Efesoanɛ 2:3 - ONUGBÙ NYƐNYÃ VUVƆ

³ Bulɔ petee tsyɛ bu tɛza balɛ shi nɛ kibe tili, klɛ bu kpɛ bulɔ buzizi ɛkpã tɛpɛpɛɛ nɛabha klɛ bu lɛ kɛlɛ tɛpɛpɛede nɛ bulɔ atɔkpuimɛ. Anasɛ bagugɔɛ, nɛ tɛmumɔe mɛ bulɛ kɔ butɔ.

Efesoanɛ 2:3 Iomraidhean Croise

Marko 4:19

pɔ kanɔa nɛ mɛ butɔ, ehoeyi anɔ wɛwɛɛ, nɛ kɛnɔmɛdɔ tɛpɛpɛ she da kibui nɛ balɛ mɛ, gɛ kɛ kɔ sɛ kibui nɛ dɛ yu.

Yohanɛsɛ 1:13

banuvɔ gɛ ba dɛ mɔa lɛ aganɔ tɛmumɔɛ dzo nɛa bha, ɔdɔgɔsɛ ganɔ anɔdzyrame tɛtutrɔ mɛ ɔdɔgɔsɛ adzɛenyine tɛpɛpɛɛ nu, pɔ Kpaya mɛ la mɔa lɛ.

Yohanɛsɛ 8:44

Wunɔ aka, gɛ enu Abɔnsam, ye yialɛ nɔ nu klɛ nɔ pɛɛ sɛ tɛ nɔ bhɛtɛ ɔtrɔ wunɔ aka tɛpɛpɛɛ nɛabha. Enu akpɛnɛ denɔ kesikpɛkpɛ nɛ ke, kibui gbɛagba ma yɛ ahwɛ, alasɛ kibui gbɛagba ma yɛ mɛ. Kibenɔ nɛ gɛ ehu otro, ehu yɛ epi bunuhu, alasɛ enu otroelete klɛ yɛ enu itro lete petee aka.

Axwɛwɛwa 14:16

Nɛ kibe nɛ gɛ ba fla nɛ mɛ, Kpaya akɔ sɛ amadigbla nɛ petee ayɛkɔ alɛ edzo.

Romanɛ 1:24

Kɛlɛso Kpaya ashɛnahwɛ balɛ shu akpɛ balɛ buzizi idzyim kɛdɔ tɛpɛpɛɛ kɔ azhuzhɔlɛbui bhɛbhɛtɛ kɔ awɛ̃bui bhɛbhɛtɛ nɛ balɛ ishu nɛ aglɔm.

Romanɛ 11:30

Ansɛ gɛ wɔnɔ nɛ kibe tilim gɛ nɔ dɛ ta Kpaya batɔ pɛ ɔtsɔ̃ nɔ bɔ mɔ eshutuku didi denɔ balɛ batɔ matamata shu,

Romanɛ 13:14

Nɛ kɛlɛ mɛ, nɔ yɛkɔ Apalete Yesu Kristo nɛ onyumu, klɛ no tɛ bhɛtɛ kɛtɔkpum nɛ kana gɛ nɔ bɔ kpɛ buzizi mɛ tɛzɛza tɛpɛpɛɛ nɛ kabha.

Romanɛ 2:14

(Kɛlɛɛ lɛm sɛ, kibelɛ gɛ bagɛ edi nu Yuɖanɛ, pɛ ɔshã nɛ ɔma balɛ ahwɛ, nɛ kanɔmɛ nu balɛ abhɛtɛ ebui nɛ gɛ ɔshã nɛ obisi, balɛ nahwɛ nɛ be nu ɔshã kɔ shu, ɔshã nɛ ɔnyɔ ma balɛ ahwɛ pɔ,

Romanɛ 5:10

Alasɛ onu gɛ, kibe lɛ gɛ bu nu banɔ gɛ bu dɛ pɛɛ Kpaya, ba kpɛ bulɔ ɛhwɛetsu ganɔ Yɛeyi nɛ titsitsi mɛ, kɛlɛ kɛ taa za sɛ, gɛ ba tɛ kpɛ lɔ ɛhwɛetsu, be tee bu lɔ ganɔ yɛ ɛkpã nɛ mɛ!

