Hebriuanɛ 10:25 - ONUGBÙ NYƐNYÃ VUVƆ

²⁵ Nɔ tɛ kɔ lɔ zukɔlɔ kɛtɔkputsyɛtsya kɔ dɛ, anasɛ gɛ banɔ teli ba yɛkɔ trɔ shu gɛ ba bhɛtɛ, pɔ nɔ kɔlɔ kpɛ agulɔ kemi—klɛ petee ɔyɛkɔ dɛana anasɛ gɛ nɔ mɔ Kelizɛza nɛ gɛ aba.

Hebriuanɛ 10:25 Iomraidhean Croise

Mateo 10:15

Itsre nɔ kɛgba sɛ, kɛ ba za bubɔɛbɔɛ kɔ Sorom anɛ Gomora nɛ kebhuikluwi nɛa bha ɔyɛkɔ dɛ ɔma nɔɔ lɛlɛ.

Mateo 18:20

Alasɛ ɔkɛlɛ gɛ banɔ tɛabha tɛata be xogo nɛ mɛ kinyi mɛ, ɛlɛ balɛɛ shi.”

Yohanɛsɛ 12:48

Kebhui kuklu alɛ kɔ anɔ nɛ gɛ adɛ pɛɛ mɛ ebui klɛ adɛ yɛkɛ mɛ ebui, kɛ bui lɛlɛ nɛ gɛ ɛɖɔ kɛ ba bu yɛ pɔ nɛ kiwui gugɔɛ nɛabha.

Axwɛwɛwa 16:16

Kiwi tili gɛ bu vɛ Kpaya oklu kɔ nɛɛ, bu tsyanɔ adzɛnuvɔɛ axwɛdɛ teli gɛ ɔfufɔɛ ɔza yɛ abha pɛ ayɛkɔ mɔ ebui gɛ aba ba nɛ kivum aɖɔ. Adzɛnuvɔɛ nɛ abhɛtɛ ehoeyi gelee kɔ yelete alɛ nɛ yɛ ebui mumɔɖɔ nɛm.

Axwɛwɛwa 2:1

Gɛ Pentekoste kiwi nɛ na, Banɔkpɛkpɛ nɛ petee be xogo aza ɔkɔ trokpo.

Axwɛwɛwa 2:42

Ba yɛkɔ balɛ ishu akɔ Banɔkpɛkpɛ anɛ kɛdɔ kɛkasɛ nɛ ketsukpɛkpɛ, kɔ kɛdɔŋɛŋa nɛ kɔ kpayakuklu.

Axwɛwɛwa 20:7

Nɛ ɔgɔnɛ nɛ kiwi tutɔpu nɛa bha bu ba xogo ŋa Ɔfufɔɛ mɛ dɔ. Paolo aɖɔ kaɖɔ etsre banɔ klɛ, alasɛ atrɔ sɛ aba shɛ nɛ keli tɛzɛzam so, aza kaɖɔ ɖuɖɔa bha ɔdɔnanɔ elishishitibha.

Romanɛ 12:8

onu kɛ nu kemikpɛkpɛ, kɔ yɛ akpɛ anɔ kemi, onu kinu kɛdɔdzyudzyɔ kɔ banɔ bhlatɔ, kɔ akɔɛ lɛ nɛ yɛ yam petee, onu kinu anɔnuzɛza, kɔ yɛ agbanɛ anɔ mɔmɔ; onu kinu eshutukubui didi, kɔ abhɛtɛ lɛ nɛ same.

1 Kɔrintioanɛ 11:20

Kibenɔ gɛ no bo xogo, ganɛ Apalete nɛ Ɔwulagoe dɔŋɛŋa nɛ nɔ ŋa,

1 Kɔrintioanɛ 14:23

Kɛlɛso onugɛ busɔlɛha petee bexogo klɛ anɔnyanɔ aɖɔ ɔfufɔɛmɛaɖɔ, klɛ beteli be tee nu kɛlɛesi ɔdɔgɔsɛ bagɛ ba dɛyɛkɛŋa nɛ aba, ba ta ɖɔ sɛ wunɔɛ tɔkpu ma?

1 Kɔrintioanɛ 14:3

Pɔ anɔnyanɔ gɛ aɖɔɛbuielu aɖɔaɖɔ kɔ banɔ kɔ balɛ tɛshishe atrɔ, kemikpɛkpɛ nɛ ɛyamyuyɔ.

