Hebriuanɛ 10:29 - ONUGBÙ NYƐNYÃ VUVƆ

²⁹ Kɛlɛ lɛ nu anɔ teli etiti ɔtsɛrɛ nɛ Kpaya yɛ Yi abha, gɛ amɔ onugbunyɛnya dzyosu gɛ lɔ plu yɛ shu anasɛ kɛdɔ gɛ kɛlɛ shu dɛbhui, gɛ akula ɛyɛmɛyuyɔ anɔ Ɔfufɔɛ kideso gɛ bata tɛta yɛ batɔ gɛganɛ?

Hebriuanɛ 10:29 Iomraidhean Croise

Mateo 26:28

Mɛ dzyosu nɛ naa nɛ onugbunyɛnya mɛ nɛ wɔnɔ, gɛ ba yɛkɔ balɛ esi kɔ banɔ gelee kɔ balɛ buzizi tɛyɛyɛkɔ tsye.

Mateo 7:6

“Tɛ yɛkɔ kɛdɔnɔɔ nɛ gɛ kɛlɛ shu bhui nɛ ɔkɔ bukudzɔgɛ, tɛ yɛkɔ wɔ kɛdɔ ŋɛŋaedzi nɛ ɔtɛɛ kpɛ kɔ bahɛ. Onu gɛ ɔbhɛtɛ ana, ba ba ga kɛlɛa bha nɛ balɛ ɛtsrɛ, klɛ le be tsyina atɔ wɔ klɛ la ba tswɛ wɔ mɛ akpɛ bupɛ pɛɛpɛ.

Marko 7:2

ba mɔ Yesu badɔkpasɛ teli gɛ be dzi aŋa kɛdɔ nɛ ahwɛ gɛ alɛ ishu “edibhui ” alasɛ bedi plu alɛ.

Luka 12:10

Klɛ anɔnyanɔ gɛ aɖɔ kibui zizi nɛ Anɔdzyrame Eyi nɛ shu ba ba yɛkɔ etsye yɛ, pɔ anɔ nɛ gɛ aɖɔ kibui zizi nɛ Ɔfufɔɛ Dzyɔgo nɛ shu ba tɛ ba yɛkɔ etsyɛ yɛ.

Yohanɛsɛ 10:36

kide nɔ ɖɔ denɔ agɛ Aka ebu lɛ ɔtɔ anasɛ yɛnahwɛ ayɛ klɛ akpɛ yɛ nɛ kanɔ nɛ mɛ? Kɛdɛso gɛ ɔtsɔlɛ nɔ butɔ mɛ sɛ ɛɖɔ ebuisobui alasɛ ɛɖɔ sɛ, Kpaya yɛ Yi mɛ nu?

Yohanɛsɛ 17:19

Alasɛ iipulu mɛ nahwɛshu, sɛ tɛ ba lɛ tsyɛ ba ba plu shu kɛgbɛagba.

Axwɛwɛwa 7:51

“Wɔnɔ ili gɛganɛ banɔ, idzyim anɛ batɔ mɛ gɛganɛ elete! No ko dzi ko ansɛ wɔnɔa kalɛ, Nɔ wɔ̃lãkɛ ishu nɛ Ɔfufɔɛ Dzyɔgo nɛ kibenyɛbe!

Romanɛ 16:20

Eti be dze ishuyuyɔ Kpaya nɛ aba yɛɛ Satana akpɛ wɔnɔ butsrukpɔesi. Apalete Yesu eshutukubui didi aza plɛnɔ nɔ.

1 Kɔrintioanɛ 11:27

Kɛlɛso, anɔ nɛ gɛ atã gbɛ̃gbɛvu ɔdɔgɔsɛ awɔɛ̃ Apalete nɛ kãntse, nɛ kidzo zizi abha aba ŋa kɛpɔ nɛ Apalete nɛ ishuidzya anɛ yɛ dzyosu nɛ shu.

1 Kɔrintioanɛ 11:29

Alasɛ anɔnyanɔ atã klɛ awɔɛ̃ gɛ adɛ vɛ ishu mɛ dzyɔgo nɛ́ Apalete shu, atã klɛ awɔɛ̃ kebhui kuklu kɔ shu.

1 Kɔrintioanɛ 15:25

Alasɛ tɛ aza ŋaɛabha ɔdɔtɔnɔ kibenɔ nɛ gɛ ayɛkɔ ba gɛ be gu yɛ petee akpɛ yɛ butsrɛ esi.

1 Kɔrintioanɛ 15:27

Alasɛ yɛ “ayɛkɔ kɛdɛnyɛdɔ akpɛ yɛ bu tsrɛ esi.” Ɔtsɔ̃nɛ kibenɛ gɛ kɛ ɖɔ sɛ “kɛdɔnyɛdɔ” akpɛ yɛ esi, kɛlɛmɛ bhui sɛ kɛnɛ kɛ dɛ klu Kpaya nahwɛ akpɛ, agɛ yɛ ayɛkɔ kɛdɔnyɛdɔ akpɛ Kristo ahwɛ.

