Hebriuanɛ 10:34 - ONUGBÙ NYƐNYÃ VUVƆ

³⁴ Eshutukubui kunɔ nɛ bagɛ bakpɛvu klɛ onugɛ ba yɛkɛ kɛdɔ gɛ kɛlɛ wɔnɔahwɛ nɔ yɛkɛ lɛ nɛ same, alasɛ wɔnɔ nahwɛ nɔ nyi sɛ kɛdɔ gɛ kɛbaza ɔvɛnɔ fãã lɛ wɔnɔahwɛ.

Hebriuanɛ 10:34 Iomraidhean Croise

Mateo 19:21

Yesu asɛ, “Onu gɛ ɔpɛɛ sɛ tɛ ɔna, vɛ dɔ dɛ wɔ kɛnɔmɛdɔ nɛ gɛ lɛ wɔ ahwɛ tɛ ɔyɛkɔ ehoeyi nɛ ɔkɔ betsyutsyuini, klɛ kɛnɔmɛdɔ ba za wɔahwɛ nɛ owũsise. Tɛ otsodzi ɔba tɛ ɔbɔ za mɛe de.”

Luka 10:42

pɔ kɛdɔ trikpo ko lɔ pɛɛ. Maria ebu kɛ gɛ pɛ̃ dɛ, klɛ ba tɛ bayɛkɛ lɛ ashɛ̃nɔ nɛ yɛ ahwɛ.”

Luka 12:33

Dɛ wɔ kɛdɔnyɛdɔ tɛ ɔyɛkɔ kɔ betsyutsyuini. Nɔ bala akpɛtɛ gɛ la tɛ ba tsa kɔ ishu, bala wɔ ehoeyi nɛ owũsise gɛ kɛdɔ tɛ ba beke nɛ ɔlɛ mɛ di, ɔkɛlɛ gɛ bezi be ti be tsobunɔ nɛ gɛ bugɔɛ tɛ batã lɛ.

Luka 9:25

Kibui dzyɔgo ɖuweɖu lɛ́ nu kɔ anɔ tɛ kanɔ petee dzi yɛa yɛ, tɛ alɛla yɛ nahwɛ shu?

Axwɛwɛwa 21:33

Behudugbani aka nɛ ekoeyi aba klɛ ebe vu Paolo klɛ akɔ sɛ tɛ banya yɛ nɛ buɖɛ tubha. Klɛ ebisi Paolo anɔ nɛ gɛ enu nɛ kɛdɔnɔ nɛ gɛ abhɛtɛ.

Axwɛwɛwa 28:20

Kibui nɛ shu so pɛ ɛpɛ sɛ tɛ ɛmɔ nɔ tɛ ɛɖɔ kaɖɔ nɛ wɔnɔ. Alasɛ Izraɛl kidzoenu didi nɛ tɔkpu la nyam akpɛ buɖɛ nɛ mɛ.”

Axwɛwɛwa 5:41

Banɔkpɛkpɛ na shɛ nɛ Bebhuiklu nɛ amɛ nɛ same mumɔ sɛ ba kla lɛ asɛ bana kɔ butsɔ kpɛkpɛ nɛ Kinyi nɛ tɔkpu.

2 Kɔrintioanɛ 5:1

Ɔtsɔ̃nɛ bu nyi sɛ onugɛ kɛsukpɛa bha kagba nɛ mɛ gɛ bu kpasɛ ka yɛɛ, buvu lɛ bulɔ ahwɛ denɔ Kpaya kɔ, ɔfufɔɛ mɛ buvu nɛ owũsise, gɛ ganɛ anɔdzyrame ɛhwɛ ba yɛkɔ abhɔ bulɛ nɔ.

Efesoanɛ 3:1

Kibui nɛ so Mɛ, Paulo, anɔ gɛ bakpɛ buvu nɛ Kristo Yesu kɛtɔkpu kɔ wɔnɔa gɛ no di nu Yuɖanɛ.

Efesoanɛ 4:1

Anasɛ evuza kɔ Apalete, ɔkɛlɛ, ɛpɛɛ denɔ wɔnɔ kɔ sɛ tɛ nɔ za nɛ ɛkpã gɛ sɔnɔ tɛkuklu nɛ gɛ nɔ tɛ yɛkɛ.

Efesoanɛ 6:20

alasɛ gɛ inu Kristo ɔzakɔanɔ nɛ buɖɛ mɛ. Klukpaya tɛ kifu tɛ ku mɛ anasɛ gɛ kɛba ku mɛ.

