Hebriuanɛ 1:3 - ONUGBÙ NYƐNYÃ VUVƆ

³ Eyi yɛ nu kɛfutɛtã kɔ Kpaya otugbavɛvɛ klɛ ayɛkɔ Kpaya tɛzɛzɛmɛ, abhɛtɛ kɛdɔnyɛdɔ nɛ yɛ bupu kibui ɖuɖɔɛ mɛ. Gɛ akɔ ebuizizi tipuplu beke, ada za Ɔgbɛgblakɔ kɛŋamɛ nɛ owũsise.

Hebriuanɛ 1:3 Iomraidhean Croise

Mateo 22:24

Ba sɛ, “Adɔkasɛ, ” “Mosesɛ etsre lɔ sɛ onu gɛ anyɛ etsi pɛ kɛɛ lɛ sɛ adɛ mɔ beyi, kɛ lɛ sɛ tɛ yɛadzya nɔɔ gɛ alɛ nɛ ayɛkɔ yɛedzini nɛ agbanɔ tɛ amɔ beyi akɔ yɛ.

Marko 16:19

Gɛ Apalete Yesu aɖɔ ebuia nɛ etsrea lɛ beke nɛɛ, baa yɛkɔ yɛ avɛnɔ owũsise klɛ ede zhiaza Kpaya kɛŋam,

Yohanɛsɛ 1:14

Kibui nɛ badzi ishuidzya klɛ abhɛtɛ yɛ ɔzakɔ nɛ bulɔɛ mɛ. Bumɔ yɛ ishubhubhui, ishubhubhui Terikpoe lɛlɛ klɛ Ɛlɛ ko, gɛ aba denɔ Aka nɛ ɔkɔ, gɛ eyuku nɛ ɛyamyuyɔ anɛ kɛgba.

Yohanɛsɛ 1:29

Kiwui bhla nɛ Yohanɛsɛ amɔ Yesu aba yɛ ɔkɔ klɛ aɖɔ sɛ, “Di, Kpaya Obhoshieyi, agɛ yɛ ayɛkɔ kanɔɛmɛ ebuizizi nɛ ashɛ̃nɔ!

Yohanɛsɛ 1:4

Yɛ mɛ ɛkpã za, klɛ ɛkpã lɛlɛ ba dzi kifu gɛ deke kɔ banɔ.

Axwɛwɛwa 2:33

Be feke yɛ ada kpɛ Kpaya kɛŋahwɛ mɛ, klɛ ayɛkɛ Ɔfufɔɛ Dzyɔgo nɛ edenɔ Yaka ɔkɔ ansɛ gɛ aɖɔelu klɛ atɛ balɛ kɛ gɛ nɔɔ mɔ pɛ noo nu nɛ elu.

Axwɛwɛwa 7:56

Asɛ, “Di mɔ,” “Ɛmɔ owũsise lɔ danɛ klɛ Anɔdzyrame yɛ Eyi nɛ li kititi nɛ Kpaya kɛŋam.”

Romanɛ 1:16

Kɛwɛ̃ tɛɛ kum nɛ kibuidzyɔgo, alasɛ kɛlɛ nu Kpaya kemi kɔ anɔnyanɔ gɛ ayɛkɛaŋa nɛ tɛbubu, putɔnɔ kɔ Yuɖanɛ, ka kɔ bagɛ edi nu Yuɖanɛ nɛe.

Romanɛ 8:34

Anee nalɛlɛ nɛ gɛ ebuipɔ? Kristo Yesu, gɛ etsi, ɔyɛkɔ ɔdɛa na, gɛ be bu amɛna ɛkpã mɛ, akpasɛ Kpaya kɛŋa ɔhwɛ mɛ klɛ eke vuibue tsyɛ nɛ lɔɛ tɔkpu.