1 Kɔrintioanɛ 3:13

yɛ kɛxwɛ nɛ ba kasɛ kɛdɔnɔ gɛ kɛ nu, alasɛ Kiwui nɛ ba bui lɛ yinɔ. Be be bui lɛ akasɛ nɛ kifu, klɛ kifu ba feke anɔnyanɔ kɛxwɛ nɛ tɛpɛpɛ̃ mɛ edi.

1 Kɔrintioanɛ 5:4

Kibe nɔ gɛ nɔ xogo nɛ Apalete Yesu nyi mɛ klɛ ɛlɛ wunɔɛ shi nɛ ɔfufɔɛ mɛ, klɛ bulɔ Apalete Yesu alɛ bulɔ shi,

Filipianɛ 4:5

Kɔ nɔ tɛyɛyɔ dzi kibui ɖɛɖɔ kɔ anɔnyanɔ. Apalete tɛbɛba tsyobunɔ.

1 Tɛsolonianɛ 4:18

Kɛlɛ so, nɔ yɛkɔ ebuianɛ ɔkpɛ ɔhaglɔ kemi nɔ.

1 Tɛsolonianɛ 5:11

Kɛlɛ so, nɔ kpɛ aglɔ kemi tɛ nɔ bhɔ aglɔ trɔ, ansɛ gɛ nɔ bhɛtɛ nɛ kɛgba mɛ.

Hebriuanɛ 10:24

Klɛ nɔ kɔ lɔ di kɛgɛ buba bhɛtɛ kɔ agulɔ kɔ ishudɛdɛmɛ anɛ adzyɔgo bhɛbhɛtɛ.

Hebriuanɛ 10:37

Agɔɛ bɔɛ kibe tɛbadze, “Agɛ yɛ ába abá ba klɛ atɛ ba gba kide.

Hebriuanɛ 13:22

Ma dzyalɛ, ɛkpɛtɔkpuesi kɔ nɔ tɛ nɔ bhɛtɛ trɔ mɛ kaɖɔɖuɖɔ abha, alasɛ keplukpa kplita ko mɛ ŋlɔmɛ kɔ nɔ.

Hebriuanɛ 3:13

Pɔ nɔ kpɛ ɛhaglɔ kemi kibenyɛbe, anasɛ gɛ be klu alɛ Obonɛ, so tɛ kizizi tɛ wɔɛ nɔ wɔnɔmɛayɛ kanyaka.

Yakobo 5:8

Wɔnɔ tsyɛ, nɔ dɔ fɔ̃ɔ tɛ nɔ za gɛganɛ, alasɛ Apalete nɛ tɛbɛba tsuu ba.

1 Petro 4:7

Ebui nɛ petee obekekɔ lɛ tsobunɔ. Kɛlɛso kɔ wɔɛ tɔkpu mɛ bhui anɛ̀ ishu-nyɛnyɛna sɛ tɛ nɔ na kpayaklu.

2 Petro 3:11

Nɛ kibelɛlɛ gɛ kɛdɔnyɛdɔ bazi nɛ kɛ dzoe nɛabha, banɔ ɖuweɖu di nɔ bɔ dzi? Kɛlɛsɛ tɛ nɔ za nɛ ɛkpã tɛ ɛlɛ shu ibhui klɛ tɛ nɔ za kpayamɛ

2 Petro 3:14

Kɛlɛso, ɔtsɔ̃ nɛ ɛbhɛya mumɔa, denɔ kibelɛlɛ gɛ no di otugba kɔ kibuinɛ, bhɛtɛ kɛkanyaka sɛ tɛ ba tɛmɔ ɔpɔɛzizi, tɛtsitsirenɔ nɛ tɛ nɔ za ishuyuyɔ mɛ nɛ yɛ.

2 Petro 3:9

Apalete ata gbɛede kɔ yɛ ebui bhɛbhɛtɛ gɛ aɖɔlu nɛ shu, anasɛ gɛ beteli nu kedegbɛgba nɛesi. Yɛ dzyi ayɔ nɛ wunɔ shu, ata pɛɛ sɛ anɔnyanɔ etsi, pɔ anɔnyanɔ aba tsyinaɛtemɛ.

Yuɖa 1:19

Balɛ enu banɔ nɛ gɛ aba pɔɛ nɔɛ shi, gɛ baa tɔ nɔ kanɔa nɛm ishumɛ ebuie de klɛ Ɔfufɔɛ nɛ ɔma balɛ ahwɛ.