Axwɛwɛwa 8:7 - ONUGBÙ NYƐNYÃ VUVƆ

⁷ Ganɔ igugu kpɛkpɛ mɛ ɛfufɔɛkpã koeyi nɛ banɔ geleem, klɛ bagɛ bagba nɛ akpatanɛ banya ne beke.

Axwɛwɛwa 8:7 Iomraidhean Croise

Mateo 10:1

Yesu ekulu yɛ badɔkpasɛ lɔfɔntɛabha nɛ amɛna yɛ ɔbha klɛ akɔ balɛ kabhaŋɛŋa sɛ tɛ ba yɛkɔ akɛka ɛfufɔɛkpã ebu tɛ be beke banyanyanyɛ di.

Mateo 11:5

awɔ̃hũ pupuelete nɛ ba kpaa mɔ, akpatanɛ alɔa ga, bunya dzɛdzãelete nɛ banya nɛ ba shɛ, batɔpu nɛ ba kpa nu, betsitsi nɛ ba nyɛmɛ, klɛ ba ɖɔ kibui dzyɔgo nɛ etsre betsyutsyuini.

Mateo 4:24

Be nu yɛ dɔ akana Siria petee, klɛ banɔa gbanɔ balɛ banyɛnya edidedi amɛna yɛ, banɔ teli nɛ ishutɛtã, beteli ɛfufɔɛkpã vua lɛ, beteli baa wɔlɛ ebho, klɛ beteli bagba klɛ ebeke balɛ banya nɛ petee.

Marko 9:26

Ɔfufɔɛ nɛ ɔxlɔ̃, klɛ lɔ hwa nɛ yɛ gɛganɛɛ, klɛ lɔ fla okoeyi. Anuvɔ nɛ awɛ̃ nɛ banɔ nɛ amɛ ansɛ anɔ tsitsi. So banɔ gelee aɖɔ sɛ, “Etsi.”

Luka 10:17

Banɔ afɛtegene nɛ tiabha be tsodzi aba nɛ̀ same klɛ baɖɔ sɛ, “Apalete, ɛfufɔɛ zizi nɛ kuratsyɛ bakɔɛ tɔkpu nɛ wɔɛ nyimɛ.”

Yohanɛsɛ 14:12

Kɛ bui gbɛagba mɛ tsre nɔ, anɔnyanɔ gɛ tɛyɛyɛkɛŋa lɛ yɛ awɛ nɛ mɛ́ mɛ aba bhɛtɛ kɛdɔnyɛdɔ gɛ ɛbhɛtɛ. Aba bhɛtɛdɛ ebui gbɛgbla dɛ anɛ nɛ tsyɛ, alasɛ ɛvɛ Aka nɛ ɔkɔ.

Axwɛwɛwa 5:16

Banɔɛza tsyɛ xogo denɔ ɛma nɛ gɛ lɛ kana Yerusalɛm nɛm, ba gbanɔ balɛ banyɛnya nɛ gɛ ɛfufɔɛkpã nɛ kpɛ bunuhu na mɛna klɛ balɛ petee banya nɛ beke.

Axwɛwɛwa 8:6

Gɛ banɔɛza nɛ nu Flipo kɛdɔ klɛ la mɔ kɛdɔmumɔ nɛ gɛ bhɛtɛ bi nɛɛ, balɛ pete vu awɔ̃hũ nɛ agɛ aɖɔ.

Hebriuanɛ 2:4

Kpaya tsyɛ ebuilɛ akasɛ nɛ ebuimumɔ, kifuebui anɛ ebuiyinɔanɔ ediedi, anɛ kɛdɔ kukɔ denɔ Ɔfufɔɛ Dzyɔgo nɛ dɔ yɛyakɔ anɔ nɛ yɛ tɛpɛpɛɛ.