2 Kɔrintioanɛ 4:4

Kanɔanɛ mɛ kpaya nɛ epu aŋuhu kɔ bagɛ badɛ yɛkɛaŋa, so tɛ batɛ mɔ kibui dzyɔgo nɛ futɛtã gɛ kɛnu Kristo kabhaŋɛŋa gɛ alɛ Kpaya tɛzɛzɛmɛ.

Koloseanɛ 3:1

Nɛ kibelɛlɛ gɛ ba nyɛmɛ wɔ̃nɔ nɛ Kristo, nɔ trɔ wɔnɔ idzyi nɛ atrɔ kabha ebui nɛabha, ɔkɛlɛ Kristo edziesi nɛ Kpaya kɛŋa mɛ

Titusɛ 2:14

gɛ ayɛkɔ yɛ shu akɔ nɛ bulɔɛ tɔkpu sɛ tɛ ebu lɔ edenɔ kɛtɔkpum gɛganɛ petee mɛ tɛ epulu banɔ nɛ gɛ enu yɛnahwɛ ayɛ nɛ akɔ shu, gɛ ba pɛa sɛ tɛ ba bhɛtɛ kɛgɛ nu kɛdzyɔgo.

Hebriuanɛ 1:13

Kpaya baxwɛdɛ ɖuweɖu Kpaya etsre asɛ, “Za mɛ kɛŋahwɛ nɛ mɛ ɔdɔtɔnɔ kibe gɛ ɛba bhɛtɛ bagɛ bata pɛɛ wɔɛ bui katsrɛkpɔegbu kɔ wɔ butsrɛkpɔ.”

Hebriuanɛ 10:12

Pɔ gɛ kpayazakɔanɔ ayɛkɔ kɛdɔ akɔ kibenyɛbe ishutsyitsye tirikpo kɔ buizizi, ada za Kpaya kɛŋahwɛ apɛ nɛ mɛ.

Hebriuanɛ 12:2

Nɔ kɔ lɔ yɛkɔ bulɔ awɔ̃hu trɔ Yesu abha, yɛ lu tɛyɛyɛkɛŋa nɛesi klɛ abhɛtɛ lɛ kɛna. Gɛ enyi same nɛ gɛ alɛ otugba kɔ yɛ so, evu idzyi akpɛte amɔ butɔ nɛ butsiosi shu, klɛ ayɛ kɛ ɔlɛ kɛwɔɛ̃, klɛ ada za Kpaya kegbu nɛ kɛŋa nɛ mɛ.

Hebriuanɛ 4:14

Kɛlɛso gɛ kpayazakɔanɔ ɖɛɖama lɛ bulɔ ahwɛ, gɛ atɛ ga owũsise mɛ ekoeyi, Yesu Kpaya yɛ Yi, nɔ kɔ lɔ nyɛna yɛ gɛganɛ nɛ tɛyɛyɛkɛŋa gɛ bu ɖɔlu.

Hebriuanɛ 7:27

Gɛ eti dzi anasɛ kpayazakɔanɔ ɖɛɖama bhlatɔ, kɛdɛ kɔ sɛ aza pɔɛ dɔ kiwui nyɛwui, putɔnɔ kɔ yɛnahwɛshu buzizi, klɛ nɛlɛede kɔ banɔ ebuikpã. Apɔɛ dɔ akɔ balɛ buzizi turikpo kɔ alɛ petee kibe lɛlɛ nɛ gɛ ayɛkɔ ishu akɔ.

Hebriuanɛ 8:1

Kibui nɛ kɛkpã gɛ buɖɔ nɛ kɛlɛ nu kɛnɛ: kpayazakɔanɔ ɖɛɖama nɛɛ di alɛ bulɔ ahwɛ, gɛ aza kegbu nɛabha nɛ Otugbavɛvɛ Aka nɛ ɔbha nɛ owũsise,

Hebriuanɛ 9:16

Nɛ kededɔŋɛŋa keplukpa sɛ te kawa kɛxwɔɛ, kɛlɛsɛ anɔ nɛ gɛ atɛ tsi ba trɔ ahwɛ nɛ yɛ bu tsi nɛabha,

Hebriuanɛ 9:26

Kɛlɛalɛ Kristo agɛ ta mɔ butɔ ebe gelee odenɔ kanɔ kesikpɛkpɛ. Pɔ ɔtsɔnɛ aba bu ba tirikpo kɔ lɔ petee nɛ kanɔ bibeke ewia nɛ mɛ tɛ ayɛkɔ yɛshu egu bugu tɛ ebu ezizi nɛ atɛ̃.

