Hebriuanɛ 10:10 - ONUGBÙ NYƐNYÃ VUVƆ

¹⁰ Klɛ nɛ kɛtɛtrɔɛ lɛlɛ nɛabha, bakɔ lɔ shu bhui ɔganɔ Yesu Kristo yɛ shu tysitsye trukpo ko abha.

Hebriuanɛ 10:10 Iomraidhean Croise

Yohanɛsɛ 17:19

Alasɛ iipulu mɛ nahwɛshu, sɛ tɛ ba lɛ tsyɛ ba ba plu shu kɛgbɛagba.

Yohanɛsɛ 19:34

Nɛlɛmaza, keyutugbanin teli ayɛkɔ kɛkpɛ ashɔ Yesu ɔwã nɛ mɛ klɛ buni anɛ dzyosu ekoeyi.

Yohanɛsɛ 6:51

Mɛ nu ɛkpã gbɛ̃gbɛ̃vu gɛ ede owũsise aba. Onugɛ anɔ teli atã gbɛ̃gbɛvui nɛ, aba za nɛ ɛkpã ɔvɛnɔ mabekemabeke. Gbɛ̃gbɛ̃vui nɛ kɛlɛ nu mɛ ishuidzya, gɛ ɛba yɛkɔ lu kɔ ɛkpã kɔ kanɔ.”

1 Kɔrintioanɛ 1:30

Alasɛ yɛ so gɛ nɔ lɛ Kristo Yesu mɛ, gɛ ebedzi kibuinyinyi gɛ de Kpaya ɔkɔ kɔlɔ—kɛlɛ nu, bulɔ tɛnɛna, ishubhubhui anɛ tɛbhubhuiyɛkɛ.

1 Kɔrintioanɛ 6:11

Kana wunɔ mayɛ teli nɔ za. Pɔ be plu nɔ shu, bakɔ wunɔ shubhui klɛ be bu nɔnu nɔ nɛ Apalete Yesu Kristo nɛ bulɔ Kpaya Ɔfufɔɛ nɛ mɛ.

Efesoanɛ 5:2

klɛ nɔ za nɛ kpã nɛ anɔɛbui dɛdɛmɛ mɛ, anasɛ gɛ Kristo adɛmɛ bulɔɛ bui klɛ ayɛkɔ ishu akɔ nɛ bulɔɛ tɔkpu anasɛ kɛdɔ lɛlɔ̃ huhu gɛ ayɛkɔ etsye Kpaya.

Efesoanɛ 5:26

tɛ akɔ ɛlɛshu bhui, eplu ɛlɛshu nɛ buni tɛwuwlu ɔganɔ kibui nɛabha,

Hebriuanɛ 10:12

Pɔ gɛ kpayazakɔanɔ ayɛkɔ kɛdɔ akɔ kibenyɛbe ishutsyitsye tirikpo kɔ buizizi, ada za Kpaya kɛŋahwɛ apɛ nɛ mɛ.

Hebriuanɛ 10:14

alasɛ nɛ ishuyɛyɛkɔtsye tirikpo mɛ abhɛtɛ lɛ kɛna kɔ bagɛ ba bhɛtɛ sɛ tɛ ba lɛ shu bhui ɔvɛnɔ mabeke mabeke.

Hebriuanɛ 10:20

ganɔ ɛkpã vuvɔ nɛ ɛlɛ tɛzɛza mɛ nɛ danɛ dzo ganɔ kedunuipɔtɛ nɛ gɛ nu yɛ ishuidzya nɛa bha,

Hebriuanɛ 10:29

Kɛlɛ lɛ nu anɔ teli etiti ɔtsɛrɛ nɛ Kpaya yɛ Yi abha, gɛ amɔ onugbunyɛnya dzyosu gɛ lɔ plu yɛ shu anasɛ kɛdɔ gɛ kɛlɛ shu dɛbhui, gɛ akula ɛyɛmɛyuyɔ anɔ Ɔfufɔɛ kideso gɛ bata tɛta yɛ batɔ gɛganɛ?

Hebriuanɛ 10:5

Kɛlɛso gɛ Kristo aba kanɔ nɛ mɛ, aɖɔ sɛ: “Ishutsyitsye anɛ kɛdɔkukɔ kɛ tɛ za wɔ li, pɔ ishuidzya nɔ bala kɔ mɛ,

Hebriuanɛ 13:12

Klɛ so Yesu tsyɛ amɔ butɔ nɛ ɔmagbla nɛ kedunu sɛ tɛ abhɛtɛ banɔ tɛ balɛ shu bbui ganɔ yɛ nahwɛ dzyosu nɛ mɛ.

Hebriuanɛ 2:11

Anɔ nɛ gɛ abhɛtɛ banɔ pɛ balɛ shu bhui anɛ bagɛ abhɛtɛ pɛ balɛ shu bhui nɛ petee benu bupa turukpom banɔ. So kɛwɛ̃ tɛ ku Yesu sɛ tɛ eklualɛ asɛ yɛadzyalɛ.