1 Kɔrintioanɛ 6:11

Kana wunɔ mayɛ teli nɔ za. Pɔ be plu nɔ shu, bakɔ wunɔ shubhui klɛ be bu nɔnu nɔ nɛ Apalete Yesu Kristo nɛ bulɔ Kpaya Ɔfufɔɛ nɛ mɛ.

Efesoanɛ 4:30

Nɔtɛ bhɛtɛ kɛdɔ gɛ kɛba puɛ Kpaya Ɔfufɔɛ dzyɔgo, ɔlɛ laba kɔ kpɛ nɔ susu nɛ kiwui nɛabha gɛ ba bebhui nɔ yɛkɛ.

Efesoanɛ 5:26

tɛ akɔ ɛlɛshu bhui, eplu ɛlɛshu nɛ buni tɛwuwlu ɔganɔ kibui nɛabha,

Hebriuanɛ 10:10

Klɛ nɛ kɛtɛtrɔɛ lɛlɛ nɛabha, bakɔ lɔ shu bhui ɔganɔ Yesu Kristo yɛ shu tysitsye trukpo ko abha.

Hebriuanɛ 12:25

Nɔ di lɛ ɔkɔ sɛ nɔ tɛshɛnahwɛ agɛ aɖɔaɖɔ nɛ shu. Onugɛ be di si ashɛ̃ nɛ kɛbelɛlɛ gɛ be gbe anɔ nɛ gɛ etsrenɛ alɛ nɛ kesukpa nɛabha, kɛlɛ bu ba zhiesi, onugɛ bulɔ tsyɛ bu shɛ̃ lɔ anɔ nɛ gɛ etsrenɔ lɔ denɔ owũsise?

Hebriuanɛ 13:20

Kɔ ishuyuyɔ Kpaya, gɛ ɔganɛ dzyosu onugbunyɛnya mabeke agɛ anyɛmɛ bulɔ Apalete Yesu, ibhoshi Agbɛgbanɔ gbɛgbla,

Hebriuanɛ 2:11

Anɔ nɛ gɛ abhɛtɛ banɔ pɛ balɛ shu bhui anɛ bagɛ abhɛtɛ pɛ balɛ shu bhui nɛ petee benu bupa turukpom banɔ. So kɛwɛ̃ tɛ ku Yesu sɛ tɛ eklualɛ asɛ yɛadzyalɛ.

Hebriuanɛ 2:3

kɛlɛ bu ba koeyi nɛ lɛ mɛ onugɛ bugbe tɛbhubhɔyɛkɛ gbɛgblaɛ nɛ? Tɛbhubhɔyɛkɛ nɛ, gɛ Apalete eputɔ aɖɔ, bagɛ benu yɛ bui batrɔ ahwɛ nɛ lɛabha kɔ lɔ

Hebriuanɛ 4:14

Kɛlɛso gɛ kpayazakɔanɔ ɖɛɖama lɛ bulɔ ahwɛ, gɛ atɛ ga owũsise mɛ ekoeyi, Yesu Kpaya yɛ Yi, nɔ kɔ lɔ nyɛna yɛ gɛganɛ nɛ tɛyɛyɛkɛŋa gɛ bu ɖɔlu.

Hebriuanɛ 6:4

Kɛtɛ ba bɛlɛmɛ kɔ bagɛ ba tɛ danɛ balɛ amɛ nɛ kibe tili, gɛ be ti mini owũsise kɛdɔkukɔ, pɛ ba tɛ mɔ balɛ yɛ ayɛkɛ nɛ Ɔfufɔɛ Dzyɔgo nɛ mɛ,

Hebriuanɛ 6:6

onugɛ be koeyi adɔ, tɛ ba be tsodzini alɛ amɛna kitemtsyitsyina mɛ, alasɛ balɛ oboɛ dudɔ ba ka kpla Kpaya yɛ Yi nɛ osi shu anɛ yɛ tɛtitii kpɛ kesi kɔ butsɔ kpɛkpɛ nɛ banɔa mɛ.

Hebriuanɛ 9:13

Bepidzya anɛ banɛŋtsyɔɛnye dzyosu anɛ banɛtsyɔɛeyi pupɔɛ butɔ gɛ bawanya balɛ bagɛ balɛ shu dɛbhui sɛ tɛ ba yɛ kɔ plu alɛshu tɛ balɛshu bhui.

Hebriuanɛ 9:20

Aɖɔ sɛ, “Kɛnɛ kɛlɛ nu onugbunyɛnya dzyosu, gɛ Kpaya akpɛ kɔ nɔ na nɛ tɛ nɔyɛkɛ.”

Tɛbubukasɛ 1:5

anɛ denɔ Yesu Kristo ɔkɔ, gɛ yɛ enu ebuimɔɖɔ kɛgbɛagbayɛ, eyitutɔpu nɛ gɛ ba mɔ denɔ bekpu nɛ mɛ, anɛ agɛ yɛ aŋa bekusi nɛa bha anɛ kesukpa nɛa bha. Kɔ agɛ yɛa dɛmɛ lɔɛ bui klɛ ebu lɔ edenɔ bulɔ buzizi mɛ ganɔ yɛ dzyosu mɛ,