Hebriuanɛ 1:6 - ONUGBÙ NYƐNYÃ VUVƆ

⁶ Klɛ ɔyɛkɔ plɛnɔ, gɛ Kpaya amɛna yɛyi tɛtɔpu nɛ kanɔ nɛ mɛ, aɖɔ sɛ, “Nɔ kɔ Kpaya baxwɛdɛ petee ba dɛ axwɛ kɔ yɛ.”

Hebriuanɛ 1:6 Iomraidhean Croise

Mateo 24:14

Klɛ ba ba ɖɔ bukusiɔŋakɔ kibui nɛ akana kanɔ nɛ mɛ petee ansɛ kibuimɔɖɔ kɔ amadi nɛ petee, klɛ flogo pɛ obekekɔ nɛ ɔbɔ ba.

Yohanɛsɛ 1:14

Kibui nɛ badzi ishuidzya klɛ abhɛtɛ yɛ ɔzakɔ nɛ bulɔɛ mɛ. Bumɔ yɛ ishubhubhui, ishubhubhui Terikpoe lɛlɛ klɛ Ɛlɛ ko, gɛ aba denɔ Aka nɛ ɔkɔ, gɛ eyuku nɛ ɛyamyuyɔ anɛ kɛgba.

Yohanɛsɛ 1:18

Anɔnyanɔ aka mɔ Kpaya edi, pɔ Kpaya Eyi nɛ̀ Terikpo, gɛ alɛ Aka nɛ wã, ye abhɛtɛ sɛ bu ti yɛ.

Yohanɛsɛ 3:16

“Alasɛ Kpaya adɛmɛnɔ nɛ kanɔ sɛ ayɛkɔ yɛa yɛ gɛ enu Eyianyɛ terikpo akɔ, sɛ tɛ anɔnyanɔ gɛ ayɛkɛ yɛabha ŋa eti be tsi pɔ aba mɔ ɛkpã mabeke.

Romanɛ 8:29

Alasɛ banɔ nɛ gɛ Kpaya enyi putɔnɔ atɛ bhɛtɛ alɛ sɛ tɛ ba za Yɛeyi nɛ tɛzɛzam, sɛ tɛ ebe dzi amumɔtutɔpu nɛ badzya gelee shi.

Koloseanɛ 1:15

Kristo yɛ tɛzɛzamɛ nu Kpaya gɛ ba ta mɔ, eyi tɛtɔpu kɔ kɛdɔ bhɛbhɛtɛ kanyaka.

Koloseanɛ 1:18

Klɛ yɛ nu kɛtɔkpu kɔ ishuidzya, busɔlɛɔha, yɛ nu kesikpɛkpɛ anɛ̀ eyi tɛtɔpu gɛ akpasɛ denɔ bekpu mɛ, sɛ tɛ nɛ kɛkanyaka mɛ aba yɛkɛ agbɛgbladɛ.

Hebriuanɛ 1:5

Alasɛ kɔ baxwɛdɛ ɖueɖu Kpaya eti tsre di sɛ, “Wɔ nu me Yi, obo nɛ idzi wɔ Aka”? Pɛnɔ ɔyɛkɔ plɛnɔ, “ɛba dzi yɛ Aka, klɛ ebe dzi me Yi”?

Hebriuanɛ 10:5

Kɛlɛso gɛ Kristo aba kanɔ nɛ mɛ, aɖɔ sɛ: “Ishutsyitsye anɛ kɛdɔkukɔ kɛ tɛ za wɔ li, pɔ ishuidzya nɔ bala kɔ mɛ,

1 Petro 3:22

gɛ avɛ owũsise klɛ ada za Kpaya yɛ ŋamɛ—nɛ baxwɛdɛ, kabhaŋɛŋa anɛ kɛmi anɛ ishuzhizhinɔ kesi kɔ yɛ.

1 Yohanɛsɛ 4:9

Kɛnɛ nɛ mɛ Kpaya akasɛ yɛ tɛdɛdɛmɛnɔ nɛ́ bulɔɛ shi: Asɛsɛ yɛ eyi klɛ ɛnu Eyianyɛ terikpo nɛ kanɔ nɛ mɛ sɛ tɛ bu za nɛ ɛkpã ganɔ yɛa bha.

Tɛbubukasɛ 1:5

anɛ denɔ Yesu Kristo ɔkɔ, gɛ yɛ enu ebuimɔɖɔ kɛgbɛagbayɛ, eyitutɔpu nɛ gɛ ba mɔ denɔ bekpu nɛ mɛ, anɛ agɛ yɛ aŋa bekusi nɛa bha anɛ kesukpa nɛa bha. Kɔ agɛ yɛa dɛmɛ lɔɛ bui klɛ ebu lɔ edenɔ bulɔ buzizi mɛ ganɔ yɛ dzyosu mɛ,