Hebriuanɛ 2:14

Gɛ ishuidzya anɛ dzyosu alɛ bunuvɔɛ nahwɛ, yɛtsyɛ ayɛkɔ tili nɛ balɛ anɔdzyrame tɛdzidzi mɛ sɛ ganɔ yɛ butsi mɛ tɛ ezi agɛ yɛ vunɔ butsi kemi—gɛ enu Abɔnsam—

Hebriuanɛ 5:7

Nɛ Yesu ɛkpã zɛza nɛ kesukpa nɛabha be, ayɛkɔ kpayakuklu anɛ tɛbibisi anɛ ogugu gɛganɛ anɛ ɛwɔ̃mɛ kɔ anɔ nɛ gɛ ebe bu yɛ denɔ butsi mɛ, klɛ be nu lɛ akɔ yɛ alasɛ nɛ́ yɛ́ ishu zhizhinɔ kɛtɔkpuesi kpɛkpɛ so.

Hebriuanɛ 7:27

Gɛ eti dzi anasɛ kpayazakɔanɔ ɖɛɖama bhlatɔ, kɛdɛ kɔ sɛ aza pɔɛ dɔ kiwui nyɛwui, putɔnɔ kɔ yɛnahwɛshu buzizi, klɛ nɛlɛede kɔ banɔ ebuikpã. Apɔɛ dɔ akɔ balɛ buzizi turikpo kɔ alɛ petee kibe lɛlɛ nɛ gɛ ayɛkɔ ishu akɔ.

Hebriuanɛ 9:12

Editsoku nɛ bepidzya anɛ banɛtsyɔɛeyi dzyosu, pɔ butsoku trukpo ko etsoku Ɔzakɔ Dzyɔgo Ɖɛɖamadɛ ganɔ yɛ nahwɛ dzyosua bha, kɛlɛmɛ ayɛkɛ tɛ bhubhuiyɛkɛ mabeke kɔ lɔ.

Hebriuanɛ 9:14

Kɛlɛ kɛ zɛ ba za dɛana sɛ, Kristo dzyosu gɛ ganɔ Ɔfufɔɛ gɛ oti beke nɛa bha ayɛkɔ yɛnahwɛ shu gɛ kɛpɔ ma kɛlɛ shu kɔ Kpaya, pɛ kɛ plu bulɔ atɔkpu nɛ mɛ anɛ ebui nɛ gɛ akpɛ anɔ nɛ butsi mɛ, sɛ tɛ bu dɛ kɛxwɛ kɔ ɛkpã Kpaya!

Hebriuanɛ 9:26

Kɛlɛalɛ Kristo agɛ ta mɔ butɔ ebe gelee odenɔ kanɔ kesikpɛkpɛ. Pɔ ɔtsɔnɛ aba bu ba tirikpo kɔ lɔ petee nɛ kanɔ bibeke ewia nɛ mɛ tɛ ayɛkɔ yɛshu egu bugu tɛ ebu ezizi nɛ atɛ̃.

Hebriuanɛ 9:28

so Kristo akɔ yɛ be yi yɛ bu yi trukpo sɛ tɛ ebu banɔ gelee ebuizizi nalɛ shu, klɛ azia ba bubhla, ganɛ sɛ tɛ aba bhɛtɛ kibuinyɛbui denɔ ebuizizi shu, pɔ amɛna ishu bhubhuiyɛkɛ kɔ bagɛ be po yɛ.

1 Petro 2:24

Kristo nahwɛ ayɛkɔ bulɔ ebuizizi nɛ akpɛ ishuidzya mɛ nɛ osi nɛ shu, sɛ tɛ bu ba tsi kɔ kizizi klɛ bu za nɛ ɛkpã kɔ kɛdzyɔgo bhɛbhɛtɛ, yɛ apɔ la kɔ sɛ bunya koeyi nɛ bulɔ shuimɛ.

1 Petro 3:18

Alasɛ Kristo etsi kɔ kizizi butsi tirikpo ko, kɔ banɔ dzyɔgo anɛ be zizi tɛ agbanɛ nɔ avɛnɔ Kpaya kɔ. Be yii yɛ nɛ ishuidzya mɛ pɔ ba bhɛtɛ yɛ alɛ nɛ ɛkpã ganɔ ɔfufɔɛ abha,

1 Yohanɛsɛ 5:6

Yɛ enu agɛ aba ganɔ buni anɛ̀ dzyosu mɛ—Yesu Kristo. Adɛ ba ganɔ buni tite mɛ, pɔ aba ganɔ buni anɛ̀ dzyosu mɛ. Klɛ Ɔfufɔɛ ɔlɛ ɖɔaɖɔ, alasɛ Ɔfufɔɛ ɔlɛ nu kɛgba.