Romanɛ 5:9

Ɔtsɔ̃ nɛ gɛ ba tɛ danɛ lɔ shu ganɔ yɛ dzyosu nɛ mɛ, kɛlɛ kɛ zɛ ba za sɛ be tee bulɔ edenɔ Kpaya obulo nɛ mɛ ganɔ yɛa bha!

Romanɛ 6:12

Kɛlɛso, nɔ tɛ kɔ sɛ buzizi ŋa wɔnɔa bha nɛ ishuidzyam sɛ tɛ nɔ bɔ ta batɔ nɛ ɛlɛ tɛpɛpɛɛ tsutsɔmɔ.

Romanɛ 7:18

Ɛnyi sɛ kɛdzyɔgo kanyaka ma mɛ́mɛ, kɛlɛ nu sɛ, nɛ mɛ buzizi tɛzɛza nɛ mɛ. Alasɛ tɛpɛpɛɛ sɛ tɛ ɛbhɛtɛ kɛdzyɔgo nɛ kpasɛ mɛ́mɛ, pɔ ɛtɛ na kɛlɛ bubhɛtɛ.

Romanɛ 9:22

Kɛlɛ kide, onu gɛ Kpaya, aba pɛa sɛ tɛ akasɛ yɛ obulo tɛ be ti yɛ kemi, gɛ tɛdɛdɔfɔ̃ɔ gelee lɛ yɛahwɛ nɛ bagɛ balɛ amɔ obulo nɛ nɔ—ba tɛ bala elu kɔ tɛzizi?

1 Kɔrintioanɛ 4:7

So ane yɛ abhɛtɛ wɔ ɔgatɔ nɛ anɔ teli shu? Kide gɛ lɛ wɔ ahwɛ gɛ ɔdɛ yɛkɛ lɛ? Klɛ onugɛ ɔyɛkɛ lɛ, kɛdeso gɛ ɔfekeshu anasɛ kɛlɛlɛmɛ ɔdɛ na yɛkɛ?

2 Kɔrintioanɛ 7:1

Mɛ ɛbhɛalɛ, Nɛ kibelɛlɛ gɛ atɔnu alɛ bulɔ ahwɛ, mɛ ɔbhɛya lɛ mumɔa, nɔ kɔ lɔ plu bulɔnahwɛshu denɔ kɛdɔnyɛdɔ gɛ kɛba tutru lɔ shuidzya anɛ ɔfufɔɛ, sɛ tɛ bu za amɛ bhubhui mɛ kɔ Kpaya.

Galatianɛ 3:22

Pɔ Tɛŋuŋlɔmɛ anɛ buɖɔ sɛ ba kpɛ kanɔ petee nu kizizi evuza, sɛ tɛ kɛ gɛ ba trɔlu, ba yɛkɛ lɛ akɔ aganɔ Yesu Kristo tɛyɛyɛkɛŋa abha, ba bayɛkɛ akɔ bagɛ bayɛkɛŋa.

Efesoanɛ 2:2

nɛ gɛ nɔ za kanɔ mɛ ebui nɛede klɛ agɛ aŋa bukusi nɛ kɛlɛmɛ, ɔfufɔɛ nɛ gɛ lɔ waɛxwɛ ɔtsɔ̃nɛ nɛ́ bagɛ ba ta ta tɔ nɛ mɛ.

Efesoanɛ 4:22

Bakasɛ ɛkpã kuku gɛ nɔ za bafla tɛ nɔshɛnahwɛ ɛkuku nɛ shu, gɛ butsutsɔmɔ wɔɛ nɔ kpɛ buzizi mɛ,

Koloseanɛ 1:21

Nɛ kibe tili gɛ nɔ za odzidze kɔ denɔ Kpaya ɔbha klɛ nɔ dzi banɔ gɛ ba dɛ pɛɛ yɛ bui nɛ wɔnɔ atɔkpu mɛ alasɛ wɔnɔ ebuikpã bhɛbhɛtɛ so.