Filipianɛ 1:7

Kɛ na kɔ mɛ sɛ tɛ ɛmɔɛlɛ ana nɛ wɔnɔ petee shu, alasɛ nɔ kpasɛ mɛ idzyim; alasɛ onugɛ bakpɛ mɛ buɖɛ ɔdɔgɔsɛ ɛwlãnkɛ klɛ mɛ trɔahwɛ nɛ kibui dzyɔgo nɛa bha, wɔnɔ petee nɔ bɔ mɔ Kpaya ɛyamyuyɔ nɛ́ mɛ.

Koloseanɛ 1:5

tɛyɛyɛkɛŋa anɛ̀ tɛdɛdɛmɛnɔ gɛ ki koeyi denɔ kidzoenudidi gɛ ba bala lu kɔ nɔ nɛ owũsise klɛ kɛ lɛ sɛ wɔnɔ no ti nu kibuigba nɛ dɔ, gɛ nu kibui dzyɔgo

1 Timotio 6:19

Ganɔ kidzoe nɛa bha la ba bala kɛdɔ kɔshu ansɛ kesikpɛkpɛ gɛganɛ kɔ kibe nɛ gɛ ba, sɛ tɛ ɛkpã nɛ gɛ nu ɛkpã gbɛagba nɛ ku balɛ ahwɛ.

2 Timotio 1:16

Kɔ Apalete nɛ edi Onesiforusɛ anɛ yɛ bupa nɛ eshutukubui, alasɛ akpɛ mɛ same ebe gelee klɛ mɛ buɖɛ nɛ mɛ gɛ ɛkpasɛ nɛ tɛɛ ku yɛ kɛwɛ̃.

2 Timotio 2:9

gɛ kɛlɛ shu so pɛ ɛɛtɔ ɔdɔnanɔ ɔkɛlɛ gɛ ba ba kpaka mɛ nɛ buɖɛ mɛ ansɛ anɔ gɛ ezi buzikpã. Pɔ ba dɛ kpaka Kpaya kibui.

2 Timotio 4:8

Ɔtsɔ̃ nɛɛ tɛzɛzamnɛna kikutu nɛ lɛ kɛdɔ ɔbalakɔ kɔ mɛ, gɛ Apalete, ebhuiklu nɛna, nɛ aba yɛkɔ akɔ mɛ nɛ kiwi lɛ nɛa bha—klɛ ganɛ kɔ mɛ tite, pɔ kɔ banɔ nɛ petee gɛ bee di kidzoenu kɔ yɛ tɛwɛ̃wɛ̃ nɛ tsyɛ.

Hebriuanɛ 11:16

Kɛlɛ mazalɛmɛ, bedidzo nu kɔ ɔma dzyɔgo—owũsise ɔyɛ. Kɛlɛso kɛwɔɛ̃ ti ku Kpaya sɛ tɛ beklu yɛ asɛ balɛ Kpaya, alasɛ eŋuse ɔma gbɛgbla elu kɔalɛ.

Hebriuanɛ 13:14

So ɔkɛnɛ ɔma ma bulɔahwɛ gɛ bu ba za vɛnɔ faã, pɔ bu di kidzoe nu kɔ ɔma gɛ lɔ tɛ ba.

Hebriuanɛ 13:3

Nɔ baka bagɛ ba kpɛ bevu anasɛ wɔnɔ na lɛ bakpɛ buvu, ganɛ bagɛ ba tɛ bhɛtɛ alɛ mɔmɔ anasɛ wɔnɔnahwɛ ba kpɛ butɔ ana.

Hebriuanɛ 9:15

Kɛnɛ so gɛ Kristo ayɛkɔ onugbunyɛnya vuvɔ evuboe, sɛ tɛ bagɛ beklu bayɛkɛ ɔfufɔɛ mɛ kɛdɔ nɛ gɛ ba ɖɔ—ɔtsɔnɛ gɛ etsi anasɛ kɛbhɛ bubuya sɛ tɛ ebualɛ nɛ ebuizizi gɛ babhɛtɛ nɛ onugbunyɛnya tɛtɔpu nɛesi.

Yakobo 1:2

Madzyalɛ mɔ, no di lɛ ɔsɛ same dzyɔgo, onu gɛ no tsoku tɛfifekedi edidedi gelee mɛ,

1 Petro 1:4

klɛ bu di otugba kɔ kededɔŋɛŋa gɛ kɛtɛ ba tsi, kɛtɛbazi, pɛnɔ kɛbakpã—gɛ babala lu kɔ nɔ nɛ owũsise,

1 Yohanɛsɛ 3:2

Ɛbhɛya mumɔa, ɔtsɔ̃nɛ bu nu Kpaya ye yialɛ, klɛ kɛdɔnɔ nɛ gɛ bu badzi ba ka kɔ lɔ ti lɛ. Pɔ bu nyi sɛ kibe nɔ gɛ aba koeyi, bu ba dzi anasɛ yɛ, alasɛ bu ba mɔ yɛ anasɛ gɛ alɛ.