Hebriuanɛ 10:23 - ONUGBÙ NYƐNYÃ VUVƆ

²³ Nɔ kɔlɔ nyɛna gɛganɛ kɛdzoenudidi gɛ bubu ɖɔ, alasɛ agɛ atɛɖɔlu enu ayɛyɛkɛŋa.

Hebriuanɛ 10:23 Iomraidhean Croise

1 Kɔrintioanɛ 1:9

Kpaya, gɛ eklu nɔ abhɛtɛ terikpo nɛ ye Yi Yesu Kristo bulɔ Apalete, enu anɔ yɛyɛkɛŋa.

1 Kɔrintioanɛ 10:13

Tɛfifekedi kanyaka ka vu wɔ dɛ kɛgɛ ba anɔnyanɔ abha. Klɛ Kpaya enu ayɛyɛkɛŋa, atɛ bakɔ tɛfifekedi dɛ kɛgɛ ɔtɛ bɔ na. Pɔ kibenɔ gɛ befeke wɔ di, aba kasɛ wɔ kidzo sɛ tɛ ɔga lɛabha tɛ obo koeyi nɛ lɛesi.

2 Kɔrintioanɛ 9:13

Alasɛ axwɛ nɛ gɛ ganɔ alɛ mɛ ɔyɛkɔ kasɛ wɔ shu nɔ, banɔ aba kpɛ Kpaya nɛa bha kɔ wɔ batɔtɛta nɛ gɛ aplɛnɔ wɔ idzyimɛ dɛdanɛ nɛ Kristo kibui nɛ mɛ, anɛ wɔ ɛyamyuyɔ nɛ kɛdɔ kukɔa lɛ anɛ nɛ anɔnyanɔ tsyɛ.

1 Tɛsolonianɛ 5:24

Anɔ nɛ gɛ eekulu nɔ, tɛyɛyɛkɛŋa lɛ yɛ ahwɛ klɛ aba bhɛtɛ kɛlɛ.

2 Tɛsolonianɛ 3:3

Pɔ Apalete nɛ alɛ tɛyɛyɛkɛŋam, klɛ aba kpɛ nɔ kemi klɛ aba kpɛ buka kana nɔ ebu denɔ ezizi nɛ ahwɛ mɛ.

Titusɛ 1:2

tɛyɛyɛkɛŋa anɛ kibuititi nɛ gɛ kɛ kpaplɛnɔ kidzoenudidi kɔ ɛkpã gɛ tɛ ba beke, gɛ Kpaya, gɛ eti hu otro, nɛ aɖɔɛ lɛ elu denɔ kibe nɛ kesikpɛkpɛ mɛ,

Hebriuanɛ 11:11

Tɛyɛyɛkɛŋa kɔ sɛ Abraham, eshe pɔ tsyɛ—klɛ Sara yɛnahwɛ ada mɔ eyi— bakɔ yɛ ebe dzi eyiaka alasɛ amɔ yɛ asɛ tɛyɛyɛkɛŋa lɛ yɛ ahwɛ gɛ batrɔlu kɔ yɛ.

Hebriuanɛ 3:1

Kɛlɛso ishubhubhui badzyalɛ Dzyɔgo, gɛ be klu denɔ owũsise, nɔ yɛkɔ wɔnɔɛ bui ɔtrɔ Yesu abha, anɔkpɛkpɛ anɛ Kpaya ɔzakɔanɔ gbɛgbla gɛ buyɛkɛ yɛabhaŋa.

Hebriuanɛ 3:14

Bu ba sɛ tɛ bubhɛtɛ terikpo nɛ Kristo onugɛ bu nyɛna yɛ gɛganɛ ɔdɔtɔnɔ tɛbibeke anɛ tɛyɛyɛkɛŋa gɛ bunyɛna vunɔ denɔ kesikpɛkpɛ.

Hebriuanɛ 3:6

Pɔ Yesu abhɛtɛ atrɔ ebui nɛabha anasɛ Kpaya yɛ yi nɛ yɛ bupa nɛ mɛ. Bulɔ nu yɛ bupa, onugɛ bu yɛkɔ ishu trɔ yɛabha klɛ budi yɛ dzoenu nɛ tɛyɛyɛkɛŋa.

Hebriuanɛ 4:14

Kɛlɛso gɛ kpayazakɔanɔ ɖɛɖama lɛ bulɔ ahwɛ, gɛ atɛ ga owũsise mɛ ekoeyi, Yesu Kpaya yɛ Yi, nɔ kɔ lɔ nyɛna yɛ gɛganɛ nɛ tɛyɛyɛkɛŋa gɛ bu ɖɔlu.

Hebriuanɛ 6:18

Kpaya abhɛtɛ kibui nɛ asɛ tɛ, ganɔ ebui tabha gɛ eti be tsyina mɛ gɛ kɛ tɛ ba za sɛ Kpaya ana otro hu, tɛ bulɔa gɛ tɛ fla da nyɛna kidzoenudidi nɛ mɛ gɛ ba kɔ lɔ nɛ vunɔ bu mɔ kemi gbɛgbla.

Yakobo 1:6

Pɔ onu gɛ ebisi, alasɛ tɛ ayɛkɛaŋa klɛ eti di kɛlɛ asɛ otro, alasɛ anɔ nɛ gɛ atɛ yɛkɛaŋa nɛ edzi ansɛ aƒu mɛ bunigiglebe, gɛ kɛlɛɛ fu kana.

Tɛbubukasɛ 3:11

Ɛɛba kplitaa. Nyɛna kɛ gɛ lɛ wɔahwɛ nɛ mɛ ovunɔ, sɛ tɛ anɔnyanɔ atɛ ba yɛkɛ wɔ bukusikutu.