Efesoanɛ 1:8 - ONUGBÙ NYƐNYÃ VUVƆ

⁸ sɛ akɔ lɔ kibuinyinyi nɛ kibuiesinunu gelee dɛ.

Efesoanɛ 1:8 Iomraidhean Croise

Mateo 11:19

Anɔdzyrame yɛ Eyi nɛ aba nɛ kɛdɔŋɛŋa nɛ kɛdɔwɛ̃wɛ̃, klɛ baa ɖɔ asɛ, ‘Adɔŋagbla anɛ eluwɛ̃ naa, badɔdzyɔ anɛ buziziabhɛtɛ nɛ ɔbhɛa.’ Pɔ kibuinyinyi bu kasɛ nɛ yɛ axwɛwɛwa nɛ mɛ.”

Romanɛ 11:33

O, Kibuinyinyi dzudzu mɛ kɛkesrɔdɔ anɛ Kpaya kibuititi! Yɛ kebhuikuklu kama gɛ ɔbɔ na kalɛ mɛ nyɔ, klɛ yɛ kidzo buwanu ma gɛ ɔbɔ naa kpɛ!

Romanɛ 5:15

Pɔ kɛdɔkukɔ nɛ tɛ dzi ansɛ buzizi. Alasɛ onu gɛ, banɔ gelee be ti tsi akpɛ anɔ terikpo teli buzizi, kɛlɛ lɛ taa za sɛ Kpaya ɛyamyuyɔ anɛ kɛdɔkukɔ nɛ gɛ ba, ganɔ anɔ terikpo, Yesu Kristoa bha, pɛ kɛ da kpɛ vɛ banɔ gelee ɔkɔ!

1 Kɔrintioanɛ 2:7

Ao, bu ɖɔ Kpaya kibuinyinyi kpukpu, kibuinyinyi gɛ ayɛkɔ ekpu klɛ Kpaya abhɛtɛ kɔ bulɔ kabhaŋɛŋa flogo gɛ abhɛtɛ kanɔ.

Efesoanɛ 1:11

Nɛ yɛ mɛ be klu lɔ tsyɛ, be klu lɔ nɛ ebui bhɛbhɛtɛ nɛ nu gɛ kɛwaɛxwɛ nɛ kɛkanyaka mɛ nɛ yɛ tɛtɛtrɔ nɛabha,

Efesoanɛ 1:7

Nɛ yɛ mɛ bu mɔ tɛbhubhuiyɛkɛ ganɔ yɛ dzyosu nɛ mɛ, ebuikpã tsyitsye, anɛ Kpaya kedziŋɛŋa kɛdɔkukɔ mɛ

Efesoanɛ 1:9

Klɛ akɔ lɔ ti yɛ tɛpɛpɛɛ ebuikpukpu anɛ yɛ tɛpɛpɛɛ dzyɔgo gɛ abhɛtɛlu nɛ Kristo mɛ,

Efesoanɛ 3:10

Yɛ tɛpɛpɛɛ kɛlɛ dzi sɛ ɔtsɔnɛ, ganɔ busɔlɛha nɛabha, be bu Kpaya kibuinyinyi gelee ba kɔalɛ tii kɔ bagɛ baŋakabha anɛ kemielete nɛ́ owũsise kanɔ mɛ,

Koloseanɛ 2:3

nɛ kɛlɛ mɛ le kpu kibuinyinyi anɛ̀ kibuititi petee ɔbalakɔ.

Yuɖa 1:25

ishubhubhui, bukusi, kemi anɛ kabhaŋɛŋa kɔ Kpaya terikpo bulɔ Ayɛyɛkɛkɔ, ganɔ Yesu Kristo bulɔ Apalete, kɔ ebe nɛ petee, denɔ ɔtsɔ̃ ɔvɛnɔ mabeke mabekem! Tɛlɛbɛlɛm.

Tɛbubukasɛ 5:12

Nɛ ili mɛ gɛganɛɛ klɛ la zha ɛdzɛ asɛ: “Obhoshieyi nɛ gɛ beyi, kedziŋɛŋa lɛ ɔlɛ, sɛ tɛ lɔ yɛkɛ kemi anɛ kɛnɔmdɔ anɛ kibuinyinyi anɛ bugɛganɛ anɛ anɔdidi anɛ ishubhubhui anɛ kabhakpɛkpɛ!”