛ kɛlɛa bha baka nɔ nɛ bulɔ Kpaya anɛ Aka nɛ amɛ wɔnɔ kɛxwɛwɛwa nɛ gɛ tɛyɛyɛkɛŋa bhɛtɛ, wɔnɔ kɛxwɛwɛwa nɛ gɛ tɛɖuɖɔ mɛna, anɛ wɔnɔ kanyɛtsitsi nɛ gɛ ka ba denɔ kidzoenudidi mɛ anɛ bulɔ Apalete Yesu Kristo mɛ.

Hebriuanɛ 11:39

Ba lɛ petee beku balɛawɔ̃ nɛ tɛyɛyɛkɛŋa nɛ shu, tsyɛ balɛ akanyaka adɛ yɛkɛ kɛgɛ baɖɔ lu kɔ alɛ.

Hebriuanɛ 12:1

Kɛlɛso, bebuimɔɖɔ gɛ la kana lɔ anasɛ ɔmunɔ gelee, nɔ kɔ lɔ bu ebui tsyɛtsyanɔ kanyãka anɛ ezizi gɛ la nyɛna lɔ nɛ tɛ̃, klɛ nɔ kɔ lɔ yɛkɔ amɛgɛganɛ kpanisi tɛ lɔ bu tisisi gɛ kɛlɛ kɔlɔ.

Hebriuanɛ 13:21

akɔ nɔ kɛdɔ dzyɔgo nyɛdɔdzyɔgo kɔ yɛ tɛpɛpɛɛ, klɛ tɛ awaɛxwɛ nɛ bulɔ mɛ kɛgɛ ku yɛ awɔ̃, ɔganɔ Yesu Kristo abha, kɔ yɛ ishubhubhui mɛ denɔ mabeke ɔvɛnɔ mabeke mɛ. Tɛlɛbɛlɛmɛ.

Hebriuanɛ 6:12

Bu tɛ pɛɛ sɛ tɛ nɔ zɔ vɔ, pɔ nɔ di ba gɛ ganɔ tɛyɛyɛkɛŋa nɛ tɛdɛdɛ fɔɛ̃ mɛ pɛ ba bayɛkɛ kɛ gɛ baɖɔ tsre alɛ sɛ ba ba kɔ alɛ.

Hebriuanɛ 6:15

Klɛso gɛ aze po nɛ tɛdɛdɔfɔɔ̃, Abraham ayɛkɛ bunuwã kpɛkpɛ dɔ.

Hebriuanɛ 6:17

Alasɛ Kpaya apɛɛ asɛ tɛ eti tsyina yɛ bunuwã kpɛkpɛ kɛlɛso atanɛ dɔ ayɛkɔ atrɔ kɛklãgbu nɛ lɛabha.

Hebriuanɛ 9:15

Kɛnɛ so gɛ Kristo ayɛkɔ onugbunyɛnya vuvɔ evuboe, sɛ tɛ bagɛ beklu bayɛkɛ ɔfufɔɛ mɛ kɛdɔ nɛ gɛ ba ɖɔ—ɔtsɔnɛ gɛ etsi anasɛ kɛbhɛ bubuya sɛ tɛ ebualɛ nɛ ebuizizi gɛ babhɛtɛ nɛ onugbunyɛnya tɛtɔpu nɛesi.

1 Petro 1:9

alasɛ nɔ yɛkɛ wũnɔ tɛyɛyɛkɛŋa bhɛ, wũnɔ atɔwui tɛbhubhuiyɛkɛ.

1 Yohanɛsɛ 2:17

Kanɔ nɛ kalɛ ebui bhɛbhɛtɛ nɛ nu bafla, pɔ anɔ nɛ gɛ abhɛtɛ Kpaya yɛ tɛpɛpɛɛ aba za nɛ ɛkpã avɛnɔ mabeke mabeke mɛ.

Tɛbubukasɛ 13:10

Onu gɛ anɔ teli alɛ asɛ tɛ etsoku tɛvuvu mɛ, tɛvuvu mɛ koe be tsoku. Onu gɛ anɔ teli alɛ asɛ tɛ be yi yɛ nɛ ɛhɛɛ, ɛhɛɛ la ba yɛkɔ eyi yɛ nɔ. Kɛɛ nɛ nɛ bisi sɛ tɛdudɔfɔ̃ mɛ zɛza anɛ tɛyɛyɛkɛŋa nɛ banɔnɛna nɛa pɛ mɛ.

Tɛbubukasɛ 14:12

Kɛɛ nɛ kɛ kulu tɛdudɔfɔ̃ tɛzɛza gɛganɛ anɛ banɔnɛna nɛ kapɛ mɛ gɛ ba ta batɔ nɛ Kpaya ɛshã klɛ ba wɔ tɛyɛyɛkɛŋa mɛ kɔ Yesu.