1 Petro 1:21

Ganɔ yɛabha nɔ yɛ kɛ Kpaya abhaŋa, agɛ anyɛmɛ yɛ edenɔ bekpui mɛ klɛ akpɛ yɛ nyi nɛabha klɛ so wũnɔ tɛyɛyɛkɛŋa nɛ yɛ kidzo abha didi lɛ Kpaya mɛ.

1 Petro 3:22

gɛ avɛ owũsise klɛ ada za Kpaya yɛ ŋamɛ—nɛ baxwɛdɛ, kabhaŋɛŋa anɛ kɛmi anɛ ishuzhizhinɔ kesi kɔ yɛ.

2 Petro 1:16

Bu dɛ za ebuifɛfatɛ ede kibelɛlɛ gɛ bu tsre nɔ denɔ kemi anɛ̀ bulɔ Apalete Yesu Kristo yɛ tɛbɛba, pɔ bu dzi ebuimɔɖɔ kɔ yɛ tɛgbɛgbla.

2 Petro 1:17

Alasɛ ayɛkɛ kabhaŋɛŋa anɛ tɛbhubhui denɔ Aka Kpaya kɔ nɛ kibelɛlɛ gɛ kaɖɔɖuɖɔ nɛ aba kɔ yɛ denɔ Kabhakpɛkpɛ Gbɛgbladɛ ɔkɔ, kaɖɔ sɛ, “Ye nu mɛ Eyianyɛ, gɛ ɛdɛmɛnɔ, nɛ yɛ ɛpɛɛ yɛ bui mɔmɔ.”

1 Yohanɛsɛ 1:7

Pɔ onugɛ bu ga nɛ obhubhuikɔ, anasɛ gɛ alɛ nɛ obhubhuikɔ, bu yɛkɛ terikpo bhɛbhɛtɛ nɛ ɔhaglɔ, klɛ ye Yianyɛ Yesu dzyosu, eplu buzizi petee bu nɛ bulɔ shu.

1 Yohanɛsɛ 3:5

Pɔ nɔ nyi sɛ aba sɛ tɛ ayɛkɔ bulɔ ebuikpã ashɛnɔ. Klɛ yɛ mɛ kibuikpã ma.

Yuɖa 1:25

ishubhubhui, bukusi, kemi anɛ kabhaŋɛŋa kɔ Kpaya terikpo bulɔ Ayɛyɛkɛkɔ, ganɔ Yesu Kristo bulɔ Apalete, kɔ ebe nɛ petee, denɔ ɔtsɔ̃ ɔvɛnɔ mabeke mabekem! Tɛlɛbɛlɛm.

Tɛbubukasɛ 3:21

Aanɔ nɛ gɛ aŋɛabha, ɛba kɔ yɛ kidzo sɛ tɛ aza mɛ kegbu nɛa bha plɛnɔ mɛ, ansɛ kana gɛ ɛŋɛabha klɛ mɛ zhiza Maka kegbu nɛa bha plɛnɔ yɛ.

Tɛbubukasɛ 4:11

“Wɔ kedziŋɛŋa kalɛ wɔ, bulɔ Apalete anɛ Kpaya, tɛ ɔyɛkɛ ishubhubhui anɛ kabhakpɛkpɛ anɛ kemi, alasɛ wɔ bhɛtɛ kɛdɔnyɛdɔ petee, klɛ ganɔ wɔ tɛdɛdɛmɛ mɛ la bhɛtɛ lɛ klɛ ba mɔ balɛ tɛzɛzam.”