1 Tɛsolonianɛ 4:13

Badzya mɔ, bu dɛ pɛɛ sɛ tɛ no titi kibuinyɛbui odenɔ bagɛ be ti tsi nɛ shu, ɔdɔgɔsɛ tɛ no tsishu ansɛ banɔ gɔgɔɛ, gɛ kidzoenudidi ma kɔa lɛ.

1 Tɛsolonianɛ 5:6

Kɛlɛ so, nɔ tɛ kɔ lɔ za ansɛ banɔ gɔgɔɛ, gɛ bedzi adɔ tra, pɔ nɔ kɔ lɔ za nɛ awɔ̃ nɛ ishuabhaŋɛŋa.

1 Timotio 6:9

Banɔ nɛ gɛ ba pɛa sɛ tɛ be dzi ehoeyielete ba wɔlɛ eku tɛfifeke di mɛ anɛ kɛgbam anɛ bugã gelee mɛ anɛ kɛdɔpɛpɛ gɛ zi dɔ pɛ kɛɛ gbanɔ banɔ da kpɛ butsyrɔ anɛ tɛbibeke mɛ.

Titusɛ 3:3

Nɛ kibe tili mɛ, bulɔ tsyɛ bu tɛ dɔ gã, bu dɛ taa tɔ, ba wɛɛ lɔ klɛ la bhɛtɛ lɔ banɔdzidzi ganɔ tɛpɛpɛɛ kanyaka di mɛ anɛ ba same mumɔm. Bu za nɛ atɔkpumkpã anɛ kawɔ̃kpɛ, ba dɛ pɛɛ bulɔɛ bui klɛ bulɔ tsyɛ dɛ pɛɛ ɔhayɛ bui.

1 Petro 1:14

Anasɛ banuvɔ gɛ ba tatɔ, nɔ tɛ kɔ ebuizizi pɛpɛɛ laza wũnɔ ahwɛ kibelɛlɛ nɛ gɛ nɔ za matimati mɛ.

2 Petro 2:14

Balɛ aŋɔhu yuku nɛ aglɔbui, ba dɛ zukɔlɔ ebuikpã bhɛbhɛtɛ, ba wɔɛ bagɛ bebotso akpɛ kɛgba mɛ, benyi kɛdɔ gbɛgbla pɛpɛɛ—ba ɖɔ kibuikpã akpɛ alɛ!

2 Petro 2:18

Alasɛ ba lɛ nɛ onugbu kpɛkpa, ishufifeke buɖɔ klɛ, ba pɛɛ kɔ aglɔbui bhɛbhɛtɛ anɛ anɔdzyrame ɛkpãzizi zɛza, ba tɔɛgba kɔ banɔ gɛ bakpɛesi sɛ tɛ be koeyi nɛ bagɛ ba lɛ ebuikpã nɛ mɛ.

1 Yohanɛsɛ 2:16

Alasɛ kɛdɔnyɛdɔ nɛ kanɔ nɛ mɛ—anɔkpã awɔ̃hu dzɛdzã, kɔɛ dɔ klɛ nɛ̀ ɛshu fifeke kɔ kɛdɔ gɛ kɛ lɛ yahwɛ anɛ̀ kɛgɛ abhɛtɛ— kɛ dɛ de Aka nɔ kɔ pɔ kɛ de kanɔ nɛ ɔkɔ.

1 Yohanɛsɛ 2:8

Tsyɛ nɛ ɛŋlɔmɛ ɔshã vuvɔ kɔ nɔ, ba mɔ ɔlɛ kɛgbɛagba nɛ yɛ mɛ nɛ̀ wũnɔɛ mɛ, alasɛ otumu lɔ fla klɛ kifu kɛgbɛagba kɛ tɛ tenɛ tã.